ONE CAVITE

06/06/2026

15-ANYOS NA ESTUDYANTE, NABARIL AT NAPATAY NG 19-ANYOS NA KAIBIGAN

LAGUNA -- Patay ang isang 15 anyos na estudyante matapos itong mabaril ng 19 anyos na kaibigan nito sa loob ng subdivision kung saan nakatira ang biktima at suspek, kamakalawa ng gabi sa Brgy Marinig Cabuyao Laguna.

Base sa ulat ng Cabuyao Police, alas 11:48 ng gabi ng maganap ang insidente. Ayon sa pahayag ng nakasaksi sa insidente na kinilalang si alyas Angelo, 17 anyos, magkakasama umano sila ng biktima na si alyas Kyle 15 anyos at suspek na si Ian, 19 anyos sa kahabaan ng Blk 23 Southville Subd, di kalayuan sa bahay ng suspek.

May hawak umanong maiksing baril ang suspek at nilalagyan ito ng bala. Ayon pa dito, may narinig umano itong nagsalita na china- challenge ang suspek kung kaya nitong iputok ang nasabing baril.

Segundo lamang ng makarinig ito ng isang putok ng baril at nang lumingon umano ito sa kinaroroonan ng dalawa, nakita nito na nakahawak na sa kaniyang dibdib ang biktima at duguan na.

Mabilis umanong tumakbo patakas ang suspek
habang agad naitakbo sa Cabuyao City Hospital ang biktima subalit idineklara itong dead on arrival na.

Kasalukuyan ng nagsasagawa ng dragnet operation ang pulisya laban sa tumakas na suspek habang inaalam din ng pulisya kung sino ang nag mamay ari ng baril na gamit nito.

06/06/2026

RUDY BALDWIN, NAGBABALA SA POSIBLENG MGA SUNOG, AKSIDENTE, KRIMEN AT MALALAKAS NA BAGYO SA CAVITE

Naglabas ng panibagong babala ang kilalang psychic na si Rudy Baldwin kaugnay ng mga umano'y nakita niyang pangyayari sa kanyang "vision" para sa lalawigan ng Cavite.

Ayon kay Baldwin, nakakita umano siya ng ilang insidente ng sunog sa iba't ibang bahagi ng Cavite, kabilang ang dalawang mall kung saan ang isa ay naagapan habang ang isa naman ay halos matupok ng apoy. Binanggit din niya ang posibilidad ng sunog sa lugar na malapit sa pagawaan ng motorsiklo at sasakyan, gayundin sa lugar na malapit sa gym, hardware at botika.

Nagbabala rin siya sa mga nagtatrabaho sa mga gym sa Cavite dahil umano sa nakita niyang insidente ng krimen na may magiging biktima. Hinikayat niya ang publiko na maging mapagmatyag at mag-ingat sa lahat ng oras.

Bukod dito, sinabi ni Baldwin na nakita rin niya ang pagbagsak ng apat na poste sa magkakaibang lugar sa Cavite, dahilan upang hikayatin niya ang mga kinauukulan na magsagawa ng inspeksyon lalo na ngayong panahon ng tag-ulan.

Nagbigay rin siya ng babala sa mga motorista, partikular sa mga ambulansya, matapos umano niyang makita sa kanyang vision ang isang matinding aksidente na kinasasangkutan ng ambulansya na may posibleng masawi.

Ayon pa kay Baldwin, posibleng makaranas ang Cavite ng malalakas na bagyo, malawakang pag-ulan at malalakas na hangin. Aniya, hindi dapat balewalain ang mga darating na bagyo dahil may nakita rin siyang mga insidenteng may kaugnayan sa pagyanig at pagkasawi ng ilang tao.

Nagbabala rin siya laban sa kriminalidad, kabilang ang umano'y pagnanakaw at panloloob, at pinayuhan ang publiko na huwag basta magtiwala kaninuman.

Gayunman, iginiit ni Baldwin na ang kanyang ibinabahagi ay batay lamang sa mga ipinakita umano sa kanya sa kanyang vision, at nananatiling ang Diyos pa rin ang nakaaalam ng lahat ng mangyayari. Hinikayat niya ang lahat na manatiling maingat, maging handa at patuloy na manalangin.

