Catbalogan Daily News

23/10/2025

NAGBUNO NGAN NAKAP*T*Y HAN PARAGLUTO LECHON MANOK, NAKILAL-AN NA.

Ginpapahibaro an publiko nga magin alerto ngan mabinantayon kontra han usa nga lalaki nga gin-aalegar nga may kalabutan ha panigbas nga natabo han alas 2:20 han kaagahon, Oktubre 20, 2025, ha may San Bartolone St, Barangay 4, Catbalogan City, diin namatay an biktima nga hi Elmer Gabiana.

An una nga pagkilala ha suspetsado amo hi Ricardo “Ardo” Solis, pero subay han mas halarom nga imbestigasyon ngan pahayag han mga testigo, napamatud-an nga an iya tinuod nga ngaran amo hi Marlon Opiasa Solis, nga nagpapagamit han mga alyas “Ricardo” o “Ardo.”

Hi Marlon Opiasa Solis in padayon nga ginbabantayan han kapulisan matapos masabtan nga may kalabutan hiya ha kaso nga panmatay (Murder).

Gin-aaghat an publiko nga:

Magin alerto ha iya presensya ha bisan diin nga lugar;

Ireport dayon ha pinakamahirani nga police station kon makakita hin tawo nga kapareho an hitsura o ngaran;

Tumawag ha Catbalogan City Police Station ha numero 0905-319-7114 para hin madagmit nga aksyon.

Bisan hin-o nga makakahatag hin impormasyon mahitungod ha lokasyon o presensya han nasabi nga suspetsado in dako an maitatabang ha pag-angkon hin hustisya para han biktima.

Padayon an panawagan han Catbalogan City Police Station hin kooperasyon tikang ha publiko basi magpadayon an kamurayawan ngan hustisya ha aton komunidad.///

Pls share.

23/10/2025

KITAA: Elf truck ngan private van nagbungguay yana ha brgy Bato, Paranas Samar.

*Details to follow

23/10/2025

⚠️ TRIGGER WARNING: BABAYE, GINP*T*Y AN BANA KATAPOS MABARUAN NGA GINLABTAN AN IRA ANAK NGA BABAYE

Tungod han sobra nga kahangrit, nap*t*y hin usa nga babaye an iya bana, katapos niya madiskubre nga an ira anak nga babaye naburod han iya mismo amay.

Sumala ha inisyal nga imbestigasyon, maiha na nga ginpamaladyaan han amay an ira anak, pero tungod han kahadlok, waray ini magsumat bisan kanay. Gintarhog pa daw han amay an iya anak nga diri magsumat han iya ginbubuhat.

Tubtob ha usa nga adlaw, mismo an asawa an nakadakop han iya bana nga may ginbubuhat nga diri angay kontra ha ira anak. Labi pa nga nakasakit ha iya an paghibaro nga naburod pa an bata han iya kalugaringon amay.

Nagdudumara pa hin dugang nga imbestigasyon an kapulisan matapos madakop an babaye nga ginsuspetsahan ha pagpatay, basi maklaro an kumpleto nga detalye ngan kahimtang han nasabi nga trahedya.

📷Yes FM Cebu

23/10/2025

TRIGGER WARNING: 51 ANYOS NGA LALAKI HA TANAUAN, LEYTE NAG UNAY TUNGOD HAN DEPRESYON

Usa nga 51-anyos nga lalaki an gintapos an iya kalugaringon kinabuhi ha Barangay Sto. Niño, Tanauan, Leyte.

Ginkilala an biktima kan alyas “Apoy”, 51 anyos, may asawa, duha nga anak, tricycle driver, ngan residente han nasabi nga barangay.

Sumala ha impormasyon tikang ha iya hipag, an iya nanay mismo an nakadiskubre han patay nga lawas han biktima pasado alas 4 han maagahon, Oktubre 23, ha sulod han ira bodega.

Base ha inisyal nga imbestigasyon, gin-aalegar nga nakaka eksperyensya hin depresyon an biktima ngan pira na ka gab-i nga diri na nakakaturug hin maupay.

Waray naman nadiskubre nga panigamnan hin foul play ha lawas han biktima.

22/10/2025

Salamat Telco Eastern Visayas ha pag-imbitar han Catbalogan Daily News han formal launching ha Calbayog City.

22/10/2025

DEPED NAGDEKLARA HIN MID-SCHOOL YEAR WELLNESS BREAK: WARAY ANAY INSET HA SEMBREAK

Pormal nga ginpasamwak yana han Department of Education (DepEd) an pagpapatuman hin four-day mid-school year wellness break para ha mga magturutdo ngan estudyante tikang Oktubre 27 (Lunes) tubtob Oktubre 30 (Huwebes), 2025.
Mabalik an klase ha Nobyembre 3 (Lunes).

