https://www.facebook.com/108250607279431/

DJ Inday Kalamay, Dipolog (2026)

05/12/2024

TAN-AWA: AMERIKANONG VLOGGER NG GIDAGIT SA SIBUCO, PATAY NA SUMALA SA PRO- ZAMBOANGA PENINSULA

Gikumpirma sa Police Regional Office 9 nga patay na si Elliot Onil Eastman, ang amerikanong vlogger nga nakapangawasa ug pinay nga unang gidagit sa Sitio Tungawan, Barangay Poblacion, Sibuco, Zamboanga Del Norte milabay'ng Oktubre 17 ning tuiga.

Sumala kang Police Lt. Col. Ramoncelio Sawan, Officer In Charge For Public Information Office sa PRO 9 nga subay sa pamahayag sa usa sa upat nga mga suspek nga midagit kang Eastman, niadtong Oktubre 17 pa namatay ang biktima human kining maka-angkon ug duha ka igo pinusulan, usa sa tiil ug usa sa tiyan.

Tungod niini, namatay ang biktima samtang anaa sa lawod ug didto matud pa ilahang gihagbong ang patay’ng lawas niini.

Dugang pamahayag ni Lt. Col. Sawan nga adunay testigo ang naunang nagbutyag nga namatay si Eastman human kining gidagit apan wala una nila kini gituuhan gumikan nagpa-abot sila ug demand ingon man proof of life gikan sa mga suspek.

Sa karon, human madakpan ang usa sa mga midagit kang Eastman kumbinsido na matud pa ang otoridad, apan ilahang gipaningkmautan nga makita pa ang patay’ng lawas niini.

Samtang, gi-angkon ni Lt. Col. Sawan nga bisan ug nadakpan ang usa sa mga suspek, pabilin gihapon nga blangko ang kapulisan sa motibo sa maong pagpangdagit gumikan hangtud sa karon, nagdumili nga mu-cooperate ang suspek nga unang nadakpan ug gipasakaan ug kasong kidnapping and serious illegal detention lakip na ang laing tulo nga pabiling gawasnon.

Gibutyag usab niini sa ilahang gihimo nga inisyal nga imbestigasyon dili konektado sa mga dagkong threat group sa nasud ang mga suspek nga midagit kang eastman, apan lambigit sila sa managlahing krimen sa Rehiyon 9.

28/09/2024

YENG CONSTANTINO @ DAKAK PARK AND BEACH RESORT, DAPITAN CITY

10/09/2024

DIPOLOG CITY,ZAMBOANGA DEL NORTE, GITAY-OG SA INTENSITY III NGA LINOG

Gitay-og ang Dipolog City,Zamboanga del Norte nga anaa sa Intensity III nga linog ug Intensity I ang Sindangan, Zamboanga del Norte.Samtang gitay-og sa 4.8 magnitude nga linog ang Zamboanguita probinsya sa Negros Oriental, kaganiha alas 1:22 sa buntag, Septyembre 10, ning tuiga.

Kini base sa datos nga gipagawas sa Philippine Institute of Volcanology and Seismology (PHIVOLCS).

Nasayran ang Instrumental Intensities nasinatian sama sa
Intensity III - City of Dipolog, Zamboanga del Norte.
Intensity II - Dumingag, Zamboanga del Sur.
Intensity I - Sibulan, NEGROS ORIENTAL; Sindangan, Zamboanga del Norte.

17/05/2024

PCOL DIAZ GIBARUGAN NGA DILI MAOY BASIHAN NGA MAWAGTANG ANG KUMPYANSA SA KATAWHAN NGADTO SA KAPULISAN TUNGOD LAMANG SA GIBUHAT SA PIPILA LAMANG KA PULIS

Gibarugan ni PCOL Rainier Diaz, Provincial Director sa Zamboanga del Norte Police Provincial Office (ZNPPO) ang kalabot usa ka sa pulis nga nanapat o nanumbag ngadto sa senior Citizen didto sa Purok 2 Brgy Santa Cruz,Lalibertad ning lalawigan niadtong bulan sa Mayo 3, nga dili kini maoy basihan nga mawagtang ang kumpyansa sa mga sibilyan o katawhan ngadto sa kapulisan gumikan pipila lamang ka porsyento ang pulis nga nagabuhat ug dili maayong binuhatan sa isig-katawo.

