DYRP Life Radio Iloilo

DYRP Life Radio Iloilo Our YouTube channel: https://www.youtube.com/-DYRP1017khz
(10)

This is the official online news platform of DYRP Life Radio Iloilo 1017 kHz, an AM radio station in Iloilo operating under JPG Broadcasting Network and Allied Broadcasting Center.

12/05/2026

BM JUNE MONDEJAR OBSERBAHAN ANAY KUN KINAHANGLAN GID USISA-ON ANG INTELLEGENCE FUND SA PROBINSYA MATAPOS NANGIN
FAILURE BASE SA PAHAYAG SANG DIRETOR SANG PRO-6

Ginsiling ni 2nd District Board Member June Mondejar nga iya anay obserbahan kun bala kinahanglan gin usisa-on ang intellegence fund sa probinsya matapos maka duha na ka beses ginsulod sang termite gang ang mga pawnshop sa probinsya.

Ini ang sabat ni BM June Mondejar chairman sang Public Order and security sang Sangunian Panlalawigan sa interview sang DYRP Life Radio Iloilo.

Suno kay BM Mondejar, kun umabot sa punto nga kinahanglan na nga mag intervene ang provincial government especially ang iya komitiba himu-on niya kun ano ang dapat himu-on para matapna ang termite gang.

Nagapati si BM June nga ginatutukan na sang IPPO ang operasyon sang termite gang para matapna ini.

Panwagan niya sa mga negosyante, nga tinguhaan sang mga establishment commercial nga indi masulod kag kun masulod man maayawan ang termite gang kun may kawaton sila. RMosqueda.

#

12/05/2026

| TOP STORIES TODAY - MAY 12, 2026

Balita Lokal

4 KA GRADUATES SANG WVSU LA PAZ SULOD SA TOP 10 SANG 2026 MARCH LICENSURE EXAMINATION FOR TEACHERS- SECONDARY LEVEL

LALAKI NGA GINBALI ANG TIIL SANG MANOK NGA INUGBULANG GINKASTIGO SA ZARRAGA, ILOILO

KAPULISAN MAY LEAD NA SA PAGTUMOD SA ILOY SANG LAPSAG NGA NASAPWAN PATAY SA SARA, ILOILO

Balita National

BRISTISH LAWYER PETER HAYNES BAG-O NGA COUNSEL NI FORMER PRES. DUTERTE SA ICC

Balita International

EUROPIAN UNION GIN-APRUBAHAN ANG BAG-O NGA SANCTIONS BATOK SA ISRAELI SETTLERS KAG HAMAS-LINKED LEADERS

12/05/2026

PBGEN LIGAN WALA PA SANG NABATON NGA REPORT NGA MAY HEPE SANG BANWA NGA NAGA INTRA SA QUARRY

Wala pa sang nabaton nga report si Police Brigadier General Joseino Ligan nga Hepe sang banwa nga naga intra sa quarry operation sa diin sya naga pangalagad.

Ini ang iya sabat sa interview sang katapo sang media sa ginpatigayon nga press conference sa kampo delgado.

Suno kay PBGEN Ligan, Apisar wala pa siya sang may nabaton nga report, iya ini ipa-check nga impormasyon.

Pahayag sang Director nga Public office is a public trust ilabe na sa mga naga intra sa illegal quarry. | RMosqueda

OPM HITMAKER NGA SI MAKI MAGA-RELEASE SANG BAG-O NGA KANTA NGA 'HABANGBUHAY PANSAMANTALA' SA MAYO 24Maga-release ang OPM...
12/05/2026

OPM HITMAKER NGA SI MAKI MAGA-RELEASE SANG BAG-O NGA KANTA NGA 'HABANGBUHAY PANSAMANTALA' SA MAYO 24

Maga-release ang OPM hitmaker nga si Maki sang iya bag-o nga single nga 'Habangbuhay Pansamantala.'

Suno sa iya social media updates, ang kanta kag music video ipaguwa sa Mayo 24 samtang may Pink Fest nga himuon sa Mayo 29.

Magahimo man siya sang exclusive send-off kag fan meet sa Hunyo 5 antes magsugod ang iya plano sa music scene.

Ang 'Habangbuhay Pansamantala' available kag pwede na i-pre-save sa digital streaming platforms.

Samtang, nagapreparar na si Maki para sa iya international tour nga magalakip sang Singapore, Indonesia, North America, Australia, kag New Zealand kasunod sang iya milestone nga naglapaw na sa 1 billion all-time streams sa Spotify.

Nangin madinalag-on man ang iya 'Kolorcoaster: One More Ride' concert sa Araneta Coliseum. | JDefiรฑo (via ABS-CBN News)

ALEX EALA KAG HAILEY BAPTISTE NAPASLAWAN NGA MAG-ABANSE SA ROUND OF 16 SANG ITALIAN OPEN Nalutos sanday Alex Eala kag Ha...
12/05/2026

ALEX EALA KAG HAILEY BAPTISTE NAPASLAWAN NGA MAG-ABANSE SA ROUND OF 16 SANG ITALIAN OPEN

Nalutos sanday Alex Eala kag Hailey Baptiste sa powerhouse tandem nga sanday Taylor Townsend kag Katerina Siniakova sa Italian Open sa score nga 6-2, 6-1, sa womenโ€™s doubles Round of 32.

