LIFE RADIO Iloilo 1017khz DYRP

LIFE RADIO Iloilo 1017khz DYRP Our YouTube channel: https://www.youtube.com/-DYRP1017khz
(3)

This is the official online news platform of DYRP Life Radio Iloilo 1017 kHz, an AM radio station in Iloilo operating under JPG Broadcasting Network and Allied Broadcasting Center.

15/09/2025

EXCLUSIVE| DRUG BUY-BUST OPERATION SANG KAPULISAN SA MANDURRIAO

ESTRADA, VILLANUEVA BUKAS NGA IPAUSISA ANG ILA BANK ACCOUNTSBukas sanday Senators Jinggoy Estrada kag Joel Villanueva ng...
15/09/2025

ESTRADA, VILLANUEVA BUKAS NGA IPAUSISA ANG ILA BANK ACCOUNTS

Bukas sanday Senators Jinggoy Estrada kag Joel Villanueva nga magpirma para usisaon ang unod sang ila bank accounts sa tunga sang imbestigasyon sang maanomaliya nga flood control projects.

Ginpabutyag ini sang duha ka mga senador makaligad ginbuyagyag ni anay Bulacan First District Assistant Engineer Brice Hernandez ang gina-alegar pagbaton nila sang 30% nga kickbacks halin sa infrastructure projects sang gobyerno.

Sa plenary session, ginatawag ni Estrada si Hernandez nga “habitual liar” kag padayon nga ginapanginwala ang ginapahayag nga kaangtanan niya sa kurapsyon.

Pahayag naman sang senador nga una na nag-atubang sang kaso nga plunder, handa siya nga magbulig sa imbestigasyon kag pabuksan ang iya
bank accounts.

Si Villanueva naman, wala sang pangduha-duha nga ipa-usisa man ang mga transaksyon niya sa bangko.

By: EPinasas
Via GMA News



NAGKALAIN-LAIN NGA CIVIL SOCIETY GROUP SA SIYUDAD SANG ILOILO MAGAPASAKOP SA TRILLION PESO MARCH RALLY SA SETYEMBRE 21 –...
15/09/2025

NAGKALAIN-LAIN NGA CIVIL SOCIETY GROUP SA SIYUDAD SANG ILOILO MAGAPASAKOP SA TRILLION PESO MARCH RALLY SA SETYEMBRE 21 – MSGR. OSO

Magahimo sang hublag protesta ang nagkalain-kalain nga civil society group sa siyudad sang Iloilo sa Setyembre 21, 2025 sa pagpanguna sang Archdiocese of Jaro.

Ini kadungan sa Trillion Peso March nga ginhingyo sang Council of Churches Leaders para sa pagpahayag sang kinatamatarong sang mga pumuluyo angut sa mga anomaliya sa pungsod partikular ang flood control projects anomalies.

Sa interview sang DYRP Life Radio Iloilo kay Monsignor Melito Oso, Director sang Jaro Archdiocesan Social Action Center, ginpahayag niya nga himoon ang nasambit nga rally sa Dominggo nga maga-umpisa las tres sang hapon.

Dugang pa niya, pangalanan nila ang ila coalition sang “Kahublagan Kontra Kurapsyon” (K*K) sa pagpahayag sang kaakig sa mga isyu sa pungsod, kag magasuksok sila sang puti nga panapton.

Maga-umpisa ang martsa kontra kurapsyon sa atubang sang Jaro Cathedral pakadto sa Kapitolyo kag pagasundan sang nagkalin-lain nga speeches angut sa nagakatabo nga pagpangurakot sa pungsod nga naglab-ot sa masobra is aka trilyon pesos.

Suno pa kay Oso, maghimo man sang kunsyerto kontra kurapsyon ang mga nagkalain-lain nga musikero sa syudad bilang pantapos nga hubalag nga mga-umpisa las sais sang gab-i.

Ginpasiguro man ni Oso, ang pagsunod sa mga requirements para sa matawhay, legal kag wala sang violence.

Ang Trillion Peso March ang inisyatibo sang National Council of Christian Churches kag Social Action Network sa pagpabutyag sang kaakig sang mga Pilipino angut sa mga anomaliya nga giapangatubang sang sa pungsod.

