Daily Cops

07/09/2025

₱15.7 MILYONG HALAGA NG SMUGGLED CI******ES NASAMSAM SA JOINT OPERASYON NG PNP AT BUREAU OF CUSTOMS

Matagumpay na naharang ng Philippine National Police (PNP), sa pakikipagtulungan sa Bureau of Customs, ang dalawang trak na naglalaman ng smuggled na sigarilyo na tinatayang nagkakahalaga ng ₱15.7 milyon sa Cotabato noong Setyembre 4, 2025. Naganap ang operasyon bandang 1:30 ng hapon sa Panatan Border Checkpoint, Pigcawayan.

Natuklasan na ang mga nasabing sasakyan, isang orange na Mitsubishi Fuso at isang blue na Mitsubishi Fuso, ay puno ng 400 kahon o 20,000 reams ng Fort at Berlin brand na sigarilyo. Anim na suspek—na kilala sa alyas na “Karl,” “Joy,” “Mike,” “Rods,” “Antoy,” at “Roy”—ang naaresto at kasalukuyang nasa kustodiya ng Pigcawayan Municipal Police Station.

Ang mga nakumpiskang sigarilyo ay binilang sa mismong lugar sa harap ng mga opisyal ng barangay at media upang matiyak ang malinaw na proseso. Ito ay opisyal na isusumite sa Bureau of Customs para sa tamang dokumentasyon. Ang mga inarestong suspek ay haharap sa kaso sa ilalim ng Republic Act No. 10863 (Customs Modernization and Tariff Act), Graphic Health Warning Law, at Republic Act No. 12022 tungkol sa Agricultural Economic Sabotage.

Pinuri ni Acting Chief PNP PLTGEN Jose Melencio C. Nartatez Jr. ang mabilis na aksyon ng mga operatiba at ang tulong ng Bureau of Customs at lokal na opisyal. Binigyang-diin niya ang patuloy na pagsisikap ng PNP na protektahan ang publiko at ang ekonomiya laban sa mga ilegal na gawain.

“Nawa'y magsilbing malinaw na babala ito sa lahat ng nagnanais lumabag sa batas. Ang smuggling, economic sabotage, at iba pang krimen ay hindi kaylan man natin papayagan. Kasama ng ating mga katuwang na ahensya, titiyakin ng PNP na papanagutin ang mga lumalabag sa batas,” wika ni PLTGEN Nartatez.

Ang matagumpay na operasyon na ito ay patunay ng patuloy na pagsusumikap ng PNP na pangalagaan ang mga komunidad at ang pambansang interes ng ekonomiya.

07/09/2025

07/09/2025

07/09/2025

September 7, 2025
Gospel: Luke 14: 25-33
Reflection: The Cost of Discipleship

07/09/2025

07/09/2025

PNP, PDEA NAKAKUMPISKA NG P2.77M NG DROGA SA LANAO DEL SUR, SUSPEK ARESTADO

Isang pinagsanib na operasyon laban sa droga na isinagawa ng mga tauhan ng Philippine National Police (PNP) at Philippine Drug Enforcement Agency (PDEA) ang nagresulta sa pag-aresto sa isang suspek at pagkaka-recover ng mahigit P2.7 milyong halaga ng hinihinalang shabu nitong Biyernes ng hapon, Setyembre 5, 2025.

Bandang alas-3:30 ng hapon, isinagawa ng mga operatibo mula sa Bacolod-Kalawi Municipal Police Station, 1st PMFC ng Lanao del Sur Police Provincial Office (PPO), RPDEU BAR, SOU BAR ng PNP-DEG, 45th SAC, 4th SAB ng PNP-SAF, at PDEA Lanao del Sur Provincial Office ang isang buy-bust operation sa Barangay Ampao. Ang operasyon ay nauwi sa isang armadong engkwentro kung saan sugatan ang suspek.

Agad dinala ang suspek sa Medical Center para sa agarang lunas bago ito isinailalim sa Bacolod-Kalawi MPS kasama ang mga nakumpiskang kagamitan. Nakuha mula sa suspek ang tinatayang 406.9 gramo ng hinihinalang shabu, buy-bust money, isang cal. 9mm pistol na may sampung bala, anim na fired cartridges mula sa parehong baril, at iba pang non-drug items. Ang tinatayang standard drug price ng nasabing shabu ay Php2,766,920.00.

Ang suspek ay haharap sa kaukulang kaso ayon sa Republic Act 9165 o Comprehensive Dangerous Drugs Act of 2002.

Sa isang pahayag, sinabi ni Acting Chief PNP PLTGEN Jose Melencio C. Nartatez Jr, "Ang matagumpay na operasyon na ito ay patunay ng walang humpay na dedikasyon ng ating kapulisan at mga katuwang na ahensiya sa pagpapatupad ng batas laban sa ilegal na droga. Ang PNP ay patuloy na nakatuon sa pagtiyak na ang ating mga komunidad ay ligtas mula sa masasamang dulot ng droga at karahasan."

Tinitiyak ng PNP sa publiko na ipagpapatuloy nito ang walang tigil na kampanya laban sa ilegal na droga habang pinangangalagaan ang karapatan at buhay ng bawat mamamayan.

01/09/2025

WALANG QUOTA, PURONG RESULTA: MALALAKING TAGUMPAY NG PNP VS WANTED AT DROGA

Sa kanyang unang opisyal na press briefing bilang Acting Chief ng Philippine National Police, iniulat ni Police Lieutenant General Jose Melencio C. Nartatez Jr. ang mahahalagang tagumpay ng pambansang pulisya mula Agosto 22 hanggang 28, 2025 sa pinaigting na kampanya laban sa mga wanted persons at ilegal na droga.

Ayon kay PLTGEN Nartatez, matagumpay na naaresto ng iba’t ibang yunit ng PNP sa buong bansa ang 1,059 na indibidwal na may kasong kinahaharap, kabilang dito ang 236 Most Wanted Persons at 823 iba pang wanted persons.

Samantala, sa pinaigting na kampanya kontra ilegal na droga, nagsagawa ang PNP ng 924 police operations na nagresulta sa pagkaka-aresto ng 1,055 drug suspects. Narekober sa mga operasyon ang tinatayang 5,555 gramo ng shabu, 665 piraso ng tuyong dahon ng ma*****na, at 3,170 ma*****na plants. Ang mga nakumpiskang droga ay may tinatayang Standard Drug Price (SDP) na mahigit Php 38.4 milyon.

Binigyang-diin ng Acting Chief PNP na walang quota sa pag-aresto, at lahat ng tagumpay na ito ay bunga ng intelihensiya at masusing imbestigasyon ng mga yunit ng pulisya.

“Lahat ng ating anti-criminality efforts, partikular sa crime prevention, ay nakaangkla sa Enhanced Managing Police Operations o EMPO. Ang mga resulta na ito ay malinaw na patunay ng dedikasyon ng ating mga yunit sa pagpapanatili ng kaligtasan ng komunidad at pagtitiyak ng tiwala ng publiko,” ani PLTGEN Nartatez.

Tiniyak din niya sa publiko na sa ilalim ng kanyang pamumuno, mananatiling matatag ang PNP sa pagtugis sa mga lumalabag sa batas, pagpuksa sa operasyon ng iligal na droga, at mahigpit na pagrespeto sa due process at karapatang pantao.

01/09/2025

01/09/2025