https://www.facebook.com/331515236715872/

Bikol Reporter, Concepcion, Concepcion (2025)

10/01/2025

𝗥𝗮𝗶𝗱 𝗻𝗶𝗻𝗴 𝗗𝗦𝗪𝗗 𝗥𝗲𝗹𝗶𝗲𝗳?

Alas tres kasuudma nagsagibo nin pag raid sa sarong pribadong Bodega kan GIBO Foundation an CIDG Cam Sur. Suboot na pag-imbak DSWD Foodpacks pigiimbestigaran. Alagad, nahihiling na responsable igdi an opesina ni Cong Gab Bordado para maggamit nin espasyo sa bodega.

Base ki B**g Rodriguez na nakabali an pangarang embuwelto sa confiscation kan 1,679 family food Packs Hali sa DSWD, sa aram niya, an mga food packs may schedule daa kun nuarin idedestribuer asin garo orchestrated an raid ta may halong pag harass an ka-pulisan sa mga personahe kan bodega sa nangyareng pag raid.

04/01/2025

𝗢𝗣𝗜𝗡𝗬𝗢𝗡| 𝗔𝗻 𝗵𝗮𝗽𝗼𝘁 𝗸𝗮𝗻 𝗺𝗮𝗱𝗹𝗮, 𝗸𝗶𝘀𝗮𝘆 𝗸𝗮 𝗯𝗮𝘆𝗮 𝘁𝗮𝗹𝗮𝗴𝗮?

Ngirit, pagkadismaya, asin ribong an namamati kan mga taga-Naga manongod sa kun isay talaga an ineendorso ni dating VP Leni Robredo sa pagka-congressman kan 3rd District sa Camarines Sur: si Legacion, Magtuto, o De Leon ba?

An sabi kan saiyang administrasyon, “pag namulat, dai na mapikit pa”, pero tano ngonian nagbubulag bulagan si FVP Robredo sa kahaputan na ini kan Nagueño.

Kun kamo an hahaputon, isay dapat i-endorso ni Robredo?

04/01/2025

𝗠𝗮𝗼𝗴𝗺𝗮𝗻𝗴 𝗣𝗮𝗴𝘁𝗮𝘁𝗮𝗽𝗼𝘀 𝗸𝗮𝗻 𝟮𝟬𝟮𝟰 𝗣𝗮𝗿𝗮 𝘀𝗮 𝟮𝟬𝟮𝟱 𝗕𝘂𝗱𝗴𝗲𝘁

Magayon an tapos kan 2024 para sa Naga ta naaprubahan asin napirmahan na ni Mayor Son an budget kan ciudad para sa taong 2025. Ayon sa post kan alkalde, nagtaas nin 13% an annual budget kan Naga, kun ikukumpara sa nakaaging taon.

Igwang total na P1,887,242,528.00 na budget an Naga na gagamiton sa operasyon para sa taong 2025. An pagtaas asin pag-apruba kan budget ay naghihinuha na mas maray na serbisyo an maitatao sa mga Nagueno.

04/01/2025

𝗧𝗨𝗣𝗔𝗗 𝗣𝗿𝗼𝗴𝗿𝗮𝗺 𝗣𝗮𝘆𝗼𝘂𝘁

Kansuogma, nakaresibe an 735 benepisyaryo kan Tulong Panghanapbuhay sa Ating Disadvantaged/Displaced Workers (TUPAD) Program na may kantidad na tigP3,950. An payout na ini naganap sa Sta. Cruz Event Center.

An mga benepisyaryong an mga nagtarabang sa isinagibong clean-up drive operations kan Nobyembre. Salamat sa mga nagtarabang asin deserve ang payout!

03/01/2025

𝗧𝗿𝗮𝗳𝗳𝗶𝗰 𝘀𝗮 𝗟𝘂𝗽𝗶, 𝗠𝗮𝘆𝗼 𝗡𝗮

Matapos ang pirang semanang aberya na dulot kan traffic sa kalabaan kan Andaya Highway sa Lupi, ngonian ay mayo na. Matatandaan na kan nakaaging bulan, pano nin mga barita manungod sa traffic sa Lupi na pati ang 10-oras na byahe haling Manila pa-Naga, inaabot ng 22-oras.

Ngonian, maayos na an tinampo. Padagos man na binabantayan kan kapulisan an daloy kan trapiko.

03/01/2025

𝗔𝗳𝘁𝗲𝗿 𝟳 𝗬𝗲𝗮𝗿𝘀, 𝗕𝗿𝗲𝗮𝗸 𝗻𝗮 𝘀𝗶 𝗕𝗮𝗿𝗯𝗶𝗲 𝗙𝗼𝗿𝘁𝗲𝘇𝗮 𝗮𝘀𝗶𝗻 𝗝𝗮𝗸 𝗥𝗼𝗯𝗲𝗿𝘁𝗼!

