14/07/2025
Dunay usa ka niwang nga kabayo nga nahulog sa lalum ug karaang tabay nga wala nay tubig.
Gabie na to ug gisamukan ang mga silingan sa kabanha sa kabayo nga nagtyabaw, daw nangayo ug pakitabang.
Pagkabuntag sayo, nakahukom ang tag-iya nga sanglit niwang na kaayo ang kabayo ug bukog panit nalang, ug wala na poy tubig ang tabay, mas maayo pag tambakan nalang kini ug yuta.
Busa nagpatabang siya sa iyang mga silingan ug itsag lapuk, nang-gitagsa silag pala arun dali rang mapuno ang tabay ug matabunan ang kabayo, ug arun wala nay makaisturbo sa ilang katulugon.
Sa sinugdan, luoy kaayong nagtyabaw ang kabayo ilabinag maigo ang iyang buko2x sa usa ka palang lapuk, apan sa kadugayan nahilum kini.
Nagtuo sila nga natabunan na kini apan daku kaayo ang ilang kahibulong sa dihang ila kining gi-usisa tungod kay duol naman diay sa baba sa tabay ang kabayo.
Ug ilang na-obserbahan nga sa matag pala sa lapuk nga muigo sa iyang buko2x, musayaw lang ang kabayo arun mahulog sa iyang tiilan ang mga lapuk ug nahimu kini niyang tumbanan...arun makagawas siya sa maong tabay.
POV:
Naay mga panahon sa atong kinabuhi nga sama sa kabayo, mahulog pud tag daq tabay nga gilawmon sa kalisdanan, nga ang atong pakitabang nakahasul diay sa mga tawong giisip natong mga higala ug silingan, nga imbes tabangan ta nga makagawas sa maong tabay, ilubong pa hinuon ta sa sakit nga lapuk sa mga pagtamay.
Peru kung kaantigo lang tang moduko sama sa kabayo ug musayaw kung naay lapuk sa pagbiay-biay nga mahulog sa atong buko-buko, sa kaulahian, mahimo ra pud nato silang tumbanan arun makagawas ta sa daw tabay nga gilawom sa mga pagsuway😉😉😉
ctto
