ANG TINIG

18/02/2025

LITERARI | BAKIT SIYA?

Siya. Oo, siya! Siya ang dahilan kung bakit ako nagkakaganito. Humahagikgik sa tuwing may kakaunting pagtatagpo. Ngumingiti at namumula sa tuwing nakikipag-eye contact kami. Kaya kong titigan nang tuluyan ang magaganda niyang kayumangging mga mata, hinding-hindi ako magsasawa. Makikinig ako sa kanya na nagsasalita ng lahat tungkol sa kanyang interes, sa kanyang mga libangan, sa kanyang sariling genre ng musika at sa totoo lang, kaya kong makinig sa kanyang boses buong araw!

Bakit? Bakit ba ako nagiging tanga kapag nasa tabi ko siya? Parang hindi ako makapag-focus nang maayos, at ang puso ko. Bakit ang bilis ng tibok ng puso ko, "hello" lang naman ang sinabi niya pero parang may mga paru-paro sa tiyan ko.

Pero bakit? Bakit ganito ang nararamdaman ko sa kanya? May gusto ba ako sa kanya o ano? Ako ba, mahal ko na ba siya? Bakit? Bakit? Kung bakit hindi na lang ako umarte kapag nasa paligid ko siya imbes na magmukha akong tanga.

Ganito ba ang pakiramdam ng may crush? Ganito ba ang main-love sa isang tao? Hindi ko naranasan ito dati. Pero bakit ngayon? Bakit ko nararanasan ito ngayon? Dahil ba sa kanya? Bakit siya? Ano bang nakikita ko sa kanya? Na pinaramdam niya sa akin ang mga bagay na akala ko ay hindi ko mararamdaman o mararanasan.

Baka nagde-delusyon lang ako. Pero totoo ba? Pinilit kong ipaglaban itong nararamdaman ko pero bumabalik pa rin. Baka in denial lang ako? Ewan, baka may ibang plano ang tadhana para sa akin at sa kanya.

Sulat at Layout ni: Lindsay Samantha Casag

14/02/2025

BALITANG PAMPAARALAN | Ang Tinig at The Gazette, Umarangkada sa DSPC 2025

Umarangkada ang Rafael B. Lacson Memorial High School sa ginanap na Division Schools Press Conference sa Hinigaran National High School, ika-13 ng Pebrero.

Umuwi ng parangal ang limang mag-aaral mula sa RBLMHS sa iba’t-ibang kategorya sa Pahayagang Pampaaralan sa Medium na Ingles at Filipino sa sumusunod na mga kategorya:

• Unang puwesto sa Copyreading and Headline Writing (Filipino) - Reynaldo P. Diaz
• Ikalawang puwesto sa Photojournalism (English) - Nelrose B. Tiu
• Ika-5 puwesto sa Pagsulat ng Lathalain (Filipino) - Zurielle B. Maapni
• Ika-6 na puwesto sa Pagsulat ng Editoryal (English) ni Keren Joy Bolo
• Ika-7 puwesto sa Kartung Pang- Editoryal (English) ni Tristan James V. Dela Cruz
• Ika-10 puwesto sa Pagsulat ng Lathalaing Pang-agham at Pagteknolohiya ni Janelle Angela Claro

“Halo-halong emosyon ‘yung naramdaman ko at hindi talaga ako nag-expect na manalo kasi nga first time kong sumali, at nakuha kono amg 1st place,” ito ang masayang pagbabahagi ni Diaz nang matawag ang kaniyang pangalan.

Dagdag pa niya nung una ay nag-alala siya na baka hindi makakapasok ngunit patuloy na nagtiwala ang kanyang mga kasamahan na makakapasok siya kahit sa top 10 lamang.

Ang mga batang mamamahayag ng Ang Tinig ay ginabayan nina Bb. Rowena Portugalete at Bb. Analyn Semillano, samantala sina Gng. Madona L.Chavez at Bb. Maria Cristina Ejido naman ang nagsanay sa mga manunulat ng The Gazette.

Samantala, ang tatlong mga mag-aaral na nakapasok sa Top 5 ang magiging kinatawan ng Dibisyon ng Negros Occidental sa darating na Regional Schools Press Conference 2025 na gaganapin sa Iloilo City.