By: RFebula
Via Crossfire

#𝐃𝐘𝐑𝐏𝟏𝟎𝟏𝟕𝐤𝐇𝐳
#𝐋𝐢𝐟𝐞𝐑𝐚𝐝𝐢𝐨𝐈𝐥𝐨𝐢𝐥𝐨
#𝐋𝐢𝐟𝐞𝐍𝐞𝐰𝐬

PEKE NGA DENTISTA GINPAMATBATAN NGA GUILTY SANG ILOILO CITY REGIONAL TRIAL COURT Ginpamatbatan nga guilty sang Regional...
15/09/2025

PEKE NGA DENTISTA GINPAMATBATAN NGA GUILTY SANG ILOILO CITY REGIONAL TRIAL COURT

Ginpamatbatan nga guilty sang Regional Trial Court sang Iloilo City ang peke nga dentista angut sa pagbayolar sa Section 33 sang RA No. 9484 ukon ang Philippine Dental Act of 2007.

Sa interview sang DYRP Life Radio Iloilo kay Police Lieutenant Darius Alinsasagin, Chief Digital Forensic sang Regional Anti-Cybercrime Unit (RACCU) 6 ginpahayag niya nga naga-transaction online si Tunying sang mga dental services particular sa pagtakod sang braces sa barato nga presyo.

Nadakpan ang arestado sang nagligad nga Agosto 11, 2025 paagi sa entrapment operation sang awtoridad matapos ma-verify sang poseur patient nga wala sang permit kag legal nga dokumento ang subject angut sa iya gina-obra.

Nahibaluan nga sang nagligad nga semana may naaresto man nga peke nga dentista sa Sta. Barbara, Iloilo.
Si Tunying ang pinakauna nga peke nga dentista nga gin-convict sang Iloilo City Court.

Angut diri, nagpanugyan ang RACCU 6 nga mangin mahinalungon sa pag-transakyon online agud malikawan ang kaangay nga insidente.

By: RFebula
Via Crossfire

#𝐃𝐘𝐑𝐏𝟏𝟎𝟏𝟕𝐤𝐇𝐳
#𝐋𝐢𝐟𝐞𝐑𝐚𝐝𝐢𝐨𝐈𝐥𝐨𝐢𝐥𝐨
#𝐋𝐢𝐟𝐞𝐍𝐞𝐰𝐬

ANAY SQUAD LEADER SANG SPARU UNIT SANG NPA KAG TOP 8 MOST WANTED PERSON SA REHIYON 6 NADAKPAN SA BUKIDNONNadakpan sa Buk...
15/09/2025

ANAY SQUAD LEADER SANG SPARU UNIT SANG NPA KAG TOP 8 MOST WANTED PERSON SA REHIYON 6 NADAKPAN SA BUKIDNON

Nadakpan sa Bukidnon ang anay squad leader sang Special Partisan Unit (SPARU), Front Guerilla Unit, Northern Front, Komiteng Rehiyon Panay (Dismantled) sang New Peoples Army kag Top 8 Most Wanted Person sa Rehiyon 6.

Si Ernesto Cuzon Arsenio alyas Mahin, 67-anyos, nadakpan sa joint operation sang City Intelligence Team sang Regional Intelligence Unit 6 sa pagpanguna ni PLT Jerrico Jamolo, 2nd Provincial Mobile Force Company kag Sebaste Municipal Police Station sa Purok 10, Buklata, Barangay Case Camp, Maramag, Bukidnon.

Si Arsenio ang Top 8 Most Wanted Person sa Western Visayas, Top 3 sa Probinsiya sang Antique kag Top 1 Most Wanted Person sa Sebaste, Antique.

Gindakop si Arsenio sa gahum sang siyam ka mga warrants of arrest sa kaso nga multiple murder, multiple frustrated murder, destructive arson kag robbery with homicide.

Ang grupo ni Arsenio ang ginatudlo nga yara sa likod sang mga extortion activities kag nagkalain-lain nga tactical offensives batok sa tropa sang gobyerno.

Yara na sa kustodiya sang Sebaste Municipal Police Station ang arestado.