Bisan nagpakita sang determinasyon sa opening set, gin-dominar sang second-seeded pair nga Siniakova kag Townsend kag nakuha ang set paagi sa ace.

Liwat nga nangibabaw sanday Siniakova kag Townsend sa second set apang nagpakita sang determinasyon nga makabawi si Baptiste sa crucial moment matapos mag-ace.

Bisan pa sini, naghatag sang match point ang mga errors ni Eala sa Game 7 rason nga nakuha sang kontra ang kadalag-an.

Makasumpong sang duo nga Siniakova kag Townsend sa Round of 16 sanday Sorana Cirstea kag Jaqueline Cristian. | JDefiรฑo (via GMA News)

PULIS PILASON SANG NAKABUNGGO ANG GINAMANEHO NGA MOTORSIKLO SA CLOSE VAN SA LEGANESPilason ang pulis nga driver sang mot...
12/05/2026

PULIS PILASON SANG NAKABUNGGO ANG GINAMANEHO NGA MOTORSIKLO SA CLOSE VAN SA LEGANES

Pilason ang pulis nga driver sang motorsiklo sang nakabunggo ang ginamaneho nga motor sa naga-u-uturn nga closed van sa Barangay MV Hechanova, Leganes, Iloilo, las-dos sang hapon, Mayo 12, 2026.

Ginkilala ang pulis kay Police Corporal Pagmanoja, 30 anyos sang San Enrique, Iloilo.

Samtang ang driver sang close van kay alyas Raffy, residente sang Dumangas, Iloilo.

Sa interview sang DYRP Life Radio Iloilo kay Police Corporal Joefel Amihan, imbestigador sang Leganes Municipal Police Station, ginpahayag niya nga ma-u-turn na kuntani ang close van sang natabo ang aksidente.

Suno pa kay Amihan, wala maantisipar sang driver sang van nga may nagapadulong nga motorsiklo rason nga nakabunggo ini.

Dugang pa nga kadto na kuntani sa Dumangas ang driver sang motor.

Nakaagum sang pilas sa lawas ang pulis kag padayon nga ginabulong sa ospital.

Samtang yara sa kustodiya sang kapulisan ang driver sang close van. l MMendoza

12/05/2026

ANG BALAAN NGA SANTOS NGA ROSARIO | MAY 12, 2026

DYRP Life Radio Iloilo welcomes various comments in our contents but we also want our page to be safe and respectful for everyone. We reserve the right to remove comments that we believe go against community standardsโ€”This includes attacks against station personnel.

#๐ƒ๐˜๐‘๐๐Ÿ๐ŸŽ๐Ÿ๐Ÿ•๐ค๐‡๐ณ
#๐‹๐ข๐Ÿ๐ž๐‘๐š๐๐ข๐จ๐ˆ๐ฅ๐จ๐ข๐ฅ๐จ
#๐‹๐ข๐Ÿ๐ž๐๐ž๐ฐ๐ฌ

CDRRMO NAGPANUGYAN SANG RESPONSABLE KAG INSAKTO NGA PAG-REPORT SA GINHIMO NGA DRMM WORKSHOP SA ILOILO CITYDaku nga impor...
12/05/2026

CDRRMO NAGPANUGYAN SANG RESPONSABLE KAG INSAKTO NGA PAG-REPORT SA GINHIMO NGA DRMM WORKSHOP SA ILOILO CITY

Daku nga importansya sang information integrity ukon insakto nga pag-verify sang mga balita antes ini ipaguwa sa social media ukon ipalapta sa publiko, suno kay Iloilo City Disaster Risk Reduction and Management CDRRM) Meteorologists Patricia Anne Constantinopla.

Ini ang iya pahayag sa ginhimo nga Meteorology 101 Briefing kag DRR/Climate Reporting Workshop subong nga adlaw, Mayo 12.

Suno sa iya, maghalong ang mga media practitioners sang Iloilo City Hall Press Corps batok sa nagalapta nga fake news nga mahimo magtuga sang kahadlok kag panic sa komunidad.

Gin-athag man niya ang mga basic meteorological terminologies, heat kag drought conditions, kag ang mga warning systems nga importante sa husto nga pag-report sang kalamidad kag climate-related events.

