Radyo Merkado Aklan

Radyo Merkado Aklan Ang BOSES sa PUSO ng BAYAN
Nagbibigay ng impormasyon, aliw, at inspirasyon sa mga tao na naghahanap buhay at namimili sa merkado publiko.

PINAKAUNANG PAGCOR-LICENSED HOTEL-CASINO SA BORACAY, OPISYAL EON NGA GINBUKSANOPISYAL EON NGA GINBUKSAN ro pinakaunang P...
16/09/2026

PINAKAUNANG PAGCOR-LICENSED HOTEL-CASINO SA BORACAY, OPISYAL EON NGA GINBUKSAN

OPISYAL EON NGA GINBUKSAN ro pinakaunang Philippine Amusement and Gaming Corporation-licensed hotel-casino destination sa Boracay—ro Kaban Hotel and Casino sa Station 0.

Sa ginpatigyaon nga seremonya, personal nga nag-abot sanday Kaban President and CEO Kevin Wong ag Malay Mayor Frolibar Bautista, kaibahan ro bilog nga gobyerno lokal ag barangay council it Yapak.

Bisan sa buean it Oktubre pa ro anda karang grand launch, masinadyahon nga ginpakilaea sa publiko ro rayang 88-room hotel nga may 2,000 square meters nga gaming floor nga may table games, slot machines, ag electronic gaming stations.

Mag-eowas kara, ginapabugae gid it nasambit nga luxury hotel-casino nga 40% it andang mga empleyado hay maghalin sa Aklan.

Nangin madinaeag-on ro pagbukas it Kaban bangod raya ro pinakabag-ong destinasyon sa isla, kung siin kumpleto eon ro gaming-tourism experience it kada bisita sa sangka establisyemento. | via John Guarin

(Photos: Kaban Hotel and Casino Boracay)


GINPASIGURO it Philippine Sports Commission (PSC) nga indi magbag-o ro suporta kara kay tennis star Alex Eala matapos na...
16/09/2026

GINPASIGURO it Philippine Sports Commission (PSC) nga indi magbag-o ro suporta kara kay tennis star Alex Eala matapos na nga pili-ong irepresentar ro Pilipinas sa 2026 Asian Games sa Japan.

Suno kay PSC Chairman Patrick Gregorio, pakikipagsukoe para sa nasyon ro desisyon ni Eala nga mag-intra sa Asian Games apisar posibleng umatubang sa sanction maghalin sa Women’s Tennis Association (WTA).

Posibleng magbayad it penalidad si Eala it hasta $10,000 bangod sa owa pag-intra sa China Open, sangka mandatory WTA 1000 event.

Target ni Eala nga mabuoe ro bueawang medalya matapos imaw nga mag-uli it bronze sa Asian Games ku 2023. | SMV


MACKLEMORE, GINKAKAS SA ED SHEERAN TOUR BANGOD SA PRO-PALESTINIAN NGA PAHAYAG; FRONT ACTS NI ED, BOLUNTARYONG NAGHALIN S...
16/09/2026

MACKLEMORE, GINKAKAS SA ED SHEERAN TOUR BANGOD SA PRO-PALESTINIAN NGA PAHAYAG; FRONT ACTS NI ED, BOLUNTARYONG NAGHALIN SA NORTH AMERICAN TOUR

GINKAKAS si American rapper Macklemore sa nabilin nga U.S. leg it “Loop Tour” ni Ed Sheeran matapos ro anang mga pahayag it suporta sa Palestine.

Sa anang performance sa New Jersey, ginkanta ni Macklemore ro protest song nga “Hind’s Hall” ag nagpahayag it “Free Palestine.”

Suno sa tour promoter, pilang venue ro nagpamaeabag sa anang pag-eakot sa lineup ag nagpamaeag nga kanselahon ro mga palabas.

Ginklaro man ni Sheeran nga bukon it imaw ro nagdesisyon sa pagkakas kay Macklemore sa tour.

Bangod sa natabong pagkakas sa American rapper, nag-anunsyo man ro mga opening acts ni Ed Sheeran nga magahalin eon sanda sa North American Tour.

Unang nag-anunsyo sanday FINNEAS ag Aaron Rowe, pati man ro banda ni Sheeran nga ro Beoga.

Nagpaguwa man sanda it official statement sa anda karang social media accounts ag nagpahayag it suporta sa pakikipagbato ni Macklemore ag sa bilog nga Palestine. | via Sarlyn Joy Viray, John Guarin

(Photos from X)


DEPENSA NI VP SARA, MAY ESTRATEHIYA SA PAGTAAS IT NET WORTHMay haum nga estratehiya ro kampo ni Vice President Sara Dute...
16/09/2026

DEPENSA NI VP SARA, MAY ESTRATEHIYA SA PAGTAAS IT NET WORTH

May haum nga estratehiya ro kampo ni Vice President Sara Duterte agod nga i-eksplikar ro pagtaas it anang net worth umpisa 2007 hasta 2025.

