12/09/2025
During the Oplan Pakigsandurot open forum, many people ask: How can we minimize the involvement of children aged 15 years old and below in crime, knowing that they cannot be imprisoned if they commit an offense?
Answer: Tinood nga usa sa dakong hagit karon mao ang pagdaug sa mga kabataan nga mas sayo pa nakaapil sa dautang binuhatan. Apan tungod sa balaod, ang mga 15 anyos paubos dili man mapriso, mao nga kinahanglan lahi ang pamaagi sa pag-atiman nila.
Una, preventive approach ang pinaka-epektibo—ato silang tabangan sa edukasyon, sports, ug skills training aron naa silay kapuslanan ug kalipay nga layo sa bisyo ug krimen.
Ikaduha, parental responsibility—ang pamilya gyud ang unang eskwelahan. Kinahanglan nato lig-onon ang suporta ug pagtabang sa ginikanan sa ilang papel sa pagbantay ug paggiya sa ilang mga anak.
Ikatulo, community involvement—kung makita nato nga adunay kabataan nga nagsugod ug dautang binuhatan, dili nato pasagdan. Pwede nato sila maapil sa counseling, livelihood ug outreach programs aron masayod sila nga naay nagtagad ug naay mas maayong dalan para nila.
Sa ato pa, kung dili nato sila mapriso, mas maayo nga ato silang maalalayan, madisiplina, ug mahatagan ug oportunidad para sa tarong nga kaugmaon.
