Talisay LTES

22/03/2026

𝐒𝐈𝐍𝐎 𝐃𝐈𝐓𝐎 𝐍𝐀𝐆𝐑𝐀𝐑𝐀𝐋𝐎 𝐍𝐆 𝐑𝐎𝐋𝐁𝐎𝐗?🎮

Sa kabila ng kasikatan nito bilang plataporma para sa libangan at pagkamalikhain, pinag-aaralan ngayon ng Department of Information and Communications Technology (DICT), kasama ang Cybercrime Investigation and Coordinating Center (CICC), kung dapat bang higpitan o tuluyang ipagbawal sa bansa ang online game na Roblox dahil sa umano’y masasamang epekto nito sa kabataan.

LibisHenyos, ano ang opinyon mo tungkol dito?

10/03/2026

Big Wins for The Talisay and Talisay!

We are immensely proud to announce that the official publications of Libis Talisay Elementary School have once again proven their excellence at the Regional Schools Press Conference (RSPC) 2026 Search for Most Outstanding School Paper !

Our Award-Winning Publications
• The Talisay (English)
3rd Place – News Section - NSPC Qualifier!
Editor-in-Chief: Prince Lance A. Agasen
School Paper Advisers: Mark Arvin M. Celeste & Genelyn B. Bracamonte

• Talisay (Filipino)
6th Place – News Section
Editor-in-Chief: Jacel May Cachero
School Paper Advisers: Mark Arvin M. Celeste & Janice L. Alabat

These achievements are a direct result of the dedication, critical thinking, and relentless passion of our young campus journalists and their advisers. A massive thank you to our supportive leadership for fostering a culture of excellence in the Schools Division of Caloocan:
• Maria Idel C. Malay – Principal
• Dr. Roselie M. Apuan – PSDS
• Mr. Tommy R. Rico – Division Journalism Coordinator

We are so proud to see our students’ voices resonating at the regional level and beyond. Onward to the National Schools Press Conference (NSPC)!

Congratulations, Team Talisay! Keep telling the stories that matter.

07/03/2026

Babae Ka, Hindi Babae Lang

Tuwing buwan ng Marso, ipinagdiriwang sa buong bansa ang National Women’s Month bilang pagkilala sa mahalagang papel ng kababaihan sa paghubog at pag-unlad ng lipunan. Layunin ng pagdiriwang na bigyang-pugay ang kanilang mga ambag sa iba’t ibang larangan at patuloy na itaguyod ang pagkakapantay-pantay ng kasarian.

Kaisa sa pagdiriwang na ito ang Libis Talisay Elementary School, na patuloy na kumikilala sa kakayahan at kontribusyon ng mga kababaihan sa loob ng paaralan at komunidad. Maraming g**o, kawani, at mag-aaral na babae sa paaralan ang nagsisilbing inspirasyon sa pamamagitan ng kanilang sipag, talino, at dedikasyon sa pag-aaral at paglilingkod.

Sa paglipas ng panahon, napatunayan ng kababaihan na kaya nilang makipagsabayan sa iba’t ibang gawain at propesyon. Hindi lamang sila kinikilala bilang mga ina at tagapag-alaga ng pamilya, kundi bilang mga lider, g**o, manggagawa, at mga huwaran sa komunidad. Sa kanilang determinasyon at kakayahan, malaki ang kanilang naitutulong sa pag-unlad ng bansa.

Binibigyang-diin ng mensaheng “Babae ka, hindi babae lang” na ang kababaihan ay may kakayahan at lakas upang makamit ang kanilang mga pangarap at maging bahagi ng pagbabago sa lipunan. Isa itong paalala na ang pagiging babae ay hindi hadlang sa tagumpay.

Sa kasaysayan ng bansa, maraming kababaihan ang nagsilbing simbolo ng tapang at pamumuno. Isa na rito si Corazon Aquino na nagpakita ng matatag na pamumuno at naging mahalagang bahagi sa muling pagtataguyod ng demokrasya sa Pilipinas.

Sa pagdiriwang ng Women’s Month, hinihikayat ng Libis Talisay Elementary School ang bawat isa na igalang, suportahan, at pahalagahan ang mga kababaihan sa kanilang patuloy na kontribusyon sa paaralan at lipunan. Sa ganitong paraan, mas mapapalakas ang kanilang papel sa pagbuo ng isang makatarungan, pantay, at maunlad na komunidad.

