03/07/2025
PAG-UMANGKON GIBAYARAN OG P80 AYHA GI-LUGOS SA MISMONG UYUAN
Gisaysay ni alyas Faith ang nahitabong pagpanglugos kaniya sa iyang mismong uyoan diin giingong gitagaan pa siya niini og P80 ayha siya gihilabtan sa bukid sa Maragusan, Davao de Oro.
Sumala sa biktima, 11-anyos pa siya niadtong panahona dihang gipauban siya sa iyang uyoan nga si alyas "Pakyaw" aron manguha og marang. Apan pagsaka nila sa bukid, igo lamang diay siyang giilad sa iyang uyuan. Didto na kini gilugos ug gihulga nga patyon ang iyang mga ginikanan kung mosumbong siya.
Human sa insidente, nasundan pa kini sa ika-duhang higayon ug bisan pa nga gusto na niyang musumbong, iya nalang kining gihilom tungod sa kahadlok.
Nag-file og kaso ang biktima niadtong 2018, na-serve ang warrant niadtong 2023, ug nadakpan si alyas “Pakyaw” niadtong Hulyo 2, 2025 sa Ecoland Terminal, Davao City.
Sa karon nag-atubang sa daghang ihap sa kasong r**e ug statutory r**e ang suspek nga anaa na sa kustodiya sa awtoridad.
Via | iDol Jam Jimenez
