LAS PIÑAS CONNECT

LAS PIÑAS CONNECT Connect with us! [email protected]

𝘈𝘯𝘰 𝘢𝘯𝘨 𝘮𝘢𝘢𝘢𝘳𝘪𝘯𝘨 𝘨𝘢𝘸𝘪𝘯 𝘶𝘱𝘢𝘯𝘨 𝘮𝘢𝘪𝘸𝘢𝘴𝘢𝘯 𝘯𝘢 𝘶𝘮𝘪𝘺𝘢𝘬 𝘢𝘯𝘨 𝘢𝘯𝘢𝘬 𝘴𝘢 𝘶𝘯𝘢𝘯𝘨 𝘢𝘳𝘢𝘸 𝘯𝘨 𝘱𝘢𝘴𝘶𝘬𝘢𝘯?✅ Ikuwento sa bata kung ano ang aasaha...
08/06/2026

𝘈𝘯𝘰 𝘢𝘯𝘨 𝘮𝘢𝘢𝘢𝘳𝘪𝘯𝘨 𝘨𝘢𝘸𝘪𝘯 𝘶𝘱𝘢𝘯𝘨 𝘮𝘢𝘪𝘸𝘢𝘴𝘢𝘯 𝘯𝘢 𝘶𝘮𝘪𝘺𝘢𝘬 𝘢𝘯𝘨 𝘢𝘯𝘢𝘬 𝘴𝘢 𝘶𝘯𝘢𝘯𝘨 𝘢𝘳𝘢𝘸 𝘯𝘨 𝘱𝘢𝘴𝘶𝘬𝘢𝘯?

✅ Ikuwento sa bata kung ano ang aasahan niya sa paaralan bago pa man dumating ang unang araw ng klase.

✅ Bisitahin ang paaralan kung maaari upang maging pamilyar siya sa lugar at mabawasan ang kaba.

✅ Ihanda nang maaga ang uniporme, bag, at mga gamit upang maiwasan ang pagmamadali.

✅ Hikayatin siyang makipagkaibigan at makilahok sa mga aktibidad sa klase.

✅ Magpaalam nang maayos at may ngiti. Iwasang pahabain ang pamamaalam upang hindi lalo siyang maiyak.

✅ Bigyan siya ng kumpiyansa sa pamamagitan ng positibong salita at paalala na babalikan siya pagkatapos ng klase.

❤️ Tandaan: Ang pagiging kalmado at positibo ng magulang ay malaking tulong upang maging panatag at masaya rin ang bata sa kanyang unang araw sa paaralan.

Naglunsad ang Social Security System o SSS ng bagong loan condonation program para matulungan ang mga miyembrong may mga...
21/05/2026

Naglunsad ang Social Security System o SSS ng bagong loan condonation program para matulungan ang mga miyembrong may mga hindi nabayarang utang mula pa noong dekada ‘90 hanggang early 2000s.

Sa ilalim ng Consolidation Loan Program, maaaring pagsama-samahin ang mga dating loan tulad ng salary, calamity, emergency, at early renewal loans. Maaari ring ma-waive ang penalties ng mga delinquent account.

Ayon sa SSS, may opsyon ang mga miyembro na bayaran nang buo o hulugan ang kanilang utang sa loob ng hanggang limang taon depende sa kabuuang halaga nito. Gayunman, kailangan pa ring bayaran ang principal amount at interes ng loan.

Inilunsad din ng ahensya ang Enhanced Emergency Loan Program para sa mga aktibong naghuhulog ng kontribusyon kung saan may mababang 7% interest rate at anim na buwang moratorium bago magsimula ang hulugan.

Samantala, may programa rin para sa mga employer upang matulungan silang mabawasan ang penalties at maayos ang kanilang pagkakautang sa SSS.

Happy Mother’s Day sa lahat ng ilaw ng tahanan! 🌸💖"Mahal kita, Mama. Kahit hindi ko man palaging maiparamdam at marami m...
09/05/2026

Happy Mother’s Day sa lahat ng ilaw ng tahanan! 🌸💖

"Mahal kita, Mama. Kahit hindi ko man palaging maiparamdam at marami man akong pagkukulang at pagkakamali, ipinapangako kong aalagaan kita habang buhay. Salamat sa walang sawang pagmamahal, pag-aaruga, at sakripisyo. Ikaw ang tunay na lakas ng aming pamilya. ❤️🙏"

Isinusulong ni JV Ejercito sa Senado ang panukalang magbigay ng ₱5,000 na ayuda sa mga bagong graduate sa kolehiyo.Layun...
05/05/2026

Isinusulong ni JV Ejercito sa Senado ang panukalang magbigay ng ₱5,000 na ayuda sa mga bagong graduate sa kolehiyo.

