ABS FM Balita

ABS FM Balita This is the Official page of ABS FM Balita , News and Public Information Center

Committed to deliver news and information in the name of public service

DILG, MIHATAG OG 20 KA SOLAR STREETLIGHTS, NGADTO SA NEW CORELLA-LGU Opisyal na nga gitunol sa Department of the Interio...
29/10/2025

DILG, MIHATAG OG 20 KA SOLAR STREETLIGHTS, NGADTO SA NEW CORELLA-LGU

Opisyal na nga gitunol sa Department of the Interior and Local Government (DILG) Davao del Norte, pinangulohan ni Provincial Director Jonathan Leybag, ang 20 ka mga solar streetlight ngadto sa lokal nga panggamhanan sa New Corella niadtong Oktubre 28, 2025.

Ang maong mga suga, gikan sa Brgy. Poblacion padulong sa Brgy. Mesaoy, nagkantidad og ₱1,153,000 ug gikan sa Seal of Good Local Governance (SGLG) Incentive Funds.

Sumala ni DILG Provincial Director Leybag, kini nga proyekto aron mahatagan og dugang kahayag ang lungsod alang sa kahapsay ug kalinaw, ug aron malikayan ang bisan unsang hulga sa seguridad sa katawhan.

via | Roy Moreno, Reporter.
📷: LGU New Corella/(Facebook).


USA KA DRAYBER, NAGPOSITIBO SA DRUG TEST SA TAGUM CITYMigawas sa resulta og positibo sa iligal nga droga ang usa ka Publ...
29/10/2025

USA KA DRAYBER, NAGPOSITIBO SA DRUG TEST SA TAGUM CITY

Migawas sa resulta og positibo sa iligal nga droga ang usa ka Public Utility Bus (PUB) driver atol sa gihimong surprise drug testing sa Tagum Overland Transportation Integrated Terminal (TOTIT), Barangay Magugpo West, Tagum City, kagahapon, Martes, Oktubre 28.

Base sa report sa City Anti-Drug Abuse Council (CADAC) Tagum City, usa sa 150 ka drayber ug konduktor nga gipailalom sa test ang napamatud-ang nagpositibo.

Human makumpirma ang resulta, gilayon gikuhaan og lisensya ang maong drayber. Ipasiguro lamang kini nga mabalik kung makahuman siya sa drug dependency examination ug unom ka bulan nga rehabilitasyon, sumala sa otoridad.

Ang maong drug testing usa ka inisyatibo sa LTFRB, LTO, PDEA, PNP, CADAC, ug PADAC, uban ang suporta sa City Environment and Enforcement Office (CEEO) ug City Safety Unit (CSU).

Gipahigayon kini isip pagpangandam sa holiday long weekend, aron masiguro ang kaluwasan sa mga pasahero ug pagduso sa drug-free nga transport sector sa siyudad.

via | Roy Moreno, Reporter.
📷: City Gov’t of Tagum/(Facebook).


SENSITIVE CONTENT | AMAHAN, GIPATAY SA KAUGALINGONG ANAK SA DAVAO CITYUsa ka trahedya ang nahitabo sa Sitio Butay, Baran...
29/10/2025

SENSITIVE CONTENT | AMAHAN, GIPATAY SA KAUGALINGONG ANAK SA DAVAO CITY

Usa ka trahedya ang nahitabo sa Sitio Butay, Barangay Tapak, Paquibato District, Davao City, kaganinang kaadlawon, Oktubre 29, 2025, human brutal nga gipatay sa anak ang iyang kaugalingong amahan.

Giila ang biktima nga si Emilio Manday-onan, 58-anyos, mag-uuma, samtang ang suspek mao ang anak niining si John Mark, 30-anyos. Pulos residente sa maong lugar.

Base sa imbestigasyon sa Davao City Police Office (DCPO), nag-inom og kape ang biktima sulod sa ilang balay sa dihang kalit siyang giatubang sa iyang anak ug gikompronta.

Didto dayon nagsugod ang away hangtod gibunal-bunalan sa suspek ang iyang amahan gamit ang kahoy, ug human niini, gibunalan pa kini og pala ang ulo ug nawong sa biktima, nga maoy hinungdan sa iyang hinanaling kamatayon.

Hinoon, daling nadakpan sa mga otoridad ang suspek nga gikustodiya na karon sa Paquibato Police Station ug atubangon niini ang kaso nga parricide nga gipasaka batok kaniya.

Sumala sa kapulisan, personal nga panagbangi ang gitutukan nga motibo sa krimen.

via | Roy Moreno, Reporter.
📷: DCPO/(Facebook).


DAVAO CITY, MAGTUKOD OG BAG-ONG EMERGENCY OPERATIONS CENTER MOTORPOOLGipangunahan mismo sa lokal nga panggamhanan sa Dav...
29/10/2025

DAVAO CITY, MAGTUKOD OG BAG-ONG EMERGENCY OPERATIONS CENTER MOTORPOOL

Gipangunahan mismo sa lokal nga panggamhanan sa Davao, pinaagi sa City Disaster Risk and Reduction Management Office (CDRRMO), ang pagpahigayon sa groundbreaking ceremony alang sa Emergency Operations Center (EOC) Motorpool Facility sa Barangay Ma-a, Davao City niadtong adlaw'ng Martes, Oktubre 28.

