https://www.facebook.com/100259836249436/

Balitang Camarines Norte - BICOL, Kilyawan Street , Brgy. Gubat, Daet (2025)

14/09/2025

Patay ang isang babae at 13 anyos niyang pamangkin nang manalasa ang buhawi sa Brgy. Magang, Daet, Camarines Norte, Dakong alas-6 ng umaga, ngayong araw ng Linggo, September 14, 2025.

Abangan ang kabuuang detalye....

Ctto.
Contributed photos

13/09/2025

Weather Advisory No. 5
Issued: Set. 14, 2025, 5:00 AM*

Inaasahang magdudulot ng malakas na pag-ulan (50–100 mm) ngayong araw ang Low Pressure Area (LPA) sa Quezon, Marinduque, Camarines Norte, at Camarines Sur, at posibleng mas malakas pa ang ulan sa mga kabundukan. Maaaring lumala ang pagbaha o pagguho ng lupa dahil sa mga naunang pag-ulan.

Pinapayuhan ang mga awtoridad at publiko na mag-ingat at maghanda.

Source: DOST-PAGASA

12/09/2025

230 PNP PERSONNEL, IPINADALA NG CNPPO PARA SA PEÑAFRANCIA FESTIVAL 2025 DEPLOYMENT

Pinangunahan ni PCOL LITO L ANDAYA, Provincial Director ng Camarines Norte Police Provincial Office, ang send-off ceremony ng 230 PNP personnel na itatalaga upang tiyakin ang kaligtasan at seguridad sa nalalapit na Peñafrancia Festival 2025. Isinagawa ang seremonya ngayong Setyembre 11, 2025 sa Camp Wenceslao Q. Vinzons Sr., Brgy. Dogongan, Daet, Camarines Norte.

Mula sa Provincial Headquarters, iba’t ibang Municipal Police Stations at Mobile Force Companies, ang 230 pulis ay magsisilbing augmentation force sa isang linggong pagdiriwang ng kapistahan. Ang kanilang pangunahing tungkulin ay ang pagbibigay-seguridad sa iba’t ibang gawaing panrelihiyon at sibiko na inaasahang dadaluhan ng libu-libong deboto, manlalakbay, at turista.

Sa kanyang mensahe, binigyang-diin ni PCOL ANDAYA ang kahalagahan ng kanilang misyon:
“Ang Peñafrancia Festival ay hindi lamang isang selebrasyon ng pananampalataya, kundi isang pagkakataon upang ipakita ang ating dedikasyon sa seguridad at kapayapaan. Kayo ang magiging katuwang ng ating mga kapwa uniformed services, pamahalaang lokal, at Simbahan upang masiguro na ang lahat ng deboto at turista ay ligtas, maayos, at payapa ang pagdiriwang.” Aniya, hindi lamang pagbabantay laban sa banta ang kanilang responsibilidad, kundi ang maging gabay, kaagapay, at ehemplo ng disiplina at malasakit sa kapwa.

Naniniwala si PCOL ANDAYA na buo ang kakayahan ng mga pulis na gampanan ang kanilang tungkulin. “Bitbitin ninyo ang dangal ng Camarines Norte Police Provincial Office. Kapag kayo’y nakita ng ating mga kababayan, makita rin nila ang integridad, dedikasyon, at serbisyo ng buong PNP,” dagdag niya.

Sa pagtatapos, ipinaalala niya na ang kanilang misyon ay hindi lamang nakatuon sa seguridad kundi maging inspirasyon at simbolo ng tiwala para sa lahat ng makikilahok sa pagdiriwang. “Sa gabay ng Poong Maykapal at sa pananalig sa Ina ng Peñafrancia, nawa’y maging mapayapa, maayos, at mataimtim ang paggunita ng Peñafrancia Festival 2025.”

̃afranciafestival Balitang Camarines Norte - BICOL

12/09/2025

KONTRATISTA NG VIRAL NA “CUTE” FLOOD CONTROL SA BASUD, NATUKOY BATAY SA DPWH DOCUMENTS

Natukoy na ang kontratista sa kontrobersiyal at tinaguriang “cute” na bahagi ng flood control project sa Brgy. Mocong, Basud, Camarines Norte na naging viral sa social media.

Batay sa dokumento mula sa Department of Public Works and Highways (DPWH) Camarines Norte Sub-District Engineering Office, ang proyekto ay isinagawa ng EUS Construction/VINHAR Construction and Marketing (Joint Venture) sa ilalim ng Convergence and Special Support Program (CSSP) Sustainable Infrastructure Projects Alleviating Gaps (SIPAG) - Flood Mitigation Structures Protecting Public Infrastructures/Facilities (Package II).

Nakasaad sa Contract Agreement na ang kabuuang halaga ng proyekto ay ₱140,823,701.12, at ito ay nilagdaan nina DPWH Regional Director Virgilio C. Eduarte, OIC-District Engineer Gilbert F. Romero, at Ma. Teresa B. Armario, Chief Administrative Officer, Finance Division bilang mga saksi.

