https://www.facebook.com/111152445108892/

BNHS - An Layag, Purok 3/Brgy. 66 Banquerohan, Legazpi (2026)

20/08/2026

𝐓𝐈𝐍𝐆𝐍𝐀𝐍 | Isinagawa ng Banquerohan National High School (BNHS) ang 𝑺𝒕𝒂𝒌𝒆𝒉𝒐𝒍𝒅𝒆𝒓𝒔 𝑺𝒖𝒎𝒎𝒊𝒕 𝒂𝒕 𝑹𝒆𝒐𝒓𝒈𝒂𝒏𝒊𝒛𝒂𝒕𝒊𝒐𝒏 𝒐𝒇 𝒕𝒉𝒆 𝑺𝒄𝒉𝒐𝒐𝒍 𝑮𝒐𝒗𝒆𝒓𝒏𝒂𝒏𝒄𝒆 𝑪𝒐𝒖𝒏𝒄𝒊𝒍 (𝑺𝑮𝑪) nitong Agosto 20, 2026, na nilahukan ng mga kinatawan mula sa paaralan, barangay, at iba’t ibang sektor at stakeholders upang talakayin ang kalagayan at mga plano para sa pagpapaunlad ng paaralan.

Tinalakay sa summit ang limang-taong performance ng BNHS, kabilang ang pagbaba ng enrollment, gayundin ang mga hamon sa repetition at failure rate. Inilahad din ni School Head Jolan B. Torres ang kaniyang STRIVE agenda, Annual Implementation Plan, at BNHS Developmental Plan.

Samantala, ipinaliwanag ni Assistant School Head Maria Salina A. Mapa ang estruktura at mga tungkulin ng SGC alinsunod sa DepEd Order No. 26, s. 2022. Sinundan ito ng halalan ng mga opisyal, konsultasyon at action planning, at oath-taking ceremony ng bagong SGC.

𝐿𝑎𝑟𝑎𝑤𝑎𝑛 𝑛𝑖:
Althea Ellaine Botalon

𝑃𝑎𝑔-𝑎𝑎𝑛𝑦𝑜 𝑛𝑖𝑛𝑎:
Patricia Mae Ate
Mary Ann Llaneta
Hanzz Magalona

17/08/2026

𝐓𝐈𝐍𝐆𝐍𝐀𝐍 | Pormal nang binuksan ng Banquerohan National High School (BNHS) ang pagdiriwang ng 𝐒𝐜𝐢𝐞𝐧𝐜𝐞 𝐖𝐞𝐞𝐤 𝟐𝟎𝟐𝟔 ngayong Agosto 17, pagkatapos ng seremonya ng pagtataas ng watawat sa pangunguna ng STEM Club Officers at mga g**o sa Departamento ng Agham.

Pinangunahan ni Jesica O. Rectin, tagapayo ng STEM Club, ang pagbibigay ng mensahe, na sinundan ng masiglang Zumba session ng STEM Club Officers. Nagbahagi rin si Penny Grace Sanchez, STEM Club Vice-President, ng mga trivia at mahahalagang impormasyon hinggil sa mga aktibidad na inihanda para sa Science Week.

Tampok din sa programa ang turnover ng Robotics Kits mula sa Center for Women in STEM ng Oro Site High School pati na rin ang paggawad ng parangal sa mga kinilalang Model Classroom ng YES-O.

𝐿𝑎𝑟𝑎𝑤𝑎𝑛 𝑛𝑖𝑛𝑎:
Althea Ellaine Botalon
Rahel Ariza Arana
Edcel Botin
Kristel Basilla
Athena Miel Arcilla

𝑃𝑎𝑔-𝑎𝑎𝑛𝑦𝑜 𝑛𝑖𝑛𝑎:
Mary Ann Llaneta
Hanzz Magalona

12/08/2026

𝐓𝐈𝐍𝐆𝐍𝐀𝐍 | Matagumpay na isinagawa ang pagpupulong ng Coordinating Council ng Banquerohan National High School (BNHS) ngayong Agosto 12, 2026 sa pangunguna ng Supreme Secondary Learner Government (SSLG).

