Ang Gintong Binhi —Tiaong NHS

18/02/2025

AGB | Balita

NOJALDA, SINUNGKIT ANG UNANG PUWESTO SA EDDIS V FESTIVAL OF TALENTS READ-A-THON

Aabante ang TNHSian student na si Azlei Rose B. Nojalda sa nalalapit na Division Level Festival of Talents matapos itanghal sa Unang Puwesto sa katatapos na Read-A-Thon (Filipino) Bidyokasiya Competition na ginanap ngayong araw, Pebrero 18 sa Masagana High School, Pandi, Bulacan.

Abala man sa paghahanda ng mga kinakailangang isumite sa mga g**o si Nojalda bilang isang Grade 10 completer, hindi ito naging hadlang upang magsanay para sa lalahukang kompetisyon.

"Ang aking inspirasyon ay ang makapagbigay ng karangalan sa aking sintang paaralan na siyang nagturo at humubog sa akin, ang aking coach at mga taong walang sawang gumabay at nagbigay ng kaalaman, at ang aking mga kaibigang naniwala at sumuporta sa aking kakayahan. Lalo na ang aking pamilya na laging nasa likod ko sa bawat hamon ng buhay, at higit sa lahat, ang Diyos na nagbigay sa akin ng talento at pagkakataong maipamalas ito," saad ni Nojalda.

Dagdag pa niya, minsan lamang dumarating ang ganitong oportunidad kaya sinigurado umano niya na maibibigay ang lahat ng makakaya upang ang mga pinagdaaanang pagsasanay at pagtitiyaga ay magbunga ng higit pa sa inaasahan.

Ang nasabing kompetisyon ay nilahukan ng mga mag-aaral mula sa mga pampublikong paaralang sekondarya ng District V. Ang bawat kalahok ay binigyan ng tatlong oras para sa paghahanda at pag-eedit ng video na naglalaman ng adbokasiya tungkol sa paksang ibinigay ng mga hurado. Ito rin ang magbibigay-daan upang mapili ang pinakamahusay na mag-aaral na kakatawan sa SDO Bulacan sa National Festival of Talents.

_________
Punong G**o: Eduardo T. Mañas
G**ong Tagapagsanay: Florecel U. De Guzmanl

12/01/2025

TNHS JOURNALISTS, NAGPAKITA NG TAPANG AT DEDIKASYON SA PSPC PRE-FINAL 2024

Ibayong determinasyon at pagpupunyagi ang ipinamalas ng mga mag-aaral ng Tiaong National High School sa katatapos na Provincial Schools Press Conference (PSPC) Pre-Final 2024 alinsunod sa Division Memorandum No. 578, s. 2024 na ginanap sa Carlos F. Gonzales High School, San Rafael, Bulacan nitong Biyernes, Enero 10.

"Muli akong susubok sa susunod na taon baon ang mga aral at karanasang natutuhan sa kompetisyong ito," wika ni Angela Mae Timbol, photojournalist.

Nagkaroon man ng aberya sa pagkaka-corrupt ng mga kuhang litrato, hindi nagkaroon ng puwang ang pagsuko para kay Timbol. Buo ang loob na ipinagpatuloy ang laban sa nalalabing labinlimang minuto.

Dagdag pa ni Maria Evangeline Auingan, feature writer sa Filipino, "hindi nasusukat sa pagkakapanalo ang tunay na kahusayan ng isang manunulat, ang mahalaga ay nakapag-ambag kami ng aming talento at kakayahan sa larangan ng campus journalism."

Tunay na hindi matatawaran ang hatid na inspirasyon nina Timbol at Auingan, kasama sina Kathleen C. Dela Cruz, sports writer sa Filipino; Jayann T. Sibal, news writer sa English; at Johnzell M. Cervantes, editorial cartoonist sa English. Para sa kanila, hindi man pinalad, hindi rin naman ito katapusan kundi isang hakbang patungo sa tagumpay.

