ISATV Channel

08/06/2026

𝗕𝗔𝗟𝗜𝗧𝗔𝗡𝗚 𝗛𝗔𝗣𝗜𝗦𝗔𝗕𝗘𝗟𝗔 | Suspendido ang klase sa lahat ng antas sa Isabela City, Basilan, ngayong araw, Hunyo 8, matapos ang malalakas na lindol na yumanig sa bahagi ng Mindanao.

Ilang paaralan, kabilang ang isang gusali sa Maligue Elementary School, ang nagtamo ng pinsala dahilan upang magsagawa agad ng safety measures ang mga awtoridad.

Patuloy namang minomonitor ng Pamahalaang Lungsod, sa pangunguna ni Mayor Sitti Djalia Turabin-Hataman at ng CDRRMO, ang kalagayan ng lungsod at mga coastal barangay. Pinapayuhan ang publiko na manatiling alerto at sumunod sa mga opisyal na anunsyo para sa kanilang kaligtasan.

08/06/2026

𝗕𝗔𝗥𝗔𝗡𝗚𝗔𝗬 𝗣𝗔𝗡𝗜𝗚𝗔𝗬𝗔𝗡, 𝗣𝗔𝗧𝗨𝗟𝗢𝗬 𝗡𝗔𝗡𝗚 𝗡𝗔𝗚𝗠𝗢𝗡𝗜𝗧𝗢𝗥 𝗦𝗔 𝗣𝗔𝗚𝗧𝗔𝗔𝗦 𝗔𝗧 𝗣𝗔𝗚𝗕𝗔𝗕𝗔 𝗡𝗚 𝗧𝗨𝗕𝗜𝗚-𝗗𝗔𝗚𝗔𝗧 | Patuloy na naka-alerto ang mga opisyal ng Barangay Panigayan, Hunyo 8, matapos maobserbahan ang hindi pangkaraniwang pagtaas at pagbaba ng tubig-dagat sa kanilang baybayin.

Bilang pag-iingat, patuloy ang monitoring ng barangay upang matiyak ang kaligtasan ng mga residente, lalo na yaong nakatira malapit sa dalampasigan at mabababang lugar.

(Larawan mula sa Barangayn Panigayan page)

08/06/2026

𝗕𝗔𝗥𝗔𝗡𝗚𝗔𝗬 𝗠𝗔𝗥𝗔𝗡𝗚-𝗠𝗔𝗥𝗔𝗡𝗚, 𝗡𝗔𝗚𝗠𝗢𝗠𝗢𝗡𝗜𝗧𝗢𝗥 𝗦𝗔 𝗡𝗜𝗢𝗢𝗕𝗦𝗘𝗥𝗕𝗔𝗛𝗔𝗡𝗚 𝗣𝗔𝗚𝗚𝗔𝗟𝗔𝗪𝗔𝗗 𝗦𝗔 𝗧𝗨𝗕𝗜𝗚-𝗗𝗔𝗚𝗔𝗧 | Patuloy na naka-alerto ang mga opisyal ng Barangay Marang-Marang kasama ang mga tanod at BION patrollers matapos maobserbahan ang hindi pangkaraniwang pagtaas at pagbaba ng tubig-dagat sa kanilang baybayin, Hunyo 8.

Sa patuloy na monitoring ng barangay, pinaiigting ang pagbabantay sa kalagayan ng dagat bilang bahagi ng pag-iingat at pagtitiyak sa kaligtasan ng mga residente, lalo na yaong nakatira sa mga mabababang lugar at malapit sa dalampasigan.

Mahigpit na pinapayuhan ang publiko na manatiling alerto, iwasan muna ang paglapit sa baybayin, at makinig lamang sa mga opisyal na abiso mula sa mga kinauukulan.

(Larawan at detalye mula sa Barangay Marang-Marang Information Office)

08/06/2026

𝗖𝗢𝗔𝗦𝗧 𝗚𝗨𝗔𝗥𝗗 𝗦𝗧𝗔𝗧𝗜𝗢𝗡 𝗜𝗦𝗔𝗕𝗘𝗟𝗔, 𝗡𝗔𝗚𝗦𝗔𝗚𝗔𝗪𝗔 𝗡𝗚 𝗠𝗢𝗡𝗜𝗧𝗢𝗥𝗜𝗡𝗚 𝗦𝗔 𝗕𝗔𝗬𝗕𝗔𝗬𝗜𝗡 𝗠𝗔𝗧𝗔𝗣𝗢𝗦 𝗡𝗚 𝗧𝗦𝗨𝗡𝗔𝗠𝗜 𝗔𝗟𝗘𝗥𝗧 | Bilang tugon sa inilabas na tsunami alert kaugnay ng naitalang lindol, nagsagawa ang Coast Guard Station Isabela ng coastal monitoring at information drive sa mga komunidad na nasa baybayin ng lungsod, Hunyo 8.