Sulat at Disenyo ni: Ilah Kaye S. Abangin

14/02/2025

DAMDAMIN SA TITIK | Tingin

Mga mata ay nakakatunaw,
Paningin ko'y biglang luminaw.
Kahit na ang layo mo,
Kitang-kita parin ang kagandahan mo.

Napatanong nalang sa sarili,
Ano 'tong nararanadaman ko para sa isang binibini?
Kay gandang ngumiti,
Parang ako ay kinikiliti.

Kahit sa pag tulog ko,
Hindi ka parin nawala sa isip ko.
Ano kaya ang pangalan niya?
Nais kong i-add sa sosyal medya.

Naaalala parin ang mga sandali,
Na nagtitigan tayo kahit lang madali.
Tuluyan nabang nahulog?
Hindi na makatulog.

Napagtantong ako'y nababaliw dahil sa isang magandang dilag,
Sa isipan ay bumabalabag.
Ninanais na sa balang araw,
Muli kang matanaw.

Isinulat ni: Asayel B. Tipon
Layout ni: Janelle Angela Claro

14/02/2025

DAMDAMIN SA TITIK | Tula Para sa aking Mundo

Tininiw tininiw tininiw,
Aking sinta, ikaw ang aking bituin,
Sa iyong mga mata, ang aking mundo’y kumpleto,
Ikaw ang tahanan, sa iyo ako’y nabubuo.

Ang mga ulap, itinuturo ang iyong ngiti,
Sa tuwing ika’y nariyan, mundo ko’y umiikot nang magaan,
Sa pag-ibig mo, bawat araw ay may saysay,
Bilog na mundo ko’y inaasam na makasama ka sa bawat hakbang.

Kahit saan man ako magpunta, ikaw ang aking daan,
Sa hirap at ginhawa, ikaw ang aking tahanan,
Tininiw tininiw tininiw, ang puso ko’y iyo,
Sa pag-ibig mo, buhay ko’y natagpuan, buo.

Walang hanggan, ikaw ang aking tadhana,
Sa bawat pag-ikot ng mundo, ikaw ang aking sinta.

Isinulat ni: Janelle Angela Claro

14/02/2025

DAMDAMIN SA TITIK | Kapag Handa Na

"Mag confess ka na! Ano pang hinihintay mo?"

Mga katagang marahil iyo na ring narinig
Lalo na't ngayo'y araw ng pag-ibig
Araw ng lahat ng nagmamahalan
Pamilya, kasintahan, o maging kaibigan man

"Pa torpe-torpe ka pa sa crush mo! Confess ka na, tutulungan kita."

Tama! Di maipagkakait sa kanya ako'y natotorpe
Sa kanyang kagandahan ako'y tiklop palagi
Sa kanyang mga ngiti lumiliwanag aking araw
At sa kanyang magandang boses mga problema'y natutunaw

"Ganda nya talaga no? Saka ambait pa! Confess ka na kasi!"

Kagandahan niyang panlabas ay hindi lamang ang aking nakikita
Kundi'y pati na rin sa kanyang pagakataong ubod ng ganda
Mabait, magalang, at matulungin sa kapwa
Hanga akong talaga pati sa mga magulang niya

"Walang mawawala kapag nag confess ka! Kay tagal mo nang crush yan. It's just paghanga."

Batid kong kay tagal ko na ngang humahanga
Ngunit paghanga lamang nga ba ang nadarama?
Di niyo batid sa kanya ako'y umiibig na ng tunay
At siya'y aking ninanais na makasama habangbuhay

"Alam mo kung mahal mo yung tao, sasabihin mo. Confess na!"

"Sus kung ako sa'yo matagal ko nang niligawan yan. Confess na!"

"Ang hina mo naman pala pagdating sa babae eh. Confess na!"

Tahimik, tahimik, tahimik kayong lahat!
Kung batid lang ninyo'ng di ako nararapat
Siya'y ibon sa himpapawid na kay taas ng lipad
Ako'y uod lamang sa lupa, mabagal ang usad

Akoy umiibig ngunit hindi ipababatid sa kanya
Marami namang paraan upang ito'y aking ipadama
Balang araw ay magiging karapat-dapat din
Kung mangyari'y saka na lang ilalahad ang damdamin

𝘐'𝘭𝘭 𝘣𝘦 𝘣𝘦𝘵𝘵𝘦𝘳... 𝘧𝘰𝘳 𝘺𝘰𝘶.

