DXVL 94.9 News and Public Affairs

24/09/2025

𝗨𝗦𝗠 𝗖𝗼𝗹𝗹𝗲𝗴𝗲 𝗼𝗳 𝗠𝗲𝗱𝗶𝗰𝗶𝗻𝗲, 𝗻𝗮𝗸𝗶𝗶𝘀𝗮 𝘀𝗮 𝗺𝗲𝗱𝗶𝗰𝗶𝗻𝗲 𝘄𝗲𝗲𝗸 𝗻𝗴 𝗣𝗵𝗶𝗹𝗶𝗽𝗽𝗶𝗻𝗲 𝗠𝗲𝗱𝗶𝗰𝗮𝗹 𝗔𝘀𝘀𝗼𝗰𝗶𝗮𝘁𝗶𝗼𝗻

Nakiisa ang University of Southern Mindanao- College of Medicine sa selebrasyon ng medicine week ng Philippine Medical Association, North Cotabato, Medical Society.

Tema ng medicine week ngayong taon ay “Manggagamot at Mamamayan, Magkaisa itaguyod ang Health for People”.
Tampok sa naturang selebrasyon ang pagsasagawa ng Public Health Advisories, forums at iba pa na magpopromote ng health awareness sa komunidad.

Sa panayam kay Dr. Josephine Buison, binigyang diin nito ang kahalagahan ng pagtugon sa malnutrisyon sa mga bata. Aniya, mahalagang mabigyan ng sapat na nutrisyon ang mga bata mula sa sinapupunan hanggang sa paglaki nito.

Paliwanag niya, sa murang edad nagsisimulang madevelop ang kanilang utak, buto at kalamnan kaya mahalaga na mabigyan sila ng sapat na nutrisyon at masustansyang pagkain. Ito rin ang panahon na tinuturuan sila ng tamang asal sa pagkain kaya mahalaga aniya na maging huwaran ang mga magulang sa mga bata para sa kanilang pagkatuto at paglaki na may malusog na isip at pangangatawan.

24/09/2025

: SUSPENDIDO muna ang klase sa University of Southern Mindanao mula September 25 hanggang October 1, 2025 upang mabigyan ng pagkakataon ang lahat ng estudyante na makalahok at maenjoy ang mga aktibidad ng Pasiklaban 2025.

Ayon sa inilabas na Memorandum Order No. 081 ng Office of the Vice President for Academic Affairs na pirmado ni VPAA Leorence C. Tandog, ito ay bilang pakikiisa sa partisipasyon ng mga estudyante sa Pasiklaban at bilang pagtugon sa request ng USG na kanselahan pansamantala ang klase.

Hindi naman saklaw ng suspensyon ang pasok ng mga estudyanteng sumasailalim sa OJT, RLE at ibang pang field study courses.

23/09/2025

PHILIPPINE MEDICAL ASSOCIATION -NORTH COTABATO MEDICAL SOCIETY MEDICINE WEEK | SEPTEMBER 23, 2025

22/09/2025

MORNING GISING | SEPTEMBER 23, 2025

22/09/2025

NEWS ON THE GO | SEPTEMBER 22, 2025

19/09/2025

19/09/2025

𝗗𝗔-𝗣𝗖𝗖, 𝗶𝗴𝗶𝗻𝗶𝗶𝘁 𝗮𝗻𝗴 𝘀𝘂𝗽𝗼𝗿𝘁𝗮 𝗻𝗴 𝗟𝗚𝗨 𝗮𝘁 𝗞𝗼𝗻𝗴𝗿𝗲𝘀𝗼 𝘀𝗮 𝗽𝗮𝗴𝗽𝗮𝗽𝗮𝘁𝗶𝗯𝗮𝘆 𝗻𝗴 𝗽𝗼𝗹𝗶𝘀𝗶𝘆𝗮 𝗽𝗮𝗿𝗮 𝘀𝗮 𝗶𝗻𝗱𝘂𝘀𝘁𝗿𝗶𝘆𝗮 𝗻𝗴 𝗸𝗮𝗹𝗮𝗯𝗮𝘄

Binigyang-diin ng Philippine Carabao Center (PCC) sa pamamagitan ni Executive Director III Dr. Liza Battad ang kahalagahan ng pakikipagtulungan sa LGU, kongreso at senado sa pagpapatibay ng mga polisiya at batas na susuporta sa inobasyon sa industriya ng kalabaw.

Ipinunto niya ang PCC 2040 foresight na naglalatag ng mga teknolohiyang dapat pondohan ng DOST, DA at DBM upang maisulong ang adoption ng makabagong pamamaraan sa pag-aalaga ng kalabaw. Umaasa rin siya na magreresulta ito sa konkretong policy resolution mula sa NCISA para sa buong carabao value chain.

