14/08/2026
NUJP ILOILO, GINKONDENAR ANG GINA-ALEGAR NGA VERBAL HARASSMENT SANG PROPONENT SANG AI DATA CENTER SA KATAPO SANG MEDIA
Ginkondenar sang National Union of Journalists of the Philippines (NUJP) Iloilo, ang gina-alegar nga verbal harassment kag pag-insulto sa mga miyembro sang media ni Daniel Stefan Robertsen, Managing Director kag AI Data Developer sang Norway Green Energy Corp.
Si Robertsen amo ang proponent sang gina-propose nga 50-megawatt hyperscale AI data center sa Oton, Iloilo.
Natabo ang insidente matapos siya mag-walkout sa public consultation angut sa proyekto, kun sa diin nagpahayag sang pagkabalaka ang mga residente kag cause-oriented groups.
Sa video sang insidente, makita si Robertsen nga nagpalapit kag gintandog ang mga miyembro sang media samtang daw nagataas ang iya tingog. Antes maghalin, nabatian man siya nga nagsiling sang, βIf you donβt have a brain, just f*ck, go away.β
Suno sa NUJP Iloilo, indi dapat pagpahugon ang mga journalist nga nagahimo lamang sang ila trabaho nga mamangkot kag mangita sang klaripikasyon sa mga isyu nga may kaangtanan sa publiko.
Nagpahayag sang suporta ang NUJP Iloilo sa mga journalist nga naga-ubra sa ila katungdanan nga maghatag sang impormasyon kag update sa publiko
video: Rjay Castor
via NUJP Iloilo
