Barangay Gun-ob Public Information Office - PIO

Barangay Gun-ob Public Information Office - PIO Barangay Gun-ob Public Information Page
(Capt. Carl Steven Weigel Administration)

π— π—”π—šπ—•π—”π—‘π—§π—”π—¬ 𝗦𝗔 𝗣𝗔𝗑𝗔𝗛𝗒𝗑 | π—¦π—˜π—šπ—¨π—₯π—œπ——π—”π—— π—”π—‘π—š 𝗨𝗑𝗔Nagpagawas ug pahimangno ang PAGASA Visayas bahin sa posibleng kusog nga pag-uwa...
04/01/2026

π— π—”π—šπ—•π—”π—‘π—§π—”π—¬ 𝗦𝗔 𝗣𝗔𝗑𝗔𝗛𝗒𝗑 | π—¦π—˜π—šπ—¨π—₯π—œπ——π—”π—— π—”π—‘π—š 𝗨𝗑𝗔

Nagpagawas ug pahimangno ang PAGASA Visayas bahin sa posibleng kusog nga pag-uwan nga hinungdan sa Shear Line. Kini ang panag-abot sa bugnaw ug init nga hangin nga mahimong mosangpot sa dugay ug mabug-at nga uwan.

πŸ“ Enero 4 (50–100 mm nga uwan)
Albay, Sorsogon, Masbate, Eastern Samar, Northern Samar, Samar, Biliran, Leyte, Southern Leyte, Negros Occidental, Aklan, Capiz, Iloilo ug Guimaras

πŸ“ Enero 5 (50–100 mm nga uwan)
Camarines Norte, Camarines Sur, Catanduanes, Albay ug Sorsogon

🌧️ Gilauman nga mas kusog ang uwan sa kabukiran ug matun-an nga mga lugar.

⚠️ Pahimangno:
Gina-awhag ang tanan nga mag-andam ug magbantay batok sa posibleng pagbaha ug landslide. Padayon nga sundon ang mga update gikan sa PAGASA ug sa inyong lokal nga pangagamhanan.

Magmatngon ug mag-amping kanunay.

Wala Nay Kawat, kay Gi-Welding Na! Tungod sa balik-balik nga insidente sa pagkawat sa battery sa atong dump truck, among...
04/01/2026

Wala Nay Kawat, kay Gi-Welding Na!

Tungod sa balik-balik nga insidente sa pagkawat sa battery sa atong dump truck, among gigamit ang kaalam ug kahanas sa atong Barangay Training Center aron makahimo og lig-on, luwas, ug permanente nga welding ug safety compartment para sa battery.

Kini nga lakang usa ka praktikal ug epektibong solusyon aron mapanalipdan ang mga gamit sa barangay ug malikayan ang sunod-sunod nga pagkawala sa atong mga kagamitan. Usa usab kini ka pamatuod sa responsableng pagdumala sa pondo ug kahinguhaan sa barangay.

Daghang salamat sa walay puas nga suporta ug giya ni Kapitan Carl Weigel ug Konsehal Tico SoroΓ±o, uban sa atong mga skilled workers ug volunteers nga nagpakita sa tinuod nga serbisyo, dedikasyon, ug paningkamot alang sa kaayohan sa atong barangay.

βœ… Luwas ang gamit, hapsay ang serbisyo, protektado ang pondo sa katawhan!

PAHIMANGNO UG AWARENESS SA TANAN Atong ipahibalo sa tanan nga atong niaging holiday, gikuhaan ug battery ang atong dump ...
31/12/2025

PAHIMANGNO UG AWARENESS SA TANAN

Atong ipahibalo sa tanan nga atong niaging holiday, gikuhaan ug battery ang atong dump truck, nga hinungdan sa kakuwang ug kalangan sa pagkolekta sa basura. Gituyo gyud kini nga panahon nga off duty ang atong mga tanod.

Gusto namong ipahibalo nga dili namo undangan ang pag trace hangtod masakpan ang responsable niini nga binuhatan. Gina-monitor namo ang tanang CCTV sa Barangay, sama sa nahitabo kaniadto nga dali ra nasakpan ang suspetsado tungod sa atong CCTV cameras.

Magbinantayon ta tanan ug palihog i-report dayon kung adunay kahibalo o kahimtangan nga makahatag ug tabang sa imbestigasyon.

Dili nato tugotan ang bisan kinsang magdaot sa serbisyo para sa katawhan.

MAG KUHA UG BARANGAY BUSINESS CLEARANCE? MAS SAYON NA!Ang Barangay Gun-ob Integrated System ania na!Dili na kinahanglan ...
31/12/2025

MAG KUHA UG BARANGAY BUSINESS CLEARANCE? MAS SAYON NA!

Ang Barangay Gun-ob Integrated System ania na!
Dili na kinahanglan magdugay sa pila, scan lang ang QR Code ug gamita ang online services sa Barangay Gun-ob.

