Infinite Radio DXIR FM 94.3 Mhz.

06/11/2025

03/11/2025

📢 𝗣𝗨𝗕𝗟𝗜𝗖 𝗔𝗗𝗩𝗜𝗦𝗢𝗥𝗬
𝗦𝗨𝗦𝗣𝗘𝗡𝗦𝗜𝗢𝗡 𝗢𝗙 𝗖𝗟𝗔𝗦𝗦𝗘𝗦 | 𝗡𝗢𝗩𝗘𝗠𝗕𝗘𝗥 𝟰, 𝟮𝟬𝟮𝟱

Pursuant to the recommendation of the Municipal Disaster Risk Reduction and Management Council (LDRRMC), and upon the approval of our Municipal Mayor, Hon. Ramses Troy D. Olegario, classes in all levels, both public and private, are suspended today, November 4, 2025, due to the effects of Typhoon Tino.

The safety and well-being of our learners, teachers, and the general public remain our top priority. Everyone is advised to stay alert, avoid unnecessary travel, and continue monitoring official announcements for updates.

🌧 Stay safe, Ipileños! Let us all remain vigilant and prepared.

📞 ESSENTIAL HOTLINE NUMBERS
LDRRMO: 0997-642-7090
BFP: 0953-839-5673
Coast Guard: 0926-327-1734
PNP Ipil: 0927-9832-288
ZAMSURECO: 0935-2830-948

31/08/2025

10/07/2025

"MGA KANHING WALA NAKA-RENEW SA PRANGKISA SA TRICYCLE SA LUNGSOD SA IPIL, HINAY-HINAY NA NGA NAGPROSESO SA ILANG RENEWAL"

IPIL, ZAMBOANGA SIBUGAY - Ubay-ubay na nga mga nanag-iya sa mga tricycle o bao-bao dinhi sa lungsod sa Ipil ang malampuson nga nakaproseso sa renewal sa ilang prangkisa human nga nilingkod ang bag-ong mayor mayor sa lungsod nga si Hon. Ramses Troy "Rambo" Olegario.

Kahinumduman nga niadtong panahon sa kampanya sa nakalabay nga piniliay, usa sa nahimong saad sa kanhing kandidato pa nga si Rambo Olegario pagka-mayor sa lungsod mao ang paghatag ug patas nga kahigayonan ug prayoridad sa mga taga Ipil, diin partikular niining nahisgutan ang nahimong issue sa pag-renew sa franchise sa mga tricycle. Matud pa nga adunay daghang mga nanag-iya ug tricycle ang wala nahatagan sa renewal sa ilang prangkisa tungod sa rason nga politikal, diin matud pa, gikinahanglan pang mukuha ug endorsement gikan sa purok leaders sa mga politiko. Gani, usa sa nakita nga rason mao usab ang pag-apil sa balayranan sa TODA nga matud pa kung sutaon, wala kini kalabutan sa renewal sa franchise tungod kay kini usa ka balayranan nga dili iya sa lokal nga panggamhanan.

Tungod niini, dayon nga gimando ni Mayor Rambo nga kung unsa lamang ang anaa nahimutang sa ordinansa ang pagapangitaun gikan sa usa ka operator/driver nga buot mu-renew sa iyang franchise ug kun kumpleto ang dokumento ug usa kini ka taga-Ipil, walay rason nga dili ma-renew ang prangkisa. Labaw sa tanan, dili na kinahanglan pang muagi sa bisan kinsa nga staff sa Mayor's Office ang buot mupa-renew ug franchise. Muabot lamang kini matud pa sa iyang buhatan ug sa iyang lamesa sa panahon nga gikinahanglan na iyang pirma sa katapusan sa proceso.

Niini, giawhag sa mayor ang uban pang mga tricycle operators nga mu-renew na sa ilang franchise arun nga dili sila mabalaka sa ilang pagpamasahero sa sulod sa lungsod.

Gibutyag usab sa mayor nga anaa na balik sa mga kalsada sa lungsod ang bag-ong mga na-train nga mga taga MITSOM arun sa pagsiguro nga hapsay ang dagan sa trapiko ug aron nga masiguro nga insakto ang pagpatuman sa ordinansa sa prangkisa sa tricycle sa lungsod sa Ipil.