Subay han memorandum nga ginpalusad han DepEd, an mao nga sem break in oras para ha pahingay ngan mental wellness han mga magturutdo ngan estudyante, ngan igsuspende anay an mga In-Service Training (INSET) durante han nasabi nga semana.

An desisyon in nasunod han padayon nga panawagan han mga grupo han magturutdo, sugad han Teachers’ Dignity Coalition (TDC), nga kanselahon an INSET ha panahon han semestral break. Sumala ha grupo, an pagdumara hin training ha panahon han pahuway in nakakapawara han orihinal nga katuyoan han break — an paghatag hin tinuod nga oras para ha pagpahuway ngan pagrekober han mga magturutdo.

Pinaagi hini nga pitad, ginlalauman han DepEd nga magin mas produktibo, maenergize, ngan mentally ready an mga titser ngan estudyante pagbalik han klase ha Nobyembre 3.///

22/10/2025

COCO MARTIN, MAKIKISALAMUHA HA MGA FANS HA TACLOBAN!

Magigin mas makusog pa an excitement ha siyudad han Tacloban samtang gin-aabangan han mga taga-Sinirangan Bisayas an personal nga pag-abot han “Hari ng Aksyon” nga hi Coco Martin!

Gin-aandam an usa nga espesyal nga event nga bubuhaton ha Oktubre 26, tikang alas 1 tubtob alas 3 han kulop, ha Robinsons Place Tacloban – Marasbaras, nga ginduduso han Toyota Tacloban, Leyte.

Ini nga aktibidad nagdadara han tema nga “From the TV screen to your scene, Tacloban!” — usa nga higayon para ha mga fans nga makakita mismo ha aktor nga nagpapasikat ha telebisyon ngan pelikula.

Gindadabi han mga organizers an publiko nga makig-upod, magdara han ira pamilya ngan mga sangkay, ngan mag-enjoy ha usa nga adlaw nga puno hin excitement, entertainment, ngan inspirasyon tikang ha paborito nga action star.

📅 Kalendaryoha na!
Oktubre 26, alas 1–3 han kulop, ha Robinsons Place Tacloban.
Ini nga kaganapan gindara ha imo han Toyota Tacloban, Leyte.

H E A D S UP!

From the TV screen to your scene, Tacloban!
Get ready to meet Ang Hari ng Aksyon — COCO MARTIN! 🔥💪

Catch him live this October 26, from 1 to 3 PM, at Robinsons Place Tacloban – Marasbaras, brought to you by Toyota Tacloban, Leyte!

Bring your family and friends — don’t miss this exciting event!
See you this October 26, 1 to 3 PM, only at Robinsons Tacloban!

22/10/2025

KITAA: OPISINA HAN DPWH NASUNOG HA PAGKAYANA.

Naglaga yana, Oct. 22, an usa nga opisina han Department of Public Works and Highways (DPWH)- Bureau of Research and Standard Office nga aada hirani ha EDSA-Kamuning MRT station.

Sumala ha impormasyon nga nakuha tikang ha video ni Dianne Naval, makikit-an an makusog nga kalayo nga tikang ha nasabi nga building samtang padayon an paningkamot han mga bombero nga maparong an kalayo.

Naapula naman an sunog banda alas dos han kulop.

Nagpapadayon yana an imbestigasyon han Bureau of Fire Protection (BFP) para matudlok an gintikangan han sunog.///

Source: Video courtesy of Dianne Naval.

22/10/2025

KITAA: Usa nga Puropangisda an nakit-an ha lawod nga waray na kinabuhi .

Sumala san uploader nga si Rovert V. Marijuan, gindara an mao nga lalaki ha Culaba, Biliran. Ngan waray pa ini pangilal-an.

Nakit-an ini yana nga adlaw Miyerkules, October 22, 2025.

📷Rovert V. Marijuan

22/10/2025

TRIGGER WARNING: MAESTRA GINPUSIL P*T*Y HAN IYA BANA HA SULOD HAN CLASSROOM HA MATALOM, LEYTE, BANA P*T*Y KAHUMAN PUSILON AN IYA KALUGARINGON

Patay an usa nga maestra matapos pusilon han iya mismo mister ha sulod han classroom ngan patay liwat an mister kahuman pusilon an iya kalugaringon

Natabo an mao nga insidente ha Agbanga Elementary School, Brgy. Agbanga, Matalom, Leyte, pasado alas 11:05 han aga, Oktubre 22, 2025.

