Gakit

Gakit News updates inside Gigaquit

27/02/2026

Celebrating my 7th year on Facebook. Thank you for your continuing support. I could never have made it without you. 🙏🤗🎉

SWERTE napili nan agila na mangaun nan onggoy(monkey eating eagle) an Gigaquit sumaya sa nahibaw-an.Salamat sa LGU nan G...
13/02/2026

SWERTE napili nan agila na mangaun nan onggoy(monkey eating eagle) an Gigaquit sumaya sa nahibaw-an.

Salamat sa LGU nan Gigaquit nuhimo nan kasibot paghatag proteksyon sa agila.

Nagkawaya na ini na klase sa agila na sa mga probinsya sa Davao ra makita.

Mahilig ra ba an mga gutgut mangaun nan hajop sa inuman.

Ang taga Parang amo'y himoon pulutan an uwak na amo,y nagbantay sa mga ambaw sanan bagang na nakadaut sa kalubihan.

Kuman nagkanihit an mga uwak sa Parang.

An mga agila na gikan sa Davao nangita nan lugar na mabuhi na way makasamok.

Seguro nakita sa mga agila mahamok onggoy sa kabukiran nan Gigaquit. Maghatag ini sa balansi sa kahamokon nan mga onggoy sa kailajhan.

Nahimo na problema an mga onggoy sa Lahi tungod napesti an ila kanijogan didto.

An mga onggoy nahimo na pesti tungud da sab sa mga tawo nag-daut sa guyangan na ila huy-anan.

Panhinauton ta na molampos an LGU nan Gigaquit mabantajan an mga agila.

An simbahan sa Miagao probinsya sa Iloilo nag-agi nan mahamok na katalagman pero nahibalik sa ija orihinal na hitsura.An...
25/01/2026

An simbahan sa Miagao probinsya sa Iloilo nag-agi nan mahamok na katalagman pero nahibalik sa ija orihinal na hitsura.

An simbahan sa Parokya ni San Agustin kaisa ra agihi nan bagjo tuig 1964 waya na dajawa.

Si Fr. Francis van den Borgth nagtukod nan bag-o na istraktura tinabangan nan ija mga kagupa na Hollander.

An simbahan sa parokya ni San Agustin nag-agi sab nan katalagman nahuman tinabangan nan obispo sa Cebu.

Tuig 1850 natukod an parokya ni San Agustin human sa mga hangjo nan katawhan na bisitahan ra nan pari panagsa.

An simbahan sa parokya ni San Agustin hinimo sa karaan na mga bato sa dagat.

An disenyo sa altar mahamok an mga santos naglibot sa sakristiya na tagbutang sa gagmay na altar.

May walihanan sa tunga sa tuo na kilid kon mag-atubang sa altar.

An upat ka mga kampana sa simbahan sa Parokya ni San Agustin amo'y pinakagana na tingog sa tibook probinsya nan Surigao.

Panahon sa ikaduha na gira sa kalibutan hapit naigo an simbahan sa bomba nan mga hapon.

Nahuman an simbahan Agosto 28, 1850 takdu sa pagkahimo na parokya nan Gigaquit sanan kapistahan sa ila patron San Agustin.

Isa ka adlaw didto sa Buya, tagtawag nan ama an ija anak na nagbakiro nan toriyo sa kasagbotan."Gors, mosajo ra kita sil...
24/01/2026

