http://negrosdigitalnewsph.com/

Negros Digital News PH, Dumaguete City (2026)

11/10/2026

PARKING ATTENDANT SA SIBULAN, NASIKOP SA BUY-BUST OPERATION

Nasikop sa kapulisan ang usa ka 52-anyos nga parking attendant human giingong namaligya og gidiling droga sa Barangay Poblacion, Sibulan, Negros Oriental, niadtong Sabado sa gabii, Oktubre 10, 2026.

Gipahigayon sa kapulisan sa Sibulan ug PDEA ang buy-bust operation pasado alas 10:40 sa gabii, diin nakuha gikan sa suspetsado ang usa ka pakete sa gituohang shabu nga nagkantidad og ₱2,040 ug ₱500 nga buy-bust money.

Gidala ang suspetsado sa buhatan sa kapulisan sa Sibulan ug gi-detain. Gipasakaan siya og kaso tungod sa giingong paglapas sa Republic Act 9165 o Comprehensive Dangerous Drugs Act of 2002.

📸 Courtesy: Sir Roy Ortega/Facebook

11/10/2026

HARA SA NEGROS ORIENTAL OFFICIAL CANDIDATES 👑👏🏻💎✨

📸 Courtesy: Hara sa Negros Oriental/Facebook

11/10/2026

MOTORISTA P@T@Y HUMAN MIDASMAG ANG MOTORSIKLO SA TINDAHAN SA BAYAWAN CITY

P@t@y ang usa ka 24-anyos nga lalaki human mibangga ang iyang gimanehong motorsiklo sa usa ka tindahan sa Boulevard Extension, Barangay Villareal, Bayawan City, pasado alas 3:00 sa kaadlawon, Sabado, Oktubre 10, 2026.

Sumala sa imbestigasyon sa Bayawan City Police Station, ang biktima, residente sa maong dakbayan, nagmaneho sa iyang Suzuki Raider FI 150 nga gikatahong kusog ang dagan, hinungdan nga nawad-an kini og kontrol ug midasmag sa tindahan.

Nakaangkon ang biktima og grabeng samad sa ulo ug ubang bahin sa lawas. Ang mga residente maoy mitaho sa kapolisan, hinungdan nga dali nga mitubag ang Bayawan PNP ug mga sakop sa City Disaster Risk Reduction and Management Office.

Gidala ang biktima sa Bayawan City District Hospital, apan gideklarar kini nga p@t@y na sa pag-abot sa ospital alas 3:27 sa kaadlawon.

Nagpadayon ang imbestigasyon sa kapolisan kalabot sa maong aksidente.

📷 Photo: Bayawan PNP
with reports from NegOr Balita

11/10/2026

MOTORSIKLO NAHULOG SA DRAINAGE CANAL SA DUMAGUETE CITY; DRIVER P@T@Y!

P@t@y ang usa ka wala pa mailhing lalaki human nahulog sa drainage canal ang iyang gimanehong Yamaha Aerox nga motorsiklo sa Diversion Road, Barangay Candau-ay, Dumaguete City, alas 5:30 sa kaadlawon, Sabado, Oktubre 10, 2026.

Sumala sa imbestigasyon sa kapulisan, gikan sa lungsod sa Bacong ang biktima ug padulong unta sa Sibulan dihang nawad-an kini og kontrol sa motorsiklo ug nahulog sa kanal, hinungdan sa grabeng mga samad sa nagkadaiyang bahin sa iyang lawas.

Dali nga miresponde ang mga sakop sa One Rescue ug gidala ang biktima sa Negros Oriental Provincial Hospital, apan gideklarar kining p@t@y na sa pag-abot sa tambalanan.

Sa pagkakaron, wala pa mailhi ang biktima ug anaa pa sa morgue sa maong tambalanan ang iyang mga patayng lawas, samtang nakig-alayon na ang kapulisan sa Dumaguete sa kapulisan sa Sibulan aron matino ang iyang pagkatawo ug makontak ang iyang pamilya.

Gihangyo ang mga posibleng paryente sa biktima nga motan-aw sa patayng lawas aron matabangan ang proseso sa pag-ila kaniya.

📸 : Dumaguete City Police Station
with reports from NegOr Balita

10/10/2026

ALIAS RUEL, NASIKOP SA BUY-BUST OPERATION SA BACONG

Usa ka 34-anyos nga lalaki nga giila sa alyas nga Ruel ang nasikop sa kapulisan atol sa gihimong buy-bust operation sa Barangay Sacsac, lungsod sa Bacong, Negros Oriental, mga alas 7:40 sa gabie, Oktubre 9, 2026.