Isinulat ni: Reynaldo Diaz

14/02/2025

𝙈𝘼𝙇𝙄𝙂𝘼𝙔𝘼𝙉𝙂 𝘼𝙍𝘼𝙒 𝙉𝙂 𝙈𝙂𝘼 𝙋𝙐𝙎𝙊!❤️

Ngayon na ang Araw ng mga Puso! Oras na para iparamdam ang pagmamahal sa mga mahal natin sa buhay. Ipagdiwang ang araw na ito ng may pusong puno ng pag-ibig at pasasalamat!

Alam niyo ba? Ang Valentine’s Day ay ipinagdiriwang sa buong mundo bilang araw ng pag-ibig at pagpapahalaga. Nag-ugat ito mula sa panahon ng Roman Empire at naging simbolo ng pagmamahal sa iba’t ibang anyo—romansa, pagkakaibigan, at pamilya.

Kaya, ihanda na ang mga tsokolate , bulaklak, at mga love letter ngayong araw ng mga puso!

Caption & Layout: Nichole Rose Apuhin





ANG TINIG

11/02/2025

TINGNAN| Back-to-Back Champions: RBLMHS Ipinagdiwang ang Tagumpay sa Pasidungog Festival 2025

Isang makulay na tagumpay ang ipinagbunyi ng Rafael B. Lacson Memorial High School (RBLMHS) matapos mapagwagian ang back-to-back na kampyeonato sa Pop Dance Competition at Tiktok ni Bigatin Season 3 sa ginanap na 27th Pasidungog Festival, ika-9-10 ng Pebrero.

Sa ikatlong taon na magkakasunod, muling napatunayan ng RBLMHS ang kanilang talento at galing sa pag-indak at pagsayaw. Ang kanilang tagumpay ay isang patunay ng dedikasyon, pagsusumikap, at kahusayan sa larangan ng sining.

"Our success in the Pasidungog Pop Dance Competition 2025 is not just a reflection of our hard work and talent, but of the incredible teamwork and commitment from each and every one of you," pahayag ni G. Ralph Vincent Garbanzos, Artistic Director ng Association of Performing Arts ng RBLMHS.

Sa kabila ng mga hamon at matinding kompetisyon, hindi nagpatinag ang RBLMHS. Ang kanilang tagumpay ay hindi lamang nasusukat sa mga tropeyo at parangal, kundi sa kanilang pagmamahal sa sining at sa pagbubuo ng isang matibay na samahan.

Ang tagumpay ng RBLMHS ay resulta ng masusing pagsasanay at ang malalim na pagpapahalaga sa sining ng sayaw. Sa pamumuno ni G. Garbanzos, tinutukan nila ang bawat detalye ng kanilang pagtatanghal upang maipakita ang talento ng mga RBLian at makapagbigay saya sa mga Talisaynon.
Hindi man ito naging madali, ngunit ang kanilang pagsusumikap at pagkakaisa ay nagbunga ng tagumpay.

"Words can hardly express the depth of my gratitude to the many individuals whose unwavering support, dedication, and efforts have brought us to this momentous victory," ani ni G. Garbanzos.

Sa tatlong taon nilang panalo, nagsilbing inspirasyon ang RBLMHS sa iba pang mga kabataan. Ipinakita nila na sa kabila ng mga pagsubok, ang dedikasyon, pagkakaisa, at sipag ay magdadala sa kanila sa tagumpay.
Ang kanilang patuloy na tagumpay ay nagsilbing gabay sa mga kabataan na mangarap at magsikap upang matamo ang kanilang mga pangarap.

Sinulat ni : Zurielle Benjamin Maapni
Lay-out: Ilah Kaye Segura Abangin
Larawan: ctto




ANG TINIG

09/02/2025

TINGNAN| Langreo, pumalo sa Top 55 ng PBO Elininations

Pasok sa Top 55 si Juntri Langreo ng Rafael B. Lacson Memorial High School sa Philippine Biology Olympiad na ginanap sa University of San Agustin, Iloilo City, ika -25 ng Enero.

Ang nasabing paligsahan ay dinaluhan ng 773 mga paaralan mula sa iba't ibang bahagi ng Pilipinas.

