17/11/2024
❤️😭"pinadtaya ko a kaluma ko"❤️😭 story
Aden Isa a babay a sangat a nalilingay kani kaluma ninmapadtaya sa kaluma endu malambing. Yanin ngala eh nya ah babay na mana si hadiya sekanin a babay na Kena manisan uged na subla so kasabar nin Kano pidtalu a kagkaluma.
So nya a babay na ya ngala na kaluma nin na si Maher,so nya menem a mama na mapadtaya bun sa kaluma uged na Aden timpo a mapasang eh ngali nin Kano kaluma nin taman sa ipamelagid nin pan si kaluma nin sa masakit Kano pakinegan ni kaluma nin.
Uman silan galimbul na diden matu edtapalawana si hadiya yanin temu eh makaludtak so LU no mata nin kumensa kasumpatan nin si kaluma nin apiya pan yabun pakawagib.
Sya Kano kapegkan nilan na limedsang bun mambo so lipunget ni Maher kani hadiya Sabap sa daged maluto sa mapiya so emay a pegken nilan na gagutem abenal si Maher.
"Daden abenal katagan nengka a babay,ilunsan nengka pan sa makabuntal na tidulay eh ya nengka pan ipakan sa laki Dala matulo sa mapiya"
Yaden gadseda ni hadiya eh babaliba ni kaluma ni endu so lunin,yaman Sabap a Dala kaluto no emay na Sabap Kano dili gapiya eh ginawa ni hadiya na malu nadtalipenda nin.
Aden Isa a gay inidsan no pakat nin si hadiya.
"Nginan,dika gasemo sa ngali ni kaluma nengka. Yanin pedtalun na papegkayan nengka sekanin uged yaman masla San a papegkaya sa lekanin na ginawa nin,ka sekanin bun eh pebpayapat sa kayayan nengka"
"Pilaginawa nin Fatma,matalima ko ka kaluma ko salta na Nyaba eh inumon o allaho taala sa laki. Langun a namba na tinalima ko muna,Bago tinalima eh kapiyanan nin na tinalima ko muna ngin eh kawagan nin"
Masabar a babay si hadiya,apiya ngin eh gatala nin kani kaluma nin na pedtaliman nin. Migkawget so timpo,gadsagipa ni hadiya eh uman pedselpon si Maher na mana pakanggemen-gemen den sikanin sa Kena Sabap kani hadiya gagalaw si Maher sa Kena Sabap salkanin. Taman sa inidsan nin o nginan ka pedsalin sekanin ya mambo inisumpat ni Maher na.
"Dala pakialam nengka,o pegkaluma Ako na endaw kiyug ko"
Uway masabar si hadiya uged na santuba a kutika endu katigan na mana tinimbas so pusong nin,sa dinin katawan endaw nin akuyen asal na dibu makatuga so Lugo nin ka subla so kasakit.
Taman sa uway maytu den eh gagedam Endu gadsipat ni hadiya kani kaluma nin uged na so galaw no pamenengan endu lambing na Makin inisegan ni hadiya sa Kena yanin Sabap eh egkawget silan uged na bamakut sekanin palad pan ka dipan gawma so pasad nin kani ginawa nin.
Nagep si Maher sa nginya ka mana midsalin si kaluma nin,Makin nagiseg eh tiyakap endu limu nin. Taman sa minukit so pilaulan na nakineg den ba ni hadiya eh napakawing den sa kaped si kaluma nin taman sa ya tangga ni Maher na lunin tapiken Kano walay nilan kani hadiya.
Ngakapan ka guden ba makawma Sila Maher endu so Bago a kaluma nin na nagep sekanin ka migkalinawag so walay,a migkulang so kagamitan. Kena besen na pinanimo tinilak endu linimpiyu ni hadiya so walay endu pidtapik nin so mga gamit nin ka minawa sekanin sa timabon sa sulat a lu napanuliman ni Maher kano igan nilan.
Binatya mambo ni Maher sa gay nin pembatiya na pedtuga so luno mata nin.
"Pinadtaya ko a kaluma ko, assalamualaikum salka taman kani kaluma nengka.
Ampun Ako nengka bo kaluma ko,Sabap sa daku seka kapagadati Kano kinaawa ko sabapin sa masakit sa laki eh magetaw Ako pan. Kaluma ko dika mapagkalat eh ginawa nengka sa laki,ka saguna ibagenggay ko den so nawget den a bangenin nengka sa pitasen ko seka ibagenggay ko den ka nasiguro ko den eh Aden den natun nengka a telu takep eh kinalabi nin sa laki. Inshaallah na daden kaluma nengka a mana buntal na tidulay endu Dala katagan nin. Uged Sabap Ako man mibpalas sa tidulay mana bo ka gadsima nengka na Sabap sa dyako nengka gabalebeg bamasan sa igagaman ko yabu masla salka na ginawa nengka. Subla a galingayan ko seka uged na timigkel Ako na nawget ko den gagedam eh daden lingay nengka sin.
Kaluma ko a papedtayan,tyakapi ka si kaluma nengka sa dinin matala eh natala ko. Seka eh mama bulawan kano pusong ko,ampun Ako nengka amayka nyabu ba eh palas ko endu ampun Ako nengka ka dako makaenggay salka eh galinyan nengka uged tanudi ka kaluma ko,ka gemanat na tepung nengka taman Kano katiwalo nengka na nasukor Ako,daku mapangilay eh Dala saleka sya sa kaped a mana so kinapangilay nengka sa ngin eh Dala sa laki sya sa kaped. Syabun den ba taman kaluma ko, alhamdulillah ka nakwa nengka den eh kahanda nengka inshaallah magalw Kaden ka Dala Ako den Kano ubay nengka"
Bagigis so LU no mata ni Maher Sabap Kano sendit sa ngintu ka ininggumaytu nin si kaluma nin,Danin makapagedam kani kaluma nin eh ngin eh tidto a lilini endu danin matuman so pasad nin a "apiya ngin pan eh mambuntal nengka endu Dala salka na diko seka palabiyan" lupAnba nakenal ni Maher eh langun a KALIMBANAN nin kani kaluma nin,sa madakel kano kawagib ni kaluma nin eh danin kapatapenay. 😭😭😭
Ngin nkuwa tanu pangagi ☝️ sa niaba ikalimo tanu si kalum tanu apia yanin kaaden dla buntal nin kagina su palangay ei elian kena su buntal 😭😭😭😭😭😭kagina su kadsabr na timali abenl amengka enggetasan na daden kapangingarapen nengka makambalingan pan 😭😭😭😭😭