Ang operasyon gipahigayon sa Municipal Drug Enforcement Unit (MDEU) sa Bacong Municipal Police Station, ubos sa pagpangulo ni PLT AM Arigo, Deputy Chief of Police, ubos sa pagdumala ni PCAPT Dino Padron, hepe sa kapulisan, kauban ang Philippine Drug Enforcement Agency (PDEA).

Sumala sa report, nasikop ang suspetsado atol sa operasyon human sa giingong pagbaligya niini sa gidudahang ilegal nga droga.

Narekober gikan sa suspetsado ang tulo ka gagmayng heat-sealed transparent plastic sachet nga adunay gidudahang shabu, nga may gibana-banang gibug-aton nga 0.072 gramos, 0.091 gramos, ug 0.100 gramos, nga mokabat sa kinatibuk-ang 0.263 gramos ug gibanabanang kantidad nga ₱1,788.40. Narekober usab ang usa ka ₱1,000 nga kuwarta.

Gipahigayon ang pag-imbentaryo sa mga narekober nga ebidensiya, nga gisaksihan ni Barangay Kagawad Franklin Fabillar ug media representative nga si Edger Dayao.

Human sa operasyon, gidala ang suspetsado sa Bacong Municipal Police Station diin siya karong nadetine.

Mag-atubang ang suspetsado sa kasong paglapas sa Section 5, Article II sa Republic Act No. 9165 o Comprehensive Dangerous Drugs Act of 2002.

📸 Photos: Edger Dayao
with reports from NegOr Balita

10/10/2026

BREAKING: KANLAON VOLCANO, MIALBUROTO PAG-USAB; POSIBLENG ASHFALL GIKAHADLOKAN

Mialburoto pag-usab ang Mt. Kanlaon karong Sabado, Oktubre 10, 2026.

Sa usa sa mga video nga gi-upload sa mga residente sa maong dapit, giingong nasinati ang pagtay-og sa yuta atol sa maong panghitabo.

Namatikdan usab ang pagkalisang sa mga langgam, samtang gikabalak-an sa mga residente sa palibot ang posibleng pag-ulan sa abo o ashfall.

📽️ ScreenGrab: Canlaon City Online / Facebook

09/10/2026

19 ANYOS NGA LALAKI, NASIKOP SA BUY-BUST OPERATION SA PAMPLONA; GITUOHANG SHABU, NAKUMPISKA

Usa ka 19 anyos nga lalaki ang nadakpan sa kapulisan sa Pamplona Municipal Police Station atol sa buy-bust operation nga gipahigayon ala 1:30 sa kaadlawon, Oktubre 9, 2026, sa Barangay Sta. Agueda, Pamplona, Negros Oriental.

Ang suspek, wala hinganli sa kapulisan, giingong nalambigit sa paglapas sa Sections 5 ug 11, Article II sa Republic Act No. 9165 o Comprehensive Dangerous Drugs Act of 2002.

Nakumpiska atol sa operasyon ang gituohang shabu nga adunay gibug-aton nga 0.12 gramos ug 0.13 gramos, lakip ang mga drug paraphernalia ug uban pang ebidensya.

Gidala ang suspek ug ang mga nakumpiskang ebidensya sa Pamplona Municipal Police Station alang sa dokumentasyon ug tukmang proseso subay sa balaod.

Sumala sa kapulisan, ang suspek gikataho usab nga nalambigit sa mga reklamo kalabot sa pagpangawat sa mga balay, piyesa sa motorsiklo ug uban pang personal nga kabtangan. Apan, kining mga alegasyon nagkinahanglan pa og dugang imbestigasyon ug beripikasyon.

Source: PNP Pamplona/Facebook

08/10/2026

42-ANYOS NGA LALAKI, NASIKOP SA BUY-BUST OPERATION SA TANJAY CITY; ₱6.3K BALOR NGA SHABU NASAKMIT

TANJAY CITY, NEGROS ORIENTAL — Nasikop sa kapolisan ang usa ka 42-anyos nga lalaki nga giingong nagbaligya sa ginadili nga droga sa gipahigayon nga buy-bust operation sa Barangay 2, Tanjay City, alas-11:50 sa udto Huwebes, Oktubre 8, 2026.