"Kinakabahan ako noon dahil nakita ko na ang ibang kalahok ay galing sa mga Unibersidad at paaralan gaya ng Philippine Science High School kaya talagang hindi ko inaasahang makakasama ako sa Top 55.", pahayag ni Juntri.

Bilang paghahanda binahagi ni Juntri na nag-rereview sila tuwing hapon pagkatapos ng klase hanggang alas- 7 ng gabi kasama ng kanilang tagapagsanay na si Gng Angeline T. Santos.

Payo ni Juntri sa mga susunod na sasali sa paligsahang ito na kailangang sanaying mabuti ang pag -unawa at pag-aanalisa.

Isa si Juntri sa limang mag-aaral ng RBLMHS na nakilahok sa nasabing kompetisyon.

Kssama din niya sina Franz Danielle Suella, Francis James Serdevilla, Harlene Joy Serdevilla, at Edward Malaga.

Kasunod ng kanyang pagpasok sa Top 55 ay sasabak siya sa Semi- Finals na gaganapin sa Ateneo de Manila University sa darating na Marso 29-30.

Sinulat ni : Reynaldo P. Diaz
Lay -out: Nicole Rose Apuhin
---




ANG TINIG

05/02/2025

BALITANG PAMPALAKASAN|

Talisay City Swimming Team nagpasiklab sa Palarong Panlalawigan, 11 medalya nasungkit

Nagpasiklab ang Talisay City swimming team nang mapagwagian ang isang (1) gold, anim (6)na silver, at apat (4) na bronze medals sa naganap na Palarong Panlalawigan nitong ika-31 ng Enero hanggang unang araw ng Pebrero na ginanap sa St. John's Institute Swimming Pool, Victorias City.

Nasungkit ni Chrisella Los Bañes ang gintong medalya sa 200m breaststroke, tatlong (3) silver at dalawang (2) bronze medals sa iba pang kategorya.

Si Los Bañes ay magiging bahagi ng
Negros Occidental team para sa nalalapit na Regional Atlethic Meet 2025.

Samantala nagwagi naman ang RBLMHS swimmers na sina Chrisella Los Bañes, Beatrice Velasco, Princess
Daphne Diesto, at Kizha Herminanda sa kategoryang team's relay,

Nakuha ni Beatrice Velasco ang 2 silver medals sa 4×50 medley relay at 4×50 free relay, kasama sina Princess Diesto at Kizha na nanalo rin sa team's relay.

"I feel so proud that we were able to bring honor to our City, that we were able to place
against probably one of the best teams out there. It was a little unexpected, to be
honest but all in all natuwa talaga ako kasi kahit paano ay na prove namin na kaya
naming manalo," masayanh pagbabahagi ni Velasco.

Kasama ng Talisay Swimming Team ang kanilang Coach na si Gng.Desiree Donesa at Assistant Coach na si Bb.Dindy Sombria.

Sa kabuuan 11 medalya ang nasungkit ng Talisay Swimming Team.

Ang ipinakitang kasanayan ng mga manlalarong ito ay bahagi ng pinaigting na
programang pang-isports ng lokal na gobyerno, gayundin ang suporta ng buong komunidad ng
Rafael B. Lacson Memorial High School.

Sinulat ni Kim Claire Dayon
Lay -out: Ilah Kaye S. Abangin
Larawan: DepEd Tayo Rafael B Lacson MHS, Negros Occidental

04/02/2025

TINGNAN|
RBLMHS SAGIP MINA at LIWANAG, pasok sa Top 10 ng UP Diliman Case Study Competition

Nakapasok sa Top 10 ang Rafael B. Lacson Memorial High School (RBLMHS) sa Youth Science Convention’s Case Study Competition na ginanap sa University of the Philippines Diliman, ika- 15 hanggang 18 ng Enero.

Dalawang case study mula sa RBLMHS na binuo ng mga mag-aaral mula sa Science, Technology, at Mathematics (STEM) ang nakasama sa nasabing kompetisyon.

Ito ang SAGIP MINA Philippines: Sustainable Action for Green Initiatives and Preservation of Mining Areas in the Philippines na isinagawa nina Xena Alisza Agolino, Sanjo Alleza, at Ilah Kaye Abangin.