Kabilang sa mga bagong inobasyon ang s*x semen artificial insemination na magbibigay-daan para makapili ng kasarian ng ipapanganak na biik ng kalabaw.

Matatandaan na sa nakaraang Mindanao Carabao Conference sa USM ay natalakay ang pagbaba ng populasyon ng kalabaw. Mabagal ang paglago nito sa Mindanao, habang malakas ang konsumo sa Visayas at Region 2 na may positibo at negatibong epekto sa industriya.

Kasabay nito, tumataas ang demand at presyo ng karne ng kalabaw sa mga lugar na tinamaan ng African Swine Fever (ASF), habang sa ibang rehiyon gaya ng Bicol ay lumalawak naman ang oportunidad para sa dairy production.

Sa huli, pinasalamatan ni Battad ang mga magsasakang patuloy na nakikinabang sa programang pangkalabaw.

19/09/2025

𝟭𝟭𝘁𝗵 𝗡𝗮𝘁𝗶𝗼𝗻𝗮𝗹 𝗖𝗮𝗿𝗮𝗯𝗮𝗼 𝗖𝗼𝗻𝗳𝗲𝗿𝗲𝗻𝗰𝗲 (𝗡𝗖𝗖), 𝗶𝘀𝗶𝗻𝗮𝗴𝗮𝘄𝗮 𝘀𝗮 𝗨𝗻𝗶𝘃𝗲𝗿𝘀𝗶𝘁𝘆 𝗼𝗳 𝗦𝗼𝘂𝘁𝗵𝗲𝗿𝗻 𝗠𝗶𝗻𝗱𝗮𝗻𝗮𝗼

Para matuto ng iba’t-ibang paraan, impormasyon at tugunan ang policy concerns ng Carabao Industry, isinagawa ng National Carabao Industry Stakeholders Association (NCISA), kasama ang Department of Agriculture- Philippine Carabao Center (DA- PCC), ang 11th National Carabao Conference (NCC) sa University of Southern Mindanao sa Kabacan, Cotabato.

Ang NCC ay inilunsad noong 2015 sa inisyatiba ni dating DA-PCC Executive Director, Dr. Arnel Del Barrio, na naglalayong pagsama-samahin ang mga kalahok, katiwala, at lahat ng mga may kaugnayan sa industriyang salig sa kalabaw, pero simula noong nakaraang taon ay pormal nang inilipat ng DA-PCC sa NCISA ang pamamahala.

Naging tema ng NCC ngayong taon ay “Matatag na Industriya ng Pagkakalabawan at Gatas: Maunlad na Ekonomiya ng Pilipinas”.

Ang NCISA ay isang grupo ng mga kooperatiba sa sektor ng pagkakalabawan, na may inklusibong layunin na bumuo ng puwersang magtataguyod sa interes, mga hakbang pang-lehislatura, at kapakanan ng mga negosyanteng magkakalabaw sa buong Pilipinas.

Tampok sa naturang komperensya ang pangkalahatang pagpupulong ng NCISA upang pinal na talakayin ang mga by-laws, mga polisiya, at mga isasakatuparang tuntunin at regulasyon sa pagkakalabawan.

18/09/2025

𝗦𝗻𝗮𝘁𝗰𝗵𝗲𝗿, 𝗮𝗿𝗲𝘀𝘁𝗮𝗱𝗼 𝗻𝗴 𝗞𝗮𝗯𝗮𝗰𝗮𝗻 𝗣𝗡𝗣 𝗺𝗮𝘁𝗮𝗽𝗼𝘀 𝗮𝗴𝗮𝗱 𝗺𝗮𝗸𝗮𝗽𝗮𝗴𝘀𝘂𝗺𝗯𝗼𝗻𝗴 𝗻𝗴 𝗯𝗶𝗸𝘁𝗶𝗺𝗮 𝘀𝗮 𝗽𝘂𝗹𝗶𝘀

Isang babae na nanakawan ng cellphone ang mangiyak-ngiyak na nagsumbong sa mga Pulis na nagpapatrolya sa Kabacan, Cotabato kagabi.

Ang mga suspek ay sakay umano ng motorsiko na ayon sa biktima ay patungo sa Kabacan Terminal Complex.

Mabilis na nagsagawa ng hot pursuit operation ang kapulisan na nagresulta sa pagkakahuli ng suspek sa nabanggit na lugar.

Positibong itinuro ng biktima ang suspek na kinilalang si Ibrahim Gunsi, nasa hustong gulang at residente ng Brgy. For Pikit, SGA BARMM.