Ang operasyon gipahigayon sa mga operatiba sa Tanjay City Police Station – City Drug Enforcement Unit, kauban ang PDEA, diin nasakpan ang suspetsado sa aktong pagbaligya sa ginadili nga droga.

Narekober gikan sa suspetsado ang mga sachet sa gituohang shabu nga adunay gibana-banang gibug-aton nga 0.93 gramos, ug gibanabanang balor nga ₱6,324.

Ang suspetsado, wala hinganli sa kapulisan nga residente sa Barangay 2, Tanjay City, gidala sa Tanjay City Police Station ug anaa na sa kustodiya sa kapolisan.

Gipasakaan siya og kaso tungod sa paglapas sa Republic Act 9165 o Comprehensive Dangerous Drugs Act of 2002.

📷 Courtesy: Tanjay PNP
with reports from NegOr Balita

08/10/2026

PAHIBALO!!! [Reposted from BARANGAY MALAUNAY FB Page]

ALANG SA TANANG MGA KATAWHAN SA BRGY. MALAUNAY MAINGON MAN SA MGA DUMULUONG:

Atoang gipahibalo nga adunay nakit-an sila si Ma’am Amje S. Atoy ug Engr. Amiel S. Atoy nga upat ka mga nameligro nga klase sa langgam. Nakita nila kini sa taytayan padulong sa ilang pinuy-anan. Ang maong langgam gitawag ug Visayan Tarictic Hornbill (lokal nga gitawag og Tariktik) — sa atong lugar. Kini nga langgam talagsaon, gani gitawag siya nga endemic sa Pilipinas ug makita lamang sa Kabisay-an. Gikonsidera nga endangered o nameligro na ang semilya niini ug gipanalipdan na kini sa balaod.

Guihangyo ang tanan nga mga lumulupyo sa atong barangay, maingon man ang mga dumuluong nga dili kini hilabtan, saktan, o patyon. Dili usab kini dad-on o ibaligya. Tabangan nato nga mapanalipdan kini aron magpadayon ang kinabuhi sa atong kalanggaman.

Dugang pa, ania ang BALAOD UG MGA SILOT sa mga magbuhat ug kadaot sa mga endangered o nameligrong mga semilya sa hayop ug tanum:

Republic Act No. 9147 o ang Wildlife Resources Conservation and Protection Act:

• Kung patyon ang usa ka Endangered Species:

◦ Pagkabilanggo: 4 ka tuig ug 1 ka adlaw hangtod 6 ka tuig

◦ Multa: ₱50,000.00 hangtod ₱500,000.00

• Kung patyon ang usa ka Critically Endangered Species:

◦ Pagkabilanggo: 6 ka tuig ug 1 ka adlaw hangtod 12 ka tuig

◦ Multa: ₱100,000.00 hangtod ₱1,000,000.00

08/10/2026

BIGAL TAG-P40/KILO?

Mao kini ang gipahayag ni Mark Anthony Carbona sa iyang gi-upload nga video, diin iyang gipakita ang giingong presyo sa bigal nga mokabat og P40 kada kilo.

Dugang pa niya, mas mahal pa kuno ang ginamos, nga mokabat og P50 kada baso.

Sumala ni Carbona, posibleng may kalabotan kini sa wala pa’y biyahe nga nagtugot sa pagpadala sa mga produkto gikan sa Negros Oriental ngadto sa mga kasikbit nga probinsiya, nga mahimong makaapekto sa suplay ug presyo.

Apan, wala gipatin-aw sa maong video kung kini ba usa lamang ka content o tinuod na gyud nga presyo nga gipamaligya sa mga mamuhiay ug komprador sa probinsiya.

Tungod niini, nakadawat kini og nagkadaiyang reaksyon gikan sa mga netizens.

Lakip sa mga komento:

“Panagyuon naman lang gani.”

“Ihatag na lang na basin maggansi mo sa 40 kilo, mga loslos.”

“Kami na lang ihaw sa among bigal, busog pa mi.”

“Wala man kalooy mo sa presyo. 😥”

Video courtesy: Mark Anthony Carbona/Facebook

Negros Digital News PH

11/10/2026

11/10/2026

11/10/2026

11/10/2026

10/10/2026

10/10/2026

09/10/2026

08/10/2026

08/10/2026

08/10/2026

Address

Website

Alerts

Shortcuts

Share

Category

Listing takedown request