Juander Radyo Kidapawan 87.7 FM

26/09/2025

26/09/2025

𝗥𝗢𝗡𝗗𝗔 𝗢𝗣𝗜𝗦𝗜𝗡𝗔|

GISUTA sa 87.7 Juander Radyo Kidapawan ang hinungdan sa sunog nga natala sa Central Warehouse Club Kidapawan City, niadtong Setyembre 25, 2025.

Gipaklaro ni FO1 Adonis Delos Reyes ang Intelligence and Investigation Unit Staff sa Bureau of Fire Protection Kidapawan, nga air filter sa generator set sa naasoy nga establisyemento ang nasunog, asa anaa sa P5,000.00 ang damyos niini.

26/09/2025

𝐒𝐔𝐒𝐏𝐄𝐊 𝐒𝐀 𝐏𝐀𝐆𝐏𝐀𝐌𝐔𝐒𝐈𝐋 𝐒𝐀 𝐃𝐀𝐋𝐋𝐀𝐒 𝐈𝐌𝐌𝐈𝐆𝐑𝐀𝐓𝐈𝐎𝐍 𝐂𝐄𝐍𝐓𝐄𝐑 𝐆𝐈𝐈𝐋𝐀

Patay ang duha ka mga piniriso human gipusil sa usa ka opisina sa US Immigration and Customs Enforcement sa Dallas, Texas.

Sumala sa Department of Homeland Security, usa ka piniriso usab ang nasamdan ug dali nga gidala sa tambalanan.

Ang suspek nga giilang si Joshua Jahn, napalgang patay sa usa ka building atbang sa dalan, nga gituohang naghikog.

Atol sa imbestigasyon, ang suspek mikuha og posisyon sa usa ka building atbang sa ICE building ug nakigpinusilay.

Ilang gikonsiderar ang insidente nga 'Targeted violence' tungod kay nakit-an sa mga awtoridad ang usa ka basiyo sa bala nga adunay nakasulat nga anti-ICE.

Gipasalig ni Texas Governor Greg Abbott nga dili sila mohunong sa pagpanakop sa mga ilegal nga migrante ug dili usab makapugong bisan kung adunay insidente sa pagpamusil.

📷 Jovino Galang



See less

26/09/2025

𝐌𝐀𝐆𝐓𝐈𝐀𝐘𝐎𝐍𝐆 𝐃𝐈𝐒𝐂𝐀𝐘𝐀 𝐔𝐆 𝐏𝐈𝐏𝐈𝐋𝐀 𝐊𝐀 𝐊𝐀𝐍𝐇𝐈 𝐎𝐏𝐈𝐒𝐘𝐀𝐋 𝐒𝐀 𝐃𝐏𝐖𝐇 𝐆𝐈𝐁𝐔𝐓𝐀𝐍𝐆 𝐔𝐁𝐎𝐒 𝐒𝐀 ‘𝐖𝐈𝐓𝐍𝐄𝐒𝐒 𝐏𝐑𝐎𝐓𝐄𝐂𝐓𝐈𝐎𝐍 𝐏𝐑𝐎𝐆𝐑𝐀𝐌 𝐒𝐀 𝐃𝐎𝐉

Gipahibalo sa Department of Justice nga sila Curlee ug Sara Discaya, uban sa pipila ka mga kanhi opisyal sa Department of Public Works and Highways, gibutang ubos sa Witness Protection Program.

Kini ang gikompirmar sa kasamtangang kalihim sa maong departamento, Justice Secretary Jesus Crispin ‘Boying’ Remulla, nunot sa ilang pagbisita sa ilang buhatan.

Matod niya nga gawas sa mga Discaya, apil usab sila si kanhi Department of Public Works and Highways Bulacan 1st District Engineer Henry Alcantara, Brice Hernandez ug Jaypee Mendoza.

Busa, gipaambit ni Justice Secretary Remulla nga ang nahisgutang mga indibiduwal gikonsiderar na nga ‘protected witnesses’.

Tungod niini, nagpadala sila og suwat ngadto kang Senate President Vicente ‘Tito’ Sotto III aron pahibaw-on kini dungan sa nagpadayon nga imbestigasyon.

Hinuon, gipasabot sa kalihim nga kining maong lakang wala magpasabot nga state witness na sila dili aron makakuha ug dugang impormasyon alang sa imbestigasyon.

Sa laing bahin, si Hernandez niabot sa buhatn sa Department of Justice niadtong tungura dala ang iyang CPU nga gisusi sa departamento ug nahipos ang impormasyon nga posibleng makatabang sa nagpadayong imbestigasyon.

