Catbalogan Daily News

Catbalogan Daily News Updates and Advertisement

ATM. Sunog Brgy. San Pablo, Catbalogan CityUpdate: Parong na
10/09/2026

ATM. Sunog Brgy. San Pablo, Catbalogan City

Update: Parong na

DEPED MAGPAPATUMAN HIN WELLNESS BREAK PARA HA MGA MAGTURUTDO HA SEPTYEMBRE 14–15Magkakaada hin wellness break para ha mg...
10/09/2026

DEPED MAGPAPATUMAN HIN WELLNESS BREAK PARA HA MGA MAGTURUTDO HA SEPTYEMBRE 14–15

Magkakaada hin wellness break para ha mga magturutdo an Department of Education (DepEd) ha Septyembre 14 ngan 15, 2026, uyon ha panuyo han three-term school calendar.

Durante hini nga duha ka adlaw, diri dapat tagan hin opisyal nga trabaho an mga magturutdo sugad han meetings, trainings, school activities, reports, submissions, asynchronous deliverables, ngan iba pa nga mga opisyal nga buruhaton.

An wellness break gintuyo basi matagan an mga magturutdo hin higayon nga makapahuway, makarekober, ngan matagan hin prayoridad an ira kaupayan, ilabi na ha kadamo han ira mga responsabilidad ha sulod han school year.

Gin-aaghat liwat an mga eskwelahan nga respetuhon an wellness break ngan diri magbutang hin mga buruhaton nga makakaistorbo ha panahon han pagpahuway han mga maestro ngan maestra.///

TAGA CALBIGA, SAMAR,; API HAN GINKILALA KOMO NATIONAL ARTIST Usa nga taga - Calbiga, Samar an natagan hin pagkilala komo...
10/09/2026

TAGA CALBIGA, SAMAR,; API HAN GINKILALA KOMO NATIONAL ARTIST

Usa nga taga - Calbiga, Samar an natagan hin pagkilala komo National Artist for Dance ngan ini amo hi Rafael “Nonoy” Catalino Froilan pinaagi han Proclamation No. 1414.

Hi Froilan usa nga bantogan nga Filipino ballet dancer ngan choreographer nga naghatag hin daku nga kontribusyon ha pag-uswag ngan pagkilala han Philippine ballet. Pinaagi han iya talento, disiplina, ngan dedikasyon, iya ginpabaskog an papel ngan artistry han mga ballet dancer ha Pilipinas.

Tikang ha Calbiga ngadto ha dagku nga entablado, an iya pagbiyahe ha kalibungan han sayaw nagin inspirasyon ha damu nga Pilipino ngan nagpakita nga an talento ngan kultura han Samar mahimo umabot ha pinakamahitaas nga lebel han art.

Ginpasidunggan hi Froilan kaupod han 10 bag-o nga National Artists nga ginngaranan ni Presidente Ferdinand Marcos Jr. para han 2025, nga an proklamasyon in ginpahibaro han Septyembre 2026.

Kaapi han iba pa nga ginpasidunggan amo hira Nicanor Tiongson ngan Gregorio Brillantes para ha Literature; Imelda Cajipe Endaya ngan Nunelucio Alvarado para ha Visual Arts; Gabriel Formoso para ha Architecture; Maria Beatriz “Patis” Tesoro para ha Design (Fashion); Armando “Bing” Lao para ha Film and Broadcast Arts; Teodoro Hilado para ha Theater; ngan Alfredo S. Buenaventura para ha Music.

Para ha Calbiga, an pagkilala kan Froilan diri la usa nga personal nga kadungganan kundi usa liwat nga garbo han ira bungto ngan han bug-os nga Samar.