✍️:: Edrian Odtojan
🎨:: Asha Cortes

05/03/2026

20/02/2026

𝐓𝐖𝐈𝐂𝐄 𝐓𝐇𝐄 𝐄𝐗𝐂𝐄𝐋𝐋𝐄𝐍𝐂𝐄
𝐓𝐚𝐥𝐢𝐬𝐚𝐲 𝐚𝐧𝐝 𝐓𝐡𝐞 𝐓𝐚𝐥𝐢𝐬𝐚𝐲 𝐚𝐫𝐞 𝐛𝐨𝐭𝐡 𝐂𝐚𝐥𝐨𝐨𝐜𝐚𝐧 𝐂𝐢𝐭𝐲’𝐬 𝟐𝐧𝐝 𝐁𝐞𝐬𝐭 𝐒𝐜𝐡𝐨𝐨𝐥 𝐏𝐚𝐩𝐞𝐫𝐬!

The pens are sharp, and the stories are even sharper. We are beyond proud to announce that The Talisay and Ang Talisay have secured back-to-back victories at the Caloocan City Division level, proving that excellence knows no language barrier!

Both our English and Filipino publications have been recognized as the 2nd Best Outstanding School Publications in the city, sweeping a consistent 2nd Place across ALL special categories.

The Talisay (English)
🥈 2nd Best School Paper - Overall (Elementary)
🥈 2nd Best Page Layout Design:
🥈 2nd BestNews Section
🥈 2nd Best Editorial Section
🥈 2nd Best Features Section
🥈 2nd Best Sports Section
🥈 2nd Best Science and Technology Section

Ang Talisay (Filipino)
🥈 2nd Best School Paper - Overall (Elementary)
🥈 2nd Best Page Layout Design:
🥈 2nd BestNews Section
🥈 2nd Best Editorial Section
🥈 2nd Best Features Section
🥈 2nd Best Sports Section
🥈 2nd Best Science and Technology Section

The Minds Behind the Success
This achievement is a testament to the hard work of our campus journalists and the unwavering guidance of our school paper advisers and leadership.

Editors-in-Chief: Prince Lance A. Agasen (English) & Jacel May A. Cachero (Filipino)
School Paper Advisers (English): Mr. Mark Arvin M. Celeste & Ms. Genelyn B. Bracamonte
School Paper Advisers (Filipino): Mr. Mark Arvin M. Celeste & Ms. Janice L. Alabat
School Principal: Maria Idel C. Malay
PSDS: Dr. Roselie M. Apuan

Next stop: Regional Schools Press Conference (RSPC)! We are moving forward with grit, passion, and the pursuit of truth.

15/02/2026

𝐋𝐓𝐄𝐒, 𝐢𝐩𝐢𝐧𝐚𝐠𝐝𝐢𝐰𝐚𝐧𝐠 𝐚𝐧𝐠 𝐢𝐤𝐚-𝟓𝟗 𝐅𝐨𝐮𝐧𝐝𝐢𝐧𝐠 𝐀𝐧𝐧𝐢𝐯𝐞𝐫𝐬𝐚𝐫𝐲 𝐬𝐚 𝐩𝐚𝐦𝐚𝐦𝐚𝐠𝐢𝐭𝐚𝐧 𝐧𝐠 𝐬𝐚𝐲𝐚𝐰 𝐚𝐭 𝐠𝐚𝐥𝐚𝐰

Ipinagdiwang ng Libis Talisay Elementary School (LTES) ang kanilang ika-59 Founding Anniversary noong Pebrero 13 na may temang “Celebrating our Foundation Day Through Dance and Motion.” Tampok sa selebrasyon ang mga makukulay at masisiglang pagtatanghal ng calisthenics, ballroom, at modern dance na nagpakita ng talento at husay ng mga mag-aaral.

Maagang nagtipon ang mga mag-aaral, g**o, at mga panauhin sa paaralan upang makibahagi sa programa. Nagsimula ang pagdiriwang sa isang banal na misa kung saan taimtim na nagpasalamat ang lahat sa mga biyayang natatanggap ng paaralan.

Matapos ang misa, agad namang sinimulan ang programa. Mainit na binati ni Bb. Maria Idel C. Malay, punongg**o, ang lahat ng dumalo.

Samantala, nagbigay naman ng makabuluhang mensahe ang Public Schools District Supervisor na si Dr. Roselie M. Apuan para sa mga magulang, g**o, at mga mag-aaral.