Isa ka adlaw didto sa Buya, tagtawag nan ama an ija anak na nagbakiro nan toriyo sa kasagbotan.
"Gors, mosajo ra kita silom sa Parang kay dakan makaabot kita didto nan waya pa'y paniudto." pahibayo ni Tay Proks sa ija anak.
"Oo Tay,"hamubo na tubag ni Goryo.
Tood man waya pa mosidlit an adlaw nanugbong na sila sakay si Goryo sa toriyo na ginujod sa ija tatay.
Pag-abot nila sa Sico-sico nakalabay sila sa mga tabian na nanaglaba sa suba.
"Tan-awa ra ono ka kulos 'ton anak makaangot man lagi magtan-aw sa ija tatay na nagbaktas!?"hagas nan isa ka tabian.
"Inday ono, malig-on pa man unta 'ton kabukugan! Ay gya kon ako pa 'ton bata tagbunajan ko na 'ton!"agbat sa isa na otro sab ka sawajera.
Nakabati si Goryo sa saway sa mga konsentidor ugsa taglang-an ija tatay na mopuli pagsakay sa Toriyo.
Pag-abot nila sa Sabang, nolabay sila sa isa ka tindahan nan tuba.
"Kon ako pa, an ako anak an pasakjon sa toriyo!"daya an laghay sa punto na na palainom.
"Way kalooy 'ton na ama. Tagpaantos ton anak pagpabagtas!'tubag sa lain na bayong.
Paglabay nan mag-ama sa tindahan taglang-an nija si Goryo na sila rakan duha magsakay sa toriyo.
Mga alas nuybe, nuabot sila sa baoy. May mga tiguyang na babaji na nagtapok sa tindahan ni Pati.
"Ka mga way puangod 'ton na mag-ama tagluja na 'ton toriyo waya gajod manganaog!' matod sa bayuko na tiguyang.
Pag-abot sa karsada nanganaug sila nagbaktas ginujod an toriyo.
Paglabay nila sa Dalit sa tindahan nan mga sandiya nangatawa an mga tawo.
"Omay probitso 'ton toriyo na di man nijo sakjan?!"jagajaga ni Pidot.
Pag-abot sa unahan taggapos nila an toriyo kay ila rakan lahongan. Nanlabay an naggukod na habalhabal napinta pagkaigo an toriyo sa oyo.
Nanlagpot an sakay sa habalhabal, nokirig an toriyo.
Hoyhoy an abaga ni Proks na nagtan-aw sa patay na na toriyo.
"Kalisod inin mamati kita sa estorya nan manan-away!"

An mga barangay nan Villaflor, Magallanes, sanan Daywan naglingkit na mga barangay panahon sa dekada 50 hangtod bag-o pa...
21/01/2026

An mga barangay nan Villaflor, Magallanes, sanan Daywan naglingkit na mga barangay panahon sa dekada 50 hangtod bag-o pa an dekada 60.

Karaan na ngayan nan Villaflor an Talisay na sentro nan barrio sa una. Panahon may kalingawan sa isigka barangay labi na kon pista namagbaktas ra an mamistahay tabok sa suba na tagtuhod ra an kalayum.

An sitio sa Tayawod amo'y tugbungan nan manabukay sa Talisay ngadto sa Daywan o taga Daywan motabok ngadto sa Talisay mamuyong nan taritari.

May mga taga Talisay na namalhin panhuya sa Daywan tungud sa kahalapad sa basakan na humajan.

An Talisay way basakan na katamnan nan humay kay sagol buhangin an lupa na dali ra momaya an tubig sa oyan.

Mais sanan nijog an sagad na pananum sa Talisay sa una. Nag-una na produkto nan Talisay an kopras.

Baga pa an katunggan sa Talisay sa una masiut pa an kakahujan. Tempo gira sa Hapon mahamok na tagalungsod an namakwet sa katunggan nan sitio Poyo sakop sa Talisay.

Nagkahamok an mga tawo nagkanipis isab an katunggan.

An kanhi tagtuhod na tubig sa karak-an pagutlan nan Tayawod sanan Talisay nagka-ananm kalapad sanan nagkalayom.

May isa ka tiguyang na bayung notabok sa karak-an nan Talisay singud sa Tayawod nalumos sa tunga nan suba na labay sa tawo an kalayum.

Kuman kon mamista an taga Villaflor ngadto sa Daywan mogasto kada isa nan plitehan nan di momenos 100 o kapin ka pesos sa bao-bao.

Lahi sa kaniadto na manlaktud ra an mamistahay sa karak-an.

PINAKAABUNDA ini sa Alambique hangtud nangawaya kay panginabuhi sa taga Baybay.DId-on sa kabakhawan namaghuya an lainlai...
18/01/2026

PINAKAABUNDA ini sa Alambique hangtud nangawaya kay panginabuhi sa taga Baybay.

DId-on sa kabakhawan namaghuya an lainlain na klase na binuhat nan Ginoo. Halos katunga nan katawhan sa Baybay namagsalig sa pagkaun sa kabakhawan.

Abunda an pagkaon nakuha did-on pero waya naghunahuna an taga Baybay nan kaugmaun sa ila kaliwatan.

