27/08/2026
ππππ-ππ πππππππ ππππ ππ ππππππ πππππ πππππππππ ππ βππβ πππππππ?
DUMANJUG, CEBU- Pito ka buwan nga masu-so nga bata ang nakalas, gitoohang hinungdan sa kamatayon niini ang pag tusok sa Measles-Rubella (MR) nga vaccine didto sa Balayβg Tiki Health Center, duha ka semana ang milabay gikan kini ma tusokan sa maong bakuna.
Ang namatay nga masu-so mao si Zanaiah Zyleigh Zozobrado Bayawa , pito ka bulan didto ni nag puyo sa Purok-2 Barangay Dol-dol sa lungsod sa Dumanjug.
Ang masu-so nga bata namatay niadtong Agosto 24,2026 sa alas 3:53 ang takna sa hapon niadtong higayona didto sa Barili District Hospital na nadala ang bata.
Human kini matod pa gibalibaran sa Dumanjug Rural Healh Unit-1, dihang didto una gidala ang bata tungod sa kombulsiyon.
Ang tubag matod pa sa taga Rural Health Unit nga nag nganlan og βArleneβ ngadto na sa mga apohan og ginikanan nga nag dala sa bata nga nag βcut offβ na matod ang Rural Health Unit tungod sa kadaghan nga gi-atiman niini sukad pa nianang buntag niadtong Agosto 24, atol sa pag dala sa bata sa tambalanan.
Gani gihulagway pa sa ginikanan sa namatay nga masu-so ingon man ang mga apohan niini nga bisan kritikal na ang ilang pasiyente wa gani susiha.
Wala usab sila hatagi og masakyan nga ambulansiya paingon sa Barili District nga dinali-an man unta kay delikado ang sitwasyon sa bata.
Una niini sa wala pa ang mga panghitabo og sa pagkamatay sa masu-so nga bata nag sugod gyud ang tanan niadtong Agosto 10, dihang ang pag pahigayon lang unta sa pag pa immunized kang Zanaiah Zyleigh ngadto na sa Barangay Balayβg Tiki Health Center.
Niadtong higayona ang apohan nga si Evelyn Bayawa maoy kuyog sa masuso nga bata didto sa health center sanglit nga ang mga giniknan niini pulos dunay trabaho.
Si Evelyn dunay mga pangutana nga gihimo kaniya kabahin sa impormasyon sa apo niini.
Hangtod nga na atiman ang maong masuso, sa nadumdoman ni Evelyn nga kaduha kini gitusokan og bakuna.
Ang Inactived Polio Vaccine (IPV) nga maoy gyud ang naka eskidyul niadtong Agosto 10, samtang nasukan usab kini sa Measles-Rubella (MR) nga vaccine.
Lakip sa gihatag sa masuso mao ang Vitamin A Administration subay sa card sa masuso usa ka Rodeliz Reyes usa ka Registered Nurse ang ni nitusok sa bata niadtong higayona.
Alang kang Evelyn nga wa siya pangutan-a sa maong nurse apan dako ang iyang pag salig nga luwas ang iyang apo tungod kay sila man ang mas nahibalo sa panglawas sa bat
Human mapa immunized ang bata nipa-uli na ang mag apohan, pag-abot sa ilang balay matod pa nisuka ang bata, ang apohan usab dali nga gi atiman og nakig hagwa sa bata dungan sa pangutana kon nganong iya kining gisuka ang mga bitamina nga gihatag sa iyaha.
Nanglabay ang mga adlaw hangtod nga miabot ang adlawβng domingo petsa 23, nagka guliyang mga apohan dihang gihilantan ang ilang pinangga nga apo.
Maong ila kini gidala sa tambalanan, apan pila ka mga tambalanan sa lungsod ang ilang gipang adto-an apan matod pa nga sarado kini.
Nianang lunes sa buntag didto na nagka lisang-lisang ang pamilyang Bayawa tungod sa misaka na ang temperatura sa hilanat sa bata maong ila kini gidala sa RHU Dumanjug apan gibalibaran sila.
via | Benjie Banguis Talisic, XFM News
