RLG

20/04/2026

(CEBMB'99) Mateo 25:34-40:
"³⁴ Unya ang Hari moingon sa mga tawo sa iyang tuo, ‘Duol kamo nga gipanalanginan sa akong Amahan ug dawata ninyo ang Gingharian nga giandam alang kaninyo sukad pa sa pagbuhat sa kalibotan.
³⁵ Kay gigutom ako ug inyo akong gipakaon; giuhaw ako ug inyo akong gipainom; dili ninyo ako kaila apan inyo akong gidawat sa inyong mga balay; Is. 58:7
³⁶ hubo ako ug inyo akong gibistihan; nagmasakiton ako ug inyo akong giatiman; nabilanggo ako ug inyo akong giduaw.’
³⁷ Unya motubag kaniya ang mga matarong, ‘Ginoo, kanus-a man kami nakakita kanimo nga gigutom ug gipakaon ka namo o giuhaw ug gipainom ka namo?
³⁸ Kanus-a man kami midawat kanimo sa among mga balay bisan ug dili ka namo kaila o hubo ug gibistihan ka namo?
³⁹ Kanus-a man kami nakakita kanimo nga nagmasakiton ug giatiman ka namo o gibilanggo ug giduaw ka namo?’
⁴⁰ Unya ang Hari motubag kanila, ‘Sultihan ko kamo nga sa matag higayon nga maghimo kamo niini alang sa usa sa labing ubos niining akong mga igsoon, gihimo ninyo kini alang kanako!’ Pan. 19:17"

20/04/2026

(CEBMB'99) Levitico 2:13-16:
"¹³ Asini ang tanan mong mga halad nga pagkaon. Ayaw gayod hikalimti ang pagbutang ug asin sumala sa kasabotan tali kanimo ug sa imong Dios.
¹⁴ “Kon maghalad ka sa GINOO sa unang mga abot, maoy ihalad ang bugas nga bag-ong ani ug sangaga kini.
¹⁵ Butangi kinig lana ug insenso. Halad kini nga pagkaon.
¹⁶ Unya magsunog ang pari ug diyutay nga bahin sa bugas ug sa lana lakip ang insenso nga maoy silbing magpadayag nga kini halad nga pagkaon alang sa GINOO."

20/04/2026

(CEBMB'99) Juan 13:27:
"²⁷ Sa pagdawat ni Judas sa pan, si Satanas misulod kaniya. Miingon kaniya si Jesus, “Buhata dayon ang buot mong buhaton!”"

20/04/2026

(CEBMB'99) Mateo 26:26-30:
"Ang Panihapon sa Ginoo
( Mar. 14:22-26; Luc. 22:14-20; 1 Cor. 11:23-25)
²⁶ Samtang nangaon sila, mikuha si Jesus sa pan, nagpasalamat sa Dios ug gipikaspikas niya kini ug gihatag sa iyang mga tinun-an. Ug miingon siya, “Dawata ninyo kini ug kan-a. Kini mao ang akong lawas.”
²⁷ Unya gikuha niya ang kupa, nagpasalamat sa Dios ug gihatag kanila. “Inom kamong tanan niini,” siya miingon;
²⁸ “kini mao ang akong dugo nga naglig-on sa kasabotan, ang akong dugo nga gipaagas alang sa daghan aron sa pagpasaylo sa mga sala. Exo. 24:8 Jer. 31:31 Jer. 31:31-34 (26-28) 1 Cor. 10:16
²⁹ Sultihan ko kamo nga dili na gayod ako mousab pag-inom niining maong bino hangtod sa adlaw nga moinom ako sa bag-ong bino uban kaninyo didto sa gingharian sa akong Amahan.” (26-29) Mar. 14:22-25 (26-29) Luc. 22:15-20 (26-29) 1 Cor. 11:23-26
³⁰ Unya nag-awit silag usa ka alawiton sa pagdayeg sa Dios ug nangadto sa Bungtod sa mga Olibo. Mar. 14:26"