Sa pagtapos kan 2024, Bungad man an inot na Showbiz Breakup sa taon na ini. Sa Instagram post kan GMA Primetime Princess na si Barbie i-pig quote Niya an saiyang pigpaaram: "Beautiful goodbye, @ Jak Roberto".

Naghahagad nin pag intindi asin pagtabang si Barbie na sinda magkaigwang tuninong na closure kan haloy niya nang kabaak na si Jak.

14/12/2024

𝗨𝗽𝗱𝗮𝘁𝗲 𝘀𝗮 𝗽𝗮𝗴𝗯𝗮𝗯𝗮𝗱𝗶𝗹 𝘀𝗮 𝘁𝘂𝗹𝗼𝗻𝗴 𝘀𝗲𝗮𝗺𝗮𝗻 𝘀𝗮 𝗣𝗮𝘀𝗮𝗰𝗮𝗼:

CAFGU asin Miyembro kan Phil. Army Suspek sa pambabadil sa mga Seaman sa sarong Beerhouse sa Pasacao. Saro sa nakakapahaloy kan imbestigasyon, iyu na an mga suspek luminaog man sa CCTV Room kan Beer house asin pinag-puputol an mga wirings kan CCTV Camera.

14/12/2024

𝗠𝗴𝗮 𝗦𝗲𝗻𝗮𝗱𝗼𝗿 𝗠𝗮𝗞𝘂𝗱𝗲𝘁𝗮 𝗸𝗶 𝗖𝗵𝗶𝘇?!

Dae daang basehan an Chismis sa laog kan senado na magkaka-Kudeta kontra ki Senate President Chiz Escudero an pira sa mga senador dahil sa habo sana kan nagkakapirang senador na ipa-impeach si Vice President Sarah Duterte Lalo na si Sen. Imee Marcos.

Naghapot si Chiz sa kapwa niya mga senador kun pinaparibayan daa siya sa pangengenot ni Imee Marcos asin an iriribay daa si Cynthia Villar bilang Senate President.

Chizmis daa sana, Nagdeny sina Bato Dela Rosa, Jinggoy Estrada, Francis Tolentino, asin B**g Go.

10/12/2024

𝗠𝗮𝗸𝘂𝘀𝗼𝗴 𝗻𝗮 𝗣𝗮𝗴-𝘂𝗿𝗮𝗻, 𝗠𝗮𝘁𝗶 𝘀𝗮 𝗕𝘂𝗼𝗻𝗴 𝗞𝗮𝗯𝗶𝗸𝗼𝗹𝗮𝗻

Pirang aldaw ng mati sa buong kabikulan an makusog na pag-uran. Ayon sa weather forecas kan DOST-PAGASA, binabaan nin Rainfall Advisory an Camarines Sur, Albay, Catanduanes, asin Sorsogon. Pero habang mayo pang orange asin red rainfall warning, dai masuspindir nin klase.

Pinapayuhan man an gabos na magdara nin payong asin magsulot nin jacket bilang paghanda sa pagluwas nin kanya-kanyang harong.

09/12/2024

𝗦𝗚𝗟𝗚 𝗔𝘄𝗮𝗿𝗱𝗲𝗲𝘀 𝘀𝗮 𝗕𝗶𝗸𝗼𝗹, 𝗕𝗶𝘀𝘁𝗼𝗵𝗼𝗻 𝘁𝗮!

Sa kabuuan nin Bikol, pipira sana an natawan nin SGLG award, sarong award na nagbibisto sa mga gobyerno lokal na magayon an performance para sa komunidad. Sa provincial government, an Albay, Camarines Norte, Catanduanes, asin Sorsogon an natawanan kan award. Sa city government, Legazpi, Ligao, Masbate, Naga, Sorsogon, asin Tabaco an binisto. Sa municipal government, 19 munisipyo an binisto man.

Maogma na dakol hali sa Bikol region an nakaguno kan award. Pero an tunay na hapot, tano mayo an Camarines Sur? Bilang self-proclaimed good governance an sinusunod, tano dai sinda kabilang sa award?

09/12/2024

𝗣𝗮𝗱𝗮𝗴𝗼𝘀 𝗮𝗻 𝗣𝗮𝗻𝗮𝗻𝗮𝗼 𝗻𝗶𝗻 𝗙𝗼𝗼𝗱 𝗣𝗮𝗰𝗸𝘀 𝗽𝗮𝗿𝗮 𝘀𝗮 𝘀𝗮𝘁𝗼𝗻𝗴 𝗺𝗴𝗮 𝗟𝗼𝗰𝗮𝗹 𝗣𝗨𝗩 𝗗𝗿𝗶𝘃𝗲𝗿𝘀!

