01/02/2025
‼️MGA TAW A NALILINIAN O ALLAH‼️
Katawan nengka entain i mga taw a nalilinian no Allah??
Siya ka! Unuti ako kumilala sa kanilan!!!
Langon a Muslim na mapakay a maped sa kanila!!
DI KALU-KALU NAPED KA SA KANILAN!!
1) BALA-TAWBAT
Pidtalo no Allah:
“Sabensabenal so Allah, na kalilinianin so mga taw a BALA-TAWBAT endo so mga taw a bala-suti (malimpiyo).”
(إن الله يحب التوابين ويحب المتطهرين)
2) UNUTAN SO UKIT O NABI
Pidtalo no Allah:
“Talo ka (Muhammad)! O tidto a kalinian no so Allah, na unuti ako no, ka kalilinian kano no Allah endo ampunen nin so mga kadusan no.”
(قل إن كنتم تحبون الله فاتبعوني يحببكم الله ويغفرلكم ذنوبكم)
3) MATIDTO (Bantang)
Pidtalo no Allah:
“Edtinidtuan kano! So Allah na kalinianin so mga taw a matidto (bantang).”
(وأقسطوا إن الله يحب المقسطين )
4) EBPIA-PIA
Pidtalo no Allah:
“Ebpia-pia kano! Sabensabenal so Allah na kalinianin so mga taw a ebpia-pia.”
( و أحسنوا إن الله يحب المحسنين )
5) KALINIANIN A MAMBALATEMU (MAKAPAGILAYA) SO ALLAH
Hadith:
“Entain i taw a kalinianin i mambalatemu nin so Allah, kalinianu Allah i mambalatemu nin skanin.”
Napanudtol ni Imam Albukhari
حديث: (من أحب الله لقاءه أحب الله لقاءه) صحيح البخاري
6) TATAP SO KADSUKOR, KALABIT KANO ALLAH ENDO KANGGALBEK SA SUNNAT
Pidtalo no Allah:
“Tademi ako no, ka tademan ko skano. Panginsukol kano sa laki, Endo dala kano Egkafil.”
( فاذكروني أذكركم واشكروا لي ولا تكفرون)
7) MANUNTOT SA ILMO
Hadith:
“Amaika kalinian no Allah so ulipen nin na pawarisan nin sa ilmo.” Napanudtol ni Imam Albukhari endo Imam Muslim
حديث: (من يريد الله به خيرا يفقه في الدين) رواه البخاري ومسلم
8) SO TIDTO A MIGKALIMUAY ENDO M IGKALINIAY PARA SA ALLAH
Hadith:
“Sabensabenal so Allah na edtalonin kano gay a mauli:
‘Endawden so mga taw a migkakaliniay sabap salaki?
Saguna na pasilungen ko kano gay a mauli, dala gasilungan ya tabya na so papedsilungan ko.’
Napanudtol ni Imam MUSLIM
حديث: (إن الله يقول يوم القيامة أين المتحابون بجلالي اليوم أظلهم في ظلي يوم لا ظل إلا ظلي) رواه مسلم.
9) BALA-SUTI (MALIMPIYO)
Pidtalo no Allah:
“So Allah na kalinianin so mga taw a BALA-SUTI.”
( والله يحب المتطهرين)
10) MAPAGKANISAN ENDO MALIMPIYO
Hadith:
“Sabensabenal so Allah na mapia, kalinianin so mga taw a mategel edtatanusan (limpio,mapagkanisan,maatul).” Napanudtol ni Imam Muslim
حديث: ( إن الله جميل يحب الجمال) مسلم في صحيحه رقم 131
11) KAGAMIT SA SIWAK
Hadith:
“So kadsiwak na pakalimpio sa ngali, kalinian no Allah.” Napanudtol ni Imam Albukhari
حديث: ( السواك مطهرة للفم مرضاة للرب) البخاري في صحيحه
12) IPEDTUNAY NIN SO WAJIB ENDO SUNNAT
Hadith:
“Dala makalawan a isupeg salaki na Ulipen Ko a kalilinian Ko ya tabya na so kangggalbekin sa kanu mga Fardo. Matatap so ulipen ko sa sumiken Salaki sa enggalbek sa Sunnat taman sa kalilinian Ko.” Napanudtol ni Imam Albukhari
حديث:(وما تقرب إلي عبدي بشيئ أحب إلي مما افترضت عليه وما يزال عبدي يتقرب إلي بالنوافل حتى أحبه) رواه البخاري
13) MAGILEK SA ALLAH
Pidtalo no Allah:
“Sabensabenal so Allah na kalilinianin so mga taw a magilek salkanin.”
( فإن الله يحب المتقين)
14) MASABAR
Pidtalo no Allah:
“Sabensabenal so Allah na kalilinianin so mga taw a MASABAR”
( والله يحب الصا برين)
15) KADTAWAKAL
Pidtalo no Allah:
“Amaika makagkahanda ka, na edtawakal ka sa Allah. Sabensabenal so Allah na kalilinian nin so mga taw a bala-tawakal.”
( فإذا عزمت فتوكل على الله إن الله يحب المتوكلين)
Pangenin ta sa Allah na makambalapantag so niya a manga katigan.
Nganin a namakatidto lon na pon sa Allah! So mga nalimbanan lon na pon sa ginawa ko endo so Shaitan!!
✍️ (Ameen Puti) Zulameen Sarento Puti
✍🏿:Bai nur-jana
