Balitang Camarines Norte - BICOL

Balitang Camarines Norte - BICOL News and Event
(1)

REGIONAL MOST WANTED SA BICOL REGION, NAARESTO SA METRO MANILANaaresto ng mga awtoridad ang isang lalaking nakalista bil...
22/07/2025

REGIONAL MOST WANTED SA BICOL REGION, NAARESTO SA METRO MANILA

Naaresto ng mga awtoridad ang isang lalaking nakalista bilang Regional Most Wanted Person sa isinagawang operasyon bandang alas-9:40 ng gabi nitong Hulyo 21, 2024 sa Barangay San Antonio, Valley 1, Parañaque City, Metro Manila.

Kinilala ang naaresto na si alyas JP, 54 taong gulang, may asawa, isang construction worker, at residente ng Purok 4, Barangay Dogongan, Daet, Camarines Norte.

Ang operasyon ay pinangunahan ng pinagsanib na puwersa ng Labo Municipal Police Station at ng Regional Intelligence Division - Regional Special Operations Unit 5, katuwang ang 2nd Provincial Mobile Force Company at Provincial Intelligence Unit. Isinagawa ang operasyon batay sa bisa ng Warrant of Arrest na inilabas ng korte noong Hulyo 16, 2024 para sa tatlong bilang ng Statutory R**e sa ilalim ng Criminal Case Nos. 24-4814, 24-4815, at 24-4816, na pawang walang inirekomendang piyansa.

Sa kasalukuyan, ang naarestong akusado ay nasa kustodiya na ng mga arresting officers para sa kaukulang disposisyon.

DATING KASAPI NG CPP-NPA, BOLUNTARYONG SUMUKO SA BASUD, CAMARINES NORTEIsang dating kasapi ng Communist Terrorist Group ...
22/07/2025

DATING KASAPI NG CPP-NPA, BOLUNTARYONG SUMUKO SA BASUD, CAMARINES NORTE

Isang dating kasapi ng Communist Terrorist Group (CTG) na regular na miyembro ng New People's Army (NPA) sa ilalim ng Armando Catapia Command ang boluntaryong sumuko sa kapulisan bandang alas-7:00 ng umaga nitong Hulyo 22, 2025 sa himpilan ng Basud Municipal Police Station, Purok Yakal, Barangay Poblacion 2, Basud, Camarines Norte.

Kinilala ang sumukong rebelde sa alyas na “Ka Mando,” 54 taong gulang, binata, isang magsasaka, at residente ng bayan ng Basud, Camarines Norte. Si alyas Ka Mando ay miyembro ng Komiteng Larangang Guerilla 2 (KLG2), Sub-Regional Command 1 (SRC1) ng Armando Catapia Command.

Ang kanyang boluntaryong pagsuko ay resulta ng masinsinang koordinasyon at pagtutulungan ng mga tauhan ng Camarines Norte 1st PMFC sa pangunguna ng RPSB-San Pascual, katuwang ang RIU5 PIT Cam. Norte, CNPIU, 91st Special Action Company ng PNP SAF, 503rd Maneuver Company ng RMFB5, Bravo Company ng 81st IB, 7th Infantry Division ng Philippine Army, at Basud MPS.

Sa kanyang pagsuko, isinuko rin ni alyas Ka Mando ang isang (1) unit ng Caliber .38 na baril na walang serial number bilang bahagi ng kanyang pakikiisa sa layunin ng pamahalaan na itaguyod ang kapayapaan sa pamamagitan ng mga programang nakapaloob sa NTF-ELCAC at Enhanced Comprehensive Local Integration Program (E-CLIP).

Sa kasalukuyan, nasa kustodiya ng Basud MPS si alyas Ka Mando para sa kaukulang dokumentasyon at nararapat na disposisyon.

Ang matagumpay na pagsuko ng nasabing rebelde ay patunay ng pagtitiyaga ng ating kapulisan at kasundaluhan sa pagsuporta sa mga programa ng pamahalaan tungo sa kapayapaan at kaunlaran ng bansa.