05/06/2026

In support of the SM Cares Brigada Eskwela 2026 program, employees, agency personnel, and security guards from SM City Dasmariñas, SM Marketmall, and SM City Trece Martires participated in volunteer activities at Bautista Elementary School in Dasmariñas City and Aliang Elementary School in Trece Martires City. The team worked together in cleaning, painting, and conducting minor repair works to help prepare the schools for the upcoming academic year. Cleaning materials were also donated to further support the schools in providing a safe, clean, and conducive learning environment for students and teachers.

Through initiatives such as Brigada Eskwela, SM Cares and SM Supermalls remain committed to empowering communities through education, volunteerism, and meaningful partnerships, helping create better opportunities and a brighter future for Filipino learners.

05/06/2026

ISANG LALAKI, NATAGPUANG PATAY AT NAKASAKO ANG ULO SA GENERAL TRIAS, CAVITE

Isang lalaki ang natagpuang patay na may sako na nakabalot sa kanyang ulo sa isang kalsada sa Barangay Alingaro, General Trias City, nitong Huwebes, Hunyo 4, ayon sa pulisya.

Batay sa paunang imbestigasyon, isang dumaraang residente ang nakadiskubre sa bangkay na nakahandusay sa gilid ng kalsada. Mayroon ding mga bakas ng dugo sa paligid ng lugar kung saan ito natagpuan.

Ayon sa Cavite Police Provincial Office, hindi pa natutukoy ang pagkakakilanlan ng biktima hanggang nitong Biyernes, Hunyo 5.

Tinatayang nasa edad 20 hanggang 30 taong gulang ang biktima at may taas na humigit-kumulang 5 talampakan at 5 hanggang 6 na pulgada. Nakasuot siya ng itim na t-shirt, kulay khaki na shorts, at itim na sumbrero nang matagpuan.

Patuloy na nagsasagawa ng imbestigasyon ang General Trias City Police Station upang matukoy ang pagkakakilanlan ng biktima at ang mga pangyayari na humantong sa kanyang pagkamatay.

Humingi na rin ng tulong ang pulisya sa mga operatiba ng Scene of the Crime Operatives (SOCO) upang pangasiwaan ang mga teknikal na aspeto ng imbestigasyon.

05/06/2026

MAG-INGAT SA MGA KAMPON NG KADILIMAN - USEC. CLAIRE CASTRO

Walang natatanggap na kumpirmasyon ang Palasyo sa sinasabing plano umano ng destabilizers sa Independence Day.

Base sa post ng kolumnistang si Ramon Tulfo, may intelligence report umano ang Philippine National Police (PNP) na susugurin ng pro-Sara groups ang Palasyo sa June 12.

Giit ni Castro, nakahanda naman ang law enforcement agencies kung totoong may ganitong klase ng ilegal na aktibidad.

"Hindi naman bago ang mga ganitong aksyon dahil noon pa nila nais iluklok sa puwesto ang kanilang p**n na gahaman sa kapangyarihan kahit wala pa ang 2028," dagdag ng undersecretary

05/06/2026

“BASTA KAMING CAVITEÑO, WE STAND FOR SILG JONVIC REMULLA” — DADA DE OCAMPO

Mariing ipinahayag ni Dada de Ocampo ang kanyang buong suporta kay Department of the Interior and Local Government (DILG) Secretary Jonvic Remulla, hinggil sa video na itinulak umano at hinarangan ni Remulla si Sen. Robin Padilla kahapon, sa Senado.

Ayon kay de Ocampo, malinaw umano sa naturang video na nag-iisa si Remulla at walang basehan ang mga paratang na siya ay nanulak o humarang sa sinuman.

“Basta kaming Caviteño, we stand for SILG Jonvic Remulla. Kitang-kita naman sa video na nag-iisa siya at hindi siya ang humarang at nanulak. Paninindigan namin ‘yan,” pahayag ni Dada de Ocampo.

Samantala, sinabi din ni Dada sa kanyang comment na sarcasm o joke lamang ang post dahil marami umano ang na-misinterpret ito.

05/06/2026

"KUNG MAY NAGDALA MAN NG PERA SA AKIN, ANONG BATAS ANG NILABAG KO?" – TITO SOTTO

Mariing itinanggi ni dating Senate President Tito Sotto ang alegasyong may perang dinala o ibinigay sa kanya. Gayunman, sinabi niyang kahit ipagpalagay na may naganap na ganitong transaksyon, wala umano siyang nilabag na batas dahil pribadong mamamayan siya noong panahong tinutukoy.