Narekober sa suspek ang ninakaw na isang unit ng cellphone at ang isang sachet ng pinaniniwalaang shabu.

Ang suspek ay siyang respsonsable din sa pagnanakaw ng bike sa USM.

Nakakulong na ang suspek sa Kabacan Pnp habang patuloy na pinalalakas ang Police Presence sa bayan.

18/09/2025

MORNING GISING | SEPTEMBER 19, 2025

18/09/2025

𝗣𝗮𝗴𝗽𝗮𝗽𝗮𝘁𝗿𝗼𝗹𝘆𝗮 𝗻𝗴 𝗞𝗮𝗯𝗮𝗰𝗮𝗻 𝗣𝗡𝗣 𝗻𝗶𝘁𝗼𝗻𝗴 𝗺𝗴𝗮 𝗻𝗮𝗴𝗱𝗮𝗮𝗻𝗴 𝗹𝗶𝗻𝗴𝗴𝗼, 𝗽𝗮𝘀𝗲𝗸𝗿𝗲𝘁𝗼 𝗮𝘆𝗼𝗻 𝗸𝗮𝘆 𝗣𝗼𝗹𝗶𝗰𝗲 𝗟𝘁 𝗖𝗼𝗹 𝗔𝗽𝗿𝗶𝗹 𝗟𝗼𝘂 𝗣𝗮𝗹𝗺𝗮

Naka sibilyan ang karamihan sa mga pulis na nagronda sa bayan nitong mga nagdaang linggo. Ito ang sagot ni Police Lt Col April Lou Palma, hepe ng Kabacan Municipal Police Station matapos sabihin ng ilang netizens na kulang ang police visibility sa bayan.

Paliwanag ng opisyal, hindi band aid solution ang gusto niyang mangyaring kundi ang mahuli at mapanagot ang mga nasa likod ng snatching incidents sa Kabacan.

Aniya, minabuti niyang maglatag ng mga pulis na hindi naka uniporme para magmanman at masakote ang mga kriminal, pero dahil may mga nangyayari pa rin na mga insidente ng snatching ay magbabago siya ng strategy.

Iginiit din ng opisyal na ginagamit nila sa pagpapatrolya ang mga bagong motorsiklo na bigay ng LGU Kabacan.

Sa huli tiniyak ni PLt Col Palma na ginagawa nila ang lahat para sa kapakanan ng mamamayan sa bayan ng Kabacan.

17/09/2025

𝗜𝗹𝗮𝗻𝗴 𝗺𝗴𝗮 𝗯𝗶𝗸𝘁𝗶𝗺𝗮 𝗻𝗴 𝘀𝗻𝗮𝘁𝗰𝗵𝗶𝗻𝗴 𝗮𝘁 𝗽𝗮𝗴𝗻𝗮𝗻𝗮𝗸𝗮𝘄 𝘀𝗮 𝗯𝗮𝘆𝗮𝗻, 𝗻𝗮𝗸𝗮𝗿𝗮𝗻𝗮𝘀 𝘂𝗺𝗮𝗻𝗼 𝗻𝗴 𝗵𝗶𝗻𝗱𝗶 𝗺𝗮𝗴𝗮𝗻𝗱𝗮𝗻𝗴 𝗽𝗮𝗸𝗶𝗸𝗶𝘁𝘂𝗻𝗴𝗼 𝘀𝗮 𝗺𝗴𝗮 𝗽𝘂𝗹𝗶𝘀 𝗻𝗴 𝗞𝗮𝗯𝗮𝗰𝗮𝗻 𝗣𝗡𝗣

NAKARANAS umano ng hindi magandang pakikitungo sa mga Police Personnel ng Kabacan ang ilan sa mga biktima ng snatching at pagnanakaw sa bayan. Sa halip na tulungan raw sila ng Pulis ay tila sinisisi pa umano sila sa nangyari sa kanila.

Ayon kay Lt Col April Lou Palma, hepe ng Kabacan Municipal Police Station, paiimbestigahan niya ang kanyang mga tauhan ukol dito.

Hinikayat din niya ang publiko na direktang isumbong sa kanya ang ganitong mga uri ng insidente para mapatawan ng kasong administratibo ang mga personahe na lumalabag sa kanilang sinumpaang tungkulin.

Binigyang diin ng opisyal ang kanilang mandato na serbisyuhan at protektahan ang taumbayan.

Kaugnay nito, patuloy ang malalimang imbestigasyon ng PNP Kabacan sa mga naitatalang insidente ng snatching sa bayan kung saan madalas nabibiktima ay mga babaeng estudyante.

Payo niya sa publiko na maging alerto at mag-ingat at huwag maglalakad ng nag-iisa sa daan.| CCredo