02/06/2026
NEMRC SA NPA, GIDEKLARANG NABUNGKAG HUMAN MISURINDER ANG NAHIBILING MIYEMBRO
CAMP EVANGELISTA, Cagayan de Oro City โ Gideklarar sa 4th Infantry Division (4ID) ang hingpit nga pagkabungkag sa Northeastern Mindanao Regional Committee (NEMRC) sa New Peopleโs Army (NPA) human misurinder ang tanang nahibiling miyembro niini sa Caraga Region.
Niadtong Mayo 27, 2026, tulo ka miyembro sa Regional Sentro de Gravidad (RSDG) sa NEMRC mitahan sa 401st Brigade ug mitugyan og usa ka carbine rifle, tulo ka magasin, ug 28 ka bala. Sumala sa militar, ang ilang pagsurinder tungod sa nagkadako nga demoralisasyon sulod sa grupo human mapatay ang ilang lider nga si Edilberto Daval alyas Bong/Waco/Bill sa engkwentro niadtong Mayo 11.
Miingon si Col. Glenn Joy U. Aynera, Acting Commander sa 401st Brigade, nga ang maong kalamboan nagtimaan sa usa ka dakong kadaogan sa ilang kampanya sa pagwagtang sa insurgency sa Caraga Region. Matod niya, ang pagsurinder sa nahibiling miyembro nagpasabot sa hingpit nga pagkabungkag sa usa sa dagkong pormasyon sa NPA sa Northeastern Mindanao.
Gidayeg usab ni Maj. Gen. Michele Anayron Jr. Angcao ang mga sundalo, lokal nga panggamhanan, ug mga komunidad tungod sa ilang kooperasyon sa padayon nga kampanya batok sa insurgency. Matod niya, ang maong kalamboan resulta sa lig-on nga koordinasyon sa militar ug stakeholders.
Gipahimangnoan usab sa militar nga magpadayon ang ilang mga programa alang sa reintegration sa mga former rebels pinaagi sa Enhanced Comprehensive Local Integration Program (E-CLIP) ug uban pang peace-building initiatives aron matabangan sila nga makabalik sa normal nga kinabuhi.
Source:4th Infantry Diamond Division Philippine Army