Aniya, malaki ang papel na ginagampanan ng mga magulang, g**o, mag-aaral at lahat ng stakeholders sa pagpapanatili ng kaayusan sa paaralan nang sa gayon ay patuloy itong makapaghatid ng de-kalidad na edukasyon.

“Kung nagkakaisa ang ating school community... ang mga magulang, stakeholders, mga mag-aaral, nagiging maganda ang kultura ng ating paaralan,” pahayag ni Dr. Apuan.

Dumalo rin sa pagdiriwang ang mga Punong Barangay mula sa mga komunidad na nakapaligid sa LTES. Kabilang sa mga dumalo sina, Hon. Delfin Zamora Sr. (Barangay 7), Hon. Ricardo Villanueva (Barangay 8), Hon. Jackie Carlos (Barangay 11) na kinatawan ni Ms. Virgie Martin, at Hon. Darius Letada Sr. (Barangay 12) na kinatawan ni Ms. Melanie Forte, Barangay Secretary. Sila rin ang nagsilbing mga hurado sa patimpalak ng sayaw.

Pinaka-inabangan ng lahat ang patimpalak sa sayaw, kung saan buong husay at kumpiyansa na ipinamalas ng mga kalahok ang kanilang galing habang masiglang sumusuporta ang mga manonood.

Sa pagtatapos ng pagdiriwang, masayang tinanggap ng mga nanalo ang kanilang mga gantimpala. Nagtapos ang programa sa isang pagwakas na pananalita na nagpapaalala na higit sa anumang tropeo, ang pinakamahalaga ay ang pagkakaisa, pagkakaibigan, at magagandang alaala na nabuo sa araw ng pagdiriwang.

✍️:: Jacel May Cachero
📸:: Karl Drake Balidoy
🎨:: Andrei Jacob Pineda

12/02/2026

📰✨️

07/02/2026

𝐒𝐭𝐚𝐭𝐞 𝐨𝐟 𝐭𝐡𝐞 𝐒𝐜𝐡𝐨𝐨𝐥 𝐀𝐝𝐝𝐫𝐞𝐬𝐬 (𝐒𝐎𝐒𝐀) 𝐢𝐬𝐢𝐧𝐚𝐠𝐚𝐰𝐚 𝐬𝐚 𝐋𝐢𝐛𝐢𝐬 𝐓𝐚𝐥𝐢𝐬𝐚𝐲 𝐄𝐒

Isinagawa kahapon, ika-6 ng Pebrero, ang State of the School Address (SOSA) sa Libis Talisay Elementary School, kung saan inilahad ni Bb. Maria Idel C. Malay, Punongg**o ng paaralan, ang mahahalagang ulat hinggil sa kalagayan, mga programa, at tagumpay ng paaralan.

Sa kanyang talumpati, tinalakay ni Bb. Malay ang isa sa mga pangunahing hamon ng paaralan—ang problema sa literacy at numeracy ng ilang mag-aaral. Kaugnay nito, ipinaliwanag niya ang kahalagahan ng ARAL Program at iba pang mga interventions na ipinatutupad upang mapataas ang antas ng pagbasa at kasanayan sa numeracy ng mga bata.

Binigyang-diin din niya ang mga tagumpay at pagkapanalo ng paaralan sa iba’t ibang larangan. Pinuri niya ang mga g**o at coaches na patuloy na nagbibigay ng oras, pagsisikap, at dedikasyon para sa ikauunlad ng mga mag-aaral.

Ayon sa ulat, unti-unti nang nakikita ang pagtaas ng reading level at numeracy performance ng mga mag-aaral. Target ng paaralan ngayong darating na Marso ang pagkamit ng Zero Non-Reader (Zero NR) at ang pagpasa ng lahat ng mag-aaral.

“Natutuwa ako at nakikita naman natin na unti-unti nang tumataas ang antas ng pagbasa ng mga batang dating hirap sa pagbabasa,” ani Bb. Malay.

Hinikayat din niya ang mas aktibong pakikipagtulungan ng mga magulang, sapagkat nakasalalay sa kanilang suporta ang hangarin ng paaralan na makamit ang 100% promotion rate.

Ikinatuwa naman ng pamunuan ng paaralan ang positibong pagtanggap ng mga magulang sa panawagan na makiisa sa pagtaguyod at paglutas ng kinakaharap na hamon.

Sa pahayag ni Bb. Maricris Yao, dapat makiisa ang mga magulang at sumuporta sa mga programa ng paaralan dahil aniya, para rin naman ito sa kapakanan ng kanilang mga anak.