Ang nasabing pagpupulong ay dinaluhan ng mga opisyal mula sa iba't ibang student club and organization pati na rin ng punong-g**o ng paaralan, G. Jolan B. Torres.

Nabuo sa pamamagitan ng halalan sa pagpupulong ang mga permanenteng komite na mangangasiwa sa iba’t ibang gawain ng mga organisasyon. Kabilang sa mga komiteng nabuo ang Internal Affairs, External Affairs, Secretariat, Rules and Constitution, at Learner’s Welfare.

Samantala, inaasahan ang aktibong pagganap ng mga bagong halal na opisyal sa buong taong panuruan.

𝐿𝑎𝑟𝑎𝑤𝑎𝑛 𝑛𝑖𝑛𝑎:
Rahel Ariza Arana
Edcel Botin
John Angelo Dacir

𝑃𝑎𝑔-𝑎𝑎𝑛𝑦𝑜 𝑛𝑖:
Patricia Mae D. Ate

11/08/2026

𝐒𝐀 𝐌𝐆𝐀 𝐋𝐀𝐑𝐀𝐖𝐀𝐍 | Tampok sa 𝐀𝐒𝐄𝐀𝐍 𝐌𝐨𝐧𝐭𝐡 𝐂𝐞𝐥𝐞𝐛𝐫𝐚𝐭𝐢𝐨𝐧 𝟐𝟎𝟐𝟔 ng Banquerohan National High School (BNHS) ang makukulay na kasuotan ng mga opisyal at miyembro ng Araling Panlipunan (AP) Club, teaching at non-teaching personnel bilang pagpapakita ng kanilang pakikiisa sa nasabing pagdiriwang.

Bilang pagkilala sa aktibong partisipasyon ng mga g**o at iba pang kawani ng paaralan, naghandog ang AP Club ng iba't ibang parangal para sa mga natatanging kasuotang ibinida sa pagdiriwang.

𝐿𝑎𝑟𝑎𝑤𝑎𝑛 𝑛𝑖𝑛𝑎:
Althea Ellaine Botalon
Rahel Ariza Arana
Edcel Botin
Kristel Basilla
John Angelo Dacir
Athena Miel Arcilla

𝑃𝑎𝑔-𝑎𝑎𝑛𝑦𝑜 𝑛𝑖:
Patricia Mae D. Ate
Mary Ann Llaneta

11/08/2026

𝐁𝐍𝐇𝐒 𝐧𝐚𝐤𝐢𝐢𝐬𝐚 𝐬𝐚 𝐀𝐒𝐄𝐀𝐍 𝐌𝐨𝐧𝐭𝐡 𝐂𝐞𝐥𝐞𝐛𝐫𝐚𝐭𝐢𝐨𝐧 𝟐𝟎𝟐𝟔
𝑩𝒂𝒍𝒊𝒕𝒂 | Cristine A. Mirabel

Itinampok ng Banquerohan National High School (BNHS) ang kultura, kasaysayan, at pagkakaisa ng mga bansa sa Timog-Silangang Asya sa isinagawang 𝑨𝑺𝑬𝑨𝑵 𝑴𝒐𝒏𝒕𝒉 𝑪𝒆𝒍𝒆𝒃𝒓𝒂𝒕𝒊𝒐𝒏 2026 kahapon, Agosto 10, na may temang “𝑵𝒂𝒗𝒊𝒈𝒂𝒕𝒊𝒏𝒈 𝑶𝒖𝒓 𝑭𝒖𝒕𝒖𝒓𝒆 𝑻𝒐𝒈𝒆𝒕𝒉𝒆𝒓.”

Ibinida sa programa ang kahalagahan ng pagkilala sa kultura at kasaysayan ng mga bansang kabilang sa Association of Southeast Asian Nations (ASEAN) sa pamamagitan ng iba’t ibang presentasyon, patimpalak, at gawaing pangkultura.