Pamahayag pa ni PD Diaz nga dunay 1,500 PNP personnel sa tibuok probinsya sa Zamboanga del Norte Police Provincial Office ug wala kaabot sa uno (1) porsyeto ikumpara sa gihisgutan nga police personnel. Dugang pa niya nga wala niya gitolerate ang mga dili maayong binuhatan ug kung dunay igong ebidensya,aksyonan dayon kini ug posibling mawagtang sa serbisyo, base sa gibug-aton nga kalapasan sa salaod.

Kahibaloan gibutyag ni PMaj.William Maisog, hepe sa Lalibertad MPS nga ang usa ka police nailang si Police Corporal Ian Aranias, kinsa nadestino sa Dapitan City Police Station.

Gitataw sa Provincial Director sa ZNPPO nga kung dili masettle sa Barangay tali sa pulis ug ang complainant, pasakaan kini ug Slight Physical Injury ubos sa revised penal code ug parte kini sa polisiya sa kapolisan nga kasong grave misconduct ug posibling mawagtang sa serbisyo ang pulis.

Sa karon ang Chief of Police sa Dapitan City Police Station nagapasaka na ug Administrative Complaint batok sa usa ka pulis.Nanghinaot si Col.Diaz nga dunay disiplina ang tanang kapolisan sa Zanorte gumikan kung disiplinado ang pulis dili gayod makalapas o makabuhat ug dili maayong binuhatan,dili mahilakip sa pagmugna ug illigal nga aktibidad rason nga makaguba sa imahe sa kapolisan.

Sa katapusang pamahayag ni Diaz nga ang pinaka-importante sa tanan nga imintenar ang disiplinado sa kapulisan, bugti sa tiunay nga serbisyo alang sa kahapsay ug kalinaw sa Zamboanga Peninsula.

CTTO:Kasikas Zanorte 2.0

17/05/2024

PD DIAZ GI-AKSYONAN GILAYON ANG KALABOT SA USA KA PULIS NGA NANUMBAG SA SENIOR CITIZEN SA LALIBERTAD ZANORTE

Giaksyonan gilayon ug dunay lakang ang kapolisan ubos sa pagdumala ni PCOL Rainier Diaz, Provincial Director sa Zamboanga del Norte Police Provincial Office (ZNPPO) ang kalabot usa ka sa pulis nga nanapat o nanumbag ngadto sa senior citizen didto sa Purok 2 Brgy Santa Cruz,Lalibertad ning lalawigan niadtong bulan Mayo 3, ning tuiga.

Saysay pa ni Col.Diaz nga unang-una imbestigahan ang usa ka pulis isip parte sa iyang protocol aron masuta kung duna ba gayod kalapasan o salaod ang nahisgutang pulis.Dugang pa ni PD dihang iyang nadawat ang report giaksyonan gilayon ang insidente kung asa nahitabo ug mitaho ang Chief of Police sa Lalibertad Municipal Police Station aron masayran ang kamatuoran.

Kahibaloan gibutyag ni PMaj.William Maisog, hepe sa Lalibertad MPS nga ang usa ka police nailang si Police Corporal Ian Aranias, kinsa nadestino sa Dapitan City Police Station.

Sa karon aduna'y nay investigation report ang Lalibertad PNP ug nasumiter na ngadto sa Provincial Investigation Detective Management Unit aron sa pagpasaka sa kasong Administrative Case ug pagpahigayon ug evaluation. Dugang pa niya samtang sa posibling criminal charges matod pa sa sa Chief of Police sa Lalibertad PNP nga gi-refer sa Barangay ang kaso diin nagkunsiderar na gamay lamang ang dun-og ug dili serious injury ang nahitabo ug kini dunay Brgy settlement, apan siguraduhon ni Col.Diaz nga mapasakaan ug kasong Administrative case batok sa usa ka pulis isip gikonsiderar ang iyang unang kasong suspension nga misconduct sa susamang lugar.