Food Packs para sa mg drivers kan Trimobile asin Padyak sa man-iba-ibang barangay sa Syudad kan Naga, Kabali sa tinatawanan ayuda. Dae na mababa sa 3, 700 packs an naidestribwer as of kasuudma sana sakop an duwang klase kan drivers sa papublikong sakayan sa syudad.

Asahan na may masurunod pa kaini lalo na na kabali sa Kamundagan Christmas Activities an Ayuda asin Christmas Blessings na makukua bilang parte kan solemneng pagbalik sigla kan Naga.

09/12/2024

𝗜𝗺𝗯𝗲𝘀𝘁𝗶𝗴𝗮𝘀𝘆𝗼𝗻 𝗡𝗮𝗴𝗽𝗮𝗽𝗮𝗱𝗮𝗴𝗼𝘀! 𝗠𝗴𝗮 𝗠𝗮𝗿𝗶𝗻𝗼 𝗜𝗿𝗶𝗱𝗼 𝘀𝗮 𝗣𝗮𝗺𝗯𝗮𝗯𝗮𝗱𝗶𝗹 𝘀𝗮 𝗣𝗮𝘀𝗮𝗰𝗮𝗼!

Nagiinom sana sa sarong beer house sa Pasacao an tulong Marino na si Roberto Cania, Godofredo de Austria asin si Socrates Uy kan may nam-badil sainda. Dae pa nabibisto an suspek.

Dae nakaligtas si Cania asin De Austria alagad si Uy, Nagpaparahay pa sa lugad na dara kan pananambang.

09/12/2024

𝗦𝗚𝗟𝗚 𝗔𝘄𝗮𝗿𝗱, 𝗡𝗮𝘀𝘂𝗻𝗴𝗸𝗶𝘁 𝗸𝗮𝗻 𝗡𝗮𝗴𝗮

Ngonian na aldaw, tinawan onra kan Department of Interior and Local Governance an 714 LGUs nin 2024 Seal of Good Local Governance. Ang onra ini ay sarong pagbisto sa mga LGU na may magayon na track record asin mga programa para sa kauswagan kan ciudad.

Matatandaan an mga komento laban ki Mayor Nelson bilang sarong maati na politiko pero an award na ini an nagpapawarang katotohanan sa mga alegasyon na kinakaralat. Katakod kaini, 15 iba pang award ang naguno kan Naga sa taong 2024 pa sana. Patunay an mga award na ini na sa malinig na pagogobyerno, gabos maasenso. Para sa iba pang award kan ciudad, aramon!

✅ Top 1 Over-all Most Competitive Component City of the Philippines 2024
✅ Top 2 in Economic Dynamism CMCI 2024
✅ Top 1 in Infrastructure CMCI 2024
✅ Top 3 in Government Efficiency CMCI 2024
✅ Top 2 in Resiliency CMCI 2024
✅ Top 3 in Innovation CMCI 2024
✅ Digital Democracy Awardee 2024
✅ Gawad Kalasag Award 2024
✅ Seal of Child Friendly Local Governance (SCFLG) 2024
✅ Good Financial Housekeeping Passer (2023)
✅ Regional Top Performing PESO and Exemplary Performance to DOLE’s Labor Market Information (LMI)
✅ Regional Top Performing PESO in National Skills Registration Program (NSRP)/PESO Employment Information System and PhilJobnet
✅ 2024 Top Performing PESO (City Category)
✅ Certificate of Achievement for Collection Efficiency for FY 2023 (beyond 100% collection efficiency)
✅ Reclassification from 2nd Class to 1st Class City

04/12/2024

𝐊𝐚𝐩𝐚𝐬𝐤𝐮𝐡𝐚𝐧, 𝐌𝐚𝐭𝐢 𝐧𝐚 𝐬𝐚 𝐏𝐥𝐚𝐳𝐚 𝐑𝐢𝐳𝐚𝐥!

Pinailawan na subanggi, Disyembre 2, an Plaza Rizal nin manlaen laen na maliliwanag na Christmas decorations. Mga stars, christmas bells, asin christmas lights an nagtaong liwanag asin buhay sa Plaza Rizal.

Sa paagi kan simpleng dekorasyon na ini, mantang maging maogma man giraray an satong selebrasyon nin kapaskuhan sa Naga!