“Responsibilidad nating mga magulang na tumulong at makiisa. Kaya naman nararapat lamang na gampanan natin ang ating tungkulin bilang mga magulang sa pamamagitan ng pagsuporta sa mga programang ipinatutupad para sa ikabubuti ng ating mga anak,” panawagan ni Yao.

Sa huling bahagi ng programa, binigyan din ng pagkakataon ang SPTA na iulat ang kanilang mga natapos na proyekto bilang patunay ng kanilang patuloy na suporta sa paaralan at sa kapakanan ng mga mag-aaral.

Ang SOSA ay nagsilbing paalala na ang tagumpay ng paaralan ay bunga ng sama-samang pagkilos ng mga g**o, magulang, mag-aaral, at buong komunidad.

✍️:: Jacel May Cachero
📸:: Drhyxz Clynt Bacting
🎨:: Andrei Jacob Pineda

21/01/2026

𝐋𝐓𝐄𝐒 𝐉𝐨𝐮𝐫𝐧𝐨𝐬, 𝐧𝐚𝐠𝐧𝐢𝐧𝐠𝐧𝐢𝐧𝐠 𝐬𝐚 𝐃𝐒𝐏𝐂 𝟐𝟎𝟐𝟔

Humakot ng parangal ang mga batang mamamahayag ng Libis Talisay Elementary School (LTES) matapos ang kanilang kahanga-hangang pagganap sa Division Schools Press Conference (DSPC) 2026, dahilan upang makamit ng paaralan ang Rank 8 bilang Top Performing School sa buong dibisyon.

Ang tagumpay na ito ay bunga ng pinagsamang sipag, disiplina, at matibay na teamwork ng mga mag-aaral at kanilang mga tagapagsanay.

Isa sa mga kinilala sa naturang kompetisyon si Sir Mark, na itinanghal bilang Most Outstanding School Paper Adviser, bilang pagkilala sa kanyang husay, dedikasyon, at inspirasyong naibahagi sa mga batang mamamahayag at kapwa g**o.

Kabilang din sa mga pinarangalan si Prince Lance Agasen, na nagwagi bilang 1st Place Most Outstanding Campus Journalist, patunay ng kanyang kahusayan, liderato, at malaking ambag sa tagumpay ng buong delegasyon. Bukod dito, nagkamit din siya ng 9th Place sa Sports Writing.

Sa individual categories, itinanghal si Drhyxz Clynt Bacting bilang 1st Place sa Photojournalism at nasungkit naman Jamella Celestra ang ikatlong puwesto sa Sports Writing (Filipino) kung saan pareho silang lalaban sa darating na Regional School Press Conference (RSPC). Nakuha naman ni Karl Drake D. Balidoy ang 5th Place sa Pagkuha ng Larawang Pampahayagan.

Sa group categories, nagtala ang LTES ng Overall 3rd Place sa parehong English at Filipino na pahayagan. Para sa Filipino category, nakamit ang 2nd Best in Sports Page, 2nd Best in News Page, 3rd Best in Layout, 4th Best in Opinion/Editorial Page, at 5th Best in Editorial Cartooning.

Samantala, sa English category, nakamit ng paaralan ang 2nd Best in Sports Page, 2nd Best in Photo, 2nd Best in Layout, at 4th Best in News Page.

Muling pinatunayan ng mga batang mamamahayag ng LTES ang sipag, disiplina, at pagkakaisa ang susi sa patuloy na tagumpay sa larangan ng campus journalism.

✍️: Asha Cortes
📷: Drhyxz Clynt Bacting
🎨: Andrei Jacob Pineda

18/01/2026

𝐌𝐠𝐚 𝐁𝐚𝐠𝐨𝐧𝐠 𝐈𝐬𝐤𝐚𝐰𝐭 𝐇𝐚𝐧𝐝𝐚𝐧𝐠 𝐌𝐚𝐠𝐥𝐢𝐧𝐠𝐤𝐨𝐝

Matagumpay na naisagawa ng Libis Talisay Elementary School noong Enero 16 ang makabuluhang Investiture Ceremony para sa pagtatalaga ng mga bagong miyembro Boy Scout of the Philippines (BSP) at Girl Scout of the Philippines (GSP). Layunin ng programa na ihanda ang mga batang iskawt at Girl Scout sa tamang asal, disiplina, at pagiging handa sa paglilingkod sa kapwa.