📷 Ashzel Hachero



See less

26/09/2025

𝐏𝐄𝐒𝐎 𝐊𝐈𝐃𝐀𝐏𝐀𝐖𝐀𝐍 𝐍𝐀𝐊𝐀𝐏𝐀𝐇𝐈𝐆𝐀𝐘𝐎𝐍 𝐔𝐆 𝐉𝐎𝐁 𝐅𝐀𝐈𝐑 𝐊𝐀𝐔𝐁𝐀𝐍 𝐒𝐀 𝐋𝐎𝐊𝐀𝐋 𝐍𝐆𝐀 𝐏𝐀𝐍𝐆𝐆𝐀𝐌𝐇𝐀𝐍𝐀𝐍 𝐒𝐀 𝐋𝐔𝐍𝐆𝐒𝐎𝐃

Nagpahigayon ang Lokal nga panggamhanan sa pagpanguna sa PESO Office Kidapawan ug usa ka adlaw nga Job Fair aron mahatagan ug trabaho ang mga aspirant applicants, niadtong Septiyembre 24, 2025.

Anaa sa 307 ka mga aplikante ang nisalmot sa Job Fair nga gipahigayon sa City Gymnasium.

Subay niini nga kalihukan, dunay trabaho alang sa mga nangita sulod ug gawas sa nasud nga usa sa highlight sa Job Fair.

Aktibo kining gipatuman sa City Government, nga mao ang ikawalong Job Fair karong tuiga, diin mao usab ang nag-unang implementing LGU sa tibuok SOCCSKSARGEN Region.

26/09/2025

Juander Radyo AFTERNOON EDITION

26/09/2025

WE ARE HIRING!!!!

Join us and be part of our growing and dynamic team!

𝐀 𝐏 𝐏 𝐋 𝐘 𝐍 𝐎 𝐖 ‼️‼️

26/09/2025

𝗠𝗔𝗟𝗔𝗖𝗔Ñ𝗔𝗡𝗚 𝗠𝗔𝗦𝗔𝗟𝗜𝗚𝗢𝗡 𝗡𝗚𝗔 𝗠𝗔𝗚𝗣𝗔𝗗𝗔𝗬𝗢𝗡 𝗔𝗡𝗚 𝗣𝗜𝗟𝗜𝗣𝗜𝗡𝗔𝗦 𝗦𝗔 𝗣𝗔𝗚𝗗𝗔𝗡𝗜 𝗨𝗚 𝗜𝗡𝗩𝗘𝗦𝗧𝗢𝗥 𝗕𝗜𝗦𝗔𝗡 𝗣𝗔 𝗦𝗔 𝗜𝗦𝗬𝗨 𝗦𝗔 𝗞𝗢𝗥𝗔𝗣𝗦𝗬𝗢𝗡

NAGTUO ang Malacañang nga magpabilin nga lig-on ang pagsalig sa mga foreign investor sa Pilipinas bisan pa sa mga alegasyon sa korapsyon sa pipila ka proyekto sa imprastruktura.

Matod ni Palace Press Officer USec. Claire Castro nga ang lig-on nga baruganan ni Presidente Ferdinand Marcos Jr. batok sa korapsyon nagahatag og kasiguruhan sa publiko ug sa international community nga seryoso ang gobyerno sa pagpasiugda sa transparency ug accountability.

Dugang pa niini nga ang kaisog sa Presidente sa pagpanghayag sa mga iregularidad, bisan pa sulod sa iyang administrasyon, nagpakita sa sinseridad sa gobyerno sa pagpanglimpyo sa han-ay sa panggamhanan.

Gipasiugda usab sa Malacañang nga si Presidente Marcos mao ang unang lider sa nasud nga nagpasiugda og imbestigasyon sa dagkong anomalya sa mga proyekto sa gobyerno, bisan kini nahitabo sulod sa iyang termino.

Nagmugna ang Presidente og Independent Commission for Infrastructure (ICI) nga ang tumong mao ang pagsusi sa mga anomalya sa mga flood control ug uban pang proyekto sa Department of Public Works and Highways (DPWH) sulod sa miaging 10 ka tuig, ug pagrekomenda sa hustong kaso batok sa mga apil nga opisyal ug indibidwal.

Naglaum ang panggamhanan nga possibleng mulambo pa ang ekonomiya pinaagi sa pagtubag sa kurapsyon sa nasud.