Sa laing bahin, ubay-ubay usab nga mga pasahero ang nanawagan sa lokal nga panggamhanan nga unta, mahatagan sa pagtagad ang ginahimong over-pricing sa pipila ka mga tricycle drivers. Sumala pa sa pipila ka mga commuters, adunay mga drivers nga pasagad ra ug paningil sa dili na makatarunganon nga plitehan. Gawas pa niini, ginareklamo usab sa pipila ka commuters ang mga drivers nga nagapanigarilyo.

Samtang, sa gipagawas nga FARE RATE sa Lokal nga Panggamhanan sa, ang plitehan sa lungsod magsugod sa P15 sa unang kilometro ug adunay dugang nga P5 matag kilometro. Ang mga senior citizens, PWD ug mga estudayante nga makapakita sa ilang ID, entitled usab sa 20% nga diskwento samtang libre ang batang naga-edad sa 7 anyos paubos. Alang sa mga reklamo mahitungod niini, nahimutang usab ang PNP Hotline number nga 09778490091.

10/07/2025

"GOV ANN HOFER, ZAMBOANGA SIBUGAY PLGU UG PDEA-SIBUGAY, GIPASIDUNGGAN ATUL SA IKA-23 NGA ANIBERSARYO SA PDEA"

IPIL, ZAMBOANGA SIBUGAY - Atol sa pagsaulog sa ika-23 nga anibersaryo sa pagmugna sa Philippine Drug Enforcement Agency (PDEA), usa ang lalawigan sa Zamboanga Sibugay nga napasidunggan pinaagi sa mga pag-ila gikan sa buhatan.

Sa gipahigayon nga Awards Night sa maong ahensya, malipayon nga gitunol ni PDEA Regional Director Maharani Gadaoni-Tosoc ang Best Provincial Office award ngadto sa PDEA-Zamboanga Sibugay Office, ug ang Best Provincial Officer award ngadto kang IA Dharyll Ian Pasagad. Gawas pa niini, giila usab sa PDEA IX ang kusganong suporta sa Provincial Government of Zamboanga Sibugay ngadto sa kampanya batok sa ilegal nga droga pinaagi sa pagtunol sa usa ka plaque of appreciation nga gidawat ni Mr. Jefferson Banawa isip representante gikan sa buhatan sa gobernador sa lalawigan. Sa laing bahin, gipasidunggan usab sa maong ahensiya si Gov. Dulce Ann Hofer sa iyang mga paningkamot isip chairman sa Regional Peace and Order Council.

Niini, dako ang pagpasalamat ni IA Pasagad sa suporta nga nadawat sa ilang buhatan dinhi sa lalawigan sa Zamboanga Sibugay tungod kay matod pa niini, dako gayud ang nahimong kontribusyon dili lamang sa Panggamhanang Probinsyal sa lalawigan ug mga opisyales niini, apan giili usab niini ang suporta sa uban pang mga stakeholders ug mga partner agencies. Kini matud pa tungod sa hugot nga pagpaningkamot sa Provincial Drug Enforcement Council (PDAC) nga gipanguluhan sa gobernador, Dr. Ann Hofer.

Nasayran nga ang PDEA namugna niadtong tuig 2002 pinaagi sa Comprehensive Dangerous Drugs Act isip mao ang mangulong ahensiya sa pakigbatok sa ilegal nga droga ug pagpatuman sa mga balaod batok niini.

-Credits to the owners of the photos

10/07/2025

"BUHATAN SA MSWD SA LUNGSOD SA IPIL, ANDAM NANG MUALAGAD SA MGA IPILEN̈OS BISAN PA MAN SA WEEKENDS"

IPIL, ZAMBOANGA SIBUGAY - Usa sa pinakaunang gisiguro ni Ipil Mayor Ramses Troy "Rambo" Olegario and padayon nga serbisyo ngadto sa mga Ipilen̈os partikular na alang niadtong gakinahanglan ug tabang sa pagpalubong o pagpatambal ubos sa buhatan sa Municipal Social Welfare and Development kun MSWDO.