βœ… Dali
βœ… Sayon
βœ… Mas efficient

πŸ“² Scan QR Code karon ug sugdi na ang inyong transaction para sa Business Clearance ug uban pang serbisyo.

BARANGAY GUN-OB INTEGRATED SYSTEMMagkuha ug Barangay Clearance?Mas dali, mas paspas, ug mas convenient na karon! βœ…πŸ“± Scan...
30/12/2025

BARANGAY GUN-OB INTEGRATED SYSTEM

Magkuha ug Barangay Clearance?
Mas dali, mas paspas, ug mas convenient na karon! βœ…

πŸ“± Scan ang QR Code aron maka-avail sa online services sa Barangay Gun-ob wala na’y taas nga linya, tipid sa oras, ug hapsay nga transaksyon.

Serbisyo para sa katawhan, gi-upgrade!
Para sa tanang Gun-obanon, sulayi na ang atong integrated online system.

Serbisyo nga matinud-anon ug modernong panggobyerno




SKIP THE LINE!Mas sayon, mas paspas, ug mas convenient na ang serbisyo sa Barangay Gun-ob!Gi-introduce na namo ang Baran...
30/12/2025

SKIP THE LINE!

Mas sayon, mas paspas, ug mas convenient na ang serbisyo sa Barangay Gun-ob!
Gi-introduce na namo ang Barangay Gun-ob Integrated System usa ka modernong paagi aron makuha nimo ang mga serbisyo sa barangay online.

πŸ“² I-scan lang ang QR Code
πŸ’» Or bisitaha: www.gunoblapulapu.com

Wala nay taas nga linya, wala nay hasol.
Serbisyo para sa katawhan, one scan away!




30/12/2025

LOOK | TRAINING & SEMINAR ACTIVITY

Malampuson nga natigayon ang Training on First Aid, Fire Prevention and Fire Fighting, ug Climate Change Awareness nga gitambongan sa BDRRMO, mga barangay leaders, ug community volunteers gikan sa nagkadaiyang purok.

Ang maong training nagtumong sa pagpalig-on sa kahibalo ug kahanas sa komunidad sa pag-atubang sa mga emerhensiya sama sa sunog, aksidente, ug mga hulga nga dala sa nag-usab nga klima. Pinaagi sa mga lecture ug praktikal nga demonstrasyon, natun-an sa mga partisipante ang hustong pagresponde, paglikay sa katalagman, ug kahinungdanon sa kahanduman ug kooperasyon sa komunidad.

Gihimo kini niadtong Disyembre 29, 2025, sa Felisaz' Events and Place, isip kabahin sa padayong paningkamot sa Barangay Gun-ob alang sa mas luwas, andam, ug lig-ong komunidad.

Daghang salamat sa tanang miapil ug nagpakita sa ilang suporta sa kaluwasan ug kaayohan sa katawhan. 🀝🌱πŸ”₯

RIZAL DAY | December 30Karong adlawa, atong gihinumduman ug gipasidunggan ang kinabuhi, mga buhat, ug sakripisyo sa aton...
30/12/2025

RIZAL DAY | December 30

Karong adlawa, atong gihinumduman ug gipasidunggan ang kinabuhi, mga buhat, ug sakripisyo sa atong Pambansang Bayani nga si Jose Rizal.

Ang iyang mga sinulat ug paningkamot naghatag kahayag sa kamatuoran, nasyonalismo, ug gugma sa atong nasod. Usa siya ka ehemplo sa kaisog, kaalam, ug tinuoray nga pag-alagad sa katawhan.

Padayon natong dal-on ang iyang mga prinsipyo sa atong adlaw-adlaw nga kinabuhi alang sa usa ka mas matarong ug malinawon nga Pilipinas.

πŸ‡΅πŸ‡­ Mabuhay ang Bayaning Pilipino!



BISAN OG SABADO, SERBISYO PADAYON πŸŒ±πŸ›£οΈBisan paman sa adlaw nga Sabado, Dec. 27,2025, wala gyud mohunong sa serbisyo si Ca...
29/12/2025

BISAN OG SABADO, SERBISYO PADAYON πŸŒ±πŸ›£οΈ

Bisan paman sa adlaw nga Sabado, Dec. 27,2025, wala gyud mohunong sa serbisyo si Capt. Carl Weigel uban ang iyang mga personnel sa pagbisita, pagtan-aw, ug pagplano sa usa na pud ka bag-ong bayanihan project sa Nangka Moeller.

Ang maong lakang gitumong aron masugdan na ang pag-ayo sa kadalanan, nga dako kaayong tabang sa adlaw-adlaw nga pagbiyahe sa mga residenteβ€”labi na sa mga estudyante, trabahante, ug mga motorista. Ang maayong kalsada nagpasabot og mas luwas, mas paspas, ug mas komportable nga paglihok sa komunidad.

Kini nga inisyatibo nagpakita nga ang serbisyo publiko walay piniling adlawβ€”bisan weekend, andam gihapon ang atong liderato nga motrabaho alang sa kaayohan sa katawhan. Usa usab kini ka maayong timailhan nga padayon ang pagplano alang sa mas lig-on ug mas progresibong barangay.