By: MOrtega

#𝐃𝐘𝐑𝐏𝟏𝟎𝟏𝟕𝐤𝐇𝐳
#𝐋𝐢𝐟𝐞𝐑𝐚𝐝𝐢𝐨𝐈𝐥𝐨𝐢𝐥𝐨
#𝐋𝐢𝐟𝐞𝐍𝐞𝐰𝐬

TODAY'S HIGHLIGHTS | SEPT. 15, 2025EX- SC JUSTICE ANDRES REYES JR. GIN-APPOINT BILANG ICI CHAIRMANhttps://www.facebook.c...
15/09/2025

TODAY'S HIGHLIGHTS | SEPT. 15, 2025

EX- SC JUSTICE ANDRES REYES JR. GIN-APPOINT BILANG ICI CHAIRMAN
https://www.facebook.com/share/p/16tmC5m3DJ/

EX-DPWH ENGR. BRICE HERNANDEZ GINBALIK SA DETENTION FACILITY SANG SENADO
https://www.facebook.com/share/p/16xCj9W9MM/

ESTRADA, VILLANUEVA BUKAS NGA IPAUSISA ANG ILA BANK ACCOUNTS
https://www.facebook.com/share/p/1PkvouuAp5/

DAVAO CITY MAYOR BASTE DUTERTE NAG-FILE SANG REKLAMO BATUK SA GOV’T OFFICIALS BANGUD SANG ‘PAG-KIDNAP’ KAY EX-PRES. DUTERTE
https://www.facebook.com/share/p/1CZK25pytu/

DOTR OFFICIALS GINMANDUAN NGA MAGSAKAY SA PUBLIC TRANSPORT KADA SEMANA AGUD MABATYAGAN ANG KABUDLAY SANG MGA PASAHERO
https://www.facebook.com/share/p/16zpUphWac/

By: EPinasas



EVENING PRAYER🙏🙏
15/09/2025

EVENING PRAYER🙏🙏



CHEERS TO MORE PROJECTS!🧡✨Saludo sa mga enhinyero nga naga-obra para sa mas maaayo nga pungsod kag masanag nga buwas dam...
15/09/2025

CHEERS TO MORE PROJECTS!🧡✨

Saludo sa mga enhinyero nga naga-obra para sa mas maaayo nga pungsod kag masanag nga buwas damlag.

Happy Engineer's Day!



MASOBRA 400K NGA BALOR SANG ILLEGAL NGA DRUGA NAKUMPISKAR SA DRUG BUY-BUST OPERATION SA OTON Nakumpiskar ang masobra 400...
15/09/2025

MASOBRA 400K NGA BALOR SANG ILLEGAL NGA DRUGA NAKUMPISKAR SA DRUG BUY-BUST OPERATION SA OTON

Nakumpiskar ang masobra 400K nga balor sang illegal nga druga sa drug buy-bust operation sa Barangay Trapeche, Oton, Iloilo, las-9:45 sang aga, Setyembre 15, 2025

Ginkilala ang subject kay alyas " Anthony," 39-anyos nga residente sang Zone 1 Barangay Rizal, Pala Pala, City Proper.

Sa interview sang DYRP Life Radio Iloilo kay Police Lieutant Colonel Ahlie Estember, Chief of Police sang Oton MPS, ginapahayag niya nga isa ka semana ang nangin monitoring sa subject.

Dugang pa niya, nakaagi na preso ang subjects sa Aklan sa parehos nga kaso kag nagbalik lang sa pagbaligya sang illegal nga druga.

Nakumpiskar ang nagabug-at 60 gramos sang suspected shabu kag nagabalor ₱408,000.

Yara na sa kustodiya sang kapulisan ang subject kag magapangatubang sa nagakaigo nga kaso.

By: MMendoza
E: RFebula

#𝐃𝐘𝐑𝐏𝟏𝟎𝟏𝟕𝐤𝐇𝐳
#𝐋𝐢𝐟𝐞𝐑𝐚𝐝𝐢𝐨𝐈𝐥𝐨𝐢𝐥𝐨
#𝐋𝐢𝐟𝐞𝐍𝐞𝐰𝐬

LALAKI PILASON SANG GINLABO SANG IYA PAKAISA BANGUD SA SUYA-AY SA KARAOKE SA HAMTIC ANTIQUE Pilason ang lalaki sang ginl...
15/09/2025

LALAKI PILASON SANG GINLABO SANG IYA PAKAISA BANGUD SA SUYA-AY SA KARAOKE SA HAMTIC ANTIQUE

Pilason ang lalaki sang ginlabo sang iya pakaisa ang bangud sa suya-ay sa karaoke sa Sitio Palutchina, Barangay Masanag, Hamtic Antique, las- 7:30 sang gab-i, Setyembre 14, 2025.