Punong G**o:
Eduardo T. Mañas

English Coaches:
Rowena B. Miraflor
Corazon C. Abulencia

Filipino Coaches:
May F. De Castro
Lady Diana A. Ramos

12/01/2025

TNHS RADYO BRODKASTERS, PUMAILANLANG SA EDDIS LEVEL SPC 2025

"Kasanggang istasyon
Lagi n'yong maaasahan,
Walang pinapanigan
Boses lang ng taong bayan."

Ito ang jingle na nilikha at ipinarinig ng mga mag-aaral na brodkasters ng Tiaong National High School sa nakaraang EDDIS Level Script Writing & Radio Broadcasting Contest alinsunod sa Division Memorandum No. 527, s. 2024 na ginanap sa Virginia Ramirez-Cruz National High School, Siling Bata, Pandi, Bulacan noong ika-7 ng Enero, 2025.

Matapang na kumasa sa hamon ng patas at mapanagutang dyornalismo ang pitong TNHSians na sina Roger Jr. M. Antalad (News Anchor 1), Ayesha Mae M. Razo (News Anchor 2), Jenelyn F. Abaja (News Presenter 1), Hanna A. Lucido (News Presenter 2), Azlei Rose B. Nojalda (News Presenter 3 & Head Writer), Glenda F. Gente (Radio Producer), at Isaiah Thristan W. Sillano (Technical Director). Hindi nagpahuli ang mga nasabing brodkasters sa pagkakasungkit ni Nojalda ng special award na 2nd Place - Best News Presenter.

Bukod sa pagtataguyod ng responsableng dyornalismo, layon din ng Schools Press Conference na higit na malinang ang kritikal na pag-iisip, pagsasaliksik, at kasanayan sa pag-aanalisa ng mga mag-aaral, gayon din ang pagkakaroon ng kamalayang panlipunan at pangkapaligiran, kaya naman taon-taon ay idinaraos ito at nilalahukan ng mga delegado mula sa iba't ibang paaralan.

Punong G**o: Eduardo T. Mañas
Tagapagsanay: May F. De Castro & Janine M. Cuadra

07/01/2025

INTRAMURALS 2024 |

TNHSians, NAGPASIKLAB SA LARONG BADMINTON

Hampas ng talento! Kitang-kita ang dedikasyon ng bawat kalahok sa larong Badminton na isinagawa noong ika-12 hanggang 13 ng Disyembre sa Covered Court ng Tiaong National High School (TNHS) kaugnay sa ginanap na Intramurals 2024.

Narito ang mga nagwagi sa nasabing isports:

Singles (SG)
Unang Pwesto — Biel Micaela Quintellan (Yellow Tigers)
Ikalawang Pwesto — Era Mae Santos (Green Pythons)
Ikatlong Pwesto — Trixie Nicole Tabamo (Gray Wolves)

Singles (SB)
Unang Pwesto — Lance Ryder Encarnacion (Red Falcons)
Ikalawang Pwesto — Richmond Marcelo (Gray Wolves)
Ikatlong Pwesto — Miguel Laxamana (Green Pythons)

Doubles (SG)
Unang Pwesto — Giovanna Florentino & Precious Sombrio (Blue Phoenix)
Ikalawang Pwesto — Jhoey Lhindzae Mendoza & Precious Mae Ignacio (Yellow Tigers)
Ikatlong Pwesto — Lyka Mae Magdaraog & Rhocel Santiago (Gray Wolves)

Doubles (SB)
Unang Pwesto — Frix Angelo G. Riego & Yhuven Kurt S. De Leon (Yellow Tigers)
Ikalawang Pwesto — Alexander Pom and Arjay Decear (Gray Wolves)
Ikatlong Pwesto — Yuri Mathew David & Kalil Cleffy Esteves (Red Falcons)

Ulat ni: Althea Cristina Vargas
Mga Kuhang Larawan ni: Felomena Trofeo

07/01/2025

INTRAMURALS 2024 |

GRAY WOLVES, KAMPEON SA WOMEN'S VOLLEYBALL

Swabe at eksaktong palo ang naging daan upang masungkit ng Gray Wolves ang kampeonato matapos magwagi laban sa ibang koponan sa Intramurals 2024: Women’s Volleyball na ginanap noong Disyembre 12 at 13 sa Tiaong National High School (TNHS) covered court.

