21/11/2025
𝐍𝐄𝐖 𝐁𝐀𝐓𝐀𝐀𝐍 𝐒𝐔𝐌𝐌𝐈𝐓 𝐍𝐀𝐆𝐇𝐈𝐔𝐒𝐀 𝐒𝐀 𝐌𝐆𝐀 𝐅𝐎𝐑𝐌𝐄𝐑 𝐑𝐄𝐁𝐄𝐋𝐒 𝐔𝐆 𝐋𝐆𝐔
Kapin sa 100 ka mga kanhi rebelde (Former Rebels o FRs) ang nagtigom karong adlawa alang sa inagural nga New Bataan Kalinaw ug Kalamboan Summit. Kini nagtimaan sa usa ka makasaysayanong panagtigum sa mga miyembro sa komunidad, lokal nga panggamhanan, ug mga security partnere nga pursigido sa pagpalambo sa malungtarong kalinaw sa munisipyo.
Gi-organisa sa KALINAW Davao de Oro, ang summit nahimong kritikal nga plataporma alang sa dayag nga dayalogo ug diskurso sa mga pressing issues ug concerns nga giatubang sa mga FR ug mga conflict-affected nga komunidad. Ang proseso sa konsultasyon miresulta sa paggambalay sa Kalinaw ug Kalamboan Agenda, usa ka grassroots blueprint (batakang plano gikan sa komunidad) alang sa malungtarong kalamboan, pagpanalipod sa katungod, ug pag-ayo sa katilingban.
Aktibo nga miapil si Municipal Mayor Atty. Bianca Cualing-Brua sa tibuok adlaw ug nakig-istorya pag-ayo sa mga delegado sa summit. Gidayeg ni Mayor Bianca ang inisyatiba ug pormal nga gipahayag ang hingpit nga suporta sa Local Government Unit (LGU) alang sa Agenda. Usa ka mahinungdanong lakang nga nagpalig-on niini nga commitment mao ang ₱200,000 nga suporta alang sa mga programa ug kalihokan sa KALINAW, ilabi na nga gigahin alang sa organizational development, capacity building ug logistical needs sa organisasyon.
Dugang nga nagpalig-on sa kolaborasyon, ang 25th Infantry Fireball Battalion ug ang Municipal Police Station (MPS) sa Philippine National Police sa New Bataan mipahayag usab sa ilang dili matarug nga suporta alang sa kalihukan sa KALINAW ug Kalamboan. Kini nga inter-agency convergence (paghiusa sa nagkalain-laing ahensya) nagpasiugda sa usa ka hiniusang pamaagi sa seguridad nga nag-una sa kalinaw ug paghatag gahum sa komunidad.
Ang summit natapos sa taas nga kadasig uban sa pormal nga pagkatukod sa KALINAW New Bataan Community Development Workers Association. Gipili sa mga delegado ang ilang unang set sa mga opisyales, nga human niini nanumpa sa katungdanan atubangan ni Mayor Bianca. Kining opisyal nga pagporma nagsiguro nga ang mga tingog ug adbokasiya sa mga FR ug apektadong sektor institusyonal nga girepresentar ug aktibong nakigbahin sa agianan sa kalamboan sa munisipyo.
Ang KALINAW Davao de Oro nagpabilin nga determinado sa among misyon sa pagpanalipod sa tawhanong katungod, pagtubag sa mga inhustisya ug pag-address sa mga root causes sa armed conflict, nga maoy mohatag-dalan sa malungtarong kalinaw ug kalamboan. # #
Reference:
Leo Bernaldez
Information Officer, KALINAW Davao de Oro
[email protected] | 09524709220