An Calbiga yana “nagsasayaw” ha kalipay ngan garbo kaupod han ira kababayan nga hi Nonoy Froilan.///

📷Ctto

5 P*T*Y, 42 LIGTAS; 87 PA GINHAHANAP KATAPOS MASUNOG AN BARKO HA CORONLima na an kumpirmado nga p*t*y, 42 an naluwas, sa...
09/09/2026

5 P*T*Y, 42 LIGTAS; 87 PA GINHAHANAP KATAPOS MASUNOG AN BARKO HA CORON

Lima na an kumpirmado nga p*t*y, 42 an naluwas, samtang 87 pa an ginhahanap katapos masunog an barko nga M/V June Aster ha katubigan han Barangay Marcilla, Coron, Palawan, han Miyerkules nga gab-i, Septyembre 9, 2026.

Sumala ha update han mga awtoridad alas-3:30 han kaagahon, tulo ha mga namatay in kalalakin-an, usa an babaye, ngan usa an bata nga lalaki.

Mayda 134 nga sakay han barko han nahitabo an sunog, lakip an 117 nga pasahero ngan 17 nga tripulante.

Padayon yana an search, rescue ngan firefighting operations han mga awtoridad ha lugar basi mabilngan an mga tawo nga waray pa makita.///

📷Ctto

SECURED HOSPITAL ROOM, ANDAM NA PARA KAN ROMUALDEZAndam na an secured hospital room ha PNP General Hospital para kan ana...
09/09/2026

SECURED HOSPITAL ROOM, ANDAM NA PARA KAN ROMUALDEZ

Andam na an secured hospital room ha PNP General Hospital para kan anay House Speaker Ferdinand Martin Romualdez, nga aada yana ha kustodiya han mga kapulisan.

📸 PNPGH

KASO HA ILLEGAL NGA ARMAS KONTRA HIN BARANGAY CHAIRMAN HA STA. MARGARITA, GINPASAKA NA.Ginpasakaan na hin kriminal nga k...
09/09/2026

KASO HA ILLEGAL NGA ARMAS KONTRA HIN BARANGAY CHAIRMAN HA STA. MARGARITA, GINPASAKA NA.

Ginpasakaan na hin kriminal nga kaso an usa nga incumbent barangay chairman kasunod han pagpatuman hin search warrant nga nagresulta ha pagkakuha hin mga high-powered fi****ms ngan mga bala ha Barangay Mabuhay, Sta. Margarita, Samar.

Sumala ha Samar Police Provincial Office (SPPO), ginpasaka na an kaso ha Office of the Provincial Prosecutor ha Calbayog City, kontra ha respondent nga kilala ha alyas nga “Naldo,” 38 anyos, may asawa ngan residente han Sta. Margarita.

An kaso amo an pagtalapas ha Republic Act No. 10591, o an Comprehensive Fi****ms and Am******on Regulation Act.

An respondent gin-aresto hadton Agosto 24, 2026 ha implementasyon han search warrant nga iginpagawas ni Hon. Avelino Decoroso M. Basco, Executive Judge han RTC Branch 31 ha Calbayog City.

Gindumara an operasyon han Provincial Intelligence Unit–Samar Police Provincial Office (PIU-SPPO) ha pakigkoordinar ha 1st Samar Provincial Mobile Force Company, Sta. Margarita Municipal Police Station, ngan Task Force “KAMURAYAW.”

Narekober ha balay han respondent an usa nga .45-caliber C**t MK IV pistol nga may unom nga live rounds; usa nga steel magazine nga may pito nga live rounds; ngan usa nga C**t M16 r***e nga may Geissele Automatics upper receiver ngan may gin-deface nga serial number. An M16 r***e kargado hin 20 nga bala nga 5.56-mm.

Waray makapagpakita an respondent hin legal nga mga dokumento para ha mga armas ngan bala nga narekober.

Gindumara an operasyon ha presensya han mga insulating witnesses, upod an mga miyembro han barangay council ngan usa nga representante han media. An mga nakumpiska nga armas ngan bala gin-inventory, ginmarkahan ngan ginpiktyuran subay ha mga kinahanglanon ha balaod ngan A.M. No. 21-06-08-SC.

Antes gindara ha Sta. Margarita Municipal Police Station para ha dokumentasyon, ginsumatan an respondent han rason han iya pag-aresto ngan han iya mga katungod ha ilarom han Konstitusyon.