Ipinakalat ng mga tauhan ng Philippine Coast Guard ang mahahalagang impormasyon at safety advisories sa mga residente, mangingisda, at operator ng mga sasakyang pandagat. Binigyang-diin ang kahalagahan ng pagiging alerto, pakikinig sa opisyal na anunsyo mula sa mga kinauukulang ahensya, at pagsunod sa mga safety at evacuation protocols.

Layunin ng aktibidad na palakasin ang kamalayan at kahandaan ng mga coastal communities sa posibleng panganib at tamang pagtugon sa mga emergency situation.

Patuloy na naka-heightened alert ang Coast Guard Station Isabela at nakikipag-ugnayan sa mga lokal na pamahalaan at iba pang ahensya upang matiyak ang kaligtasan ng publiko.

(Larawan at detalye mula sa Coast Guard Station Isabela)

08/06/2026

𝗕𝗔𝗥𝗔𝗡𝗚𝗔𝗬 𝗟𝗨𝗞𝗕𝗨𝗧𝗢𝗡, 𝗔𝗚𝗔𝗗 𝗡𝗔𝗚𝗠𝗢𝗡𝗜𝗧𝗢𝗥 𝗦𝗔 𝗕𝗔𝗬𝗕𝗔𝗬𝗜𝗡 𝗠𝗔𝗧𝗔𝗣𝗢𝗦 𝗡𝗚 𝗟𝗜𝗡𝗗𝗢𝗟 | Kasunod ng naramdamang lindol, Hunyo 8, kaninang umaga pasado alas 7:00, naitala ang magnitude 6.7 na pagyanig sa lugar.

Agad namang rumesponde ang mga opisyal ng Barangay Lukbuton sa pangunguna ni Kapitana Sarahaida Tiplani, kasama ang mga opisyal ng barangay, Chief Tanod, BION, at mga barangay tanod, na agad na nag-alarma at nagsagawa ng monitoring sa baybayin.

Patuloy ang paalala sa mga residente, lalo na sa mga nakatira malapit sa baybayin, na manatiling alerto, mapagmatyag, at laging handa sa anumang posibleng pangyayari.

(Ulat at larawan mula kay Ihnee Salih, BIO Patroller ng Barangay Lukbuton)

08/06/2026

𝗠𝗚𝗔 𝗥𝗘𝗦𝗜𝗗𝗘𝗡𝗧𝗘 𝗦𝗔 𝗕𝗔𝗥𝗔𝗡𝗚𝗔𝗬 𝗧𝗔𝗠𝗣𝗔𝗟𝗔𝗡, 𝗟𝗨𝗠𝗜𝗞𝗔𝗦 𝗣𝗔𝗧𝗨𝗡𝗚𝗢 𝗦𝗔 𝗕𝗔𝗥𝗔𝗡𝗚𝗔𝗬 𝗦𝗧𝗔. 𝗕𝗔𝗥𝗕𝗔𝗥𝗔 | Lumikas na ang mga residente mula sa Barangay Tampalan patungo sa Malamawi Central Elementary School (MCES) sa Sta. Barbara, Malamawi, Isabela City, Hunyo 8, matapos makapansin ng pagtaas ng lebel ng tubig sa dagat bilang bahagi ng precautionary at safety measures.

Agad na isinagawa ang paglikas ng mga pamilya mula sa mga siksikang kabahayan upang matiyak ang kanilang kaligtasan at maiwasan ang posibleng panganib dulot ng sitwasyon.

Bilang pag-iingat kaugnay ng naitalang lindol at tsunami alert, kasalukuyang nagsasagawa ang Isabela City Disaster Risk Reduction and Management Office ng shoreline monitoring upang bantayan ang anumang hindi pangkaraniwang pagtaas o paggalaw ng tubig-dagat.

Pinapayuhan ang publiko na manatiling alerto, umiwas muna sa mga baybaying lugar, at patuloy na makinig sa mga opisyal na anunsyo mula sa mga kinauukulang ahensya.