Layunin ng panukala na makatulong sa mga fresh grads habang sila ay naghahanap ng trabaho, lalo na sa gastusin tulad ng pamasahe, requirements, at iba pang pangangailangan sa job hunting.

Sa ngayon, hinihintay pa ang karagdagang detalye at pagtalakay sa nasabing panukala.

Nagbabala ang mga eksperto sa kalusugan na ang madalas na pagsasabay ng seafood, alak, at laman-loob o mga karaniwang pu...
28/04/2026

Nagbabala ang mga eksperto sa kalusugan na ang madalas na pagsasabay ng seafood, alak, at laman-loob o mga karaniwang pulutan ay isa sa pangunahing dahilan ng pagtaas ng uric acid sa katawan na maaaring humantong sa gout, isang masakit at pamamagang uri ng arthritis.

Ayon sa mga health experts, ang seafood gaya ng hipon, tahong, alimango, sardinas at iba pang lamang-dagat, gayundin ang laman-loob tulad ng atay, bituka, balun-balunan at iba pa, ay may mataas na taglay na purines. Kapag natunaw ito sa katawan, nagiging uric acid na kapag sumobra ay naiipon sa dugo at maaaring bumuo ng kristal sa mga kasukasuan.

Kapag nangyari ito, maaaring makaranas ng matinding pananakit, pamumula, pamamaga at hirap sa paggalaw ng bahagi ng katawan—karaniwang sa paa, tuhod, bukung-bukong, at daliri sa paa.

Dagdag pa rito, ang pag-inom ng alak lalo na ang beer at hard drinks ay maaaring makapagpabagal sa kakayahan ng kidneys na ilabas ang uric acid sa pamamagitan ng ihi. Dahil dito, mas tumataas ang tiyansa ng gout attack lalo na kung sinasabayan pa ng pulutan na mataas sa purines.

⚠️ Mga Dapat Gawin Upang Makaiwas sa Gout:
✅ Uminom ng maraming tubig araw-araw
✅ Bawasan ang seafood, laman-loob at matatabang pagkain
✅ Limitahan ang pag-inom ng alak
✅ Mag-ehersisyo at panatilihin ang tamang timbang
✅ Magpatingin sa doktor kung madalas sumakit ang kasukasuan

Paalala ng mga eksperto, ang gout ay maaaring maiwasan kung maagap ang pag-aalaga sa kalusugan at tamang pagkain.

Isinusulong ni Senador Imee Marcos ang panukalang muling ipagpaliban ang Barangay at Sangguniang Kabataan elections na n...
27/04/2026

Isinusulong ni Senador Imee Marcos ang panukalang muling ipagpaliban ang Barangay at Sangguniang Kabataan elections na nakatakda ngayong Nobyembre.

Sa ilalim ng Senate Bill 2067, nais niyang ilipat ang halalan sa Oktubre 2027. Ayon sa senadora, maraming botante ang maaaring hindi makaboto dahil sa mataas na pamasahe at pagtaas ng presyo ng mga pangunahing bilihin.

Binanggit din niya na kasunod ng eleksyon ang paggunita ng Undas, kung kailan mas inuuna ng maraming pamilya ang pagdalaw sa mga yumao kaysa paggastos sa ibang bagay.

Dagdag pa rito, kung maaantala ang halalan ay magkakaroon umano ng mas mahabang panahon para sa pag-update at paglilipat ng voter registration. Maaari rin umanong ilaan muna sa ayuda at pagtugon sa krisis ang tinatayang P16 bilyong pondo para sa eleksyon.

Kapag naaprubahan ang panukala, mananatili muna sa puwesto ang mga kasalukuyang barangay at SK officials hanggang sa susunod na halalan sa 2027.

ISINULONG NI DILG Secretary Jonvic Remulla nitong Lunes, Abril 27, ang posibilidad na buwagin ang Sangguniang Kabataan (...
27/04/2026

ISINULONG NI DILG Secretary Jonvic Remulla nitong Lunes, Abril 27, ang posibilidad na buwagin ang Sangguniang Kabataan (SK) matapos ang mga lumabas na alegasyon ng umano’y korapsyon na kinasasangkutan ng ilang SK chairman sa Makati City.

