03/02/2025
MGA ALAHAS NA NAGKAKAHALAGA NG MAHIGIT PHP 100,000, NINAKAW SA BAYAN NG ARACELI, PALAWAN
Pinasok ng hindi pa matukoy na kawatan ang isang bahay sa Brgy. Madoldolon, Araceli, Palawan, nitong Sabado ng gabi, Pebrero 1, 2025.
Ayon sa biktimang si Ms. Beth, kabilang sa mga nakuha ng magnanakaw ang tatlong kuwintas, isang singsing, apat na bracelet, at isang pares ng hikaw na may kabuuang halagang humigit-kumulang ₱108,000.
Nakalagay umano ang mga alahas sa kanilang kwarto, kung saan dumaan sa likod ng bahay ang kawatan, tinanggal ang bakod na buho at maging ang jalousie window upang makapasok. Hindi rin umano nila namalayan na pinasok na sila ng magnanakaw.
Panawagan naman sa mga posibleng mapagbentahan ng mga nasabing alahas, na pawang mga ginto, na ipagbigay-alam agad ito sa kanila o sa mga awtoridad.| via Ivy Valdez
