Radyo Merkado Aklan

Radyo Merkado Aklan Ang BOSES sa PUSO ng BAYAN
Nagbibigay ng impormasyon, aliw, at inspirasyon sa mga tao na naghahanap buhay at namimili sa merkado publiko.

Listen Online 24/7: http://rmstream.todostreamcast.com/stream

08/07/2025

BAWAS PRESYO SA LANGIS, EPEKTIBO MAKARON NGA ADLAW

Nagpatuman it rollback sa presyo it produktong petrolyo ro mga kompanya it langis makaron nga adlaw it Martes nga nagtao it sangkiri nga ginhawa sa mga motorista.

DALI EON LANG MAKUMPLETO ro pinal nga detailed engineering design it Panay-Guimaras-Negros Bridges.Ku Hulyo 8, adlaw it ...
08/07/2025

DALI EON LANG MAKUMPLETO ro pinal nga detailed engineering design it Panay-Guimaras-Negros Bridges.

Ku Hulyo 8, adlaw it Martes, nagtieilipon ro Panay-Guimaras-Negros Island Bridges Project-Regional Steering Committee agod maistoryahan ro progreso sa pagpanghanda it proyekto.

Ginpresenta ni Engr. Erwin Aranas, Project Manager it Department of Public Works and Highways Unified Project Management Office ro estado it disenyo it nasambit nga mga tulay ag iba pa nga problema nga may kaangtanan sa proyekto.

Ginpahayag man ni DepDev 6 Regional Director Engr. Arecio Casing, Jr. ro importansya it estrikto nga pagsunod sa timeline it proyekto agod matigayon it tanan ro ginatuyo nga mga benepisyo sa ekonomiya.

Gintumod man nana nga kinahangean ro mabaskog nga kolaborasyon sa tunga it stakeholders ag tayuyon nga suporta agud masiguro ro madinaeag-on ag nagakaigo nga pagpatuman it gobyerno.

Kung matapos eon ro pinal nga disenyo, igapasa raya sa Economy and Development Council sa ikatlo nga kwarter makarong dag-on, ag kung maaprubahan, ro pagtrabaho kara hay ginaeauman nga maumpisahan sa Hulyo 2026. | via John Guarin

TAN-AWA: PRO-6, NAGPATIGAYON IT REGION-WIDE SIMULATION PARA SA PAGPATUMAN IT 5-MINUTE RESPONSEGinpangunahan ni Police Re...
08/07/2025

TAN-AWA: PRO-6, NAGPATIGAYON IT REGION-WIDE SIMULATION PARA SA PAGPATUMAN IT 5-MINUTE RESPONSE

Ginpangunahan ni Police Regional Office 6, Regional Director PBGen. Josefino D. Ligan ro komprehensibo nga simulation exercise sa tanan nga probinsya it Western Visayas kung siin iya ginapatuman ro standard nga 5-Minute Response it Philippine National Police (PNP).

Suno kay Ligan, kritikal sa andang operasyon ro pagiging alerto it mga kapulisan samtang ginasunod ro nagakaigo nga protocol kung garesponde sa mga emergency. | via John Guarin

(Photos: Police Regional Office 6)

GINSIGURO ni Pangueong Ferdinand "Bongbong" Marcos Jr. sa publiko nga padayon ro andang pagmintinar sa ₱ 20 kada kilo ng...
08/07/2025

GINSIGURO ni Pangueong Ferdinand "Bongbong" Marcos Jr. sa publiko nga padayon ro andang pagmintinar sa ₱ 20 kada kilo nga bugas.

Suno kay PBBM, maeapit lang nga pagaumpisahan ro roll-out it nasambit nga programa sa bug-os Pilipinas.

Raya nga Programa hay igalunsar pinaagi sa Kadiwa ng Pangulo outlets para sa mga mahina nga sektor, kabahin sa pagtao it administrasyon it abot-kaya nga pagkaon ag pabaskugon pa ro sektor it agrikultura.

Ro inisyatiba nga ginatawag nga "Benteng Bigas Meron na! (BBM) hay sambilog sa ginpromesa ni Marcos.

Ro nasambit nga P20/kg nga bugas hay para sa mga senior citizens, solo parents, PWDs, indigent family ag minimum wage earners.

