25/02/2025
NA UNSA DIAY KA KRIS?
Sa panahon nga kinahanglanon ang LIMPYO nga pagpangalagad, asa diay ka Kris?
Sa sitwasyon nga ang SINSERO nga serbisyo, wala man ka nagpakita sa katawhan Kris?
Sa kahimtang nga ang MATINUD-ANON nga pakiglambigit sa katawhan, ning tuyok-tuyok kaba sa Kabarangayan Kris?
Sa dihang nangita ug EPEKTIBONG Pang-gobyerno ang Probinsiya, unsa diay imong gibuhat sa Sangguniang Panlalawigan Kris?
Panahon na para masayod ang kinatibuk-ang katawhan sa DAVAO DE ORO nga ikaw nangulo sa PAGBABAG, PAGLANGAN, PAG DRIBOL-DRIBOL UG PAGDELATAR sa BUDGET ug uban pang PROGRAMA sa Kapitolyo kay gusto ninyo (kauban ang mga Board Members nga financed sa inyong amo) pagawason nga walay nagbuhat si Gov.
Dili BUTA, BUNGOL ug AMANG ang katawhan Ma'am (Ma'am-Babagay, Ma'am-Langanay, Ma'am-Dribolay, Ma'am-delataray) Kris ug imong partner.
NOTE: GOBERNADOR LANG ANG INYONG GI ZEROHAN SA CF. Wala gyud mo mo babag sa CF sa mga Mayor nga naa pod sa insurgecy-free nga lungsod ug labaw nang nagsagubang ug baha ug kalamidad sama sa Monkayo ug Compostela. Aprub tanan sa inyong pag review sa budget sa mga munisipyo. Aberrr?
Maayo'ng gabii! Salamat sa nag video ini. Tubagon ta ra ning pasangil sa team Babag sa labing madaling panahon. Ug excuse me po, maam Honorable- wala gyud ta naglalis sa CF kay gibuhi-an nako dayon na sa dihang nibabag mo. Abi pa lang namersonal ko ana. Pero mismong mga kadagkuan sa kasundaluhan ug kapulisan naghangyu mismo sa SP session kay kinahanglan kaayu na nila. Example, atong gihatag ang 2M reward sa hingtungdan kay na neutralize na ang nagpatay kay kanhing konsehal Bon Sacay. Ug daghan pa kaayu, maam nga gamitan sa confidential fund kay matod pa sa mga sundalo ug pulis, maski insurgency-free na ang de Oro, mas lisud ug dakug gasto mag mentinar niini arong dili makabalik ang insurhensiya. Walay maghatag ug impormasyon maam ug suhulan ra ug 10k kay seryuso ug gasto ang mga operasyon niini. Pwede ka mangonsulta sa mga autoridad. Ug DAGHAN KAAYONG SALAMAT kang Congressman Ruwel Peter Gonzaga kay gitabangan ko niya ug tubag sa panginahanglan nga hulip sa CF.
PS. Sa mga pila ka tuig nga nag approve ni si BM sa budget sa CF sa susamang kantidad sa mga kanhing gobernador, wa man lagi mo mangutana? Tama? O hadlok mo kay gatuo mo nga kung naay CF, di maadto sa mga awtoridad? Aw ako, sure ko nga kung maghatag mi ug ayuda, makasalig mo kay walay kaltas. Ambot kaha ug kamo ang maka CF pohon?✌️😄pareho ra god na sa imong gasolina nga wa ka gipangutana ug asa ka niadto pero nahurot nga wa man daw ka ikita sa mga kabaranggayan gawas karon nga nagatuyok naka kay ting piniliay na?✌️ interview to follow
Leah Cañon Baruiz Beatrix Tanfeliz Cañon-Baruiz