Dekada 70 nagkahigus an kabakhawan nagkapaso isab an Anibongan sanan Alambique.

Nakaamgo nadugay an taga Baybay ono kaimportante an kabakhawan sa ila panginabuhi.

Dekada 90 nagpasiugda an Gigaquit LGU nan pananum nan mga bakhaw did-on sa logpond kaniadto.

Nulabay an katuigan tag-as na an mga bakhaw pero malahang gihapon.

Kon waya unta abusahi nan mga tawo an kabakhawan bantugan unta an Gigaquit sa tamilok na halos adlaw-adlaw may binaso na isuroy sa lungsod.

Dili unta magnihit an mga isda na adto mangitlog sa kabakhawan.
Nangawaya an mga kalanggaman, kabug, ijas, bibang, ibid, buaja, liboo.

Waya na'y nakapugung sa baha kay nagpasad an mga fishpond na nakadaut sa katunggan.

An maminohay amo'y isa sa hinungdan naupaw an kakahujan nan Alambique sanan Ipil.

Nagreklamo an henerasyon kuman tungud sa baha na hinungdan sa pag-abusar nan katawhan sa Baybay sa una.

BUKID ini nan Lahi sa ilajahi.Kaniadto tagtawag na Nuevo Campo sa waya pa nangahimo na mga barangay Lahi, Sicosico, sana...
17/01/2026

BUKID ini nan Lahi sa ilajahi.

Kaniadto tagtawag na Nuevo Campo sa waya pa nangahimo na mga barangay Lahi, Sicosico, sanan Camam-onan o LASICAM.

Makita sa kodak na mas mahamok an kalubihan kay sa kakahujan. Pangopras an kahamokan pangita nan katawhan sa Lahi. An iban pan-gabas nan mga kahoy himoon na taligkahoy, laras, tabla, mga haligihun.

Kuman problema na daku nan katawhan an mga onggoy tagkuhaan nan ila huy-anan, an guyangan.

Naisan kabujaw an mga onggoy pagtunga nan mina sa silingan na bukid sa Hayanggabon sanan Taganito.

Naghamok an populasyon nan mga Onggoy sa Lasicam pagkapuo nan kakahujan sa Ipil sanan Alambique.

An mga ijas sa Ipil namakwit sa Dalit kay mahamok pa'y ila makaon sa panahon bagabaga pa an kakahujan sa Parang, tagtawag San Isidro kuman.

An mga saging sa Dalit amoy pistahan nan mga ijas o onggoy. Sa nadugay nagkalahang an kakahujan sa dalit tungud sa way boniit na pangutud nan mamughaay nan panlungug.

Pagtrabaho sa highway tagbungkag ang kaigangan kilid bukid ginamit an dilamita.

Namakwit an mga ijas sa Cagay. Nabujaw na sab an mga ijas pagtrabaho sa irragation dam nan CLABAGIPLA Irrigators Association.

Hangtod namagkatibu an kaijasan nan Gigaquit sa kabukiran nan LASICAM. Taghimo nila na kan-anan an Lahi kay mahamok an kalubihan.

Arang kahasul sa katawhan nan Lahi an mga ijas. Nukunhud an kita nila sa kopras tungud sa mga onggoy.

Paborito kan-un nan mga onggoy an putot nan nijog. Mahamok na'y tagdangpan nan taga Lahi dakan masulbad an ila problema hangtud kuman way kasulbaran.

Tungud sa pangita kapanginabuhian nan mga tawo hinkalimtan nila na may iban na binuhat na namagsalig sa tagpuo nila na kakahujan..

Mismo an kalikopan na naghatag nan balansi sa kinaijahan nan Gigaquit nangadaut.

Pag-abot sa ting-uyan magbaha, sa tingsuga mokaging an lupa.

Hangtud an Gigaquitnon mobayad sa ila tag-utang na kapanginabuhian nan umaabot na henerasyon, mangaamong an tanan sa katalagman.

DEKADA 60 gamay pa inin suba tagahawak an pinakalayum.Anhi dinhi an katawhan nan ilajahi manguha nan panud-an sa suba.Is...
16/01/2026

DEKADA 60 gamay pa inin suba tagahawak an pinakalayum.

