27/06/2026
Nasa AI generation na tayo, pero parang ang solusyon pa rin sa bawat trahedya ay sisihin ang video games. Mas nakakahiya pa na ang isang game developer ang gustong ipatawag at palabasing may pananagutan sa krimen ng isang tao, habang ang mga totoong isyung dapat pag-usapan ay tila nababalewala ang lala!
Alam n'yo ba kung gaano kahigpit ang Google Play at Apple App Store bago ka makapag-publish ng app o game? Sobrang daming policies, security checks, at age ratings. Hindi sila basta-basta nagpapahintulot ng content na lumalabag sa mga patakaran nila. May age ratings din para gabayan ang mga magulang kung ano lang ang angkop sa edad ng anak nila.
Kaya kung nakakalaro ang isang menor de edad ng 18+ na laro, ang tanong ay paano siya nagkaroon ng access? Sino ang gumawa ng account? Sino ang nagbigay ng cellphone? Sino ang nagmo-monitor sa paggamit niya?
Pero imbes na pag-usapan ang responsibilidad ng magulang, mental health, bullying, impluwensya ng paligid, at iba pang totoong problema, mas madaling sisihin ang video games.
Isa pa, tingnan natin ang realidad sa mga paaralan ngayon. Maraming g**o ang gustong magdisiplina ng estudyante pero natatakot na baka ireklamo o ma-viral ang anumang pagkilos nila. Kaya sa halip na makialam, may ilan na mas pinipiling umiwas sa gulo. Hindi ko sinasabing bumalik tayo sa pananakit ng bata, pero parang nawawala na rin ang awtoridad ng mga g**o para magtama ng maling ugali.
Noon, kapag bastos o walang respeto ang isang bata, maraming g**o ang talagang nagsisikap na ituwid ang ugali niya. Ngayon, mas mahirap na dahil bawat kilos nila puwedeng mali ang maging interpretasyon.
Kaya bago natin sisihin ang isang video game, baka mas dapat nating tanungin kung ano ba talaga ang nangyayari sa loob ng bahay, sa paaralan, at sa lipunan.
Hindi ako naniniwalang ang isang laro ang nagtuturo sa bata na pumatay. Kung ganoon lang kasimple ang dahilan, milyon-milyong gamers sa buong mundo ang dapat naging kriminal na rin. Hindi ganoon kasimple ang realidad.