Pagpaklaro ni Diaz nga kung mahuman na ang evaluation magpasaka ang ZNPPO batok sa pulis ug kasamtangang marelieved kini sa duty sa Dapitan City Police Station diin dunay posibilidad nga mawagtang sa serbisyo pagka-pulis kung mapasaka ang kasong Criminal Case nga mao ang Violation of Revised Penal Code ug matod pa sa polisiya sa kapolisan kung ang paglapas grave misconduct, ang pinakadako nga penalty mao ang dismissal from the service.

CTTO:Kasikas Zanorte 2.0

16/05/2024

DIVORCE BILL, GI-APROBAHAN NA SA HOUSE OF REPRESENTATIVES SA IKADUHANG PAGBASA

Gi-aprobahan na sa House of Representatives sa ikaduhang pagbasa ang House Bill No. 9348, usa ka sugyot nga nagtinguha nga ibalik ang diborsyo sa nasud isip paagi sa pagbungkag sa kaminyuon.

Atol sa plenary session, ang proposal giaprobahan pinaagi sa viva voce o voice voting.Ang balaudnon naaprobahan duha ka bulan human kini gi-refer sa plenaryo sa House committee on population and family relations.

Nasayran nga nangutana si Tingog Partylist Representative Jude Acidre kon ang absolute divorce alang sa mga magtiayon nga dili na malipayon sa ilang kaminyoon apan, gitubag kini ni Albay 1st District Representative Edcel Lagman, kinsa nagpasiugda sa maong balaudnon nga dili lang kini sa dili na malipayon kondili anaa na usab sa distressful nga sitwasyon.

Gibarugan usab sa opisyal nga ang tumong sa maong sugyot arun makalingkawas sa kasakit ug sa sayop nga tawo. Lakip sa mga sukdanan sa diborsyo nga gitumbok sa balaudnon mao ang physical violence o grabeng abusadong binuhatan nga gitumong batok sa petitioner, usa ka common child o anak sa petitioner; pisikal nga kapintasan o moral nga pagpit-os aron pugson ang nagpetisyon sa pag-usab sa relihiyon o political affiliation; pagkaadik sa dr**as o dili na mapugngan nga ilimnong makahubog o kanunay nga sugal; ug homosexuality.

Photos from the web

23/04/2024

GOVERNOR JALOSJOS GIBUTYAG ANG KAMATUORAN ATOL SA IYANG SOPA ANG KALABOT SA UNANG PRAYORIDAD NGA
MGA PROGRAMA SA PANGLAWAS

Gibutyag ni Provincial Governor Rosalina G. Jalosjos ang mahitungod sa unang prayoridad nga mga programa sa panglawas atol sa iyang State of the Province Address (SOPA) kagahapong adlawa,Abril 22 ning tuiga.

Saysay pa sa gobernador nga sukad nga milingkod siya isip suluguong inahan ning lalawigan, iyang gipaningkamutan nga masulbad ang mga nag-unang mga problema ilabi na ang kalisod nga mga kasinatian sa katawhan. Sa natad sa public health pinaagi sa paningkamot sa Provincial Health Office (PHO),ang Provincial Government nakahatag ug igong pagtagad sa mga programang panglawas sama sa pagpakusog sa Local Health System, tungod niini nakab-ot ang 89.0 % nga accomplishment alang sa organizational level sa Universal Health Care (UHC) Integration.

Kahibaloan nga nagatutok ang gobernadora sa iyang 5-point agenda nga HEATS, gilangkuban sa Health Program, Education, Sports and Environmental Protection, Agriculture, Livelihood and Infrastructure, Tourism, Peace and Order ug Social Services and Skills Development. Nasayran nga health ang usa ka major prayoritis sa Provincial Government sa Zamboanga del Norte ubos sa pagdumala sa gobernadora ning lalawigan. Ang Kagamhanang Probinsiyal naghatag ug financial assistance nga 13,864 out-patients kansa naka-avail sa serbisyo sa Zamboanga del Norte Medical Center nga nagkantidad ug 138.9 Milyonis ka pesos isip kontribusyon sa hospital sa total hospital bill. Suportado usab ang gidonar nga 20 Milyonis nga proyekto alang sa Sindangan District Hospital gikan sa DOH aron aduna na usab alternatibo nga district ang ubang mga lungsod sa ikaduhang distrito.