Samtang target it ahensya ro 1 milyon nga benepisyaryo sa katapusan it dag-ong 2025. | via Ninel Del Pilar

GIN-ANUNSIYO it Fisheries and Aquaculture Board (FAB), nga posibleng magnaba ro presyo it isda sa mga masunod nga buean,...
08/07/2025

GIN-ANUNSIYO it Fisheries and Aquaculture Board (FAB), nga posibleng magnaba ro presyo it isda sa mga masunod nga buean, matapos pahabaun it gobyerno ro deadline ag paeawigon ro listahan it mga produkto it isda nga pwede nga ma-import.

Suno sa FAB, gin-amyendahan it Department of Agriculture (DA) ro programa sa importasyon it isda nga sandig sa Memorandum Order (MO) 33 kung siin hay igadugang kara ro pila ka barato nga isda kaibahan ro horse mackerel, Indian mackerel, black tiger shrimp, ag freshwater shrimp sa manaba nga transportasyon agud mataas ro pagbaligya sa merkado.

Sa idaeom it programa hay ginagamitan it certificate of necessity (CNI) agod pasugtan nga magbaligya it imported frozen fish sa merkado ag supermarket bilang tikang para magnaba ro presyo it baeak-eon.

Dugang pa ni FAB Chair Chingling Tanco, sa pila nga buean hay posibleng magnaba ro mga presyo it isda nga mabakae sa merkado bangud sa pinaeawig nga transportasyon ag para makabulig sa seguridad it pagkaon sa nasyon.

Samtang, gin-aprubahan man it DA ro pag-import it 25,000 metric tons it nagakasari-sari nga species it isda nga bukon it bastante sa Pilipinas.

Madumduman nga gin-anunsiyo ku nagtaliwan nga buean nga ku Mayo hasta Hunyo eang ro deadline it pag-angkat pero makaron hay hasta buean it Hulyo eon bangod nadiskubrehan nandaa nga uwa pa nagamit ro 8,000 metric tons nga gin-alokar para sa pag-import. | via Naj Langco

GINSIGURO ni Justice Secretary Jesus Crispin Remulla it Department of Justice (DOJ) nga pagaumpisahan eon ro pag-usoy sa...
08/07/2025

GINSIGURO ni Justice Secretary Jesus Crispin Remulla it Department of Justice (DOJ) nga pagaumpisahan eon ro pag-usoy sa kaeawran it Taal Lake angot raya sa mga missing sabungero.

Suno kay Remulla, magaserbe sigon nga ground zero sa pagusoy sa mga missing sabungero ro fishpond lease it sambilog sa mga suspek nga ginatumod sa imbestigasyon apang indi pa sigon magakaibahan sa search and retrieval ro grupo nga igapadaea it Japanese government bangod ko nagtaliwan eamang nga dominggo nabaton nanda ro request letter it Pilipinas.

Dugang pa ni Remulla, naghinyo eon sanda sa Philippine Coast Guard (PCG) nga magbulig ro andang technical divers ag iba nga ahensya it gobyerno.

Haom ro Department of Science and Technology (DOST) nga magabulig sa Search ag Retrieval sa sabungeros.

Gin-anunsyo man ni National Bureau of Investigation (NBI) Director Judge Jaime Santiago nga bukas imaw sa pakigbueoligan kung gakinahangean sanda it forensic assistance. | via Ninel Del Pilar

MALAY MPS, NAGDAOG SA “PULIS RESPONDENG MABILIS” SERVICE AWARDGINPASIDUNGGAN ro Malay Municipal Police Station (MPS) bil...
08/07/2025

MALAY MPS, NAGDAOG SA “PULIS RESPONDENG MABILIS” SERVICE AWARD

GINPASIDUNGGAN ro Malay Municipal Police Station (MPS) bilang 1st place sa “Pulis: Respondeng Mabilis” Service Award nga ginpatigayon sa Aklan Provincial Police Office (PPO) sa idaeom it pagpadumaea ni Provincial Director PCOL Arnel Enrico Ramos, kaibahan ro partnership sa Baghay Inc. nga ginpangunahan ni Ms. Loannie Tenazas ku Hulyo 7, 2025.

Gindungan man sa selebrasyon ro blessing it bag-ong tukod nga Transient Quarters, nga isaeang ka inisyatibo nga ginpangunahan it Aklan Baghay Inc.