Ginkilala ang biktima kay alyas "Jayson," 27-anyos, samtang ginkilala naman ang suspetsado kay alyas "Christian," 33-anyos nga lunsay mga residente sang nasambit nga lugar.

Sa interview sang DYRP Life Radio Iloilo kay Police Lieutenant Cerlan Mabaquio, Deputy Chief of Police sang Hamtic Municipal Police Station (MPS), ginpahayag niya nga naga-inom-inom ang magpakaisa kag naga-videoke antes ang insidente.

Dugang pa niya, ginakanta sang biktima ang kalantahon sang suspek, kag sa tion nga magkanta na ang suspek ginasuyaan siya sang biktima rason nga nagresulta sa sinuyaay, hangkatanay, kag pagpanglabo.

Nakaangkon sang pilas sa nawala nga bahin sang abaga, sa dalom nga parte sang abaga kag sa iya likod ang biktima.

Gialyon man nga nadakpan ang suspek ka nakuha man sa iya ang binangon nga gingamit sa pagpanglabo.

Yara naman sa ospital ang biktima kag stable naman ang kondisyon.

By: MMendoza
E: RFebula

#𝐃𝐘𝐑𝐏𝟏𝟎𝟏𝟕𝐤𝐇𝐳
#𝐋𝐢𝐟𝐞𝐑𝐚𝐝𝐢𝐨𝐈𝐥𝐨𝐢𝐥𝐨
#𝐋𝐢𝐟𝐞𝐍𝐞𝐰𝐬

MGA OPISYAL SANG DOTR GINMADUAN NI SEC. LOPEZ NGA MAG-COMMUTE AGUD PERSONAL NGA MASEKYAR ANG PROBLEMA SANG MGA PASAHERO...
15/09/2025

MGA OPISYAL SANG DOTR GINMADUAN NI SEC. LOPEZ NGA MAG-COMMUTE AGUD PERSONAL NGA MASEKYAR ANG PROBLEMA SANG MGA PASAHERO

Ginmanduan ni Acting Secretary Giovanni Lopez ang mga opisyal sang Department of Transportation (DOTr) nga mag-commute pakadto sa ila opisina.

Sandig ini sa mandu Presidente Ferdinand “Bongbong” Marcos Jr. bilang solusyon sa problema sang mga komyuter.

Dugang pa ni Lopez, mangin mandato sa mga road kag rail sectors ang pag-commute sang isa ka bes kada semana para personal nga mahibaluan ang kahimtangan kag sitwasyon sang mga pasahero.

Mangin epektibo ang nasambit nga kasuguan subong nga semana.

Ginmandu man ni Lopez ang pagpasa sang mga opisyal sang report angut sa ila action plan kag rekomendasyon sa pagsolbar sa mga problema sa pampubliko nga transportasyon.

By: RFebula
Via Philstar

#𝐃𝐘𝐑𝐏𝟏𝟎𝟏𝟕𝐤𝐇𝐳
#𝐋𝐢𝐟𝐞𝐑𝐚𝐝𝐢𝐨𝐈𝐥𝐨𝐢𝐥𝐨
#𝐋𝐢𝐟𝐞𝐍𝐞𝐰𝐬

DPWH-ICDEO GINKAY-O NA ANG DALAN NGA GUBA SA RADIAL ROAD CAMALIG, JAROGinkay-o na sang Department of Public Works and Hi...
15/09/2025

DPWH-ICDEO GINKAY-O NA ANG DALAN NGA GUBA SA RADIAL ROAD CAMALIG, JARO

Ginkay-o na sang Department of Public Works and Highway Iloilo City District Engineering Office (DPWH-ICDEO) ang dalan nga naguba sa radial road Camalig, Jaro, Iloilo City.

Ini matapos ginpalab-ot sang mga motorista sa DYRP Life Radio Iloilo sang nagligad nga semana.

Una nga ginpahayag sang DPWH -ICDEO nga naka line up na ang amo nga dalan nga naguba.

Makita sa litrato ang before and after sang dalan.

By: Abyan Ralph Mosqueda



Address

Mandurriao
Iloilo City
5000

Website

Alerts

Be the first to know and let us send you an email when LIFE RADIO Iloilo 1017khz DYRP posts news and promotions. Your email address will not be used for any other purpose, and you can unsubscribe at any time.

Shortcuts

Share

Category