Tungod niini, gimanduan sa mayor ang hepe sa MSWDO nga si Judy Cepe nga ipabilin nga abre ang ilang buhatan bisan pa man sa mga adlaw'ng Sabado ug Domonggo.

Giawhag usab ni Mayor Rambo ang Sangguniang Bayan sa lungsod nga mupasa ug usa ka ordinansa kalabot niini.

Dugang niini, gibutyag usab ni Mayor Rambo ang iyang gilatag nga palisiya alang sa mga taga-Ipil nga kinahanglang mugamit sa ambulansya. Matud pa niini, tungod kay emergency man ang hinungdan sa pagganit sa ambulansya, dili na kinahanglan pang muagi sa iyahang opisina ang request. Hinuon, laktod na nga murequest ang pamilya sa pasyente ngadto sa LDRRMO nga nahimutang sa kanhing Police Station nga ania lamang sa sentrong bahin sa lungsod sa Ipil.

-Credits to the owner of the photo

08/07/2025

08/07/2025

PAMUNUAN SA DGTHMC NANAWAGAN SA MGA SIBUGAYNON ALANG SA ONE TIME BIG TIME NGA MEDICAL/SURGICAL MISSION SA TZU CHI FOUNDATION

IPIL, ZAMBOANGA SIBUGAY - Nanawagan karun ang pamunuan sa Dr George T. Hofer Medical Center ngadto sa mga Sibugaynon nga adunay mga balatian sa lawas, labi na gayud niadtong mga nanginahanglan nga mupailalum sa minor operations alang sa ipahigayon nga dakong medical ug surgical mission sa Tzu Chi Philippines.

Matud pa ni Dr. Sherwin Bastero, ang Chief of Hospital, nga nakatakdang ipahigayon ang maong outreach karung umaabot nga Agosto 14-16, 2025 sa mismong DGTHMC diin ipahigayon ang mga operasyon, samtang sa Provincial Capitol usab ang mga medical check-up lakip na alang niadtong adunay mga problema sa mata ug sa alang niadtong mga buot nga mupaibot ug ngipon.

Gibutyag ni Bastero nga alang niadtong sa mga posibleng maoperahan, kasamtangan na silang nagahimo sa proceso sa screening sa mga adunay kaso sa Hernia, Hydrocoele ug Varicocoele surgery, ug Goiter, busa ginaawhag niini ang mga Sibugaynon nga karun pa lang, muadto na dayon sa tambalanan arun nga siguradong maapil kini sa lista ug makaavail sa talagsaon nga higayon. Hinuon, gidugang niini, mas maayo nga makabisita sa tambalanan sa adlaw nga Miyerkules tungod kay mao kini matud pa ang adlaw nga dili kaayo daghan ang pasyente base sa record sa tambalanan, apan bisan unsa pa man nga adlaw nga muadto ang pasyente, ila gayud kining hatagan ug pagtagad.

Giklaro ni Bastero nga ang screening alang lamang sa mga surgery cases tungod kay alang sa medical cases, pwede na silang muadto sa kapitolyo sa mismong mga adlaw sa schedule sa pagpahigayon sa medical/surgical mission.

Midugang usab si Dr. Michael Filoteo sa pagpasabot nga walay angay nga kabalak-an ang mga Sibugaynon tungod kay libre ang tanan labi na gayud ang mga tambal nga pagaimnon sa pasyente human nga mapahigayon ang surgery ug ang eksaminasyon. Gidugang niini nga ginaawhag usab nila ang mga ginikanan nga dad-un ang ilang mga anak, ug ginapahibalo usab nga adunay mga Opthalmologists nga muanhi, lakip na mga ENT (Ear, Nose and Throat) ug gani, adunay mga antipara nga ipang apud-apud. Aduna sab matud pay mga espeyalistang OB-Gyne nga muserbisyo, lakip na ang pagsukod sa mga prosthetics.

Alang matud pa sa mga buot mu-avail sa serbisyong medikal, mahimo matud pang muadto sa ilang mga RHU sa lungsod o bisan pa man sa mga Municipal Coordinators ni Gov. Ann Hofer arun sa pagpalista.