Suno sa anang abogado nga si Atty. Michael Poa, pwede raya nga i-eksplikar pinaagi it mga madason nga testigo o ebidensiyang igaatubang it depensa sa impeachment trial.

Samtang, indi anay pag-ihathat it kampo ro andang partikular nga estratehiya ag gin-engganyo ro publiko nga hueaton ro paghathat it andang ebidensiya. | SMV


₱12M NGA TUPAD ASSISTANCE, GINPANUPOD EON SA 2,241 BENEFICIARIES SA AKLANNAGA-EAB-OT sa 2,241 beneficiaries ro nakabaton...
16/09/2026

₱12M NGA TUPAD ASSISTANCE, GINPANUPOD EON SA 2,241 BENEFICIARIES SA AKLAN

NAGA-EAB-OT sa 2,241 beneficiaries ro nakabaton it kabilugan nga ₱12,318,487.50 halin sa Department of Labor and Employment (DOLE) Aklan ku Setyembre 14.

Raya hay pinaagi sa programang Tulong Panghanapbuhay sa Ating Disadvantaged/Displaced Workers (TUPAD) it ahensya.

Suno sa Department of Labor and Employment VI – Aklan Field Office (DOLE-AKFO), raya hay kabahin sa andang partisipasyon sa "Handog ng Pangulo: Serbisyong Sapat Para Sa Lahat" nga ginhiwat sa ABL Sports Complex ag nagkaeain-eain nga banwa sa probinsya.

Kapin sa 1,576 ka beneficiaries, ro nakabaton sa ABL Sports Complex Kalibo samtang ro iba pang mga benepisyaryo hay gin-asikaso man it anda Local Government Units (LGUs).

Ro TUPAD hay sangka programa nga nagatanyag it temporary employment ag insigidang bulig sa mga pumueoyo samtang ginabuligan man ro mga community-based projects ag serbisyo it komunidad.

Euwas kara, nakatao man ro DOLE it ₱1,791,641.44 para sa Special Program for Employment of Students (SPES) sa 249 nga ka pamatan-on, ag ₱500,000 nga bulig para sa DX System pinaagi sa Adjustment Measures Program (AMP) para sa pagbakae it mga makabag-ong kagamitan kapareho it 3D ag DTF printers.

Nagpartisipar man ro ahensya sa Kadiwa ng Pangulo nga nakarekord it ₱23,320 nga kita ag nagbukas man raya it Help Desk Booth para sa publiko.

Umabot man sa 383 jobseekers ro nairehistro sa Job Fair sa Boracay ag 20 kara ro na-hire on the spot kung 19 employers ro nakibuylog sa aktibidad. | via Arvin Rompe

(Photos: Jose Enrique Miraflores, DOLE Aklan)


PAGAHIWATON sa banwa it Kalibo ro Aklan Breast Cancer Awareness Event sa paea-abuton nga Oktubre 25, 2026.Suno kay Vice ...
16/09/2026

PAGAHIWATON sa banwa it Kalibo ro Aklan Breast Cancer Awareness Event sa paea-abuton nga Oktubre 25, 2026.

Suno kay Vice Mayor Phillip Yerro Kimpo Jr., pagahimuon sa ika ap-at nga kahigayunan ro rayang kahiwatan, kaibahan ro nanari-saring Government Offices ag mga Non - Governmental Organizations (NGOs).

Madumduman nga ku nagtaliwang tatlong dag-on, naghiwat it Walk for a Cause, Zumba, libreng konsultasyon ag lecture halin sa mga doktor.

Mag-euwas kara, plano man it natungdan nga maghiwat it Fund Raising nga Fun Run.

Suno sa report, rayang kahiwatan hay gina-haead man sa pagtaliwan ni Dr. Melanie Villanueva Tolentino, sambilog sa mga nagpundar sa Aklan it Breast Cancer Awareness Event. | via Shyne Masallo


LAYAH WELLNESS CENTER SA NABAS, DOH-CERTIFIED EON BILANG HIV TREATMENT FACILITY SERTIPIKADO EON it Department of Health ...
16/09/2026

LAYAH WELLNESS CENTER SA NABAS, DOH-CERTIFIED EON BILANG HIV TREATMENT FACILITY

SERTIPIKADO EON it Department of Health (DOH) ro Lagi.Akong.Yes.sA.Health (LAYAH) Wellness Center sa banwa it Nabas bilang sangka HIV Treatment Facility.

Suno sa Nabas Primary Care Facility (PCF), rayang milestone hay sangka pamatuod sa commitment it pasilidad sa pagtao it kumpidensyal ag de-kalidad nga HIV healthcare related services sa mga Nabasnon ag kaiping nga mga banwa.