Nagbigay ng pambungad na mesahe si Fatima Dexisne-Aguilar, puno ng departamento ng Araling Panlipunan (AP), kung saan binigyang diin niya ang papel ng mga kabataan sa pagpapatuloy at paglikha ng kasaysayan.

“Ipinagdiriwang din ngayong Agosto ang Buwan ng Kasaysayan na may temang ‘Hinubog ng Bayan, Diwa ng Alon.’ Hindi lamang tayo tagapakinig ng kasaysayan, tayo rin ay tagapagpatuloy at tagalikha nito,” ani Aguilar.

Dagdag pa niya na mahalaga ang pagkakaisa sa kabila ng pagkakaiba-iba ng kultura at pinagmulan.

“Magkakaiba man ang ating kultura at pinagmulan, iisa lang ang ating hangarin, ang sama-samang pagbuo ng mas mapayapa, mas maunlad at magandang kinabukasan,” dagdag ni Aguilar.

Nagbigay rin ng mensahe si Jorlan B. Torres, punong-g**o, na hinikayat ang mga mag-aaral na maging responsableng bahagi ng kanilang komunidad at katuwang sa pagkamit ng adhikain ng ASEAN.

“Our simple step of making our articulation and the attainment are also considered the ASEAN's dream, not only your personal but make it as a dream for you to become responsible members of our community,” pahayag ni Torres.

Kabilang sa mga isinagawang aktibidad ang ASEAN Traditional Costume Presentation, Ceremonial Raising of the ASEAN Member-State Flags, ASEAN History and Culture Trivia, at “Suot Makabayan” Showcase of ASEAN-Inspired Attire para sa teaching at non-teaching personnel.

Dagdag ng kasiyahan din sa programa ang duet song na handog nina Jay Ann L. Anonuevo at Mark Danrex Acuna.

𝐿𝑎𝑟𝑎𝑤𝑎𝑛 𝑛𝑖𝑛𝑎:
Althea Ellaine Botalon
Rahel Ariza Arana
Edcel Botin
Kristel Basilla
John Angelo Dacir
Athena Miel Arcilla

𝑃𝑎𝑔-𝑎𝑎𝑛𝑦𝑜 𝑛𝑖:
Patricia Mae D. Ate
Mary Ann Llaneta

03/08/2026

𝐓𝐈𝐍𝐆𝐍𝐀𝐍 | Kasabay ng seremonya ng pagtataas ng watawat kanina, Agosto 3, sa Pambansang Paaralang Sekundarya ng Banquerohan ay ang pagbubukas ng pagdiriwang ng 𝐁𝐮𝐰𝐚𝐧 𝐧𝐠 𝐖𝐢𝐤𝐚𝐧𝐠 𝐏𝐚𝐦𝐛𝐚𝐧𝐬𝐚 𝟐𝟎𝟐𝟔 na may temang, "𝑊𝑖𝑘𝑎𝑛𝑔 𝐹𝑖𝑙𝑖𝑝𝑖𝑛𝑜 𝑎𝑡 𝐴𝐼: 𝐾𝑎𝑠𝑎𝑛𝑔𝑘𝑎𝑝𝑎𝑛 𝑠𝑎 𝑃𝑎𝑛𝑎𝑛𝑎𝑙𝑖𝑘𝑠𝑖𝑘 𝑎𝑡 𝑇𝑢𝑙𝑎𝑦 𝑠𝑎 𝑌𝑎𝑚𝑎𝑛 𝑛𝑔 𝐼𝑚𝑝𝑜𝑟𝑚𝑎𝑠𝑦𝑜𝑛."

Upang ipakita ang pakikiisa sa nasabing pagdiriwang, ang mga g**o, administrador at iba pang kawani ng paaralan ay nagsuot ng kani-kanilang simpleng kasuotang Pilipino.