Ang kontrobersiyal na “cute” na flood control ay bahagi lamang ng nasabing malakihang proyekto.

Courtesy : Jayson Mago San Fernando & Jun Bagwis Avila

Balitang Camarines Norte - BICOL

12/09/2025

2 MOTORSIKLO, NAGBANGGAAN SA BASUD; ISANG PATAY, ISANG SUGATAN

Isang aksidente sa kalsada ang naganap bandang alas-7:30 ng umaga, Setyembre 12, 2025, sa kahabaan ng Maharlika Highway, Purok 3, Barangay Pagsangahan, Basud, Camarines Norte. Naiulat ito sa Basud Municipal Police Station dakong alas-7:45 ng umaga sa parehong araw.

Batay sa imbestigasyon, sangkot sa insidente ang isang Honda Wave 100 na minamaneho ni alyas Ricky, 44 taong gulang, at residente ng Brgy. Guinatungan, Basud. Siya ay nagtamo ng bali sa kaliwang binti at kasalukuyang naka-confine sa Camarines Norte Provincial Hospital (CNPH).

Kasangkot din ang isang Suzuki Smash 115 na minamaneho ni alyas EJ, residente ng San Lorenzo Ruiz, Camarines Norte. Sa lakas ng banggaan, nagtamo ito ng matinding pinsala sa katawan at idineklarang Dead on Arrival (DOA) sa CNPH ng doktor bandang alas-8:01 ng umaga.

Ayon sa CCTV footage at pahayag ng isang saksi, minamaneho ni alyas EJ ang kanyang motorsiklo mula Daet patungo sa Naga City nang mag-overtake ito sa sinusundang sasakyan at pumasok sa kabilang linya. Dito nito nasalubong at direktang nakabanggaan ang paparating na Honda Wave na minamaneho ni Ricky.

Agad na rumesponde ang MDRRMO Basud at Barangay Rescue at dinala ang mga biktima sa ospital. Samantala, parehong motorsiklo ay nagtamo ng pinsala at naiwan pa sa lugar ng insidente.

Patuloy pang nagsasagawa ng masusing imbestigasyon ang Basud MPS kaugnay sa nasabing aksidente.

📷 Courtesy : Michael Clores Diezmo

12/09/2025

LALAKI, TIMBOG SA BUY-BUST OPERATION SA BAYAN NG JOSE PANGANIBAN

Naaresto ng kapulisan ang isang lalaki sa isinagawang anti-illegal drugs operation sa bayan ng Jose Panganiban, Camarines Norte.

Kinilala ang suspek na si Mike, 24 taong gulang, binata, at residente sa bayan ng Mercedes, Camarines Norte. Dakong alas-6:58 ng umaga ng Setyembre 12, 2025, isinagawa ang operasyon sa Purok 6, Brgy. Luklukan Sur, Jose Panganiban.

Sa pamamagitan ng intel-driven buy-bust operation na pinangunahan ng Jose Panganiban MPS kasama ang CNPIU/PPDEU at sa koordinasyon ng PDEA ROV, nahuli ang suspek matapos makabili ang poseur buyer ng isang (1) maliit na sachet ng hinihinalang shabu. Narekober din mula sa kanya ang isang (1) itim na sling bag na naglalaman ng isang (1) medium at dalawang (2) maliit na sachet ng hinihinalang shabu na may kabuuang timbang na humigit-kumulang isang (1) gramo at tinatayang DDB value na Php 6,800.00, kasama ang isang (1) piraso ng totoong Php 500.00 bilang buy-bust money.

Isinagawa ang tamang pagmamarka at imbentaryo ng mga nakumpiskang ebidensya sa harap ng mga mandatoryong testigo.

Kasalukuyan nang nasa kustodiya ng Jose Panganiban MPS ang suspek at mga ebidensya para sa kaukulang disposisyon. Inihahanda na rin ang mga dokumento para sa pagsasampa ng kaukulang kaso laban sa kanya.

12/09/2025

LALAKI, ARESTADO SA STA. ELENA DAHIL SA PAGLABAG SA BATAS PANGISDA

Naaresto ng mga tauhan ng Camarines Norte Maritime Police Station katuwang ang Capalonga MPS, ang isang lalaki na may kinakaharap na kaso sa paglabag sa RA 10654 Sec. 95.

Dakong 10:30 ng umaga ng Setyembre 12, 2025, sa Purok 6, Brgy. San Lorenzo, Sta. Elena, Camarines Norte, nahuli ang akusadong si Joey, 54 anyos, may asawa, at residente ng Sta. Elena, Camarines Norte.

Ang pagkakaaresto ay bunsod ng bisa ng Criminal Case No. 3224-CNN na may petsang Agosto 7, 2025, na may rekomendadong piyansa na ₱36,000.00.

