04/09/2025
📍STORY TIME | Bacolod Quick Ride & The Lost Wallet
Nagpuli kami sa Bacolod sang August 2 kay may dapat kami idul-ong sa balay. Nakaabot kami mga 7:30 PM, kag ako may 9 PM shift pa gd—bayaning puyat ang peg 🤣.
August 3, dapat mabalik kami sa Iloilo pero naka-decide kami nga mag-rides anay sa aga para indi masayang ang tabok namon.
Planado na: 5 AM out ko, himos, dayon lakat. Pero kamalason gid—pag-abot ko sa work, offline ang remote, amo na-delay tuloy out ko—quarter to 7 AM na ko ka tapos.
Ginpanghimos na ni partner ang dalal.on samtang ako nagaduty. Ready na tanan pag-out ko, pero syempre, wala pa kami dayon ka halin kay damo pa istorya-istorya sa mga tawo sa balay—morning ferzon vibes 😅.
Mga 7:30 AM na kami nakahalin sa balay, ay abaw pwerti ka traffic sa estefania. Nagdecide ako, sa likod sang NGC maagi.
Pag-abot sa humps, nagsiling si partner:
> “May wallet oh!”
Ginpundo ya ang motor, nanaog ko kag ginkuha ang wallet. Pagbukas ko—hala, may mga cash, kg may mga ID pa.
Nagplano ko ihatag sa guard pero hambal ni partner:
> “Indi na lang kay basi indi nada sya gaubra. kag kun may lain makakita, kuhaon lang ang kwarta.”
Samtang naga-byahe pa kami padulong Murcia, ginahuna-huna namon ano ang pinaka maayo nga himuon, kag gahingagaw pa kmi ky mabalik pa Iloilo before lunch.
Pag-abot sa place, nalingaw kami sa pag picture2, video2 😂 tapos didto na kami nag-breakfast. Sa tunga sang pagkaon,
> “Te, ang wallet ya?”🤣
Gintan-aw namon liwat, ukay-ukay anay—WALA kami nagkuha ha 😆—nangita lang kami sang clue or contact.
May nakita si partner nga mga receipts nga may number—gintawagan niya, nasabat! Na-verify niya nga amo gd to ang tag-iya,Pero—naubos load, patay ang tawag. 🤣
Mayo lang gid kay after pila ka minutes, nagtwag sa balik.
Na-istoryahan nga tabuon kami sa Savemore Fortune Towne, kag didto kami nagkitaay.
Nabaton niya ang wallet. Happy gid siya.
Nagpasalamat gid siya kag nagsiling nga nahulog daw sa iya pants samtang naga drive sya tricycle. "kung hindi ko gd man makita ang wallet tane sa maayo lang nga tawo"🥺
According sa iya ang kwarta
👉 Bag-o lang renew sa isa ka microfinance
👉 Para to sa mga kabataan niya.
Kag syempre, happy man kami—kay kabalo kami nga dako gid nga bulig to sa iya kag sa iya pamilya.
✅ Kwarta intact.
✅ IDs complete.
✅ Heart fulfilled. 💖
Moral sang story:
Indi tanan nga makita mo, imo na. 😅
May iban nga mas kinahanglan sina kag base kabuhi pa nila da.
---
🙌 Salamat gid sa partner ko nga upod ko sa pagka “Good Samaritan” sa amu na nga adlaw.