"Pag palagay natin may dinala sila sa akin ano, but I'm saying it's not true, but if indeed they sent money to me, what law did I violate? I was a private citizen. I'm not a senator, I'm not a congressman," ani Sotto.

Binigyang-diin ng dating Senate President na hindi siya nanunungkulan sa anumang halal na posisyon noong panahong binabanggit sa mga alegasyon, kaya't kinukuwestiyon niya kung ano umanong paglabag ang maaaring iugnay sa kanya.

05/06/2026

Lahat na lang pinagkakakitaan

“KUNIN N’YO YAN SA TAXES NA BINABAYAD NA NAMIN”: PROPOSED ADDT’L P480 IMMIGRATION TRAVEL FEE RAISES COST CONCERNS

A proposed additional P480 immigration fee for international travelers is drawing criticism as passengers push back against rising travel costs.

Under a Bureau of Immigration (BI) plan to modernize the country’s border security system, passengers would be charged P240 upon departure and another P240 upon arrival, or an additional P480 to the cost of a roundtrip journey.

The fee would fund a new border management system featuring biometric screening, automated e-gates, and enhanced security monitoring.

Critics say travelers are being asked to shoulder another expense on top of the existing P1,620 travel tax.

Content creator and consumer advocate Carlo Ople echoed public frustration, saying government upgrades should not be passed on to passengers.

“Naiintindihan namin na kailangan n’yo ng better tools. Naiintindihan namin na kailangan n’yo ng better services. Pero huwag n’yong singilin sa’min ‘yan ng ganito. Kunin n’yo ‘yan sa budget ninyo. Kunin n’yo ‘yan sa mga taxes na binabayad na namin sa inyo,” Ople said.

The proposal has sparked debate on whether border security modernization should be funded through additional passenger fees or existing government budgets.

05/06/2026

MGA NAGING BOTO NG MGA KONGRESISTA SA CAVITE SA PAGPAPATALSIK KAY 4TH DISTRICT REP. KIKO BARZAGA

Kapansin-pansin na hati ang naging boto ng mga kapwa mambabatas sa Cavite kaugnay ng expulsion case ni Cavite 4th District Rep. Kiko Barzaga sa Mababang Kapulungan ng Kongreso.

Mga bumoto ng YES sa pagpapatalsik:

✅ Rep. AJ Advincula (3rd District)
✅ Rep. Roy Loyola (5th District)
✅ Rep. Antonio Ferrer (6th District)
✅ Rep. Ping Remulla (7th District)

Mga nag-ABSTAIN:

➖ Rep. Jolo Revilla (1st District)
➖ Rep. Lani Mercado-Revilla (2nd District)
➖ Rep. Aniela Tolentino (8th District)
➖ Rep. Bryan Revilla (AGIMAT Partylist)

Ang abstain ay nangangahulugang pinili ng isang mambabatas na huwag bumoto ng YES o NO sa isang usapin. Hindi ito pagsang-ayon o pagtutol, kundi pag-iwas na pumabor sa alinmang panig sa botohan.

Sa kabuuan, apat na kinatawan mula sa Cavite ang bumoto pabor sa pagpapatalsik kay Rep. Barzaga, habang apat naman ang nag-abstain o hindi pumili ng YES o NO.

Kabitenyo, ano ang inyong masasabi sa naging boto ng mga kongresista ng Cavite?

04/06/2026

'KASINUNGALINGAN NA INULIT SA KUWESTIYONABLENG HEARING'

Pinabulaanan ni Mamamayang Liberal Rep. Leila de Lima ang akusasyon ng 18 "ex-marines" sa Blue Ribbon Committee na tumanggap siya ng nakamaletang pera.

Paliwanag ng kongresista, ilang beses na niyang itinanggi ang mga alegasyong ito. Naghain na rin siya ng mga reklamo laban sa "ex-marines."

"Hindi na rin nakapagtataka na nagkakabuhol-buhol ang kuwento at paratang sa akin dahil imbento lang ang mga pinagsasabi nila," pahayag ni de Lima.