Sa pagpaningkamot sa administrasyon sa gobernadora nahimo na nga level 1 niatong miaging tuig ang Siocon Municipal Hospital ug paningkamutan sa administrasyon nga mahimong level 1 ang Sindangan,Labason,Liloy ug Sibuco District Hospitals aron makaserbisyo kini sa mga katawhan sa ikatulong distrito.

Gawas sa mga programa,gibutyag usab sa gobernadora ang mga batikos sa mga local media personalities sama sa pagpakuyanap sa isyu nga walay programa nga nabuhat sa iyang pagdumala,apan kini pulos bakak ang tanan gumikan walay kamatuoran,engun man ang pagpakaulaw sa social media sa page sa gobernadora nga na-hacked diin kini tanan gihangad lamang sa inahan ning lalawigan ug iyang gi-ampo na lamang sa kahitas-an gumikan ang tanang batikos natubag na usab ni Provincial Administrator Wilberth Magallanes sa Sangguniang Panlalawigan (SP).

Sa dili pa matapos ang unang termino ni Governor Nanay Nene iyang paningkamutan nga mag level 3 na ang Zanorte Medical Center diin dako usab ang pagpasalamat sa gobernadora ngadto sa Department of Health, ni Regional Director Dr.Joshua Brillantes sa suporta niini sa mga programa sa maayong panglawas.

25/03/2024

MANAGER SA DAKAK PARK AND BEACH RESORT, GIPALANOG ANG MALAMPUSONG LAUNCHING SA USA KA ISLAND BRGY SA DAPITAN CITY

Gipalanog ni Ms.April Laput, Manager sa Dakak Park and Beach Resort ang mahitungod sa malampusong launching sa usa ka Island Brgy sa Dapitan City mao ang Selinog Island Tour nga gikan sa Siquijor Island padulong sa Selinog kagahapong adlawa, Marso 24 ning tuiga.

Giklaro usab sa Manager ang mga packages tour diin usa sa mga tourista gikan sa Siquijor padulong sa Selinog Island nga anaa sa 14 tourist visitors lakip na ang mga foreigners kansa maoy target gikan sa Sequijor Island aron masinatian ang usa ka adlaw nga tour sa Selinog.

Gilakbitan ang inclusion package mao ang roundtrip bus transfer gikan sa ilang Hotel, L/B Nanay Nene, engun man boodle fight lunch with lechon sa Selinog Island,free snorkeling, diving,biking ug sa dili madugay duna usab e-bike gumikan gusto sa Kagamhanang Lokal sa Dapitan nga ang Selinog Island mahimong "Green Island" diin mao kini ang tumong sa umaabot.

Sa katapusan gilakbitan usab ni Laput nga adunay duha ka packages nga ilusad mao ang Unlifudap ug visitamos Rizal karong umaabot Hunyo diin kini gisabutan sa mga kadagkoan aron mas mapa-uswag ug mapanindot ang maong Island.

25/03/2024

ISLAND DAY TOUR SA MGA MEDIA PRACTITIONERS SA ZAMBOANGA DEL NORTE, NAGMASADYA

Nagmasadya ang wala damha nga Island Day Tour sa mga media practitioners sa Zamboanga del Norte kagahapong adlawa, Marso 24,2024.

Kini pinaagi sa pagpaningkamot ni Madam Apple Marie A. Agolong, Dapitan City Tourism Officer ubos sa Local Government Unit sa pagdumala ni Hon. Mayor Seth Frederick "Bullet" Jalosjos, nga masaksihan sa mga media partners kung unsa kaanindot ang Selinog Island ug hamugaway aron mas ma-relax ug malingaw ang mga tourista.

Gilakbitan usab sa tourism officer ang inclusions sama sa roundtrip yatch transfers (Dipolog to Selinog & Vise Versa)(Dapitan to Seling & Vise Versa),boodle fight lunch with lechon, island day
tour, free snorkeling diin affordable lamang ang package tour karon anaa sa Php950.00 apan kaniadto anaa sa PhP1,750.00.

Busa sa mga naga-plano nga mag-bonding2x tibuok pamilya, mga higala nga buot maglingaw2x ug wala pa nakasaksi sa kahamugaway ug kanindot sa Selinog Island adto na kamo gumikan barato lamang, ang importante malingaw ang tanan.