BABAENG MAY KASO NA ROBBERY EXTORTION, ARESTADO SA MERCEDESNaaresto ng mga awtoridad ang isang babae na may kasong Robbe...
21/07/2025

BABAENG MAY KASO NA ROBBERY EXTORTION, ARESTADO SA MERCEDES

Naaresto ng mga awtoridad ang isang babae na may kasong Robbery Extortion sa bisa ng warrant of arrest na inilabas ng korte. Ang operasyon ay isinagawa bandang 12:46 ng tanghali noong Hulyo 21, 2025, sa Vibar Street, Purok 3, Barangay 2, Mercedes, Camarines Norte.

Kinilala ang akusado na si alyas Rhea, 61 taong gulang, may asawa, at residente ng nabanggit na lugar. Siya ay pinaghahanap dahil sa kasong Robbery Extortion sa ilalim ng Criminal Case No. R-ANG-25-01924 na may petsang Hulyo 1, 2025 at may kaukulang piyansa na PHP 40,000.00.

Ang pagkakaaresto ay naisakatuparan sa pamamagitan ng tracker team ng Mercedes MPS (Lead Unit), katuwang ang Camarines Norte MARPSTA, CNPIU, at CN 1st PMFC.

Sa ngayon, ang naarestong suspek ay nasa kustodiya na ng Mercedes MPS para sa kaukulang disposisyon at karampatang proseso sa batas.

HOLDAPER, ARESTADO NG JOSE PANGANIBAN PNPJose Panganiban, Camarines Norte — Agad na naaresto ng mga operatiba ng Jose Pa...
21/07/2025

HOLDAPER, ARESTADO NG JOSE PANGANIBAN PNP

Jose Panganiban, Camarines Norte — Agad na naaresto ng mga operatiba ng Jose Panganiban Municipal Police Station ang isang suspek sa insidente ng robbery hold-up makaraang agad itong iulat ng biktima sa pulisya. Ang krimen ay naganap dakong alas-11:30 ng gabi nitong Hulyo 20, 2025 sa Purok 1, Barangay Bagong Bayan, Jose Panganiban, Camarines Norte.

Kinilala ang biktima bilang si alyas "Cris", 25 taong gulang, binata, isang truck driver, at residente ng nasabing lugar. Ayon sa ulat, kasama niya ang kanyang partner na si alyas "Nette", 23 taong gulang, nang sila’y pansamantalang ihinto ang kanilang sinasakyan sa gilid ng kalsada. Bigla umanong lumapit ang suspek na si alyas "Mario", 39 taong gulang, isang construction worker at residente rin ng Brgy. Bagong Bayan, at tinutukan sila ng hinihinalang cal. .45 na baril habang sapilitang humihingi ng ₱5,000.00.

Sinabi ng biktima na mayroon lamang siyang ₱1,000.00, na agad niyang iniabot sa suspek. Matapos ang insidente, agad nila itong inireport sa pulisya. Sa mabilis na aksyon ng Jose Panganiban MPS, agad na ikinasa ang isang hot pursuit operation na nagresulta sa pagkakadakip ng suspek.

Narekober mula sa kanyang pag-iingat ang isang replica ng cal. .45 na baril at isang (1) piraso ng ₱1,000.00 na kinuhang pera mula sa biktima.

Patuloy ang isinasagawang imbestigasyon, at inihahanda na ang kaukulang kasong kriminal laban sa nasabing suspek.

TINGNAN: Libreng Live Pay-Per-View ng Laban ng Pambansang Kamao Manny Pacquiao, Hatid ni Congw. Rosemarie Panotes sa Mo...
19/07/2025

TINGNAN: Libreng Live Pay-Per-View ng Laban ng Pambansang Kamao Manny Pacquiao, Hatid ni Congw. Rosemarie Panotes sa Moreno HQ, Daet! 🇵🇭🥊

📍 Hulyo 20, 2025 | Moreno Headquarters, Daet, Camarines Norte


18/07/2025

TINGNAN: CCTV FOOTAGE ng Naganap na aksidente sa Purok 5, San Isidro Talisay, Camarines Norte kaninang umaga. JULY 18, 2025.