04/12/2024

𝐒𝐞𝐥𝐞𝐛𝐫𝐚𝐬𝐲𝐨𝐧 𝐧𝐢𝐧 𝐊𝐚𝐩𝐚𝐬𝐤𝐮𝐡𝐚𝐧 𝐬𝐚 𝐆𝐨𝐛𝐢𝐞𝐫𝐧𝐨 𝐋𝐨𝐤𝐚𝐥, 𝐏𝐢𝐠𝐥𝐢𝐦𝐢𝐭𝐚𝐡𝐚𝐧

Susog sa pinaluwas na Memorandum kan opisina ni Mayor Son, inaabisuhan an gabos na opisina na limitahon an mga tiripon sa maabot na year-end evaluation. Base sa pinaluwas na memo, an simpleng tiripon na ini ay dahil sa pakikisumaro sa mga kaibahan tang nadanyaran nin pirang bagyo kan nakaaging duwang bulan.

Dagdag pa, inaalok man an gabos na magpartisipar sa mga community outreach programs asin magpangadyi para sa mga naging biktima bilang pakikisumaro.

04/12/2024

𝐑𝐞𝐠𝐢𝐨𝐧𝐚𝐥 𝐃𝐑𝐑𝐌 𝐂𝐨𝐮𝐧𝐜𝐢𝐥, 𝐁𝐢𝐧𝐢𝐬𝐭𝐨 𝐚𝐧 𝐍𝐚𝐠𝐚 𝐩𝐚𝐫𝐚 𝐬𝐚 𝐒𝐞𝐚𝐥 𝐟𝐨𝐫 𝐄𝐱𝐜𝐞𝐥𝐥𝐞𝐧𝐜𝐞 𝐢𝐧 𝐃𝐑𝐑𝐌!

Matapos an onra sa SGLG, Kabali man an Naga sa oonrahan bilang saro sa awardees kan 24th Gawad Kalasag Seal for Excellence in Disaster Risk Reduction and Management and Humanitarian Assistance CY 2024 na gigibuhon sa Disyembre 12 sa Legazpi City, Albay.

Congratulations Syudad kan Naga!

04/12/2024

𝗖𝗼𝗻𝗴𝗿𝗮𝘁𝘀 𝘀𝗮 𝗟𝗚𝗨𝘀 𝗻𝗮 𝗠𝗮𝗿𝗲𝘀𝗶𝗯𝗲 𝗦𝗚𝗟𝗚 𝗔𝘄𝗮𝗿𝗱!

Base sa post ni Mayor Son, nagluluwas na nagtao na nin imbitasyon an Department of Interior and Local Government sa mga LGU-recipients kan award na iyu an prestihiosong Seal of Good Local Governance. An awarding mangyayare na sa maabot na Dec. 9.

Sa 96 LGU awardees, Kabali sa oonrahan iyu an syudad kan Naga, Legazpi, Ligao, Masbate, Sorsogon asin Tabaco. Sa Metro-Naga Area, an municipalidad Magarao asin Libmanan awardees man, alagad, An Camarines Sur dae pinalad maonrahan. Sa mga provincial governments, Albay, Cam. Norte, Catanduanes asin Sorsogon sana an awardees.

Congratulations asin padagos magserbi nin may tultol na paggobernar!

29/11/2024

𝗠𝘂𝗿𝗮𝗹 𝗣𝗮𝗶𝗻𝘁𝗶𝗻𝗴 𝘀𝗮 𝗘𝗱𝘂𝗰𝗮𝗿𝗲 𝗖𝗲𝗻𝘁𝗲𝗿𝘀, 𝗣𝗶𝗻𝘂𝗻𝗮𝗻 𝗡𝗮!

Bilang tabang sa mga binahang educare center sa Naga City, katuwang kan lokal na gobyerno kan Naga an mga local visual artists sa mural painting project. Gabos gabos, 16 educare centers an nangaipuhan na mapinturan, ayon sa Early Childhood Care and Development Office (ECCDO).

Tatawan man ning asistensya an mga myembro kan arts groups na nagpintura bilang tabang ta sinda naapekturan man kan bagyo. Dios mabalos sa apat na visual art groups: Artists, Media, and Artworks (AMA), Bicol Artists Tribe (BAT), Kintab Artists Group Inc. (KAGI), asin Salingoy Art Group.

Bikol Reporter

10/01/2025

04/01/2025

04/01/2025

04/01/2025

03/01/2025

03/01/2025

14/12/2024

14/12/2024

10/12/2024

09/12/2024

09/12/2024

09/12/2024

09/12/2024

04/12/2024

04/12/2024

04/12/2024

04/12/2024

29/11/2024

Address

Website

Alerts

Shortcuts

Share

Category