29/05/2026
ππ¨π¦π§πππ ππ’π₯ ππ¨π‘ππ πππ’π₯ππ¦ ποΈ
Nananawagan ngayon ng hustisya at masusing imbestigasyon ang pamilya ng isang army trainee mula sa Lamitan City matapos itong pumanaw habang sumasailalim sa formal military training sa Tarlac.
Kinilala ang trainee na si Junel Flores, residente ng Barangay Colonia, Lamitan City, Basilan.
Ayon sa pamilya, umalis si Junel noong May 19 upang dumalo sa kanyang oath-taking ceremony at simulan ang pagsasanay bilang sundalo β isang pangarap na matagal na niyang nais makamtan.
Noong May 26, nakatanggap umano ng balita ang pamilya na bigla itong nawalan ng malay at isinugod sa ospital. Una raw nilang nalaman na posibleng dulot ito ng matinding pagod at init habang nasa training.
Ngunit makalipas ang ilang oras, ipinaalam sa kanila na hindi na ito naisalba at kalaunan ay idineklarang patay.
Lubos ang pagdadalamhati at pagdududa ng pamilya matapos nilang mapansin umano ang mga pasa at marka sa ibaβt ibang bahagi ng katawan ni Junel, kabilang ang ulo, dahilan upang hilingin nila ang malinaw at patas na imbestigasyon sa tunay na nangyari.
Sa isang emosyonal na pahayag, sinabi ng kanyang ina na si Victorina Flores:
βHindi namin matanggap ang nangyari sa anak namin. Pangarap niyang maging sundalo at lumaban para sa kinabukasan niya. Gusto lang namin malaman ang totoo kung ano talaga ang nangyari sa kanya.β
Samantala, bumuhos naman online ang pakikiramay at panawagan ng publiko para sa transparency at hustisya para kay Junel.
Sa ngayon, wala pang opisyal na pahayag ang mga kinauukulang awtoridad hinggil sa insidente.
