28/04/2025
๐๐๐๐๐๐ ๐ก๐๐ฃ๐๐๐๐๐ก๐ ๐ฃ๐๐ง๐๐ฌ ๐ฆ๐จ๐๐ข๐ ๐ฆ๐ ๐ฆ๐๐๐ฌ๐๐ก๐๐ก ๐จ๐ ๐๐จ๐ก๐๐ฌ ๐ฆ๐๐ ๐๐ ๐ฃ๐๐ก๐จ๐ฆ๐๐๐๐ก; ๐ ๐๐ฃ๐ข ๐๐จ๐ก๐ ๐ก๐๐ฌ ๐ฃ๐ข๐
TAN-AWA: Aduna naโy persons-of-interest (POI) ang Mandaue City Police Office (MCPO) sa nahitabong pagpamusil sa usa ka 27 aรฑos, nga car dealer sulod sa iyang sakyanan nga Toyota Hilux, nga nag-parking sa likod sa Cebu Doctorsโ University (CDU), Barangay Subangdaku, Dakbayan sa Mandaue, niadtong Sabado sa gabii, Abril 26.
Giila ang biktima nga si Edrian Eman.
Gisubay sab karon sa kapolisan sa Mandaue ang taho nga nanggawas karon sa social media nga kaslonon unta ang biktima niadtong adlawa.
Matod sa tigpamaba sa MCPO, si Police Lt. Col. Mercy Villaro, nakadawat silaโg tawag gikan sa usa ka concerned nga traffic personnel niadtong Dominggo sa buntag, Abril 27 nga nag-overnight parking ang sakyanan sa biktima.
Apan, sa pagduol ug pagsusi sa enforcer sa sakyanan, nakita niya nga wala na naglihok ang lawas niini sa biktima.
Dayong girespondehan sa Barangay Subangdaku Police Station ug sa Emergency Response Team ang maong crime scene apan, pag-abot nila sa lugar, ilang naabtan nga wala naโy pulso o kinabuhi ang biktima.
Gikompirmar ni Villaro nga kaduha gipusil ang biktima โ usa sa likod sa ulo ug usa sa buko-buko. Wala nakita sa kapulisan nga adunay mga pinusilan ang sakyanan, ug sirado ang mga bintana niini.
Nagpadayon ang imbestigasyon sa MCPO ug ang pasubay sa tanang anggulo sa krimen, lakip ang pag-backtrack sa mga CCTV footage aron mahibaw-an asa mipaingon ang POI human sa krimen.
| Screenshots from Video by Pat E Nio
| Elaiza Mae Peรฑaranda
![[WARNING: GRAPHIC CONTENT]A barangay councilor was killed after being shot by two unidentified gunmen Monday afternoon, ...](https://img5.medioq.com/082/505/122115640250825057.jpg)
