17/09/2025
BASAHA | Pamahayag ni Cotabato Police Provincial Director PCOL Gilberto Tuzon sa pormal nga pag sang-at og kaso sa negosyanteng si Don Ramon Floresta sa Ombudsman Mindanao, sa Davao City kagahapon Setyembre 17.
Matud pa ni PCol. Tuzon, gibuhat lang nila ang ilang trabaho isip tig implementa sa balaod og wala matud pa silay gi lapas sa pamalaod.
Dugang niya, dili tungod kay gikasohan na sila, nakasala na sila, kundi, kabahin kini sa due process kung asa duna silay panahon nga i presenta ang mga ebidensya nga sila misubay lang sa balaod nga ilang gi implementa.
Gisiguro sab ni PCOL. Tuzon nga mu tubag sila kung ilaha ng madawat ang kopya sa maong gi file nga kaso.
Kahinumduman, kagahapon, ang kaso nga gi sang-at ni Floresta pinaagi saiyang lead counsel nga si Atty. Israelito Torreon mao ang 2 counts sa Murder case subay sa Article 248 ng Revised Penal Code, Obstruction of Justice (P.D. 1829), Paglapas sa Articles 128 ug 129 sa Revised Penal Code, Grave Misconduct, Grave Abuse of Authority, Conduct Unbecoming of a Police Officer, ug Conduct Prejudicial to the Best Interest of Service.
Kini human nga gi implementahan og search warrant ang kapulisan kaniadtong Agosto 14 sa panimalay ni Ramon Floresta sa Makilala kung asa napatay sa maong operasyon ang 2 ka security sa negosyante. |
Source:,DXND Kidapawan