Ipinaalam sa akusado ang kanyang kasalanan at ipinaabot din sa kanya ang kanyang mga karapatang konstitusyonal sa wikang kanyang naiintindihan.

Sa ngayon, ang akusado ay nasa kustodiya ng Camarines Norte Maritime Police Station para sa kaukulang disposisyon.

11/09/2025

10th REGULAR SESSION
Sangguniang Panlalawigan ng Camarines Norte

September 11, 2025

11/09/2025

10TH REGULAR SESSION
Sangguniang Panlalawigan ng Camarines Norte

Session Hall, Provincial Capitol Building
September 11, 2025

11/09/2025

LALAKING TULAK NG ILIGAL NA DROGA, TIMBOG SA BUY-BUST OPERATION SA BAYAN NG DAET

Naaresto ng mga tauhan ng Daet Municipal Police Station (lead unit) katuwang ang PPDEU/CNPIU, CN MARPSTA at 503rd RMFB5, ang isang lalaki na umano’y sangkot sa pagtutulak ng iligal na droga sa isinagawang buy-bust operation sa Brgy. IV, Daet, Camarines Norte dakong 11:35 ng gabi, Setyembre 10, 2025.

Kinilala ang suspek bilang si alyas Leo, 52 taong gulang, may asawa, at residente sa bayan ng Daet, Camarines Norte.

Ayon sa ulat, nakabili ang poseur buyer mula sa suspek ng isang maliit na heat-sealed transparent plastic sachet na naglalaman ng hinihinalang shabu. Matapos ang transaksyon, agad na inaresto ang suspek at narekober sa kanya ang pitong (7) piraso ng maliliit na sachet na naglalaman din ng hinihinalang shabu, isang (1) piraso ng ₱500.00 na ginamit bilang buy-bust money. Tinatayang nasa 1 gramo ang kabuuang bigat ng nakumpiskang droga na may halagang humigit-kumulang ₱6,800.00 ayon sa Dangerous Drugs Board value.

Isinagawa ang inventory at pagmamarka ng mga ebidensya sa harap ng mga kinatawan ng mandatory witnesses upang masiguro ang transparency at integridad ng operasyon.

Sa ngayon, ang naarestong suspek at ang lahat ng nakumpiskang ebidensya ay nasa kustodiya ng Daet MPS para sa kaukulang disposisyon.

10/09/2025

LALAKING MAY PATONG-PATONG NA KASO NG PANGGAGAHASA NA NAKALISTA BILANG RANK 2 PROVINCIAL MOST WANTED, NAARESTO SA JOSE PANGANIBAN

Naaresto ng mga tauhan ng Jose Panganiban Municipal Police Station ang isang lalaki na nakalista bilang Rank 2 Provincial Most Wanted Person dahil sa patong-patong na kaso ng panggagahasa.

Dakong 3:10 ng hapon, Setyembre 10, 2025, sa Brgy. North Poblacion, Jose Panganiban, Camarines Norte, naaresto ang suspek na si alyas TONY, 42 taong gulang at residente ng naturang bayan.

Sa pamamagitan ng isang intelligence gathering at monitoring na pinangunahan ni PCPT JOY M. ARAGON, Deputy Chief of Police, naaresto ang akusado batay sa Warrant of Arrest para sa walong (8) bilang ng Statutory R**e (alinsunod sa RA 11648), sa ilalim ng Criminal Case Nos. 34230 hanggang 34237, na inilabas ng korte noong Setyembre 2, 2025, at walang rekomendadong piyansa.

Sa kasalukuyan, ang naarestong akusado ay nasa kustodiya ng Jose Panganiban MPS para sa tamang disposisyon at karampatang proseso ng batas.

09/09/2025

LALAKING MAY KASO, ARESTADO SA BAYAN NG LABO

Naaresto ang isang lalaki na may kinahaharap na kaso sa isinagawang operasyon ng kapulisan sa Purok-4, Barangay Malasugui, Labo, Camarines Norte.

Kinilala ang akusado na si RJ, 37 taong gulang, binata, isang laborer at residente ng nasabing barangay.

Sa bisa ng Warrant of Arrest na inilabas ng korte para sa kasong Acts of Lasciviousness in Relation to Sec. 5 (B) of R.A. 7610, na may Criminal Case No. 2025-5009 at may inirekomendang piyansa na halagang sampung libong piso (₱10,000), matagumpay siyang naaresto ng tracker team ng Labo MPS katuwang ang CN 2nd PMFC at CN PIU sa pamamagitan ng intelligence monitoring.

Kasalukuyan nang nasa kustodiya ng Labo MPS ang akusado para sa kaukulang disposisyon.

Balitang Camarines Norte - BICOL

14/09/2025

13/09/2025

12/09/2025

12/09/2025

12/09/2025

12/09/2025

12/09/2025

11/09/2025

11/09/2025

11/09/2025

10/09/2025

09/09/2025

Address

Website

Alerts

Shortcuts

Share