06/06/2024
Gedungog og nakita ka sa mga tao nga murag BUHI ka spiritual og murag nahigugma paka sa Ginoo kay tungod namuhat og busy gihapon ka sa mga buluhaton sa Ginoo sa inyuhang simbahan. Nag worship lead gihapon ka, ga guitar gihapon ka, ga tambourine gihapon ka, ga wali gihapon ka og ga simba gihapon ka..... pero atubangan sa Ginoo, PATAY NAKA!
PATAY NAKA tungod ang kalipay, ang gugma, ang excitement og ang kadasig sa buluhaton sa Ginoo nawala na tungod nahimo nalang nimomg normal ang pagtago og sala, normal nalang sa imo ang dili mag-ampo og normal nalang sa imo nga dili magbasa og bibliya, pero sa Ginoo, tanan nga imong getago, dayag kaayo sa mata sa Ginoo 🙏🥹
Gipadayag 2:2-5
[2] Nasayran ko ang imong nabuhat, ang imong paghago ug ang imong pailob. Nasayran ko usab nga dili ka gusto sa daotang mga tawo ug giusisa mo kadtong nagpakaapostol ug nakaplagan mo nga sila mga mini.
[3] Nasayod ako nga nagpailob ka ug giantos mo ang mga kasakitan tungod kanako ug wala ka maluya.
[4] Apan ang ikasaway ko kanimo mao nga wala ka na mahigugma kanako sama sa sinugdan.
[5] Busa hunahunaa unsay imong sala. Paghinulsol ug buhata ang gibuhat mo sa sinugdan. Apan kon dili ka maghinulsol, moanha ako kanimo ug kuhaon ko ang imong butanganan sa suga gikan sa nahimutangan niini.
Gipadayag 3:1-2
[1] “Isulat kini alang sa anghel sa simbahan sa Sardis: “Kini ang giingon sa naghupot sa pito ka espiritu sa Dios ug sa pito ka bituon. Nasayod ako sa imong gibuhat ug nasayod usab ako nga gidungog ka nga buhi bisan tuod PATAY KA!
[2] Busa pagmata ug lig-ona ang anaa pa kanimo nga hapit na mamatay kay nakita ko nga ang imong nahimo dili pa hingpit sa atubangan sa akong Dios.
