24/09/2024
For me very wrong jud ka inahan. Ngano nag sumbong2x pakas principal sa imong anak nga wala nimo na disiplina. Ang school unta naay clinic para ug naay mga incidents nga mga dugo2x ma aksyonan dayon dili kay ang teacher pa mag tambal nga teacher raman tawon sya. Yes mo attend sya sa needs sa bata pero naa man jud tawo nga mahadlok ug dugo. Mao nga dapat naa jud nurse sa school. Sayop na sa principal. Opinion lang ni nako
| TEACHER BOLDO, MIANGKON MATUD PA NGA DILI MUTAMBAL SA ESTUDYANTE TUNGOD MAHADLOK KINI OG DUGO
Gisaysay ni Diane Impas Omapas, ginikanan sa batang naigo sa bangko ug nagkadugo ang ulo sa Tibagon, Pantukan, Davao de Oro sa interview sa DXDC RMN Davao pinaagi kang RadyoMaN Kareen Beltran nga miadto siya sa eskwelahan tungod wala siya na-replyan ni teacher Marjorie Espinosa Llanto-Boldo sa parent-teacher GC aron unta hibal-on ang kompletong detalye sa insidente.
Gisaysay ni Omapas nga gipugos og sayaw ang iyang anak sa classmates niini nga dili man unta classroom activity. Nakuhaan og picture ang lalom nga samad sa bata diin nag-agas pa ang dugo ug gi-send ngadto sa ilang GC apan walay reply gikan sa maestra.
Pag-abot niini sa tulunghaan, sulti sa inahan nga miangkon ang magtutudlo nga wala siya mutambal tungod mahadlok kini og dugo hinungdan nga nangutana siya nganong wala kini manawag og tabang sa lain. Gani miabot sa iyang impormasyon, classmate ra matud pa ang nagtambal sa bata og kamunggay.
“Pagkahibalo nako, miadto kong Ma’am, naabtan nako siya sa classroom. Miana ko unsay nahitabo, wala man siya nag-reply … Miana man siya nga wala siya kabalo kay naa siya sa lamesa kay nag-check sa gi-answeran. Pagkabalo niya nga nagkadugo, gitagaan niya og tissue. Miangkon siya nga dili gyud daw siya mutambal og mga ing-ana kay mahadlok siya og dugo. Mao to miana ko nga wala man lang ka mitawag sa laing teacher ma’am, 1st aid o nanawag sa akoa o mi-reply sa akoa,” saysay pa ni Omapas.
Dugang pa nga wala sab siya nasayod kung giunsa pagpangasaba sa principal nga si Alvin Escobar kang teacher Boldo hinungdan nga dili pa kini makasulti kung gibastos ba kini pag-ayo.
Apan sa pagpanubay sab sa DXDC reportorial team, gibarugan sa pamilya sa maestra pinaagi usab sa resultang gihatag sa doctor nga usa ang stress ug kahiubos sa hinungdan sa kamatayon sa biktima.
CREDITS: DXDC
