28/01/2026
ASA MAN GYUD KA MAGSUGOD PARA MAHIMO KANG USA KA VIRTUAL ASSISTANT?
Kitang tanan nangandoy man gyud ug haruhay nga kinabuhi para sa atong pamilya no? Kanang di ka mamroblema unsay ipakaon karon o ugma or kung naa pa bay ikapalit o ikabayad sa mga bills o utang. Kay lagi di paigo imohang sweldo. Usahay wa pay ting-sweldo hurot na ang swelduhon kay na short lagi unya makautang.😅
Kung wala ka kasinati ana, edi sana ol pahawa diri! 🤪 Binuang ra bitaw agi pod nako na, nag-lima ko ka tuig sa call center usa ko nag transition ani. Pero aside ana ang rason ngano naka desisyon ko kay akong mga anak. Sakit kaayo sa buot makakita mag-shagit akong anak kada duty nako sa syudad kay mukuyog lagi nya way mahimo kay kinahanglan manimpad.
Naanak nako akong ikaduha, naka desisyon na gyud kong di nako kaya biyaan sila. Kinahanglan ko mangitag paagi unsaon pag pangitag kwarta nga mag-kuyog gihapon mi. Nahatagan ko sa akong maternity benefit, a portion mao akong gigamit palit ug laptop. Baratuhon ra kaayo, ₱7,500 unya lag pa gyud.😬
Kaning pag-VA di jud ni para nimo karon kung:
*Wala kay idea (Research usa)
*Way tigom or way kwarta (palit equiment daan kailangan kaayo ni nimo bisag wa pa kay kliyente.)
*Kaundangon na kay kas trabaho (SIKAD SA DIHA BAYET! DILI INSTANT MAKA-CLIENT DAYON KA.)
Dapat naa kay:
1️⃣ LAPTOP (At least i5 with 8GB RAM ug at least 128GB SSD)
2️⃣ Internet connection at least 100 mbps (optional back up connection)
3️⃣ Headset with microphone and with noise-cancelling feature (Ma-recommend nako pinaka-barats and kalidad kay ang InPlay if naa ka budget gamay pwede logitech, kung dato ka hala pag emeet o jabra)
4️⃣ Lugar sa inyoha kung asa ka pwede maka trabaho ug maka focus sa imong trabahuon
Mao ni ang mga basic requirements nga naa nako. Dayon largo himo ug resume ug cover letter. Himo ug online profile sa mga remote job sites ug paturagas lag send ug proposal or application.
UNYA NGA-NGA😩! WALAY MASKIN USA NGA NI REPLY NAKO.
Unya kining desperado na jud ta, mangita gyud tag paagi. So, didto ko nag search sa YouTube ug Google nga NGANO MAN GYUD WALAY MASKIN USA NIREPLY SAKONG APPLICATION⁉️
Human didto nako na realize na sayop ko. Sayop akoang resume, sayop akoang cover letter. So kung unsay giabiso sa akong gibasa ug gitan-aw mao akoang gisunod.
After 2 weeks nga nag-sigeg send ug application naka-dawat kog emails for interview. Sunod na pod nakong gi-andaman ang interview questions. Ga-research kog mga possible questions nga ipangutana inig interview ug unsaon nako pag-tubag. Ug mga pangutana nga pwede nako ipangutana sa client kung mahuman ang interview [SALIG LANG, AYG LAOM PERO MAKATABANG GYUD NI) . Human, gisiguro nako nga andam ko sa interview positibo dapat imong entrada kay virtual interview imong sudlan. Imo main goal aside sa tubagon ang mga pangutana kay unsaon para ma-impress ang client or recruiter. Mas maayo nga naa kay pangutana about sa company or sa position before mahuman ang interview kay mag-paint kag impression sa client nga interesado ug genuine jud ka sa imong pag-pangapply ug ma grab gyud nimo iyang interes nya pautang-- CHOS!🤪
✅ Executive presence
✅ Confidence
✅ Fluency
✅ Expertise
Mao ni ang characteristics nga dapat naa ka sa usa ka virtual interview. Gi praktisan nako unsaon nako pag introduce sa akong self, unsaon pagtubag sa pangutana ug kung akong speaking voice and pacing masabtan ba.
UG BAYET! NAKA-LAND GYUD FINALLY UG CLIENT IMONG ATI!
Pero basin mag-tuo kag largo $10/hr ka, dili na ingon ana depende na sa imong job scope, skills, experience, ug negotiation tactics during job offer. So kung, naa ka sa point karon nga sigeg apply sa Upwork, OLJ, or mga agencies nya di madawat or wa kadawat ug interview invite ayaw kawala ug pag-laum. I-identify imohang weakness and mistakes ug pangutan-a imong kaugalingon ug NGANO MAN WALA? Libre ug daghan resources sa internet nga pwede nimo kuhaan ug sample ug idea sa mga kinahanglan nimo. Pag-kugi ug research ug tuon.
WALAY LAING MAKATABANG NIMO KUNDI IKAW RA GIHAPON. KAOG HIPON.🦐
NAGLIBOG GIHAPON KA NO?😏
📩Dali pm kay para masumb-matubag nako imo mga pangutana!