Ang case study na ito ay tumutok sa mga isyung pangkalikasan na dulot ng pagmimina sa Pilipinas at nagbigay ng mga solusyon at green initiatives upang mapangalagaan ang mga apektadong lugar ng pagmimina sa bansa.

Samantala, ang ikalawang case study ay ang LIWANAG: Lidar Integrated with Artificial Intelligence for Nature Restoration After Ground Mining ay isinagawa nina Lawrence Koa Cabarles, Mark Anthony Anapi II, at Gian Gabriel Gerona.

Ang case study na ito ay gumamit ng Lidar technology at Artificial Intelligence (AI) upang matulungan ang mga proyekto sa rehabilitasyon ng kalikasan sa mga lugar na naapektuhan ng pagmimina.

Layunin nitong mapabilis at mapahusay ang mga hakbang sa pagbabalik ng natural na kalikasan sa pamamagitan ng makabagong teknolohiya.

Nakamit din ng LIWANAG ang People’s Choice Award dahil sa inobasyon at epekto nito sa larangan ng pangangalaga sa kalikasan.

“Hindi namin inakala na makakapasok ang dalawang team sa Top 10 mula sa lahat ng mga paaralang nakilahok mula sa iba't ibang bahagi ng Pilipinas.” pahayag ni Gng.Charmaine Grace Treyes, tagapagsanay ng
mga mag-aaral.

Layunin ng kompetisyon na pahalagahan ang mga talento at kakayahan ng mga kabataan sa larangan ng agham at inobasyon.

Samantala, nakakuha naman ng ika-12 pwesto ang pangkat nina Kenji Bravo, Francis James Serdivilla, at Juntri Langreo sa National Science Conquest 2025 kasama ang kanilang tagapayo na si Gng. Angeline T. Santos

Ang nasabing kompetisyon ay nilahukan
ng mga mag-aaral mula sa pampubliko at pribadong paaralan mula sa iba't ibang bahagi ng bansa, mula Luzon, Visayas, at Mindanao.

ni:IIah Kaye S. Abangin
Lay - out: Lindsay Samantha Casag





TINIG

02/02/2025

RBLMHS Nagdaos ng Mathlympics 2025 Culminating Activity

Ipinagdiwang ng Rafael B. Lacson Memorial High School (RBLMHS) ang Mathlympics 2025 Culminating Activity, ika-24 ng Enero na ginanap sa covered court ng paaralan.

Ang kaganapan ay pinangunahan ng Math Department at mga opisyal ng d'Mathenex Club, na may temang “Mathematics, Art, and Creativity,".

Layunin ng Mathlympics na palalimin ang pagpapahalaga sa matematika sa pamamagitan ng pagsasama nito sa sining at pagkamalikhain.

Inaasahan din ng programa na mapabuti ang kasanayan ng mga mag-aaral sa paglutas ng mga suliranin, pagtutulungan, at pagpapakita ng kasiyahan sa mga praktikal na aplikasyon ng matematika.

"Ang matematika ay nagbibigay ng isang wika ng presisyon, ngunit sa loob ng mga formula at ekwasyon nito ay mayroong isang malalim na kagandahan," ayon kay Gng.Leah L.Lucerna, Tagapayo ng d' Mathenex Club.

Ayon namn sa ibinigay na mensahe ni Marie Rose E. Pregua, PhD, Punongg**o III, na ang matematika ay patuloy na nagiging mas madaling maunawaan at magaan para sa mga mag-aaral, na malayo na sa dating pananaw na ito ay isang mahirap na paksa.

Isa sa mga tampok na aktibidad sa programa ang Math Dance Challenge, kung saan nagpakitang-gilas ang mga mag-aaral sa malikhaing koreograpiya na may kasamang mga konsepto ng matematika.

Ang mga hurado sa paligsahan ay sina Ma. Elvie Salibio, Sir Andres Mabalon Jr., at Freya Lois Libajan, na nagsuri sa mga pagtatanghal batay sa pagkamalikhain, kaugnayan sa matematika, at kalidad ng pagpapakita.

Nagwagi ang pangkat ng Grade 9 na “5 - Mathutom” ng unang pwesto, sinundan ng pangkat ng Grade 11 na “7 - Team √121” sa pangalawang pwesto, at ang pangkat ng Grade 8 na “3 - The Octagons” sa ikatlong pwesto.