Mahigpit ang naging tunggalian ng Gray Wolves at Green Pythons sa Game 1. Bawat isa ay nagpamalas ng husay sa paglalaro ng volleyball hanggang sa maiuwi ng Gray Wolves ang kanilang unang panalo sa iskor na 2-1.

Matapos ang Game 1 ay tuluyan nang umabante ang Gray Wolves para sa Game 4 Championship laban sa nanalong koponan sa Game 3 na Blue Phoenix.

Sa Championship ay tuluyang naibulsa ng Gray Wolves ang kampeonato matapos ilampaso ang Blue Phoenix sa iskor na 3-0.

Itinanghal na Mythical Six sina Andrea Narciso, Charity Mae Hernandez, Adela Buruanga, Asia Mae Sapno, Kathleen Jane Dela Cruz at Jhana Alvarado na siya ring itinanghal na Most Valuable Player (MVP).

Ulat Ni: Kathleen Jane C. Dela Cruz
Mga Kuhang Larawan ni: Angela Mae Timbol

07/01/2025

INTRAMURALS 2024 |

DIGMAAN SA LAND OF DAWN: GRAY WOLVES, KAMPEON SA MLBB

Pinatunayan ng Gray Wolves ang kanilang bangis sa ginanap na 'Mobile Legends: Bang Bang' Tournament sa Intramurals 2024 sa Tiaong National High School nitong Disyembre 11-13.

Sa Game 1, nakamit ng Yellow Tigers (Team B ) ang panalo laban sa Green Pythons (Team A), hudyat upang kanilang labanan sa Game 3 ang koponan ng Red Falcons (Team E).

Nasungkit naman ng Gray Wolves (Team D) sa Game 2 ang pagkapanalo laban sa Blue Phoenix (Team C), na nagdala sa kanila sa Game 5 kontra sa koponan ng Red Falcons sa iskor na 2-0.

Nagharap naman sa Game 4 ang Green Pythons at Blue Phoenix na pinagwagian ng huli. Umabante ang grupo para sa Game 6 upang labanan ang Yellow Tigers na kanila ring pinabagsak.

Para sa Game 7, muling nagharap ang Blue Phoenix at Gray Wolves na nagpaabante sa huli sa Championship Round.

Sa kanilang matibay na depensa at agresibong opensa, nagawang padapain ng Gray Wolves ang Red Falcons sa Championship Round sa iskor na 2-0.

Narito ang standing (per match) at natamong pwesto ng bawat koponan:

Kampeon: Gray Wolves (3-1)
Unang Pwesto: Red Falcons (2-1)
Ikalawang Pwesto: Blue Phoenix (2-2)
Ikaapat na Pwesto: Yellow Tigers (1-1)
Ikalimang Pwesto: Green Pythons (0-2)

Nakatanggap ng sertipiko ang mga kalahok ng bawat koponan habang sertipiko at tropeyo naman ang nakuha ng Gray Wolves.

Ulat ni: Azlei Rose Nojalda
Mga Kuhang Larawan ni: Felomena Trofeo

07/01/2025

INTRAMURALS 2024 |

TINIG NG BAWAT KOPONAN, UMALINGAWNGAW

TNHSians, MAG-INGAY!

Laban lang, laban lang, go Green Pythons! 🐍

Yellow Tigers 🐯, hear us roar! Fighting spirit, we're scoring more!

Grade 9, Grade 9 Team Falcon, Falcon Team 🟥🦅! We are here to win, Ah, Aha aha!

Pumalakpak Blue Phoenix 🐦, pumalakpak!

Here we are the GRAY WOLVES 🐺, ready to fight, ready to go!

'Yan ang sigaw ng mga mag-aaral sa bawat grade level sa ginanap na Intramurals 2024 bilang pagbibigay ng suporta sa kani-kanilang koponan na lalahok sa iba't ibang kompetisyon, mula sa Mr. & Ms. Intramurals hanggang sa Ball games, E-games , Board game, at Athletics.

Ang yell ng bawat isa ay nagbigay ng ibayong sigla at lakas ng loob sa bawat kalahok. Inaasahang ang aktibidad na ito ay maghahatid sa mga mag-aaral sa isang 'fair and friendly competition'.