Ginkilala an biktima kan alyas “Ellen”, 39 anyos, samtang an suspetsado amo an iya bana nga ginkilala kan “Lino”, 49 anyos, pareho residente han Brgy. Caridad Sur, Matalom.

Sumala ha impormasyon tikang ha Matalom Municipal Police Station, nagdalagan an biktima ngadto ha classroom han iya co-teacher basi mangaro hin bulig, pero ginsundan hiya dayon han suspetsado. Pag-abot han lalaki, waray ruha-duha nga ginpanmumusil niya an iya asawa.

Damo an igo hin bala ha magkalainlain nga parte han lawas han biktima nga nagin hinungdan han iya kamatayon.

Katapos han krimen, kumalagiw an suspetsado sakay hin busag nga Suzuki mini-van pakadto ha direksyon han Matalom proper.

Padayon yana an hot pursuit operation han kapulisan basi madakop an suspetsado.

Ini na an ikaduha nga kaso hin pagpamusil ha sulod han eskwelahan ha Leyte hini nga bulan diin an biktima in maestra ngan an suspetsado amo in iya la ngahaw bana.

Manunumduman han nakalabay nga Oct. 16 usa liwat nga maestra nadara ha ospital human ginpusil han iya bana ha sakub han classroom ha Tanauan School of Craftmanship and Home Industries, ha Tanauan, Leyte.

20/10/2025

DRUM & LYRE CORPS HAN SAMAR NATIONAL SCHOOL, NAGDAOG HAN KAMPEONATO HA REGIONAL COMPETITION NGA BANDA RAYHAK 2025

Ginpasidunggan an Samar National School Drum and Lyre Corps (SNS-DLC) nga kampeon ha 2025 Pintados Banda Rayhak Interschool Regional Drum and Lyre Competition nga ginbuhat kanina, Oktubre 20, 2025 ha RTR Plaza, Tacloban City.

Waray la nira maangkon an kampeonato, kundi naglampos gihapon an grupo ha lima nga espesyal nga kategorya:
🌟 Best Visual Effects
🌟 Best Color Guard Section
🌟 Best Choreography
🌟 Best Pit Section
🌟 Best Drumline

Dako an kalipay ngan garbo han mga Samariñan ngan Catbaloganon tungod han kadungganan nga iginpauli han SNS-DLC, nga nagpapakita han ira dedikasyon, disiplina, ngan talento ha larangan han musika ngan presentasyon.

Sumala kan 100000653185559:2048:Rhum Ortiz Bernate, principal han eskwelahan, ini nga kadaugan in ebidensya han padayon nga pagpaningkamot han grupo nga maipakita an husay ngan kalidad nga pagtatanghal.

An SNS-DLC in padayon nga nagpapasidungog ha ngaran han Samar National School, ngan nagpapadangat hin inspirasyon ha kabataan nga may pagigugma ha musika ngan sining.

An mao nga paisan-isan in ginpartisiparan hin magkalain-lain nga mga eskwelahan ha rehiyon otso.///

🎥Reyna Part 3

20/10/2025

DRUM & LYRE CORPS HAN SAMAR NATIONAL SCHOOL, NAGDAOG HAN KAMPEONATO HA REGIONAL COMPETITION NGA BANDA RAYHAK 2025

Ginpasidunggan an Samar National School Drum and Lyre Corps (SNS-DLC) nga kampeon ha 2025 Pintados Banda Rayhak Interschool Regional Drum and Lyre Competition nga ginbuhat kanina, Oktubre 20, 2025 ha RTR Plaza, Tacloban City.

Waray la nira maangkon an kampeonato, kundi naglampos gihapon an grupo ha lima nga espesyal nga kategorya:
🌟 Best Visual Effects
🌟 Best Color Guard Section
🌟 Best Choreography
🌟 Best Pit Section
🌟 Best Drumline

Dako an kalipay ngan garbo han mga Samariñan ngan Catbaloganon tungod han kadungganan nga iginpauli han SNS-DLC, nga nagpapakita han ira dedikasyon, disiplina, ngan talento ha larangan han musika ngan presentasyon.

Sumala kan Rhum Ortiz Bernate, principal han eskwelahan, ini nga kadaugan in ebidensya han padayon nga pagpaningkamot han grupo nga maipakita an husay ngan kalidad nga pagtatanghal.

An SNS-DLC in padayon nga nagpapasidungog ha ngaran han Samar National School, ngan nagpapadangat hin inspirasyon ha kabataan nga may pagigugma ha musika ngan sining.

An mao nga paisan-isan in ginpartisiparan hin magkalain-lain nga mga eskwelahan ha rehiyon otso.///

🎥Reyna