17/08/2025
𝗠𝗚𝗔 𝗘𝗦𝗧𝗨𝗗𝗬𝗔𝗡𝗧𝗘 𝗡𝗚𝗔 𝗡𝗔𝗚𝗧𝗔𝗞𝗟𝗔𝗦 𝗞𝗔𝗚 𝗡𝗔𝗚𝗧𝗔𝗕𝗢𝗞 𝗦𝗔 𝗖𝗘𝗡𝗧𝗘𝗥 𝗜𝗦𝗟𝗔𝗡𝗗 𝗦𝗔𝗡𝗚 𝗗𝗜𝗩𝗘𝗥𝗦𝗜𝗢𝗡 𝗥𝗢𝗔𝗗, 𝗡𝗔𝗞𝗜𝗟𝗔𝗟-𝗔𝗡 𝗡𝗔; 𝗣𝗢𝗦𝗠𝗢 𝗞𝗔𝗚 𝗧𝗧𝗠𝗢, 𝗚𝗜𝗡𝗠𝗔𝗡𝗗𝗨𝗔𝗡 𝗡𝗚𝗔 𝗣𝗔𝗚𝗔-𝗟𝗘𝗖𝗧𝗨𝗥𝗔𝗡 𝗔𝗡𝗚 𝗞𝗔𝗕𝗔𝗧𝗔𝗔𝗡
By: 𝑩𝒐𝒎𝒃𝒐 𝑯𝒂𝒏𝒏𝒂 𝑨𝒏𝒅𝒂𝒔𝒂
🎥: https://www.facebook.com/share/v/1FJPRJJ7j5/
Nakilal-an na ang mga estudyante nga nagtaklas kag nagtabok sa center island sang Diversion Road, Mandurriao, Iloilo City.
Base sa kuha sang video sang isa ka netizen, makit-an nga nagtaklas kag nagtabok ini sila sa center island apisar nga madamo ang mga nagaagi nga salakyan.
Kaangot diri, ginmanduan gilayon ni Mayor Raisa Treñas ang Public Order and Safety Management Office (POSMO) kag Traffic Transportation and Management Office (TTMO) nga mag-coordinate sa mga eskwelahan sang mga estudyante agud mahatagan sang lecture, madisiplina kag mahatagan sang nagakaigo nga impormasyon natuhoy sa peligro sang ila ginhimo.
Yari man ang ginpalab-ot nga mensahe ni Mayor Treñas:
"We remind our students and the general public nga ang Diversion Road isa ka major thoroughfare nga peligroso para sa mga pedestrians.
We urge everyone to use pedestrian lanes, overpass, and designated crossings para malikawan ang aksidente kag masiguro ang safety sang tanan.
Padayon ang aton syudad sa pagpabakod sang seguridad sa dalanon, PERO kinahanglan naton sang kooperasyon sang tanan.
Ang pagrespeto sa traffic discipline indi lang para sa aton kaugalingon kundi para man sa proteksyon sang kadam-an."
— Mayor Inday Raisa S. Treñas
