11/02/2025
REPOST | Programa alang sa mga Senior Citizens from Mindanao Lens
Nag lanog lanog ang hugyaw sa mga Senior Citizens sa Barangay 76-A human gipadayag ni Davao City Mayoral candidate Karlo Nograles adlawng Sabado, Enero 8 ang iyang plano para sa katigulangan galing pilion siyang amahan sa Dakbayan.
Promisa ni Nograles nga tanan Senior Citizens sa Davao City nga tagaan og usa ka prepaid card nga adunay QR code na iyahang pondohan aron maoy gamiton nila simbako sila maospital aron malikayan na ang daghan pang mga pila sa pag proseso sa mga requirements.
Gawas niana, mugahin og binulan na alokasyon si Nograles alang sa pang palit nila og tambal ug maintenance aron mabawas bawas ang ilang huna hunaon sa gastoson.
Apil sa programa ang pag hatag og CASH GIFT matag birthday nila sama sa ginabuhat sa Makati ug uban pang progresibong syudad sa nasud.
Saad sab sa kanhi kongresista sa unang distrito nga pang ilisan ang tanan Senior Citizen IDs nila og mas nindot nga materyales ug adunay QR code sab aron kung adunay mga ayuda, o tabang muabot, diretso na musulod sa ilang mga ID.
Sa nakahibalo, ang IDs sa mga Senior Citizen usa lamang ka papel nga gipa laminate lamang ug dali lang madaot.
Gusto ni Nograles mas tagaan pa sila og dakong bili ug importansya kay sila mga inspirasyon sa katilingban.
Nanguli nga malipayon ang gatosan ka Senior Citizens gahapon human sa pulong pulong nila Nograles nga mibitbit og tagsa ka 6kgs nga bugas, napulo ka delata apil corned beef tuna ug sardinas, ug kape para ilang pang konsumo.
Via Adam Bernabe Morrell