Kinilala rin ang mga mag-aaral na nagwagi sa iba’t ibang kategorya tulad ng Math Quiz Bee, Rubik's Cube Challenge, Tower of Hanoi Challenge, at iba pang aktibidad na inorganisa ng Math Department at d'Mathenex Club.

Sa Math Quiz Bee, nanalo ng unang gantimpala sina Francis James Serdevilla (12 STEM Curie), Reynaldo Diaz (11 STEM Hodgkin), at Jon Gabrielle Taclabos (10 STE Newton). Sa Rubik's Cube Challenge, nanalo si Sanjo M. Alleza (11 STEM Leibniz) ng unang gantimpala.

Inaasahan na magpapatuloy ang mga ganitong aktibidad upang higit pang maipakita ang kahalagahan ng matematika at ang ugnayan nito sa sining at iba pang aspeto ng buhay.

sinulat ni: Jan Yron L. Balondro
Lay-out: Nicole Apuhin

__

29/01/2025

Balita|
RBLMHS, nagtagumpay sa Cluster 2 FOT 2025

Nagtagumpay ang mga mag-aaral mula sa Rafael B. Lacson Memorial High School (RBLMHS) sa Cluster-2 Festival of Talents (CTOT) 2025, na isinagawa sa Manapla Elementary School, ika-28 ng Enero.

Itinanghal na Kampeon si Harlene Joy O. Serdevilla sa kategoryang Read-A-Thon Oratorical Composition & Presentation.

"Laking pasasalamat ko sa pagkakataong maipakita ang aking talento at makapagbigay inspirasyon sa iba at nagpapasalamat din ako sa suporta ng aking coach na si Gng.Rosalie Navia," masayang pagbabahagi ni Serdevilla.

Nakuha naman ni, si Belly L. Cordon ang pangatlong puwesto sa Sulat-Bigkas ng Talumpati.

Nagpasalamat si Cordon sa lahat ng sumuporta sa kanya , lalo na sa kanyang tagapagsanay na si Gng.Ma.Jene J.Gerona.

"Ang tagumpay na ito ay isang patunay ng dedikasyon ng mga mag-aaral. Ang kanilang pagsusumikap at determinasyon ang nagbigay daan sa tagumpay na ito,” pahayag ni Gng. Gerona.

Isang Pagdiriwang ng mga Talento at Kasanayan sa Pamamagitan ng mga Pagtatanghal at Pagpapakita ng Iba't Ibang Sining at Disiplina, ang tema ng selebrasyon ngayong taon.

Layunin ng FOT na magbigay ng plataporma para sa mga estudyante upang maipakita ang kanilang mga talento at kasanayan, pati na rin mapalakas ang kaalaman at kakayahan ng mga g**o at mag-aaral.

Ang CFOT ay nilahukan ng mga paaralan mula sa Distrito ng Talisay 1, 2, 3, Manapla at EB Magalona 1 at 2.

Si Serdivilla ang magiging kinatawan ng Cluster 2 sa Division Festival of Talents na gaganapin sa Pebrero sa Hinigaran Natuonal High School.

__
Sinulat ni Nicole Apuhin
Lay out: Ilah S. Abangin

25/01/2025

RBLMHS, nanguna sa FOT ng Distrito I

Nanguna ang Rafael B.Lacson Memorial High School (RBLMHS) sa Festival of Talents (FOT) ng Distrito Uno ng Talisay na ginanap kahapon sa Conference Hall ng RBLMHS, ika-24 ng Enero, alas 10 ng umaga.

Parehong itinanghal na kampeon ang RBLMHS sa English at Filipino Category..

Nakuha ni Harlene Joy Serdevilla ang kampyenato sa Oratorical Composition and Presentation.at napagwagian din ni Billy Cordon ang Sulat- Biglas Talumpati.

"Isang malaking karangalan po ang makalahok sa kompetisyong ito. Nagagalak po akong maibahagi ang aking mga ideya at saloobin sa pamamagitan ng pagsusulat at pagbibigkas. Ang aking pagkapanalo ay isang biyaya mula sa Diyos," pahayag ni Serdevilla..

Ipinahayag naman ni Cordon ang kanyang pasasalamat sa kanyang g**o at tagapagsanay na si Gng Ma Jene Gerona gayundin sa suporta ng kanyang mga kamag-aral.

