09/08/2025
PRESS RELEASE
Noong alas-3:00 ng hapon, ika-9 ng Agosto 2025, sa Purok 1, Barangay Motherlode, Jose Panganiban, Camarines Norte, isang insidente ng pananaga ang naganap na nagresulta sa pagkakasugat ng isang lalaki. Kinilala ang biktima na si alyas Rey, 34 taong gulang, binata, at residente ng Purok 2, Brgy. Motherlode. Samantala, ang suspek ay kinilalang si Alyas Epi, 60 taong gulang, biyudo, magsasaka, at residente ng Purok 2, Brgy. Motherlode.
Batay sa imbestigasyon, Mag kainuman ang biktima at suspek kasama ang kanilang mga kaibigan. Sa gitna ng inuman ay nagkaroon ng mainitang pagtatalo na humantong sa pananaga ng suspek gamit ang isang bolo na may habang 24 pulgada. Tinamaan ang biktima sa kanyang kanang panga at agad na isinugod sa Barrios Hospital bago inilipat sa Camarines Norte Provincial Hospital para sa karagdagang gamutan.
Matapos ang insidente, agad na nagsagawa ng hot pursuit operation ang mga tauhan ng Jose Panganiban MPS at naaresto ang suspek. Narekober rin ang ginamit na bolo sa pananaga.
Kasalukuyang inihahanda ang kasong kriminal laban sa suspek. Patuloy naman ang paalala ng pulisya sa publiko na umiwas sa anumang alitan lalo na kung may halong alak, upang maiwasan ang ganitong mga insidente.
Ctto/📷 | Jose Panganiban MPS