Ang maong kalihukan hugot nga gisuportahan sa Panggamhanang Probinsyal sa Zamboanga Sibugay ug dako ang ilang panghinaut nga daghan sa mga Sibugaynon ang maka-avail niining talagsaong serbisyo.

07/07/2025

USA KA-ALYAS "JERRY" SIKOP SA OPLAN PAGTUGIS SA LUNGSOD SA IPIL, LALAWIGAN SA ZAMBOANGA SIBUGAY

Ipil, Zamboanga Sibugay — Nasikop sa mga otoridad ang usaka alyas Jerry, 46 anyos, usa ka private es**rt ug lumulupyo sa Barangay Tiayon, Ipil, Zamboanga Sibugay, atol sa operasyon nga gipahigayon sa Purok Hayahay, Brgy. Tiayon niadtong Hulyo 5, 2025, adlaw nga Sabado, bandang alas-4:30 ang takna sa hapon.

Gipanguluhan sa Criminal Investigation and Detection Group Region 9 RSOT (Lead Unit) ang maong operasiyon ubos sa pagdumala ni PCpl Cristian Robert Kenn B. Villasis, Chief Investigator PNCO, ug gilatid sa direktang pagdumala ni PLTCOL Yancee Butch Golocan, Team Leader sa CIDG RSOT. Nakig-alayon usab ang mga sakop sa Pagadian City Police Station ug Ipil Municipal Police Station sa pagserbisyo sa Warrant of Arrest batok kang alyas Jerry nga gipasakaan og kaso nga Attempted Murder ug Alarm and Scandal (Criminal Case No. 14378-2K19) nga adunay girekomendar nga piyansa ngadto na sa ₱100,000. Ang warrant giisyu ni Hon. Felix Rodriguez Jr., huwes sa Branch 18, Pagadian City, niadtong Mayo 2, 2019.

Gayod dayon nga gipasabot sa mga otoridad ang katungod sa suspetsado ubos sa Miranda Doctrine gamit ang pinulungan nga iyang nasabtan. Ang operasiyon narekord usab pinaagi sa duruha ka Alternative Recording Devices (ARD): BOBLOV N9 (Serial No. 2324283SMT001) ug BOBLOV T5 (Serial No. FFMPH1017397788).

Human sa pagkasikop, gidala si alyas Jerry ngadto sa buhatan sa CIDG9 RSOT Sub-Office sa Ipil alang sa dokumentasyon ug pag-andam sa papeles sa pagsumite sa korte.

04/07/2025

"BAG-ONG KAPITAN UG KAGAWAD SA BARANGAY IPIL HEIGHTS NANUMPA NA HUMAN NGA NAPILI ISIP KONSEHAL SA LUNGSOD SI KANHING KAPITAN IRIC ALIBUTDAN"

IPIL. ZAMBOANGA SIBUGAY - Nanumpa na isip bag-ong punong barangay sa Barangay Ipil Heights ang number one kagawad nga si Hon. Ian Albrecht human sab opisyal nga nanumpa isip Sangguniang Bayan Member ang kanhing kapitan nga si Hon Iric Alibutdan. Ang pagpanumpa ni Alibutdan isip SB Member maoy hinungdan nga nadeklarar nga permanenteng bakante na ang posisyon isip punong barangay sa naasoy'ng barangay.

Kauban ni Albrecht ang iyang pamilya atol sa gipahigayon nga "oath-taking" sa Mayor's Office dinhi sa lungsod sa Ipil nga gisaksihan usab ni kanhing Kapitan Alibutdan, kauban ni SB Member Jong Alcoriza ug Kapitan Dilbert Ramizo sa Barangay Buluan.

Human nga nanumpa ang bag-ong kapitan, dayon sab nga nanumpa ang mihulip sa bakanteng puwesto isip kagawad sa barangay ang igsoon sa kanhing kapita nga si Hon George Alibutdan diin giubanan usab kini sa iyang kapikas sa kinabuhi.

Nasayran nga ang nahisgutang oath-taking mao ang pinaunang gipahigayon sa Mayor's Office human nga milingkod isip mayor si Hon. Ramses Troy "Rambo" Olegario.

Kini matud pa ni Mayor Rambo, "Arun nga dili malangan ang mga kalambuan nga ipatuman sa barangay Ipil Heights".