Usa kini sa mga rason nga atong ikalipay ug ika-excite sa umaabot nga tuig 2026β€”kay makita nato ang mga proyekto nga dili lang plano, kundili tinood nga aksyon.

πŸ‘‰ Serbisyo nga tinud-anay. Proyekto nga makit-an. Kaayohan nga mabatyagan.

π”π¬πš 𝐀𝐚 𝐏𝐚𝐦𝐚𝐬𝐀𝐨𝐧𝐠 π‡πšπ₯𝐚𝐝 𝐀π₯𝐚𝐧𝐠 𝐬𝐚 πŠπšπ›πšπ­πšπšπ§Karong adlawa, dako kaayo ang among pasalamat nila Sir Alfie ug Ma’am Vanessa Ab...
24/12/2025

π”π¬πš 𝐀𝐚 𝐏𝐚𝐦𝐚𝐬𝐀𝐨𝐧𝐠 π‡πšπ₯𝐚𝐝 𝐀π₯𝐚𝐧𝐠 𝐬𝐚 πŠπšπ›πšπ­πšπšπ§

Karong adlawa, dako kaayo ang among pasalamat nila Sir Alfie ug Ma’am Vanessa Abapo sa ilang dakong kalooy ug suporta pinaagi sa paghatag og lima (5) ka laptops, school supplies, ug cash assistance alang sa mga deserving nga batang Gun-obanon nga dako kaayo’g panginahanglan.

Dako usab nga pasalamat kang Ma’am Obing Quirante sa iyang walay puas nga pagtabang aron matinuod nga mahatagan ug kahigayunan ang Barangay Gun-ob niining panahona sa Pasko.

Kini nga mga tabang personal nga gi-turnover sa opisina ni Kapitan Carl Weigel uban ang mga benepisyaryo usa ka buhat nga nagpakita sa tinuod nga diwa sa paghiusa, pagtinabangay, ug pag-hatag paglaum.

Daghang salamat sa inyong tanan. Padayon ta sa pagtinabangay alang sa mas hayag nga kaugmaon sa atong kabataan.

PLPN Thanksgiving Party 2025 Usa ka gabii nga puno sa pasalamat, kalipay, ug panaghiusa ang Peace Loving People Neighbor...
22/12/2025

PLPN Thanksgiving Party 2025

Usa ka gabii nga puno sa pasalamat, kalipay, ug panaghiusa ang Peace Loving People Neighborhood Association (PLPN) sa ilang Thanksgiving Party.

Bisan pa wala ang presensya ni Kapitan Carl Weigel tungod sa laing importanteng kalihokan, mapasalamaton gihapon siya nga nahuman ra gayud ang Bayanihan project, ilabi na ang pagpasemento sa kalsada, nga dakong panalangin alang sa komunidad.

Salamat usab sa presensya ni Sheena Mae Baguio, SK Chairwoman, ug Lorna Taghoy, Purok Affairs, sa ilang suporta ug pakighiusa sa maong kalihokan.

Daghang salamat sa tanang miyembro, mga lumolupyo ug kauban sa Bayanihan nga nitabang ug nitampo. Padayon ta sa panaghiusa alang sa malinawon ug malambuon nga komunidad.

KABABAYEN-AN YEAR-END EVALUATION 2025 Ganina, malampuson nga nahitabo ang Kababayen-an Year-End Evaluation 2025 dinhi sa...
22/12/2025

KABABAYEN-AN YEAR-END EVALUATION 2025

Ganina, malampuson nga nahitabo ang Kababayen-an Year-End Evaluation 2025 dinhi sa Barangay Gun-ob. Usa kini ka makahuluganon nga kalihokan diin gitan-aw balik ang mga kalampusan, hagit, ug mga leksyon sa miaging tuig aron mas mapalambo pa ang mga programa alang sa kababayen-an.

Atong giila ug gipasalamat ang presensya ug walay puas nga suporta ni Kapitan Carl Weigel, nga kanunay nagahatag bili sa mga inisyatiba alang sa kababayen-an sa barangay. Dako usab ang among pasalamat kang Konsehal Angiela Arias sa iyang pagpakita sa suporta ug aktibong pakiglambigit sa maong kalihokan.

Padayon ta sa panaghiusa ug kooperasyon alang sa mas lig-on ug mas progresibong Barangay Gun-ob.
Daghang salamat ug mabuhay ang Kababayen-an!

Address

A. Tumulak Street , Gun-ob
Lapu-Lapu City
6015

Opening Hours

Monday 8am - 5pm
Tuesday 8am - 5pm
Wednesday 8am - 5pm
Thursday 8am - 5pm
Friday 8am - 5pm
Saturday 8am - 12pm

Website

Alerts

Be the first to know and let us send you an email when Barangay Gun-ob Public Information Office - PIO posts news and promotions. Your email address will not be used for any other purpose, and you can unsubscribe at any time.

Shortcuts

Share

Category