Ngayong buwan ng Agosto, sama-samang ipagdiwang at pagyamanin ang Wikang Filipino tungo sa makabuluhan at mapanagutang paggamit ng makabagong teknolohiya tulad ng Artificial Intelligence o AI para sa mas malawak at malalim na pagkatuto.

𝐿𝑎𝑟𝑎𝑤𝑎𝑛 𝑛𝑖𝑛𝑎:
Althea Ellaine Botalon
Rahel Ariza Arana
Edcel Botin
Kristel Basilla
John Angelo Dacir
Athena Miel Arcilla

𝑃𝑎𝑔-𝑎𝑎𝑛𝑦𝑜 𝑛𝑖:
Patricia Mae D. Ate

02/08/2026

𝐒𝐀 𝐌𝐆𝐀 𝐋𝐀𝐑𝐀𝐖𝐀𝐍 | Iba pang mga kaganapan sa isinagawang 𝑺𝒆𝒎𝒊𝒏𝒂𝒓-𝑾𝒐𝒓𝒌𝒔𝒉𝒐𝒑 𝒔𝒂 𝑷𝒂𝒎𝒂𝒎𝒂𝒉𝒂𝒚𝒂𝒈 𝑷𝒂𝒏𝒈𝒌𝒂𝒎𝒑𝒖𝒔 ng An Layag kahapon, Agosto 1, sa covered court ng paaralan, Banquerohan National High School.

𝐿𝑎𝑟𝑎𝑤𝑎𝑛 𝑛𝑖𝑛𝑎:
Althea Ellaine Botalon
John Angelo A. Dacir

𝑃𝑎𝑔-𝑎𝑎𝑛𝑦𝑜 𝑛𝑖:
Patricia Mae D. Ate

02/08/2026

𝐊𝐚𝐬𝐚𝐧𝐚𝐲𝐚𝐧 𝐬𝐚 𝐩𝐚𝐦𝐚𝐦𝐚𝐡𝐚𝐲𝐚𝐠 𝐩𝐚𝐧𝐠𝐤𝐚𝐦𝐩𝐮𝐬, 𝐩𝐢𝐧𝐚𝐠𝐭𝐢𝐛𝐚𝐲 𝐬𝐚 𝐬𝐞𝐦𝐢𝐧𝐚𝐫-𝐰𝐨𝐫𝐤𝐬𝐡𝐨𝐩 𝐧𝐠 𝐀𝐧 𝐋𝐚𝐲𝐚𝐠
𝑩𝒂𝒍𝒊𝒕𝒂 | Ryan Jay Peñarubia

Upang higit na mapaunlad ang kasanayan sa larangan ng pamamahayag pangkampus, isinagawa ang Seminar-Workshop sa Pamamahayag Pangkampus ang An Layag, opisyal na publikasyong Filipino ng Banquerohan National High School (BNHS), sa covered court ng nasabing paaralan kahapon, Agosto 1 na dinaluhan ng mga miyembro ng publikasyon, tagapayo, at dating mga kasapi nito na nagsilbing mga tagapagsalita ng pagsasanay.

Tinalakay sa programa ang iba't ibang kategorya sa pamamahayag pangkampus tulad ng pagsulat ng balita, kolum, balitang isports, editoryal, lathalain, at iba pa kung saan nagbahagi ang mga tagapagsalita ng kani-kanilang kaalaman, karanasan, at mga praktikal na gabay upang higit na malinang ang kakayahan ng mga kalahok.

Sa isang panayam, binigyang-diin ni Gng. Graciel Anne Laguilles-Arive, tagapayo ng An Layag, ang kahalagahan ng isinagawang pagsasanay para sa mga kasapi ng publikasyon.

"Ang pagsasanay pong ito ay ginagawa natin upang mapaunlad pa ang kasanayan ninyo sa pagsulat nang sa gayon ay dekalidad na serbisyo ang maibibigay natin sa ating paaralan," ani Gng. Arive.