Ginpasalamatan ni PCOL Arwin M. Tadeo, Provincial Director han Samar PPO, an mga police units nga nagpatuman han operasyon.

Siring ni Tadeo, padayon an kampanya han kapulisan kontra ha loose o illegal fi****ms ha probinsya.

Dugang pa niya, determinado an Samar PPO nga ipadayon an istrikto nga pagpatuman han balaod ha armas basi mapanalipdan an kamurayawan, kahapsay ngan seguridad ha mga komunidad ha Samar.///

📷Pulis ng Samar

DUHA NGA PUPILS HA TACLOBAN, GIN-ALEGAR GINKIDNAP HIN PWD AGUD GAMITON PANLIMOSDumangop ha usa nga radio station ha Tacl...
09/09/2026

DUHA NGA PUPILS HA TACLOBAN, GIN-ALEGAR GINKIDNAP HIN PWD AGUD GAMITON PANLIMOS

Dumangop ha usa nga radio station ha Tacloban in duha nga tatay nga naghangyo hin bulig ha publiko ngan mga otoridad basi mabilngan an ira duha nga minor de edad nga mga anak nga 14 ka-adlaw na nga nawawara.

An mga kabataan nga hira Ernesto III S. Asis ngan John Mark V. Cañasares, pareho mga elementary students ha Tacloban City.

Ha interview han RMN Tacloban, siring ni Francisco Cañasares, tatay ni John Mark, nga usa nga lagas nga person with disability (PWD) nga gintatawag nga “Narsing” an ginkikilala nga nagkuha han duha nga kabataan.

Subay ha impormasyon ni Cañasares, gin-aalegar nga gindadara an mga bata ha iba-iba nga lugar basi gamiton ha panlimos para makakwarta an nasabi nga lalaki.

Gindugang niya nga ha ira mga nakuha nga impormasyon, nakadto na ha Tanauan, Palo, Alangalang ngan Dulag an mga kabataan basi manlimos.

Iginreport na ni Cañasares an insidente ha Tacloban City Police Station 2 ngan ha iba pa nga police stations para buligan an pag-trace ngan pagpangita ha mga bata.

Yana, padayon an panawagan han mga kag-anak ha publiko nga maghatag hin impormasyon ha mga awtoridad kun may nakikit-an nga posible amo nga mga kabataan.

Ginpapanawagan liwat nga diri maghimo hin personal nga aksyon kontra ha ginkikilala nga suspek, lugod ipahibaro dayon ha pinakahirani nga police station an bisan ano nga impormasyon nga makakabulig ha pagtalwas ngan pagpauli han duha nga kabataan.///

📷RMN Tacloban

PILIPINAS NAKA-REKORD HIN PINAKAHITAAS NGA PISA SCORE HA SCIENCE, MATH NGAN READINGNakapagtala an Pilipinas hin pinakahi...
08/09/2026

PILIPINAS NAKA-REKORD HIN PINAKAHITAAS NGA PISA SCORE HA SCIENCE, MATH NGAN READING

Nakapagtala an Pilipinas hin pinakahitaas nga performance ha PISA ha Science, Mathematics, ngan Reading ha 2025, sumala ha Department of Education (DepEd).

Ha bag-o nga resulta han Programme for International Student Assessment (PISA) 2025, nakakuha an mga Filipino nga 15 anyos nga learners hin 373 puntos ha Science, 371 ha Mathematics, ngan 367 ha Reading. Ini nga mga iskor mas hitaas hin 17 puntos ha Science, 16 ha Mathematics, ngan 20 ha Reading kumpara ha resulta han 2022.

Ha ranggo naman, ika-77 ha 91 nga nasud an Pilipinas ha Science, ika-74 ha 90 ha Mathematics, ngan ika-72 ha 90 ha Reading.

Kundi ha luyo han pag-uswag, nagpapabilin nga mas ubos an performance han Pilipinas kumpara ha average score han mga nasud nga miyembro han Organisation for Economic Co-operation and Development (OECD), nga 482 ha Science, 463 ha Mathematics, ngan 461 ha Reading.