Eakip sa mga libre nga serbisyo nga ginatao it klinika ro HIV testing and counseling, Pre - Exposure Prophylaxis (PrEP), Antiretroviral Therapy (ART), pagbueong sa mga Sexually Transmitted Infections (STIs), ag iba pang suportang pang-ikaayong eawas.

Tanan man sigon nga mga serbisyo hay pagatrataron it may pagrespeto ag owa it diskriminasyon.

Makit-an ro nasambitang wellness center sa likod it Nabas PCF Building ag bukas maghalin Lunes asta Biyernes, alas-8:00 it agahon hasta alas-5:00 it hapon.

Para sa mga pangutana, mahimong mag-email sa [email protected] ukon magtawag sa numerong 289-1443. | via Arvin Rompe

(Photos: Nabas Sentrong Pangkalusugan)


NAGPAHAYAG it suporta ro beteranong aktor nga si John Arcilla sa panawagan para mangin layi ro Citizen Access and Disclo...
16/09/2026

NAGPAHAYAG it suporta ro beteranong aktor nga si John Arcilla sa panawagan para mangin layi ro Citizen Access and Disclosure of Expenditures for National Accountability o CADENA Act, kasunod it mga pagbaha sa nagakasari-sari nga bahin it nasyon.

Sa anang Facebook account, gin-share ni Arcilla ro post ni content creator Jaycon Verallo nga nagapanawagan sa mga kapareho nga content creator nga pabaskugon ro panawagan para sa ginaproponer nga layi ni Senador Bam Aquino.

Naipasar eon sa ikatlo ag ulihing pagbasa sa Senado ro Senate Bill No. 1506 ni Aquino ku Disyembre 15, 2025, matapos makabuoe it botong 17-0 apang indi pa raya maisalayi bangod owa pa nagahueag sa Kamara.

Sa idaoem it CADENA Act, kinahang-ean nga ibutang it mga ahensya it gobyerno sa sangka Digital Budget Platform ro mga dokumento hanungod it paggamit it pondo, kaeakip ro mga kontrata, balor it proyekto, bills of materials ag procurement records.

Katuyuan it hagna nga mapabaskog ro transparency ag accountability sa paggastos it pondo it gobyerno pinaagi it sangka sistemang pampubliko, nasusubaybayan ag mabe-verify.

Si Arcilla hay dati eon man nga nagpahayag it suporta sa hagna, nga ginatawag man nga “Blockchain the Budget Bill.”| SMV


ALTAVAS, MAY PINAKAMATAAS NGA YAKAP REGISTRATION RATE SA AKLANPinakamataas ro nailistang YAKAP registration rate sa Alta...
16/09/2026

ALTAVAS, MAY PINAKAMATAAS NGA YAKAP REGISTRATION RATE SA AKLAN

Pinakamataas ro nailistang YAKAP registration rate sa Altavas nha umabot sa 50.59%, base sa datos it PhilHealth hasta it Hulyo 31, 2026.

Sa datos, 12,855 ro nakarehistro sa YAKAP maghalin sa projected population nga 25,403 sa Altavas.

Samtang, kapin sa 18.14% ro kabilugang YAKAP registration rate sa bilog nga Aklan, katumbas it 113,615 registrants maghalin sa projected population nga 626,430. | via Sarlyn Maloloy-on Viray


16/09/2026

BALITA SA UDTO WITH KAMERKADO MARY JOY MELGAR AND KAMERKADO NIÑEL LUIS DEL PILAR | SEPTEMBER 16, 2026

DISCLAIMER: THIS PROGRAM INCLUDES MUSIC. NO COPYRIGHT INFRINGEMENT INTENDED. ALL RIGHTS ARE RESERVED TO THE RIGHTFUL OWNERS.

IOS APP STORE:
https://apps.apple.com/ph/app/todostream-online-radio/id6787200456

ANDROID PLAY STORE:
https://play.google.com/store/apps/details?id=com.rapbox.TODOStream&pcampaignid=web_share

Ang programang ito ay hatid sa inyo ng MORE POWER PROBIOTIC 8 in 1 COFFEE MIX
Your Cup of Success”, Healthy Gut, Healthy Life”
Mag-More Power Coffee daily to achieve a healthier you!
More POWER Probiotic Coffee is now available! Message us for orders and inquiries | Follow us for more news and updates.

LIKE AND SUBSCRIBE: https://www.youtube.com/

Address

TODO Media Center, 2nd Flr. , Casa Isidra Bldg. , XIX Martyrs Street Kalibo, Aklan
Kalibo
5600

Website

Alerts

Be the first to know and let us send you an email when Radyo Merkado Aklan posts news and promotions. Your email address will not be used for any other purpose, and you can unsubscribe at any time.

Shortcuts

Share

Category