Video courtesy: Harold Barrogo Cereno

LALAKI, PATAY SA PAMAMARIL SA BAYAN NG CAPALONG; SUSPEK, PATULOY NA PINAGHAHANAP NG KAPULISANIsang insidente ng pamamari...
18/07/2025

LALAKI, PATAY SA PAMAMARIL SA BAYAN NG CAPALONG; SUSPEK, PATULOY NA PINAGHAHANAP NG KAPULISAN

Isang insidente ng pamamaril ang naiulat sa Sitio Gabok, Purok 4, Barangay Lukbanan, Capalonga, Camarines Norte bandang alas-7:00 ng umaga ng Hulyo 17, 2025, at nai-report sa pulisya pasado alas-3:00 ng hapon ng parehong araw.

Kinilala ang biktima sa alyas na “Billy,” 45 taong gulang, balo, at residente ng Purok 2B, Barangay Itok, Capalonga. Nasawi siya sa insidente matapos pagbabarilin ng hindi pa nakikilalang suspek.

Ayon sa paunang imbestigasyon, kagagaling lamang umano ng biktima sa ilog upang maligo at pauwi na sa kanyang barung-barong sa taniman ng niyog nang lapitan at pagbabarilin siya ng tatlong beses ng suspek gamit ang hindi pa matukoy na kalibre ng baril. Dalawa sa mga kasamahan ng biktima ang agad na tumakbo palayo sa magkakaibang direksyon upang iligtas ang kanilang sarili. Tinamaan ang biktima sa ulo at katawan na naging sanhi ng kanyang agarang pagkamatay.

Mabilis na rumesponde ang mga kapulisan ng Capalonga MPS sa lugar ng insidente at agad nagsagawa ng imbestigasyon. Sa kasalukuyan ay patuloy na inaalam ng mga awtoridad ang pagkakakilanlan ng suspek na kasalukuyang pinaghahanap.

Agad namang nagrequest ng autopsy examination ang Capalonga MPS upang matukoy ang mga detalye ng pagkamatay ng biktima habang nagpapatuloy ang masusing imbestigasyon sa insidente.

Narito ang mga munisipalidad na nag-anunsyo ng suspensyon ng klase dahil sa : July 18, 2025📍 Daet – Primary at Secondar...
17/07/2025

Narito ang mga munisipalidad na nag-anunsyo ng suspensyon ng klase dahil sa : July 18, 2025

📍 Daet – Primary at Secondary
📍 Basud – Primary at Secondary
📍 Paracale – All levels
📍 Capalonga – All levels
📍 Jose Panganiban – All levels

Please be guided accordingly!


TROPICAL CYCLONE BULLETIN NR. 6Tropical Depression Issued at 5:00 PM, 17 July 2025Valid for broadcast until the next bu...
17/07/2025

TROPICAL CYCLONE BULLETIN NR. 6
Tropical Depression
Issued at 5:00 PM, 17 July 2025
Valid for broadcast until the next bulletin at 11:00 PM today.

“CRISING” MAINTAINS ITS STRENGTH WHILE MEANDERING OVER THE SEA EAST OF AURORA.

Location of Center (4:00 PM):
The center of Tropical Depression CRISING was estimated based on all available data at 335 km Northeast of Virac, Catanduanes or 545 km East of Baler, Aurora (15.4°N, 126.7°E).

Intensity:
Maximum sustained winds of 55 km/h near the center, gustiness of up to 70 km/h, and central pressure of 1000 hPa

Present Movement:
West northwestward at 30 km/h

Extent of Tropical Cyclone Winds:
Strong winds extend outwards up to 500 km from the center

TROPICAL CYCLONE WIND SIGNALS (TCWS) IN EFFECT
TCWS No.1
Wind threat: Strong winds
Warning lead time: 36 hours
Range of wind speeds: 39 to 61 km/h (Beaufort 6 to 7)
Potential impacts of winds: Minimal to minor threat to life and property

Luzon
Batanes, Cagayan including Babuyan Islands, Isabela, Quirino, the northern portion of Nueva Vizcaya (Kasibu, Quezon, Bagabag, Diadi, Bayombong, Solano, Ambaguio, Villaverde, Dupax del Norte, Bambang, Kayapa), the northern portion of Aurora (Dilasag, Casiguran, Dinalungan, Dipaculao, Baler), Abra, Apayao, Kalinga, Mountain Province, Ifugao, the northern portion of Benguet (Bakun, Mankayan, Buguias, Kibungan, Kabayan, Bokod, Atok, Kapangan), Ilocos Norte, Ilocos Sur, the northern portion of La Union (Bangar, Sudipen, Luna, Balaoan, Santol, San Gabriel, Bacnotan), Polillo Islands, Camarines Norte, the northern portion of Camarines Sur (Caramoan, Garchitorena, Lagonoy, San Jose, Presentacion, Tinambac, Siruma, Goa), and Catanduanes

The next tropical cyclone bulletin will be issued at 11:00 PM today.