Manatiling kalmado, mapagmatyag, at laging unahin ang kaligtasan.

Manatiling nakatutok para sa karagdagang updates.

(Photos by Eleanor Montaño Brussett)

08/06/2026

𝗟𝗜𝗡𝗗𝗢𝗟, 𝗡𝗔𝗥𝗔𝗠𝗗𝗔𝗠𝗔𝗡 𝗦𝗔 𝗠𝗔𝗟𝗜𝗚𝗨𝗜 𝗘𝗟𝗘𝗠𝗘𝗡𝗧𝗔𝗥𝗬 𝗦𝗖𝗛𝗢𝗢𝗟 𝗦𝗔 𝗜𝗦𝗔𝗕𝗘𝗟𝗔 𝗖𝗜𝗧𝗬; 𝗦𝗔𝗙𝗘𝗧𝗬 𝗣𝗥𝗢𝗧𝗢𝗖𝗢𝗟𝗦, 𝗔𝗚𝗔𝗗 𝗡𝗔 𝗜𝗣𝗜𝗡𝗔𝗧𝗨𝗣𝗔𝗗 | Naramdaman ang pagyanig ng lindol sa Maligui Elementary School sa Isabela City, Hunyo 8, kung saan agad na isinagawa ng paaralan ang mga nakatakdang safety protocols upang matiyak ang kaligtasan ng mga mag-aaral at kawani.

Batay sa paunang inspeksyon, nakitaan ng mga bitak ang ilang poste at panlabas na pader ng mga silid-aralan dulot ng epekto ng lindol. Patuloy na isinasagawa ang masusing monitoring at structural assessment ng paaralan upang matiyak na ligtas at angkop pa rin ang kapaligiran para sa pag-aaral ng mga mag-aaral.

Ayon sa PHIVOLCS, naitala ang isang magnitude 7.8 na lindol bandang 7:37 a.m. sa kanluran ng Maasim, Sarangani, na sinundan ng magnitude 6.7 na lindol bandang 8:55 a.m. sa kanluran ng Balut Island, Sarangani, Davao Occidental.

Patuloy ang paalala sa publiko na manatiling alerto at sumunod sa mga safety measures sa panahon ng aftershocks.

Manatiling nakatutok para sa karagdagang updates.

(Photos by Rhonaleen Natividad-Sarael)

08/06/2026

08/06/2026

𝗔𝗗𝗩𝗜𝗦𝗢𝗥𝗬 𝗦𝗔 𝗦𝗨𝗦𝗣𝗘𝗡𝗦𝗬𝗢𝗡 𝗡𝗚 𝗠𝗚𝗔 𝗞𝗟𝗔𝗦𝗘

𝗝𝘂𝗻𝗲 𝟴, 𝟮𝟬𝟮𝟲

Alinsunod sa inilabas na Tsunami Alert ng Philippine Institute of Volcanology and Seismology (PHIVOLCS) at bilang pag-iingat para sa kaligtasan ng mga mag-aaral, g**o, at kawani ng paaralan, 𝗶𝗻𝗮𝗮𝗻𝘂𝗻𝘀𝗶𝘆𝗼 𝗮𝗻𝗴 𝘀𝘂𝘀𝗽𝗲𝗻𝘀𝘆𝗼𝗻 𝗻𝗴 𝗺𝗴𝗮 𝗸𝗹𝗮𝘀𝗲 𝘀𝗮 𝗹𝗮𝗵𝗮𝘁 𝗻𝗴 𝗮𝗻𝘁𝗮𝘀, 𝗽𝗮𝗺𝗽𝘂𝗯𝗹𝗶𝗸𝗼 𝗮𝘁 𝗽𝗿𝗶𝗯𝗮𝗱𝗼, 𝘀𝗮 𝗜𝘀𝗮𝗯𝗲𝗹𝗮 𝗖𝗶𝘁𝘆, 𝗲𝗽𝗲𝗸𝘁𝗶𝗯𝗼 𝗮𝗴𝗮𝗱 𝗵𝗮𝗻𝗴𝗴𝗮𝗻𝗴 𝘀𝗮 𝗺𝗮𝗴𝗹𝗮𝗯𝗮𝘀 𝗻𝗴 𝗸𝗮𝗿𝗮𝗴𝗱𝗮𝗴𝗮𝗻𝗴 𝗮𝗻𝘂𝗻𝘀𝗶𝘆𝗼.