Dagdag pa niya, sa pamamagitan ng isinagawang pagsasanay, masusukat ang kakayahan ng bawat miyembro at makatutulong din ito sa pagtukoy ng mga mag-aaral na maaaring maging kinatawan ng paaralan sa mga kompetisyon sa pamamahayag pangkampus.

Nagbigay rin ng suporta si G. John Mark Arive, Puno ng Departamento ng Filipino, sa nasabing pagsasanay kung saan kanyang pinangunahan ang pagtalakay at simulation sa Radio Broadcasting and Scriptwriting.

Kabilang din sa mga naging tagapagsalita si G. Jeremiah Macalla, isang batikang manunulat ng balitang isports, na nagbigay ng karangalan sa paaralan hindi lamang sa pansangay na antas kundi hanggang sa pambansa.

Ibinahagi niya ang kanyang mga kaalaman, teknik at karanasan sa ilang taong pagsabak sa kompetisyon sa pagsulat ng balitang isports.

Samantala, tinapos naman ang gawain sa pamamagitan ng isang workshop kung saan inaasahang nailapat ng mga mamahayag ang kanilang mga natutuhan sa buong araw na pagsasanay.

𝐿𝑎𝑟𝑎𝑤𝑎𝑛 𝑛𝑖𝑛𝑎:
Althea Ellaine Botalon
John Angelo A. Dacir

𝑃𝑎𝑔-𝑎𝑎𝑛𝑦𝑜 𝑛𝑖:
Patricia Mae D. Ate

29/07/2026

𝑷𝒂𝒏𝒊𝒃𝒂𝒈𝒐𝒏𝒈 𝒕𝒂𝒐𝒏𝒈 𝒑𝒂𝒏𝒖𝒓𝒖𝒂𝒏. 𝑷𝒂𝒏𝒊𝒃𝒂𝒈𝒐𝒏𝒈 𝒎𝒈𝒂 𝒑𝒂𝒏𝒖𝒍𝒂𝒕 𝒂𝒕 𝒕𝒊𝒏𝒊𝒈. 𝑷𝒂𝒏𝒊𝒃𝒂𝒈𝒐𝒏𝒈 𝒑𝒂𝒈𝒍𝒂𝒍𝒂𝒚𝒂𝒈 𝒂𝒕 𝒑𝒂𝒈𝒕𝒂𝒕𝒂𝒈𝒖𝒚𝒐𝒅 𝒏𝒈 𝒎𝒂𝒌𝒂𝒕𝒐𝒕𝒐𝒉𝒂𝒏𝒂𝒏 𝒂𝒕 𝒎𝒂𝒑𝒂𝒏𝒂𝒈𝒖𝒕𝒂𝒏𝒈 𝒑𝒂𝒎𝒂𝒎𝒂𝒉𝒂𝒚𝒂𝒈. ⛵

Buong galak na ipinakikilala ang Patnugutan ng publikasyong 𝐀𝐧 𝐋𝐚𝐲𝐚𝐠 para sa 𝐓𝐚𝐨𝐧𝐠 𝐏𝐚𝐧𝐮𝐫𝐮𝐚𝐧 𝟐𝟎𝟐𝟔-𝟐𝟎𝟐𝟕 na binubuo ng mga nagbabalik na mamamahayag at mga bagong kasaping dumaan at matagumpay na nakapasa sa isinagawang iskrining.

Sa taong ito, sama-samang haharapin ang mga bagong hamon at pagkakataon sa larangan ng pamamahayag pangkampus. Nawa'y magsilbing gabay ang 𝐤𝐚𝐭𝐨𝐭𝐨𝐡𝐚𝐧𝐚𝐧, 𝐢𝐧𝐭𝐞𝐠𝐫𝐢𝐝𝐚𝐝, at 𝐩𝐚𝐧𝐚𝐧𝐚𝐠𝐮𝐭𝐚𝐧 sa bawat balita, kuwento, at larawang ibabahagi sa komunidad ng Banquerohan National High School.