Ginpangunahan sang Iloilo City Public Information Office (PIO) ang aktibidad bilang kabahin sang padayon nga pagpabakod sang disaster preparedness, awareness, kag responsable media reporting. | VSoldivilla, UA Intern (photo: Iloilo City Government)

3 KA COMPUTER SHOP SA MANDURRIAO GINSERBEHAN SANG CLOSURE ORDER BANGUD WALA SANG BUSINESS PERMIT KAG PAGLAPAS SA CURFEW ...
12/05/2026

3 KA COMPUTER SHOP SA MANDURRIAO GINSERBEHAN SANG CLOSURE ORDER BANGUD WALA SANG BUSINESS PERMIT KAG PAGLAPAS SA CURFEW FOR MINORS ORDINANCE

Ginserbehan sang closure order ang tatlo ka computer shop sa Zone 1 Barangay Airport, Mandurriao, Iloilo City, bangud wala sang bussines permit kag paglapas sa curfew for minors ordinance.

Ginpatuman sang Task force on Moral ang Values Formation kag katapo sang kapulisan ang closure order sang alkade.

Ginpasanyog kag gina-monitor sang hugot sang kapulisan kag TFMVF ang mga operasyon sang computer shop bangud nakabaton man sila sang impormasyon nga ang mga menor ang ginagamit sa pagbaligya sang illegal nga druga.

Ang regulation Ordinance #2011-676 nga nagasa-ad nga umpisa las-dyes sang gab-i tubtob las-kwatro sang kaagahon indi na makaalagaw ang mga menor-de-edad. l MMendoza

PAF NAG-ATHAG NGA WALA SANG โ€˜UNUSUAL MOVEMENTโ€™SA VILLAMOR AIR BASE SA TUNGA SANG REPORT NGA MAY NAKA-STANDBY NGA AIRCRAF...
12/05/2026

PAF NAG-ATHAG NGA WALA SANG โ€˜UNUSUAL MOVEMENTโ€™SA VILLAMOR AIR BASE SA TUNGA SANG REPORT NGA MAY NAKA-STANDBY NGA AIRCRAFT KAY SEN. DELA ROSA

Ginpanginwala sang Philippine Air Force (PAF) ang reports angut sa ginapahayag nga indi kinaandan nga aktibidad sa Villamor Air Base sa Pasay City kasunod sang alegasyon ni Atty. Israelito Torreon nga may naka-standby nga aircraft para sa posible nga transportasyon ni Sen. Ronald โ€œBatoโ€ dela Rosa.

Pag-athag ni PAF spokesperson Col. Ma. Christina Basco, nagapabilin sa normal ang routine kag operations sang air force kag wala sila sang nabaton nga direktiba angut sa posible nga deployment sang aircraft para kay dela Rosa.

Suno naman kay Armed Forces of the Philippines (AFP) spokesperson Colonel Francel Margareth Padilla, wala naga-engage ang militar sa bisan anu nga political activities kag nagapabilin sila nga naka-pokus sa constitutional mandate.

Ginklaro man ni Padilla nga kabahin sang standard security procedures santu sa case-to-case basis ang deployment sang Philippine Marine Corps (PMC) personnel sa Senado. | RFebula (via ABS-CBN News)

ILOILO CITY NAGHIMO SANG 4TH DRRM REPORTING WORKSHOP PARA SA MGA MEDIA PRACTITIONERS KAG SCIENCE COMMUNICATORS PARA SA E...
12/05/2026

ILOILO CITY NAGHIMO SANG 4TH DRRM REPORTING WORKSHOP PARA SA MGA MEDIA PRACTITIONERS KAG SCIENCE COMMUNICATORS PARA SA EPEKTIBO NGA DISASTER COVERAGE

Naghimo sang ika-4 nga Disaster Risk Reduction and Management (DRRM) Reporting Workshop ang Iloilo City para sa mga media practitioners kag science communicators sa siyudad subong nga adlaw, Mayo 12.

Tinutuyo sang aktibidad nga mapasangkad ang kahibaluan sang mga journalists sa meteorology kag climate reporting agud mas epektibo nga ma-ipahayag ang impormasyon parte sa disaster preparedness, prevention, kag mitigation base.

Sa session nga โ€œMeteorology 101 Briefing,โ€ gin-discuss ni Patricia Anne Constantinopla, meteorologist sang Iloilo City Disaster Risk Reduction and Management Office (CDRRMO) ang basic meteorological terms, heat kag drought conditions, kag ang sistema sang weather warnings.

Samtang, ginpangunahan naman ni Prof. Jessica Dator-Bercilla, Resilience Fellow sang National Resilience Council ang diskusyon parte sa localized DRR concepts kag ginhatagan sang importansya ang maayo nga koordinasyon sang mga institusyon para sa pagpalig-on sang resilience sang syudad. | JSeraspe, UA Intern (via Iloilo City Government)

Address

Mandurriao
Iloilo City
5000

Opening Hours

Monday 3am - 10pm
Tuesday 3am - 10pm
Wednesday 3am - 10pm
Thursday 3am - 10pm
Friday 3am - 10pm
Saturday 3am - 10pm
Sunday 3am - 10pm

Website

Alerts

Be the first to know and let us send you an email when DYRP Life Radio Iloilo posts news and promotions. Your email address will not be used for any other purpose, and you can unsubscribe at any time.

Shortcuts

Share

Category