Pinapayuhan ang lahat ng residente, lalo na ang mga nakatira sa mga baybaying lugar, na manatiling mapagmatyag at sumunod sa mga abiso at direktiba ng mga kinauukulang awtoridad.

Patuloy na minomonitor ng Pamahalaang Lungsod ng Isabela, sa pamamagitan ng City Disaster Risk Reduction and Management Office (CDRRMO), ang sitwasyon at agad na magbibigay ng mga kaukulang update sa publiko.

𝗔𝗻𝗴 𝗸𝗮𝗹𝗶𝗴𝘁𝗮𝘀𝗮𝗻 𝗻𝗴 𝗯𝗮𝘄𝗮𝘁 𝗜𝘀𝗮𝗯𝗲𝗹𝗲ñ𝗼 𝗮𝗻𝗴 𝗮𝘁𝗶𝗻𝗴 𝗽𝗶𝗻𝗮𝗸𝗮𝗺𝗮𝗵𝗮𝗹𝗮𝗴𝗮𝗻𝗴 𝗽𝗿𝗶𝗼𝗿𝗶𝗱𝗮𝗱.

🌊 𝗔𝗗𝗩𝗜𝗦𝗢𝗥𝗬 𝗦𝗔 𝗦𝗨𝗦𝗣𝗘𝗡𝗦𝗬𝗢𝗡 𝗡𝗚 𝗠𝗚𝗔 𝗞𝗟𝗔𝗦𝗘

𝗝𝘂𝗻𝗲 𝟴, 𝟮𝟬𝟮𝟲

Alinsunod sa inilabas na Tsunami Alert ng Philippine Institute of Volcanology and Seismology (PHIVOLCS) at bilang pag-iingat para sa kaligtasan ng mga mag-aaral, g**o, at kawani ng paaralan, 𝗶𝗻𝗮𝗮𝗻𝘂𝗻𝘀𝗶𝘆𝗼 𝗮𝗻𝗴 𝘀𝘂𝘀𝗽𝗲𝗻𝘀𝘆𝗼𝗻 𝗻𝗴 𝗺𝗴𝗮 𝗸𝗹𝗮𝘀𝗲 𝘀𝗮 𝗹𝗮𝗵𝗮𝘁 𝗻𝗴 𝗮𝗻𝘁𝗮𝘀, 𝗽𝗮𝗺𝗽𝘂𝗯𝗹𝗶𝗸𝗼 𝗮𝘁 𝗽𝗿𝗶𝗯𝗮𝗱𝗼, 𝘀𝗮 𝗜𝘀𝗮𝗯𝗲𝗹𝗮 𝗖𝗶𝘁𝘆, 𝗲𝗽𝗲𝗸𝘁𝗶𝗯𝗼 𝗮𝗴𝗮𝗱 𝗵𝗮𝗻𝗴𝗴𝗮𝗻𝗴 𝘀𝗮 𝗺𝗮𝗴𝗹𝗮𝗯𝗮𝘀 𝗻𝗴 𝗸𝗮𝗿𝗮𝗴𝗱𝗮𝗴𝗮𝗻𝗴 𝗮𝗻𝘂𝗻𝘀𝗶𝘆𝗼.

Pinapayuhan ang lahat ng residente, lalo na ang mga nakatira sa mga baybaying lugar, na manatiling mapagmatyag at sumunod sa mga abiso at direktiba ng mga kinauukulang awtoridad.

Patuloy na minomonitor ng Pamahalaang Lungsod ng Isabela, sa pamamagitan ng City Disaster Risk Reduction and Management Office (CDRRMO), ang sitwasyon at agad na magbibigay ng mga kaukulang update sa publiko.

𝗔𝗻𝗴 𝗸𝗮𝗹𝗶𝗴𝘁𝗮𝘀𝗮𝗻 𝗻𝗴 𝗯𝗮𝘄𝗮𝘁 𝗜𝘀𝗮𝗯𝗲𝗹𝗲ñ𝗼 𝗮𝗻𝗴 𝗮𝘁𝗶𝗻𝗴 𝗽𝗶𝗻𝗮𝗸𝗮𝗺𝗮𝗵𝗮𝗹𝗮𝗴𝗮𝗻𝗴 𝗽𝗿𝗶𝗼𝗿𝗶𝗱𝗮𝗱.