Ang temang “A Celebration of Talents and Skills Through Performances and Showcases in Various Arts Discipline” ay naging gabay sa mga kabataang estudyante upang ipamalas ang kanilang mga talento at kahusayan sa pagsulat at pagtatalumpati.

Layunin ng FOT na ipakita ang mga talento ng mga estudyante, palakasin ang kanilang tiwala sa sarili, at itaguyod ang pagkatuto.

Ang nasabing kompetisyon ay sinalihan ng apat na paaralan mula sa District 1 ng Talisay Secondary Schools, kabilang ang Inocencio V. Ferrer School of Fisheries, Dr. Antonio A. Lizares Memorial High School (DAALMHS), at Efigenio A. Lizares Memorial High School.

Matapos na makamit ng RBLMHS qng tagumpay sa FOT, sila ang magiging kinatawan ng Unang Distrito ng Talisay sa gaganaping Cluster 2- Festival of Talents (Cluster-FOT) na gaganapin sa Manapla Elementary School sa darating na Enero 28, 2025.

sinulat ni: Ilah Kaye S. Abangin
-


Balita

07/01/2025

Malugod at taos-pusong pagbati sa lahat ng mga kalahok na nakapasok sa Phase 2 ng YSC-Case Study Competition.

Ang inyong dedikasyon, sipag, at talino ay tunay na karapat-dapat na ipagdiwang.
Sa darating na finals sa Enero 16-18 sa UP Diliman, Quezon City, nawa’y patuloy ninyong ipamalas ang inyong galing at pagnanasa para sa tagumpay.

Good luck sa bawat isa sa inyo! Tunay na ipinagmamalaki kayo ng bawat RBLian at magsilbing inspirasyon sa lahat.

Ang inyong tagumpay ay patunay ng inyong hindi matitinag na pagsusumikap.at deterninasyon.
Nawa'y magtagumpay kayo sa bawat hakbang na inyong tatahakin.

-Pagbati mula sa Patnugutan ng Ang Tinig

RBLian ang Tahanan ng mga Kampyeon.

Congratulations for qualifying in the PHASE 2 of YSC- Case study Competition of UP DILIMAN - ALCHEMES!

𝐄𝐍𝐓𝐑𝐘 𝐂𝐒𝐂 𝟎𝟎𝟐

Gian Gabriel Gerona
Mark Anthony Anapi III
Lawrence Cabarles

of Grade 12 STEM CURIE

𝐄𝐍𝐓𝐑𝐘 𝐂𝐒𝐂 𝟎𝟎𝟔

Sanjo Alleza
Ilah Kaye Abangin
Xena Agolino

of Grade 11 STEM HODGKIN and LEIBNIZ

Give your best during the FINALS on JAN 16-18 at UP DILIMAN, Quezon City ❤️❤️

06/01/2025

Bagong Taon: Panibagong Simula, Panibagong Pagkakataon

Sa bawat pagsalubong ng Bagong Taon, isang bagong kabanata ang nagbubukas sa ating mga buhay. Ang bagong taon ay hindi lamang simbolo ng pagbabago ng kalendaryo, kundi isang pagkakataon upang magsimula muli at magtakda ng mga layunin. Para sa mga estudyante, ito ay isang pagkakataon upang magplano para sa mas maganda at matagumpay na hinaharap.

Matapos ang masayang selebrasyon ng Pasko at Bagong Taon, muling nagbabalik sa klase ang mga estudyante upang simulan ang isang taon ng pagkatuto. Ang pagkakataon ito ay hindi lang basta pagbabago ng taon kundi isang pagkakataon para sa mas mataas na layunin at pagpapabuti ng sarili.

Bilang isang estudyante, ang bagong taon ay isang pagkakataon upang pagtuunan ng pansin ang mga aspeto ng aking buhay na nangangailangan ng pagbabago. Minsan, ang dami ng mga gawain at takdang-aralin ay nahihirapan ako, ngunit ngayong taon, gawin kong magtatakda ng mas konkretong plano para magbigay ng mas maraming oras at atensyon sa aking pag-aaral.

Ang bagong taon ay nagdudulot ng mga bagong hamon, ngunit ito rin ay isang pagkakataon para sa ating personal na paglago. Hindi lahat ng bagay ay magiging madali, ngunit sa personal na karanasan natutunan ko na ang bawat hamon ay nagiging oportunidad upang matuto at maging mas matatag.