Anhi dinhi an katawhan nan ilajahi manguha nan panud-an sa suba.
Isa ka paagi nila pangisda an panangpun panahon kon tingsuga. Gamit an mga dahon nan saging sanan lukay sa nijog ihapnig sa linaray na mga bato.

Sa ting-uyan ad-on magtangpun sa kilid nan pangpang.

Lain na paagi an paggamit nan gagmay na bayantak hinimo sa gihay nan lukay sa lubi. Itaun an gagmay na bayantak sa hinimo na igis-igis gamit an mga bato na linaray.

An ampog dinapug na dagko na bato pagum-an nan mga bunog, uyang, kuyatuy sanan kasili. Tibawon nila an ampog kon linomotan na an mga bato. Likusan nan layus, butangan nan bayantak did-on sa isigkatumoy nan layos na taglikus.

Pagkaplastar tanan, anam-anamon pagkuha an mga bato itugpo sa kilid nan layus. An mga isda manuyud sa bayantak, an iban na waya manuyud ila panaun.

An manibaway magbayun nan bahaw sinuyud sa kaldero sanan s**a sinuyud sa botelya na may sili tagtawag na hayangan.

Makapana nan oyang deretso lusngu sa s**a na puyapuya na sa sili human luguun an hayangan isangsang sa baba daya punit sa bahaw sa kaldero.

An iban na tag-as an utung mamana sa linaw, halayum na parte sa suba. Sagad dagku na mga isda an mangakuha, uyus o hayuan, buy-a, tilapia, sanan kasili.

Naghinapos an dekada 60, nusuyud an logging sa ilaja. Sa sinugdan nangalipay an mga tawo kay makasakay man sila sa truck kon magkarga nan troso dayhun sa logpond sa Alambique.

Pagkahurot nan dagku na kahoy nagsugod na an palapait sa ilaja.
Tagbijaan an ilajahi nan kompaniya sa logging pagkahurot sa mga kahoy na dagku.

Nagsugod an baha, nangatumpag an kalubihan, nulapad an nag-as sa suba nahamabaw an tubig.

Kadugajan, mautod an suba kon tingsuga, magbaha kon ting-uyan.

Suyud sa unum ka dekada an nakalabay nagkaanam kaupaw an kabukiran nan ilajahi tungud sa way undang na pangutod nan kahoy.

Tuig 2016, nahitabo an grabe na baha lapaw sa eskuylahan sa Sicosico. Mahamok nangapildi na kabtangan.

Padajon an pangutod nan kahoy di masagda kay panginabuhi bagan bisyo na lisud bijaan.

Panahon ting-uyan, kinuyba an katawhan sa Gigaquit tungud sa pagpasagad sa kinaijahan.

Nusamot an problema, tungud sa anomaliya sa flood control. Waya kahilasi an Gigaquit nan pundo para sa infrastructure labi na sa pagpugung sa baha.

DEKADA 60, way boniit an taga Baybay na pangutod nan bakhaw, an taga Ipil sigi sab utod nan pijapi para ilungog.Kahapon...
04/01/2026

DEKADA 60, way boniit an taga Baybay na pangutod nan bakhaw, an taga Ipil sigi sab utod nan pijapi para ilungog.

Kahapon nagbunubunu an oyan, namagkabiro an mga Gigaquitnon kay nagbaha na sab.

Tag-uyan an boksing-boksing sa Alambique. Inday kon amo'y hinungdan an duwa nan mga blogger.

Normal na an baha bisan hain na sook sa kalibutan kay hurothurot na pangutod an kakahojan sa kalibutan.

Dinhi sa Gigaquit, an mga kahoy sa Maganlo halos katunga napahak na sa may kasadpan. Sa lujo tagkadkad nan mina.

Di igkabuyung kon magtoda an uyan magbaha gajud.

Na onhon ta man ini!?

Ampo rakan ta na di uyanun nan magkaadlaw kay simbako mabulwang an pundo na tubig sa minahan wasdak an kapatagan.

Pastilan Pepang!

03/01/2026

KABATAAN nangatawo sa dekada 60 waya na kaabot sa karaani na debosyon sa Inahan sa Kaunay'ng Panabang tagtawag na barangay.

An prosesyon sa barangay sumaya ni Loloy Bandalan mag-abot an oyo sanan ikog sa panan sa mga deboto na mangibanay.

Sa nag-edad ako nan mga singko anyos nagkahigos an mga deboto mangiban sa barangay.

