20/10/2024
TULO KA MGA LUNGSOD SA NEGROS OCCIDENTA, GIBISITA NI SENATOR B**G GO SA ADLAW NGA SABADO.
Gibista ni Senator Christopher Lawrence “B**g” Go ang tulo ka mga lungsod sa Negros Occidental niadtong adlaw nga Sabado, Octobre 20. 2024.
Unang gibista ang Lungsod sa La Castellana diin gisusi niini ang lugar diin itukod ang Superhealth Center particular mente sa Barangay Cabacungan sa maong lungsod.
Nihatag usab kini og hinabang sa mga naapektohan sa pagbuto sa Bulkang Kanlaon.
Pagkahuman, nidiretso kini sa Lungsod sa Moises Padilla diin iya usab nga gi-inspeksyon ang bag-ong nahuman nga Suoer Health Center didto sa Barangay Guinpana-an, Moises Padilla.
Gipasabot ni Senator B**g Go sa maong lungsod nga mas mapadool na ang Serbisyong Medikal sama sa outpatient care, birthing, laboratory diagnostics; sama sa x-ray ug ultrasound; pharmacy services, ambulatory surgical units, ug uban pa, kung kini buksan na.
Sama sa La Castellana, nanghatag usab og hinabang ang Senador sa 937 ka mga lumolupyo sa nagkalainlaing sektor nga naapektuhan sa ashfall gumikan sa pagbuto sa Bulkang Kanlaon.
Mihimo usab kini og relief activity sa Barangay Uno, Moises Padilla ang Senador alang sa 1,063 ka mga kaigsoonan nga nanginahanglan.
Samtang gi-inagurahan sa Senador ang bag-ong nahuman nga dalan didto sa Barangay Antipolo, Pontevedra, Negros Occidental,
Ang pundo niini, gikan sa buhatan sa Senador ug nahimo kini tungod kay si Senator B**g Go man ang Vice-chairman sa komitba sa Finance.
Nanghatag usab ang senador ug hinabang alang sa dugang pagpalit og mga tambal sa 346 ka mga pasyente didto sa Municipal Gym sa lungsod sa Pontevedra.
Si Senador nalipay usab sa gihimo sa maong lungsod tungod kay gihimo kini nga adopted son sa Pontevedra pinaagi sa Sangguniang Bayan Resolution no. 2024-040, diin giila niini ang pagserbisyo ni Senador B**g Go ngadto sa isig ka Pilipino.
Ang maong kalihokan gitambongan usab sa mga opsiyales sa maong lungsod ug gisaksihan usab sa mga barangay opisyales.//