📸 MJ MONDEJAR

26/09/2025

𝟭𝟳 𝗞𝗔 𝗧𝗔𝗪𝗢 𝗣𝗔𝗧𝗔𝗬 𝗧𝗨𝗡𝗚𝗢𝗗 𝗦𝗔 𝗦𝗔 𝗕𝗔𝗚𝗬𝗢𝗡𝗚 ‘𝗡𝗔𝗡𝗗𝗢’ 𝗦𝗔 𝗧𝗔𝗜𝗪𝗔𝗡

MIABOT na sa 17 ka tawo ang namatay sa Taiwan ug China tungod sa bagyong Ragasa o ang bagyo nga miagi sa Pilipinas nga gitawag og “Nando”.

Kapin duha ka milyon ka tawo usab ang gipang-evacuate sa habagatan nga bahin sa China.

Aduna usab mga tawo nga natala nga nawala human sa pag-awas sa tubig sa usa ka suba.

Gikan sa pagka-super typhoon, gipaubos na kini ngadto sa severe typhoon ang Ragasa nga adunay kusog nga hangin nga 241 kilometro matag oras nga natala sa Taishan County sa Guangdong Province.

Nagpadayon ang gihimong rescue operation sa mga otoridad alang sa mga residente nga misaka sa atop sa ilang balay tungod sa pagbaha.

Kahinumduman nga nagbilin usab kini og kadaut sa Pilipinas ug Hong Kong ang nahisgutang bagyo.

📸 PAGASA

26/09/2025

𝗘𝗫-𝗗𝗣𝗪𝗛 𝗨𝗦𝗘𝗖. 𝗕𝗘𝗥𝗡𝗔𝗥𝗗𝗢, 𝗚𝗜𝗗𝗔𝗟𝗔 𝗦𝗔 𝗗𝗢𝗝 𝗔𝗟𝗔𝗡𝗚 𝗦𝗔 𝗘𝗕𝗔𝗟𝗪𝗔𝗦𝗬𝗢𝗡 𝗦𝗔 𝗔𝗙𝗙𝗜𝗗𝗔𝗩𝗜𝗧 𝗨𝗚 𝗪𝗣𝗣

GIDALA sa Department of Justice si former Department of Public Works and Highways Undersecretary Roberto Bernardo human sa iyang pag-abot kauban si Justice Secretary Jesus Crispin "Boying" Remulla.

Gilauman nga susihon sa kagamhanan ang ‘affidavit’ sa kanhi opisyal kalabot sa iyang mga nahibal-an mahitungod sa maanomalyang flood control projects.

Pasado alas-diyes sa buntag miabot si former Undersecretary Bernardo kauban si Justice Secretary Remulla sa managlahing sakyanan gikan Senado.

Sa mubo nga pakighinabi sa kalihim, gikompirma niini nga gituohan na nga usa ka ‘protected witness’ si Bernardo.

Apan gipaklaro nga kinahanglan pa moagi sa ebalwasyon sa Department of Justice ang kanhi opisyal sa wala pa kini opisyal nga mapasakop sa ‘witness protection program’.

Bisan pa nini, gisiguro ni Justice Secretary Jesus Crispin "Boying" Remulla nga ilang panalipdan ug pahugtan ang seguridad alang sa kaluwasan ni former Department of Public Works and Highways Undersecretary Roberto Bernardo.

📸 Senate of the Philippines

26/09/2025

𝗗𝗢𝗚 𝗣𝗢𝗨𝗡𝗗 𝗖𝗘𝗡𝗧𝗘𝗥 𝗦𝗔 𝗞𝗜𝗗𝗔𝗣𝗔𝗪𝗔𝗡, 𝗡𝗔𝗡𝗔𝗪𝗔𝗚𝗔𝗡 𝗦𝗔 𝗡𝗔𝗡𝗔𝗚-𝗜𝗬𝗔 𝗢𝗚 𝗜𝗥𝗢

NANAWAGAN ang Office of the City Veterinarian ngadto sa tanang tag-iya sa iro nga nadakpan sa gipahigayon nga operasyon sa Barangay Poblacion niadtong Setyembre 24, 2025.

Ang mga hayop nga nasigpaw atol sa operasyon gipahimutang sa City Dog Pound Center sa Barangay Kalaisan aron maampingan ug maatiman sa hustong paagi.

Gipahimangnoan usab ang mga tag-iya nga bayaran ang ilang obligasyon sa City Treasurer’s Office sa kantidad nga P200.00 alang sa 1st offense, P500.00 alang sa 2nd offense.

Kinahanglan nga ipakita sa mga tag-iya ang resibo sa bayad ngadto sa in-charge sa Dog Pound Center aron makuha ang ilang binuhi.

Matod sa opisina nga pinaagi sa maong lakang, matinguha sa lokal nga panggamhanan ang pagsiguro sa kaluwasan sa katawhan ug sa mga hayop sa syudad.

📸 CIO