Ulat ni: Jasper Carl Simeon
Mga Kuhang Larawan ni: Althea Cristina Vargas

07/01/2025

INTRAMURALS 2024 | PARADA NG BAWAT KOPONAN, IKINASA!

Pormal na sinimulan sa Tiaong National High School (TNHS) ang Intramurals 2024 na may temang “Fostering Camaraderie, Exemplifying Sportsmanship and Igniting Leadership for a stronger TNHSians” noong ika-11 ng Disyembre.

Pumarada ang mga mag-aaral mula baitang 7 hanggang 12 na umikot sa rutang mula TNHS papunta sa Nuestra Senora Del Rosario pabalik sa arko ng Barangay Cutcut sa pangunguna ng mga piling mananayaw ng TNHS Dance Troupe.

Pagbalik sa paaralan, agad na inilatag ang programa para sa pagbubukas ng Intramurals sa pamumuno ng g**o sa MAPEH, Gng. Maricris R. Mendoza.

Ulat ni: Jasper Carl Simeon
Mga Kuhang Larawan ni: Althea Cristina A. Vargas

09/12/2024

To our dear campus journalists,

Your Tiaong NHS family wishes you all the best as you embark on your journalistic journey on the upcoming Secondary Schools Press Conference tomorrow, December 10.

Your dedication to uncovering the truth and sharing important stories is truly inspiring. May our Dear Lord bless you with confidence, passion and hard work that will guide you to triumph. May your talents shine and bring home the bacon!

12/11/2024

10/11/2024

Maging alerto, Bulakenyo!

Nakataas na sa Tropical Cyclone Wind Signal (TCWS) Number 1 ang buong Bulacan.

Pinapaalalahanan ang mga Bulakenyo na manatiling alerto sa posibilidad ng pagbaha partikular sa mababang lugar.

Manalangin at mag-ingat po tayong lahat!

In case of emergency, narito ang Provincial Disaster Risk Reduction and Management Office Emergency Hotline:
911
791-0566
GLOBE: 0905-333-3319
SUN: 0942-367-1455

09/11/2024

AKO SA HINAHARAP: DRESS FOR SUCCESS

ANO ang magiging karera mo sa hinaharap? Ito ang tanong na sinubukang bigyan ng katuparan sa matagumpay na pagsasagawa ng "Dress for Success" program na nilakuhan ng mga mag-aaral mula sa Baitang 10 nitong Nobyembre 5 sa Tiaong National High School (TNHS).

Bahagi ito ng Career Guidance Program para sa mga mag-aaral sa pangunguna ng mga g**o sa departamento ng Values Education (V.E.), katuwang ang V.E. Club Officers, at pamamatnubay ng Punong G**o, G. Eduardo T. Mañas.

Nagsilbing tagapagdaloy ng palatuntunan sina Angela Mae Timbol at Glenda Gente para sa nasabing programa.

Narito ang mga mag-aaral na nagtamo ng karangalan:
Kampeon: Cheyen Enriquez (Pangkat Saturn)
Unang Pwesto: Jarilyn Delos Reyes (Pangkat Saturn)
Ikalawang Pwesto: Latrell Jervic E. Cruz (Pangkat Mars)
Ikatlong Pwesto: Charl Magne P. Campeña (Pangkat Mars)
Ika-apat na Pwesto: Rizza G. Gerolia (Pangkat Uranus)

Samantala, kinilala si Giovanna Florentino (Pangkat Mars) bilang Best in Production, Prince Darius Gatdula (Pangkat Jupiter) bilang Best in Outfit at nakuha naman ni Latrell Jervic E. Cruz (Pangkat Mars) ang titulong Most Loved Profession para sa mga espesyal na parangal.

Hindi lamang nagbigay ng kasiyahan ang programang ito kundi nagbigay rin ng inspirasyon sa mga kalahok na ipagpatuloy ang kanilang mga pangarap sa propesyonal na mundo.

Ulat ni: Ayeshia Daniella V. Castillo
Mga Kuhang Larawan ni: Felomena Trofeo
Punong G**o: G. Eduardo T. Mañas