Ang maong pasilidad, maoy mahimong sentrong lugar alang sa mga operation vehicles, ekipo, ug uban pang gamit nga gikinahanglan panahon sa kalamidad.

Aduna usab kini mga bodega ug quarters alang sa mga personnel.

Kabahin kini sa unang hugna sa EOC development aron mapalambo pa ang pagpangandam, koordinasyon, ug pagresponde sa Davao City panahon sa mga kalamidad.

via | Roy Moreno, Reporter.
📷: City Government of Davao/(Facebook).


ABS PAKULO WINNERS | OCTOBER 28, 2025TERESA BAGARESMidsayap, Cotabato ELSA TOROTOROPanabo City, DDNREGINA RAPISTACompost...
29/10/2025

ABS PAKULO WINNERS | OCTOBER 28, 2025

TERESA BAGARES
Midsayap, Cotabato

ELSA TOROTORO
Panabo City, DDN

REGINA RAPISTA
Compostela, DDO


29/10/2025

ABS FM BALITA -MARIZ POSADAS | ROY MORENO OCTOBER 29, 2025 | 5:00PM – 6:00PM MONDAY - FRIDAY Get in touch with us on Facebook and YouTube &HEALTHw/ ATE ANN

VERSE OF THE DAY
28/10/2025

VERSE OF THE DAY



| 57 days nalang, Pasko na!🎅🎄
28/10/2025

| 57 days nalang, Pasko na!🎅🎄

28/10/2025

ABS FM BALITA -MARIZ POSADAS | ROY MORENO OCTOBER 28, 2025 | 5:00PM – 6:00PM MONDAY - FRIDAY Get in touch with us on Facebook and YouTube &HEALTHw/ ATE ANN

28/10/2025

ABS DISKUSYON | OCTOBER 27, 2025

Comment lang sa inyong opinyon...


RANDOM DRUG TEST GIPAHIGAYON SA TAGUM CITY TERMINAL Tagum City, DDN — Agig preparasyon sa umaabot nga Kalag-Kalag o Unda...
28/10/2025

RANDOM DRUG TEST GIPAHIGAYON SA TAGUM CITY TERMINAL

Tagum City, DDN — Agig preparasyon sa umaabot nga Kalag-Kalag o Undas, gilusad ang "Oplan Harabas" nga naglakip sa random drug testing sa tanang mga drayber ug konduktor sa mga pampasaherong bus, van, ug jeep sa Tagum City Overland Transportation Integrated Terminal, karong adlawa Martes, Oktubre 28, 2025.

Tumong niini nga masiguro ang kaluwasan ug kahapsay sa pagbiyahe sa mga pasahero.

Kini nga programa gipasiugdahan sa LTFRB, LTO, PDEA, PNP, CADAC, ug PADAC, uban sa CEEO ug CSU.

via | Roy Moreno, Reporter.
📷: Florencio Domingo/(Facebook).


PATAY’NG LAWAS SA 15-ANYOS NGA BATANG NALUMOS SA DAVAO RIVER, NAKIT-AN NA!Human sa tulo ka adlaw sa pagpangita, nakita n...
28/10/2025

PATAY’NG LAWAS SA 15-ANYOS NGA BATANG NALUMOS SA DAVAO RIVER, NAKIT-AN NA!

Human sa tulo ka adlaw sa pagpangita, nakita na kaganinang buntag ang patay’ng lawas sa 15-anyos nga giilang si Kevin Corales, kinsa nalumos sa Davao River niadtong Oktubre 26, 2025.

Ang insidente nahitabo sa La Suerte Street, Barangay Mandug, Davao City, niadtong nakalabay'ng adlaw.

Sumala sa report, si Corales, residente sa Purok Alimukon, Barangay Mandug, gikataho nga nalumos mga alas 3:29 sa hapon niadtong adlaw'ng Domingo, Oktubre 27.

Ang Davao City Central 911 USAR (Urban Search and Rescue) ug EMS Units, uban sa Barangay Disaster Risk Reduction and Management Council (BDRRMC) – Mandug, miresponde dayon ug gisugdan ang pagpangita sa biktima.

Tungod sa kangitngit, ang operasyon gisuspenso sa pagkagabii ug gipadayon pagka-ugma.

Bisan pa sa paningkamot, wala gihapon makit-an ang biktima sa unang duha ka adlaw nga pagpangita.

Sumala pa, niadtong Oktubre 28, mga alas 5:45 sa buntag, nakadawat og taho ang otoridad nga adunay nakita nga patay'ng lawas duol sa taytayan sa Barangay Waan.

Ang mga sakop sa BDRRMC Mandug, Tigatto Emergency Response Team, ug Philippine National Police (PNP) – PS-13 Mandug miresponde sa dapit kong asa nakita ang patay’ng lawas sa biktima ug didto narekober ang lawas ni Corales sa Sta. Marina, Tigatto, mga alas 8:00 sa buntag, Oktubre 28.

Sa karon, gidala na ang patay'ng lawas sa biktima sa usa ka iladong Funeral Homes sa Mandug arun mahatagan kini og pormal nga pagpahiluna saiyang pamilya.

via | Roy Moreno, Reporter.
📷: Davao City Public Information/(Facebook).


Address

Buhangin Proper
Davao City
8000

Website

Alerts

Be the first to know and let us send you an email when ABS FM Balita posts news and promotions. Your email address will not be used for any other purpose, and you can unsubscribe at any time.

Shortcuts

Share

Category