20/04/2026

(CEBMB'99) Lucas 22:3-6:
"Miuyon si Judas sa Pagbudhi kang Jesus
( Mat. 26:14-16; Mar. 14:10-11)
³ Unya misulod si Satanas kang Judas nga ginganlag Iscariote nga usa sa 12 ka tinun-an.
⁴ Busa miadto si Judas ug nakigsabot sa mga kadagkoan sa mga pari ug sa mga opisyal sa mga guwardiya sa Templo unsaon niya pagtugyan si Jesus ngadto kanila.
⁵ Nalipay sila ug gitanyagan siya nga bayran ug kuwarta.
⁶ Miuyon si Judas ug nangita siyag maayong higayon nga ikatugyan niya si Jesus kanila sa paagi nga dili masayran sa mga tawo. (3-6) Mat. 26:14-16 (3-6) Mar. 14:10-11"

20/04/2026

(CEBMB'99) Juan 13:2:
"² Nanihapon si Jesus ug ang iyang mga tinun-an. Niadtong taknaa gitisok na sa Yawa ngadto sa hunahuna ni Judas nga anak ni Simon Iscariote, ang pagbudhi kang Jesus."

20/04/2026

(CEBMB'99) 2 Mga Taga-Tesalonica 2:1-12:
"― 2 ―

Ang Tawong Yawan-on
¹ Mahitungod sa pag-anhi sa atong Ginoong Jesu-Cristo ug sa atong pagkatigom aron makig-uban kaniya, naghangyo ako kaninyo mga igsoon: 1 Tes. 4:15-17
² ayaw dayon kamo kataranta ug kabalaka kon makadungog kamo nga ang Adlaw sa Ginoo miabot na. Ayaw kinig tuohi bisag gipasikad pa kini sa propesiya o sa wali o sa sulat nga kuno gikan kanamo.
³ Ayaw kamo palimbong ni bisan kinsa sa bisan unsang paagi. Kay ang maong Adlaw dili moabot samtang dili pa mahitabo ang kataposang pag-alsa batok sa Dios ug dili pa motungha ang Tawong Yawan-on nga gitagana alang sa kalaglagan. Mat. 24:4 Mar. 13:5 Luc. 21:8 Ef. 5:6
⁴ Supakon niya ang tanan nga gipakadios ug gipakabalaan sa tawo. Himoon niyang labaw ang iyang kaugalingon kay kanilang tanan. Gani mosulod ug molingkod siya sa Templo sa Dios ug angkonon niya nga siya Dios. Ezeq. 28:2 Dan. 11:36
⁵ Wala ba kamo mahinumdom nga gisultihan ko kamo niining tanan samtang ako uban pa kaninyo?
⁶ Apan may nagpugong niini aron dili kini mahitabo karon ug nasayod kamo niini. Busa sa panahon nga gitagal, moanhi ang Tawong Yawan-on.
⁷ Ang tinagoang gahom sa Tawong Yawan-on naglihok na ug madayag lamang kining gahoma kon kini dili na pugngan sa nagpugong niini.
⁸ Unya ang Tawong Yawan-on moanhi ug patyon siya sa Ginoong Jesus pinaagi sa huyop ug sa kasulaw sa iyang pagpadayag. Job 4:9 Is. 11:4
⁹ Ang Tawong Yawan-on moanhi nga may gahom ni Satanas ug maghimo sa tanang matang sa milagro ug mga buhat nga katingalahan. Mat. 24:24
¹⁰ Gamiton niya ang tanang paagi aron malimbongan ang mga laglagonon. Pagalaglagon sila kay wala man nila dawata ug higugmaa ang kamatuoran. Kon gibuhat pa nila kini, maluwas unta sila.
¹¹ Tungod niini, gipadad-an sila sa Dios ug dakong kalibog aron motuo sila sa bakak
¹² ug aron kasilotan ang tanan nga wala motuo sa kamatuoran apan nagpatuyang hinuon sa pagpakasala."

20/04/2026