Sa isang press conference, sinabi ni Remulla na kung siya lamang ang masusunod ay babaguhin na niya ang kasalukuyang sistema ng SK, ngunit nilinaw niyang may legal at constitutional na usapin ito kaya hindi basta maipapatupad ng kanyang kagawaran.

Dagdag pa niya, kung magkakaroon ng constitutional reforms, isa sa kanyang rekomendasyon ang tuluyang pag-alis sa SK dahil nakikita umano niyang maagang nasasanay ang ilan sa maling kultura ng pamamahala at korapsyon.

Ayon pa sa kalihim, marami ring SK officials sa buong bansa ang hindi na umano aktibo matapos ang unang taon ng kanilang termino, kaya nauuwi lamang sa pagtalaga ng officer-in-charge ang pamamalakad.

Iminungkahi rin ni Remulla na sa halip na eleksyon, maaaring barangay council na lamang ang magtalaga ng hahawak sa youth affairs upang maiwasan umano ang maling paggamit ng posisyon.

Umaabot sa mahigit 40 Pilipino ang namamatay kada araw dahil sa mga sakit na iniuugnay sa labis na pag-inom ng alak, ayo...
27/04/2026

Umaabot sa mahigit 40 Pilipino ang namamatay kada araw dahil sa mga sakit na iniuugnay sa labis na pag-inom ng alak, ayon sa pahayag ng Philippine Medical Association.

Dahil dito, muling nanawagan ang ilang health advocates na taasan pa ang buwis sa mga alcoholic beverage upang mabawasan ang konsumo nito at makatulong sa pag-iwas sa mga sakit na dulot ng sobrang pag-inom.

Ayon sa mga eksperto, kabilang sa mga karaniwang epekto ng labis na pag-inom ng alak ang sakit sa atay, altapresyon, sakit sa puso, at iba pang seryosong karamdaman.
Patuloy namang hinihikayat ang publiko na pairalin ang responsableng pag-inom at pangalagaan ang kalusugan.

🚫 LAHAT NG URI NG PAGSUSUGAL, BAWAL NA SA MGA KAWANI NG GOBYERNO! Mahigpit nang ipinagbabawal sa lahat ng opisyal at emp...
24/04/2026

🚫 LAHAT NG URI NG PAGSUSUGAL, BAWAL NA SA MGA KAWANI NG GOBYERNO!

Mahigpit nang ipinagbabawal sa lahat ng opisyal at empleyado ng gobyerno ang pagsali sa anumang uri ng sugal matapos ilabas ng Civil Service Commission (CSC) ang Resolution No. 2600111.

Sakop ng pagbabawal ang pagsusugal nang personal man o online, anumang oras at saan mang lugar.

Kabilang sa mga ipinagbabawal ang:
🎰 Pagpasok o pananatili sa casino at iba pang gambling establishments
💻 Online gambling gaya ng online casino, e-bingo, at e-sabong
🎲 Pagsali o pag-oorganisa ng anumang uri ng sugal

Ayon sa CSC, layunin ng bagong polisiya na mapanatili ang integridad sa serbisyo publiko at mapalakas ang tiwala ng mamamayan sa pamahalaan.

Magkakabisa ang naturang resolusyon 15 araw matapos itong mailathala sa pahayagan.

SUNOG SA MIRANDA COMPOUNDSunog, sumiklab sa isang residential area sa Miranda Compound sa Barangay Talon Uno, Las Piñas ...
06/04/2026

SUNOG SA MIRANDA COMPOUND

Sunog, sumiklab sa isang residential area sa Miranda Compound sa Barangay Talon Uno, Las Piñas City, Lunes ng gabi.

Itinaas ito sa unang alarma na agad ring naapula ng mga rumespondeng bumbero makalipas ang ilang minuto.

Inaalam pa sa ngayon ang sanhi ng sunog.

📸 Khaye Belgica/JC Soliven - Las Piñas Updates Media

Address

Las Piñas
1740

Website

Alerts

Be the first to know and let us send you an email when LAS PIÑAS CONNECT posts news and promotions. Your email address will not be used for any other purpose, and you can unsubscribe at any time.

Shortcuts

Share

Category