An paagi sa mga deboto sa panahon ko, bayay-bayay an paghasud sa larawan na tagpapikit sa kolor asul na satin na panaptun na ibitay sa kahoy na gunitan nan magdayahay.

Sagad sa dili pa an orasyon magsugod an rosaryo sa Inahan sa Kanunay'ng Panabang.

Magsugod sa kanta,

O birhen Maria
Ig-ampo mo kami
Sa oras sa ikamatay
Panlabanan mo kami.

Ave, ave,, ave Maria Purissima !

Bitoon sa dagat
Dan-agan mo kami
Sa mga panulay
Panlabanan mo kami.

An manabtan sa rosaryo si anhin Mana Bugay Bandalan.

Pagkamatay ni Mana Bugay nagkawaya na isab an barangay.
Taglubung sa kalimot.

Sa karaan na panahon an Gigaquit sagad atakihun nan mga moros tungud sa kahasuud sa dagat. Tujo nan mga moros mandagit n...
17/12/2025

Sa karaan na panahon an Gigaquit sagad atakihun nan mga moros tungud sa kahasuud sa dagat.

Tujo nan mga moros mandagit nan mga tawo kasagari mga batan-on o mga bata pa.

An ila tujo ipamaligja an mga bihag ngadto sa mga kwartahan na muslim para himoon na mga ulipun.

May estorya ni anhin Sir Calan na tagtigbas nan isa ka moros an debulto ni San Agustin sa karaan na simbahan.

Pagsibug nan mga moros nalunud an ila tagsakjan paggawas gikan sa suba nan Baybay sa may Anibongan bisan kon way bayud.

Sukad adto na "milagro" nahimo na patron si San Agustin sa Gigaquit.

Si Professor Leonilo(kalimot ko sa apelyido)dean sa social studies sa Cebu Normal University naimbitar sa bayay nan muslim na ija estudyante sa post graduate sa Social Studies nan dekada 70.

May nagsilbi sa ija na tiguyang na layaki ija naestorya nagtug-an na gamay pa sija nadagit nan mga moros sa Gigaquit.

Tagbaligja sija nan mga moros sa ginikanan nan ija estudyante.

May isa pa nija ka kaiban na iban-iban sa mga moros kon mangataki sa kalungsoran kilid nan dagat.

Paghibalik nila sa lugar dapit nan Gigaquit, nutugpa sa dagat an bihag didto madagsa sa baybajon nan Claver.

An kaagi sa Moros kontra Kristiyanos nahimo na drama sa dayan tagtawag na Minoros.

Panahon sa kapistahan sa patron nan Gigaquit manajaw an grupo sa Minoros sa kadayanan.

An katapusan sa drama an panagsangka nan Moros sanan Kristiyanos pinaagi sa sajaw.

Manuasik an gagmay na mga bato sa dayan punto kaabog kon motayada na si anhin Dandong Patosa na moros kontra ni Pedro Enteña na taga Poyopoyo sa Barangay Villaflor.

Isa ka Policarpo Verano an naghimo nan mga berso sa duwa na Minoros tuig 1930.

Pagkawaya sa mga Verano sanan mga Enteña na mga lumad taga Poyopoyo nagkawaya isab an Minoros.

May mga nagprobar ibalik an duwa pero waya na itugot tungod sa cultural sensivity tali Kristiyanos sanan Muslim.

(Binuslan ra an kodak sa post nan Cantilan)

Address

Rizal Street
Gigaquit
8409

Opening Hours

Monday 9am - 5pm
Tuesday 9am - 5pm
Saturday 9am - 5pm
Sunday 9am - 5pm

Website

Alerts

Be the first to know and let us send you an email when Gakit posts news and promotions. Your email address will not be used for any other purpose, and you can unsubscribe at any time.

Shortcuts

Share

Category

Tan-awa, basaha

Mga panhitabo sa Gigaquit na di na nimo mahibay-an kay jaton kaw sa lajo.

Tan-awa, basaha dinhi adlaw-adlaw dakan dili kaw halajo sa mga panhitabo sa imo lugar.

Nahimo ini na paningkamot sa ijo amigo sa Facebook Double P.

Panhinauton ko na dili kamo budlajon magbasa sa mga pinili ko na sinuyat.