Kaya't bagamat may mga pagsubok na darating, alam ko na makakaya ko ito, basta't magpursige lamang. Kung kaya ko alam kong kaya nyo rin. Basta't magtiwala sa sarili at may pananalig tayo sa Panginoon.

Sa tulong ng mga g**o at magulang, tiyak na mas madali ang pag-abot sa ating mga pangarap. Ang kanilang suporta ay nagbibigay gabay at lakas upang magtagumpay sa mga layunin. Ang bagong taon ay nagiging simbolo ng bagong simula, isang pagkakataon upang itama ang mga pagkakamali ng nakaraan at magtrabaho nang masigasig para sa isang mas matagumpay na bukas.

Sa huli, ang bagong taon ay hindi lamang panibagong kalendaryo; ito ay isang paalala na ang bawat taon ay may mga bagong pagkakataon para magbago at magtagumpay.

-Harlene Serdevilla
Layout Paige Casag

31/12/2024

LATHALAIN

Media Noche ng mga Pinoy: Isang Pagdiriwang ng Pagkakaisa at Pag-asa

Tuwing hatingabi ng Disyembre 31, ang media noche ay isang makulay at masayang selebrasyon na puno ng tradisyon, pagkain, at pagmumuni-muni.

Ang gabi ng kasiyahan at pagkakaisa ay hindi lamang tungkol sa mga masasarap na pagkaing inihanda, tulad ng lechón, pansit, at p**o bumbong, kundi pati na rin sa mga simbolikong 12 bilog na prutas, na itinuturing na magdadala ng suwerte sa bawat buwan ng bagong taon. Ang tradisyong ito ay nagsimula sa mga Tsino, kung saan ang mga bilog na prutas ay simbolo ng kasaganaan at suwerte.

Isang mahalagang bahagi ng selebrasyong ito ang tradisyon ng pagpapap**ok at paggawa ng ingay. Ang malalakas na tunog mula sa mga pap**ok, torotot, palanggana, busina ng sasakyan, at malakas na pagpapatugtog ng mga speaker ay pinaniniwalaang pagpapalayas ng malas at masamang enerhiya, at isang paraan ng pagtanggap sa bagong taon ng may kaligayahan at kasaganaan.

Ang pagpapap**ok sa media noche ay nag- ugat mula sa paniniwala ng mga sinaunang tao na ang malalakas na tunog ay nagpapalayas ng mga masamang espiritu at malas.

Ang mga tunog ng kasiyahan at ingay na ito ay sumasalamin sa diwa ng media noche bilang isang selebrasyon ng bagong pag-asa at positibong pagbabago.

Ang tunay na diwa ng media noche ay nakasalalay sa pagkakaisa at pag -asa. Sa kabila ng lahat ng mga ingay at kasiyahan, ang mas mahalaga ay ang masayang pagtitipon ng pamilya at mga kaibigan, isang pagkakataon upang magdasal, magpasalamat, at sama-samang pagsalubong ng bagong taon.

Ang bawat tawanan at kwentuhan ay nagdadala ng mga pangarap at hangarin para sa isang mas magaan at matagumpay na bukas.

Kahit na patuloy ang pag-usbong ng mga makabago at banyagang tradisyon, ang media noche ay nananatiling simbolo ng pag-asa at pagkakaisa. Pinapakita nito na sa kabila ng lahat ng pagsubok kinakaharap ng bawat pamilya, ang mga tradisyong Pilipino at ang pagmamahal sa pamilya ay hindi nawawala, bagkus ay nagbibigay ng lakas upang magsimula ng bagong taon ng may pag-asa at mas magagandang oportunidad.

Salubungin natin ang Bagong Taon nang may ngiti sa ating mga labi at puno ng pag-asa.

Isang Masagana at Manigong Bagong Taon sa lahat!

-sinulat ni: Jamilla Anna Baldo
lay out: Paige Casag

25/12/2024

Maligayang Pasko sa inyong lahat!
Nawa’y magsilbing gabay ang liwanag ng Pasko sa ating mga puso at magdala ng pagmamahal, kapayapaan, at kasiyahan sa bawat isa. Pagpalain tayo ng Diyos ngayong Kapaskuhan at sa Bagong taon! 🎄💫,🎉😇♥️