Naunang itinalaga ang mga babaeng iskawt sa pamumuno ni Sctr. Francia Sanchez, Girl Scout Coordinator at sumunod naman ang pagtatalaga ng mga lalaking iskawt na pinangunahan ni Sctr. John Leonard D.V. Magnawa, Boy Scout Coordinator ng paaralan. Katuwang nila ang mga troop leaders sa pagsisig**o na maging maayos ang programa.

Kabilang sa mga dumalo sa nasabing aktibidad sina Dr. Emilando Arevalo, Council Scout Executive, Sctr. Wilson A. Dalida Jr., Maypajo KAB Scout School Coordinator, at Sctr. Art Warren Saclote, BSP Aromar District Scout Coordinator kung saan nagbigay sila ng inspirasyon sa mga kalahok at hinikayat ang batang iskawt na isabuhay ang Scout Oath at Scout Law.

Dumalo rin si Sctr. Josephine Grace Ubina, GSP District Scout Coordinator

Sa mensahe ni Dr. Arevalo, bigyang-diin niya ang tungkol sa kahalagahan ng pagiging handa at mapaglingkod sa kapwa. Pinuri rin nya ang mga batang iskawt na dumalo sa nakaraang Kabsayahan na ginanap sa La mesa Ecopark at hinikayat pa ang mga bagong talagang iskawt na maging aktibo sa pakikilahok sa mga aktibidad ng iskawting.

“Sana sa mga sumunod ang activity ay marami pa ang sumali,” ani Dr. Arevalo

Samantala, nag-iwan naman ng paalala si Sctr. Adman sa mga babaeng iskawt. Aniya, nawa ay isabuhay nila ang diwa ng iskawting at sumunod sa batas ng Girl Scout.

Sa huli, nagpasalamat naman si Bb. Maria Idel C. Malay, punongg**o, sa mga troop leader na naglaan ng lakas at panahon para sa matagumpay na program.

✍️: Edrian Odtojan
📷: Janice Alabat
🎨: Andrei Jacob Pineda

24/12/2025

𝐋𝐚𝐤𝐚𝐬 𝐚𝐭 𝐃𝐞𝐝𝐢𝐤𝐚𝐬𝐲𝐨𝐧: 𝐓𝐞𝐚𝐦 𝐏𝐡𝐢𝐥𝐢𝐩𝐩𝐢𝐧𝐞𝐬 𝐧𝐚𝐠-𝐮𝐰𝐢 𝐧𝐠 𝟐𝟕𝟕 𝐦𝐞𝐝𝐚𝐥𝐲𝐚 𝐬𝐚 𝟑𝟑𝐫𝐝 𝐒𝐄𝐀 𝐆𝐚𝐦𝐞𝐬

Tinapos ng Pilipinas ang kampanya nito sa 33rd Southeast Asian Games sa Thailand sa ika-anim na puwesto matapos mag-uwi ng 50 gintong medalya, 73 pilak, at 154 tanso, o kabuuang 277 medalya.

Nanguna sa talaan ng medalya ang Thailand na may 146 ginto, sinundan ng Vietnam na may 83, at Indonesia sa ikatlong puwesto na may 69 gintong medalya, patunay ng matinding kompetisyon sa rehiyonal na palaro.

Bagama’t hindi naabot ng koponan ang target na 60 gintong medalya, kapansin-pansin ang magagandang ipinakita ng mga atletang Pilipino sa iba’t ibang disiplina. Namukod-tangi ang basketball, women’s football, beach volleyball, at tennis bilang mga larong pangkoponan kung saan nagtagumpay ang Pilipinas.

Pinangunahan ni swimmer Kayla Sanchez ang pag-ani ng medalya matapos makakuha ng tatlong ginto at limang pilak. Samantala, athletics ang nagbigay ng pinakamaraming gintong medalya na may lima, na sinundan ng practical shooting na may apat.

Ang ika-anim na puwesto ay bahagyang pagbaba kumpara sa ikalimang puwesto na natamo ng bansa sa nakaraang SEA Games sa Cambodia.

Sa kabila ng mga hamon, nagsilbing patunay ang kampanya sa SEA Games na patuloy na umuunlad ang lakas at kakayahan ng mga atletang Pilipino.

Bitbit ang mahahalagang aral at karanasan, mas determinado ang Team Philippines na paghusayin pa ang paghahanda at magbalik na mas malakas sa mga susunod na palaro, dala ang iisang layunin—itaas pa ang dangal at bandila ng Pilipinas.

✍️: Edrian Odtojan
📷: Sports Radio
🎨: Andrei Jacob Pineda