25/03/2024

TAN-AWA: MOTORISTA UG DUHA KA BACKRIDER SAMARAN HUMAN NABANGGA SA WARNING DEVICE SA NAKAPARKING NGA HEAVY EQUIPMENT SA SICAYAB

Samaran ang motorista ug duha ka backrider tungod sa heavy equipment nga nakaparking sa National Highway Sicayab, Dipolog City human wala mabantayi ang warning device gumikan usab sa defective reflector rason nga wala damha nga disgrasya kagabie, Marso 24 ning tuiga.

Nasayran nga gireklamo na usab sa pipila ka mga residente sa nahisgutang lugar ang gihimong pagparking sa Backhoe sa ngitngit nga lugar diin ubay-ubay na sab nga mga motorista ang nasangit og nadisgrasya. Dili na matod pa maklaro ang warning device nga gibutang gumikan sa kakuspaw.

Ang maong heavy equipment adunay tatak nga DTC.

19/03/2024

TAN-AWA: ATOL SA AMBUSH SA UPAT(4) KA MGA SUNDALO,PATAY SA BRGY. TUAYAN1, DATU HOFFER AMPATUAN, MAGUINDANAO DEL SUR

CTTO:

27/02/2024

PROVINCIAL ADMINISTRATOR MAGALLANES GIPALANOG ANG MENSAHI NI GOV.JALOSJOS SA SA HUGTANONG SUPORTA SA PANGINAHANGLANON SA ZNPPO ATOL SA GROUND BREAKING CEREMONY

Gipalanog ni Provincial Administrator Mr.Wilberth “Jojo” Magallanes nga mirepresentar ni Governor Rosalina Jalosjos nga gikalipay ug dako sa gobernadora ang paghatag sa hugtanong suporta sa panginahanglanon sa ZNPPO ug uban pang mga buhatan sa kagamhanan nga nagkinahanglan ug suporta gikan sa Kagamhanang-Probinsyal atol sa malampusong gipahigayong Ground-Breaking Ceremony diin sa dili madugay mobarog na ang bag-ong grandstand sulod sa Zamboanga del Norte Police Provincial Office Compound sa Barangay Sicayab ning Dakbayan, Pebrero 26 ning tuiga.

Ang nasangpit nga proyekto gibana-bana anaa sa kapin Php2 Milyones ka pesos nga gihatag sa Kagamhanang-Probinsyal ngadto sa ZNPPO diin gipangunahan ni Provincial Administrator Magallanes engun man ni ZNPPO Director, PCol. Glenn M Dulawan ug Provincial Engineering Office OIC Engr.Rey Eguia lakip na ang pagsaksi sa mga PNP personnel ug officers and members sa ZNPPO Press Corps .

Gipaabot usab ni PD Dulawan isip tubag sa iyang hangyo ang pagpasalamat ngadto ni Gov. Jalosjos ug gipasalig niya nga suportahan sa kamanduan sa ZNPPO ang unsa mang proyekto nga ipatuman sulod sa PNP Provincial Headquarters diin ang bag-ong grandstand maoy bunga sa hugtanong kolaborasyon tali sa Kagamhanang Probinsyal ug sa PNP nga nagpamatuod sa malinawong probinsya.

Gihangyo usab ni Engr. Eguia si Col. Dulawan nga magpahigayon ug orientation sa mga magtrabaho sa maong proyekto aron usab nga mahibaw-an ang angay ug dili angay nilang buhaton sulod sa kampo.

Sa katapusan subling gipasalamatan ni Police Lt. Col. Roselily Baguio, Deputy Director for Operations, si Governor Jalosjos nga kanunay matinud-anon nga naminaw sa ilang panginahanglanon ug sa kanunay nga hugtanong nagsuporta sa mga katawhan sa Zanorte.

DJ Inday Kalamay

05/12/2024

28/09/2024

10/09/2024

17/05/2024

17/05/2024

16/05/2024

23/04/2024

25/03/2024

25/03/2024

25/03/2024

19/03/2024

27/02/2024

Address

Telephone

Website

Alerts

Shortcuts

Share

Category