Nabuoe it Malay MPS ro kadaeag-an sa andang entry sa Group Category nga “Vloggers Arrested: Two Minors Rescued from Child Abuse and Human Trafficking” bangod sa andang madasig nga pagresponde.

Samtang, gintaw-an man it awards sanday PLT Honeylyn R. Magallanes, PSSg Teddy Dalisay, PSSg Julie Melissa T. Rivera, ag PAT Ryan Gregorio.

Nagdaog man bilang 2nd placer ro Aklan Provincial Mobile Force Company (PMFC) sa nasambit nga kategorya.

Sa individual category man hay nagdaog it first place is PMSg Emely Roldan it Nabas MPS, masunod si PSMS Cheryl Ramos Makato MPS, ag ro 3rd placer hay si PMSg Richard Villar it Altavas MPS.

Ginpatigayoon ro nasambit nga selebrasyon agod mataw-an it pasidungog ro mga pulis nga nagpakita it dedikasyon ag madasig nga pagresponde sa komunidad. | via Naj Langco

(Photos: AKLAN PPO Public Information Office)

NAGSAKA sa 96.1% ro employment rate sa Pilipinas ku Mayo 2025 base sa anunsyo it Philippine Statistics Authority makaron...
08/07/2025

NAGSAKA sa 96.1% ro employment rate sa Pilipinas ku Mayo 2025 base sa anunsyo it Philippine Statistics Authority makarong Martes, Hulyo 8.

Base sa pinakaulihing datos it ahensiya, ro 96.1% hay katumbas it 50.29 nga milyong Pilipino nga may ubra ag negosyo sa Pilipinas.

Raya hay mas mataas it 1.62 milyong ikumpara ku Abril 2025.

Dugang pa kara, nagnaba sa 3.9% ro unemployment rate ku buean it Mayo nga halin sa 4.1% ku nagtaliwan nga dag-on, kung siin katumbas raya it 2.03 milyong Pilipino nga uwa it ubra.

Sa pihak nga balita, 13.1% man ro nailista it ahensiya nga underemployment rate ukon mga trabahador nga indi sapat ro kita ag nasa mga ubra nga bukon tugma sa andang skills.

Gin-eksplekar man ni PSA Chief ag National Statistician Undersecretary Claire Dennis Mapa nga ro mga ubra nga nakapasaka sa employment rate sa Pilipinas hay ro skilled agricultural, forestry, ag fishery workers, managers, clerical support workers, service sales workers, ag elementary teachers. | via Naj Langco

CANVA NAG-GLITCH !GINKUMPIRMA it Canva, sangka kilaea nga online design platform, nga presenting nakaka-eksperyensiya sa...
08/07/2025

CANVA NAG-GLITCH !

GINKUMPIRMA it Canva, sangka kilaea nga online design platform, nga presenting nakaka-eksperyensiya sanda it teknikal nga aberya sa andang serbisyo.

Sa sangka opisyal nga pahayag sa andang X (dating Twitter) account, ginpahayag it Canva, “We’re on it! We’re working as quickly as we can to get things back up and running.”

Sangka "minor glitch" eamang raya ag ginatinguhaan eon nanda nga ayuson.

Ro Canva hay ginagamit it milyon-milyong users sa bilog nga kalibutan para sa pag-ubra it graphics, presentations, posters, ag iba pa.

PORMAL eon nga ginpasakaan it kasong frustrated homicide ro laborer nga suspek sa pagpambuno sa sangka traysikel driver...
08/07/2025

PORMAL eon nga ginpasakaan it kasong frustrated homicide ro laborer nga suspek sa pagpambuno sa sangka traysikel driver sa Brgy. Poblacion, Malinao ku Hulyo 7.

Sa pakikipag-angot it Radyo Merkado Aklan kay PLt. Alnie Fontenilla, Deputy Chief of Police it Malinao PNP, ginplano it suspek nga si Joan Santiago ro ginhimong krimen sa biktimang si Rio Postorioso bangud nagdumot raya sa natabo nga pagpahuya it biktima kana kara ku nagtaliwan nga adlaw it Huwebes.

Nag-ugat raya sa mabuhay eon nga P250 nga utang it suspek sa biktima.