Sa bawat pagsagwan ng panulat, nawa’y higit na mapagyaman ang katotohanan, talino, at paglilingkod tungo sa matagumpay na paglalayag sa larangan ng pamamahayag pangkampus. ⛵📰

27/07/2026

𝐀𝐑𝐀𝐋 𝐏𝐫𝐨𝐠𝐫𝐚𝐦 𝐦𝐮𝐥𝐢𝐧𝐠 𝐚𝐚𝐫𝐚𝐧𝐠𝐤𝐚𝐝𝐚 𝐬𝐚 𝐁𝐍𝐇𝐒
𝑩𝒂𝒍𝒊𝒕𝒂 | Eliza L. Poche

Upang mabigyan ng solusyon ang suliranin sa mataas na bilang ng mga mag-aaral na nasa frustration level sa pagbasa ng English at Filipino, nagsagawa ang Banquerohan National High School (BNHS) ng oryentasyon hinggil sa muling pagpapatupad ng Academic Recovery and Accessible Learning (ARAL) Program ngayon, Hulyo 27.

Ibinahagi ni Gng. Guia P. Dela Cruz, Punong ng Departamento ng Ingles, ang resulta ng Philippine Informal Reading Inventory (Phil-IRI) para sa Taong Panuruan 2026–2027. Ayon sa ulat, 35.9% sa 1,131 mag-aaral na sinuri ang nasa frustration level sa pagbasa ng English, samantalang 5.3% sa 1,183 mag-aaral naman ang nasa parehong antas sa Filipino.

Ipinaliwanag naman ni Gng. Flordeliza M. Batas, koordineytor ng ARAL Program, ang layunin at kahalagahan ng programa sa pagtulong sa mga mag-aaral na nangangailangan ng karagdagang suporta sa pagbasa.

"Ang ARAL Program po ay isang libreng programa ng Department of Education na nakapaloob sa Republic Act No. 12028 na may layuning tulungan ang mga mag-aaral na nakararanas ng mababang kasanayan sa pagbasa. Ang programang ito ang magsisilbing salbabida upang matulungan silang mapaunlad ang kanilang kakayahan sa pagbabasa," ani Batas.

Ayon pa kay Batas, ipatutupad ang ARAL Program simula Agosto 10, 2026. Gaganapin ang mga sesyon tuwing Lunes hanggang Miyerkoles para sa English at Filipino, samantalang tuwing Huwebes at Biyernes naman para sa Matematika at Agham, mula 2:30 hanggang 3:30 ng hapon.

Binanggit din ni Batas sa isang panayam na ang isa sa mga pangunahing hamon sa pagpapatupad ng programa ay ang mababang partisipasyon ng ilang mag-aaral dahil sa suliranin sa transportasyon.

"Isa sa mga problema namin ay ang hindi pagdalo ng mga mag-aaral sa ARAL Program dahil sa transportasyon. Kaya makikipag-ugnayan kami sa mga barangay na kung maaari ay doon na lamang isagawa ang programa, upang mas maging madali ang pag-uwi ng mga mag-aaral," ani Batas.

Sa pagtatapos ng oryentasyon, hinikayat ni G. John Mark Arive, Puno ng Departamento ng Filipino, ang 48 magulang na dumalo na suportahan at pahintulutan ang kanilang mga anak na lumahok sa ARAL Program upang higit na mapaunlad ang kanilang kasanayan sa pagbasa at sa iba pang asignatura.

𝐿𝑎𝑟𝑎𝑤𝑎𝑛 𝑛𝑖𝑛𝑎:
Edcel Botin
Althea Ellaine Botalon
John Angelo Dacir

𝑃𝑎𝑔-𝑎𝑎𝑛𝑦𝑜 𝑛𝑖:
Patricia Mae Delos Reyes

BNHS - An Layag

20/08/2026

17/08/2026

12/08/2026

11/08/2026

11/08/2026

03/08/2026

02/08/2026

02/08/2026

29/07/2026

27/07/2026

Address

Telephone

Website

Alerts

Shortcuts

Share

Category

Listing takedown request