GioRobles

GioRobles Facts. Storyteller. Ilonggo.

24/09/2026

OPISYAL NG TRANSPORT AGENCY TINANGKANG KIKILAN NG MASAHISTA, ARESTADO

P100,000 umano ang unang naibigay ng isang government official sa suspek bago ito muling humingi ng P150,000.

Ayon sa NBI, ipinakilala umano ng massage therapist sa biktima ang isang kaibigan na diumano’y menor de edad, bagama’t hindi kumpirmado ang edad nito.

Kalaunan, ginamit umano ng suspek ang account ng menor de edad upang pagbantaan ang biktima na ikalat online ang diumano’y sensitibong video nila at ipadala ito sa asawa ng biktima.

Sa imbestigasyon, natukoy na ang massage therapist umano mismo ang nasa likod ng account.

Naaresto siya ng NBI sa Quezon City nitong September 23 at nahaharap sa reklamong Robbery with Extortion in relation to the Cybercrime Prevention Act.

23/09/2026

BAKIT NAIYAK SI CAMILLE VILLAR?

Nanawagan si Sen. Camille Villar na itigil ang personalan sa Senado, lalo na ang pagtawag na “plunderer” o “magnanakaw” sa mga senador na detained o wala sa sesyon.

Hindi napigilan ni Villar ang emosyon sabay giit na hindi pa napatutunayang guilty ang mga ito, kaya dapat pa ring pairalin ang respeto sa mga kasamahan, nasa Senado man o wala.

“Can we stop it with these attacks on each other? We are senators of the Philippines. Let us give each other due respect. Let’s give Filipinos due respect.”

20/09/2026

BAGYO. BULKAN. BALA.

Highlights of my reports through the years from baha, pag-alburoto ng bulkan, and even the GSIS shooting, hanggang sa mga kwento na good vibes lang.

18/09/2026

“WHO EXACTLY IS PROVOKING?”

Inilabas ng China ang sarili nitong kuha ng banggaan sa pagitan ng China Coast Guard at BFAR vessel Biyernes ng umaga, September 18 sa Hasa-Hasa Shoal, malapit sa Palawan.

Ayon sa China ang Philippine vessel umano ang nagsagawa ng “unprofessional maneuver” at sadyang tumawid sa harapan ng Chinese vessel, na naging sanhi raw ng banggaan.

18/09/2026

ILLEGAL TOLL FEE SA LAGUNA?

Pinakakasuhan ni Magdalena Mayor Dario Lapada ang mag-asawang umano’y ilegal na naniningil ng bayad sa mga truck na dumadaan sa harap ng kanilang bahay.

Hindi napigilan ni Lapada ang kanyang galit at personal na pinuntahan ang bahay ng mag-asawa, na nais niyang mapanagot at maipakulong dahil sa umano’y pangingikil.

18/09/2026

CHINA COAST GUARD RAMS BFAR VESSEL

Nasira ang ilang bahagi ng BFAR vessel na BRP Datu Magat Salamat matapos itong banggain ng barko ng China Coast Guard ngayong umaga, September 18.

Nangyari ang insidente sa bahagi ng Hasa-Hasa Shoal, humigit-kumulang 54 nautical miles mula sa baybayin ng Palawan at nasa loob ng Philippine Exclusive Economic Zone (EEZ).

Nasa misyon ang BFAR vessel para maghatid ng fuel subsidy sa mga Pilipinong mangingisda nang magsagawa umano ng delikadong maneuver ang Chinese vessel.

17/09/2026

DRONE ESCAPE SA BILIBID?

“Walang chance” na makatakas ang isang PDL gamit ang drone, ayon kay Bureau of Corrections Director General Gregorio Catapang Jr.

Kasunod ito ng ulat na isang South Korean convicted drug lord na nakulong noon sa Bilibid ang nagplanong gumamit ng heavy-duty drone para makatakas.

Giit ni Catapang, “all our operating prisons and penal farms are no-fly zones.” 24/7 din ang bantay sa mga watchtower at may CCTV sa mga pasilidad.

“Maingay ang drone,” kaya agad umano itong mapapansin ng mga guwardiya.

Naibalik na sa South Korea ang drug lord para harapin ang kaso laban sa kanya.

16/09/2026

MUNTIK TAMAAN NG WATER CANNON. Highlights from my West Philippine Sea coverage (2022-2025), from Scarborough Shoal to Pag-asa Island.

Kudos to the men and women on the frontlines, especially the Philippine Coast Guard, the Bureau of Fisheries and Aquatic Resources, and, of course, our sa ating magigiting na mga mangingisda. 🫡🇵🇭

BJMP: P100 LANG FOOD BUDGET NI ROMUALDEZWalang special treatment kay dating House Speaker Martin Romualdez sa unang araw...
16/09/2026

BJMP: P100 LANG FOOD BUDGET NI ROMUALDEZ

Walang special treatment kay dating House Speaker Martin Romualdez sa unang araw niya sa New Quezon City Jail.

Kapareho ng ibang PDL ang pagkain at P100 din ang daily food allocation niya, ayon sa Bureau of Jail Management and Penology.

Para sa unang araw, ito ang menu na inihain sa pinsan ni PBBM:

15/09/2026

“BAKLANG NGIWI.”

’Yan daw ang madalas na insulto kay Akbayan Rep. Perci Cendaña mula sa ilang DDS supporters sa social media.

Naghain si Cendaña ng reklamo sa NBI nitong Martes laban sa 30 online influencers at vloggers dahil umano sa online attacks sa kanyang disability, na aniya’y paglabag sa Magna Carta for Persons with Disabilities.

Giit niya, puwedeng magkaroon ng politikal na bardagulan, pero hindi dapat idamay ang kapansanan.

“May consequence yung mga ginagawa natin,” giit ni Cendaña. “Kasi ‘pag ginawa nila ’yan, hindi lamang ako yung iniinsulto. Ginagawa nilang katatawanan lahat ng mga PWD at mga kapatid natin sa community.”

Address

Mandaluyong
General Trias
1550

Website

Alerts

Be the first to know and let us send you an email when GioRobles posts news and promotions. Your email address will not be used for any other purpose, and you can unsubscribe at any time.

Shortcuts

Share

Category