Dugang pa ni Fontenilla, nagnuoe man sigon ro suspek sa gin-ubra nga krimen ag haum nga atubangon ro kaso nga ipasaka kana.

Sa pihak nga parte, padayon pa nga nagapamayad ro biktima sa Aklan Provincial Hospital matapos nga ginpaidaeom sa operasyon sa gin-agum nga nina sa waea nga kilid.

Ginapaabot man ni Fontenilla sa mga taga banwa it Malinao nga kung may mga kontra ukon may reklamo hay mas mayad nga idangop sa Barangay o sa andang taeatapan para maayos eagi ag indi eon umabot sa punto nga makahalit pa sa isigkatawo. | via Mary Joy Melgar

PRESYO SA MERKADOHulyo 8, 2025KALIBO PUBLIC MARKETISDA 🐟Bangus – P180-P220/kiloTamban - P100/kiloSalay-salay – P100/kilo...
08/07/2025

PRESYO SA MERKADO
Hulyo 8, 2025
KALIBO PUBLIC MARKET
ISDA 🐟

Bangus – P180-P220/kilo
Tamban - P100/kilo
Salay-salay – P100/kilo
Marot – P180-P200/kilo
Aloy – P160-P180/kilo
Gurayan - P160-P240/kilo
Lakot - P100/kilo
Hasa-hasa – P100/kilo
Bataneaan - P280-P380/kilo
Damol - P140-P160/kilo
Blue marlin - P450/kilo
Gusaw - P140/kilo
Liwit - P250/kilo
Marot - P200/kilo
Mamsa - P350/kilo
Tahong - P80/kilo
Pasayan – P350-P400/kilo
Pusit - P150/kilo

Karne 🍖
Atay it manok - P260/kilo
Backyard Chicken - P220/kilo
Dressed Chicken - P210/kilo
Karne it baboy - P380-P390/kilo
Anwang – P390-P400/kilo
Baka - P400/kilo

MOTORISTANG PASAWAY, GINHARANG IT KALIBO AUXILLARY POLICE; MOTORSIKLONG HINUEAMAN EAMANG, IMPOUNDED‎‎GINHARANG it mga mi...
07/07/2025

MOTORISTANG PASAWAY, GINHARANG IT KALIBO AUXILLARY POLICE; MOTORSIKLONG HINUEAMAN EAMANG, IMPOUNDED
‎
‎GINHARANG it mga miyembro it Kalibo Auxiliary Police (KAP) ro sangka eaeaking motorista matapos magmaneho nga owa it helmet sa prenti it Kalibo Municipal Police Station, bandang alas-7:00 it gabi-e it Lunes, Hulyo 7.
‎
‎Ginkilaea ro motorista kay Jancee Selorio, 24-anyos, residente it Brgy. Sta. Cruz, Lezo.
‎
‎Sandig sa report it Kalibo PNP, ginpara nanday KAP member Lachica ag Sta. Maria ro motorista bangud sa nakitaan raya it traffic violations.
‎
‎Euwas nga owa ukon expired rong rehistro it anang ginamanehong green Suzuki Skydrive nga motorsiklo, owa pa it helmet ro motorista ag anang angkas.
‎
‎Imbes nga magkooperar, ‎nangin arogante pa si Selorio sa mga enforcer ag nagpamalibad magpirma sa citation ticket sa anang pag-eabag sa idaeom it Section 303 G50 it Kalibo local traffic ordinance.
‎
‎Dugang pa kara, sa tunga it pagpaathag sa nangin violation it motorista, nag-video pa sigun si Selorio.
‎
‎Bangud sa nangin aksyon ni Selorio, temporaryong ginkustodiya sa Kalibo Municipal Police Station ro anang motorsiklo.
‎
‎Nasayuran nga rong motorsiklong ginamaneho ni Selorio hay bukon pa it imaw rong tag-iya ag ginhueam manlang raya sa anang kainuman ku Sabado.|via Arvin Rompe

Address

TODO Media Center, 2nd Flr. , Casa Isidra Bldg. , XIX Martyrs Street Kalibo, Aklan
Kalibo
5600

Website

Alerts

Be the first to know and let us send you an email when Radyo Merkado Aklan posts news and promotions. Your email address will not be used for any other purpose, and you can unsubscribe at any time.

Shortcuts

Share

Category