Source: DOST-PAGASA


Announcement of class suspension in different municipalities in Camarines Norte due to :• Labo - All levels (July 17, ...
17/07/2025

Announcement of class suspension in different municipalities in Camarines Norte due to :

• Labo - All levels (July 17, 2025)
• San Lorenzo Ruiz - All levels (July 17, 2025)
• Paracale - All levels (July 17, 2025)
• Talisay - All levels (July 17, 2025)
•Capalonga - All levels (July 17, 2025)
•San Vicente - All level (July 17, 2025)
• Vinzons - Primay and Secondary levels (July 17, 2025)
• Mercedes - Primay and Secondary levels (July 17, 2025)
• Basud - Primay and Secondary levels (July 17, 2025)
• Daet - Primary and Secondary levels (July 17-18, 2025)

UPDATE: 2 PATAY, 1 SUGATAN SA SALPUKAN NG TRICYCLE AT AMBULANSYA SA BYPASS ROAD SA BAYAN NG LABO, CAMARINES NORTEDalawa ...
17/07/2025

UPDATE:

2 PATAY, 1 SUGATAN SA SALPUKAN NG TRICYCLE AT AMBULANSYA SA BYPASS ROAD SA BAYAN NG LABO, CAMARINES NORTE

Dalawa patay, isa naman ang sugatan matapos magsalpukan ang isang ambulansya at isang tricycle sa kahabaan ng Junction ng Bypass Road, Brgy. Bulhao, bayan ng Labo, bandang alas-12:10 ng tanghali nitong araw ng Miyerkules, Hulyo 16, 2025.

Sa inisyal na imbestigasyon ng Labo Municipal Police Station, sangkot sa insidente ang isang Toyota Hiace Commuter Van (Ambulansya) na minamaneho ni alyas “Roy”, 52 taong gulang, may-asawa, at residente ng Poblacion, Sta. Elena, Camarines Norte. Sakay nito ang apat na katao na pawang mga residente rin ng naturang bayan.

Sangkot rin sa aksidente ang isang tricycle na “For Hire” na minamaneho ni alyas “Caloy”, 49 taong gulang, may-asawa, at residente ng Brgy. Mabilo 2, Labo, Camarines Norte. Sakay nito sina “Rhina” (54) at isang apat na taong gulang na batang babae na si “Lena”, kapwa residente ng Brgy. Bulhao, sa bayan ng Labo.

Sa ulat at mga nakalap na impormasyon, habang binabaybay ng ambulansya ang kahabaan ng Junction ng Bypass Road, Brgy. Bulhao, Labo C.N mula Sta. Elena patungo sanang Provincial Hospital sa bayan ng Daet, ay aksidenteng sumalpok at nabangga nito ang tricycle.

Kaugnay ng insidente, ay agad na rumesponde ang MDRRMO Labo at agad na isinugod sa Camarines Norte Provincial Hospital ang driver ng tricycle na nasa kritikal na kondisyon at sa kasamaang palad, di kalaunan, ay binawian naman ng mga buhay ang dalawang sakay nito. Habang wala namang natamong pinsala ang driver at mga sakay ng ambulansya.

Sa kasalukuyan, nasa kustodiya na ng Labo MPS ang driver ng ambulansya at parehong sasakyan para sa kaukulang beripikasyon at imbestigasyon. Habang hindi pa natutukoy ang kabuuang halaga ng pinsala sa parehong sasakyan.

Pinaalalahanan naman ng mga awtoridad ang mga motorista na mag-ingat sa mga interseksyon lalong higit sa pinangyarihan ng insidente lalo at wala pa umano ritong mga kaukulang Signages.

News Courtesy: DWLB 89.7 FM Page

Address

Daet

Website

Alerts

Be the first to know and let us send you an email when Balitang Camarines Norte - BICOL posts news and promotions. Your email address will not be used for any other purpose, and you can unsubscribe at any time.

Shortcuts

Share