Base ha mean scores, nalabwan han Pilipinas an 14 nga nasud ha Science, 16 ha Mathematics, ngan 18 ha Reading.

Mas makapainteres pa, ginkilala han OECD ha iya 10-year trend analysis an Pilipinas sugad nga pinakapaspas nga nag-iimprove ha Reading performance. Nakita liwat an positibo nga long-term trend ha Mathematics ngan Science.

Sumala ha DepEd, importante ini nga kalampusan para ha mga learners ngan ha bug-os nga sistema han edukasyon, pero kinahanglan padayon an mga panalimbasog basi mas mapaupay pa an learning outcomes ngan matagan hin suporta an mga estudyante ngan mga magturutdo.

An PISA usa nga internasyonal nga assessment nga nagtutdo ngan nagsusukol han kahibaro ngan skills han 15-anyos nga mga estudyante ha Reading, Mathematics, ngan Science.///

📷AI made

ROMUALDEZ, GIN-ARESTO SAMTANG NAKA-CONFINE HA OSPITALGinpailarum ha booking procedures hi anay House Speaker Martin Rom...
07/09/2026

ROMUALDEZ, GIN-ARESTO SAMTANG NAKA-CONFINE HA OSPITAL

Ginpailarum ha booking procedures hi anay House Speaker Martin Romualdez matapos hiya arestuhon ha usa nga pribado nga ospital ha San Juan City tungod han kaso nga plunder.

Sumala kan CIDG-NCR Chief PCol. John Guiagui, ginserbi kan Romualdez an warrant of arrest samtang naka-confine ha ospital.

Iginbawbaw la anay ha iya an detainee shirt para ha proseso han pag-aresto. Waray na liwat tanggala an mga medical apparatus nga nakakabit ha iya kamot samtang gindudumara ha booking procedures.///

📸 PNP-CIDG

WARRANT OF ARREST GINPAGAWAS NA KONTRA ROMUALDEZ, ZALDY CONagpagawas na yana nga kulop, September 7, 2026, hin warrant o...
07/09/2026

WARRANT OF ARREST GINPAGAWAS NA KONTRA ROMUALDEZ, ZALDY CO

Nagpagawas na yana nga kulop, September 7, 2026, hin warrant of arrest an Sandiganbayan Third Division kontra kan anay House Speaker Martin Romualdez, anay Ako Bicol Representative Zaldy Co, ngan duha pa nga akusado ha P7.44-bilyon nga plunder case nga may kalabotan ha ginsisiring nga kickback scheme ha flood control projects.

Lakip ha iba pa nga ginpapangita amo hira Joselyn Tragua Serenio ngan Felicito Cristobal Guevarra.

Sumala ha korte, nakit-an hini an probable cause basi magpagawas hin warrant of arrest matapos repasuhon an resolusyon ngan mga ebidensya nga ginsumite han Office of the Ombudsman.

Nagpagawas liwat an korte hin hold departure order kontra ha upat nga akusado, nga nangangahulogan nga diri hira puydi lumakat ha gawas han nasud samtang nagpapadayon an kaso.

An kaso naglalakip han alegasyon nga nakakarawat hira hin diri maminos ha P7.44 bilyon nga commissions, kickbacks, shares, commitments ngan iba pa nga pinansyal nga benepisyo tikang ha mga contractor ngan iba nga may interes ha flood control, infrastructure ngan iba pa nga proyekto han gobyerno tikang 2022 tubtob 2025.

Gin-emphasize han Sandiganbayan nga an warrant of arrest nangangahulogan la nga nakit-an han korte an probable cause ngan diri pa ini nagdidesisyon nga salaan an mga akusado. Padayon nga may presumption of innocence an mga ini tubtob mapamatud-an an ira sala ha korte.///

📷Ctto

Address

Catbalogan
6700

Website

Alerts

Be the first to know and let us send you an email when Catbalogan Daily News posts news and promotions. Your email address will not be used for any other purpose, and you can unsubscribe at any time.

Shortcuts

Share

Category