Lemery News Express

Lemery News Express Balita sa loob at labas ng Bayan ng Lemery, Batangas

TULOY-TULOY NA CLEARING OPERATIONS SA SABO DAM, ISINASAGAWA NG LGU BILANG PAGHAHANDA SA BAGYONG OPONGBilang bahagi ng pa...
10/10/2025

TULOY-TULOY NA CLEARING OPERATIONS SA SABO DAM, ISINASAGAWA NG LGU BILANG PAGHAHANDA SA BAGYONG OPONG

Bilang bahagi ng paghahanda sa inaasahang epekto ng Bagyong Opong, mas pinaigting ng Lemery LGU Clearing Operations Team ang kanilang operasyon sa Sabo Dam upang matiyak ang maayos na daloy ng tubig at maiwasan ang pagbaha sa mga mababang lugar ng bayan.

Ang Sabo Dam ay isang mahalagang imprastruktura na nagsisilbing panangga at salaan sa mga bunot, kahoy, at iba pang debris na karaniwang bumabara sa mga lagnas tuwing may malalakas na pag-ulan. Sa pamamagitan nito, napipigilan ang pag-ipon ng mga bara na nagiging sanhi ng pagbaha sa kabayanan, partikular sa Poblacion, na siyang itinuturing na catch basin ng tubig mula sa matataas na bahagi ng Lemery at mga karatig-bayan.

Ayon sa LGU, ang tuloy-tuloy na clearing operations ay bahagi ng kanilang disaster preparedness measures upang mapanatiling ligtas ang mga residente sa posibleng epekto ng bagyo. Nagpaabot din ng paalala ang lokal na pamahalaan sa mga mamamayan na manatiling alerto at makinig sa mga opisyal na abiso kaugnay ng lagay ng panahon at kaligtasan.

DALAWANG DRUG PERSONALITY, ARESTADO SA MAGKAHIWALAY NA OPERASYON KONTRA ILEGAL NA DROGA SA LEMERY, BATANGASDalawang hini...
10/10/2025

DALAWANG DRUG PERSONALITY, ARESTADO SA MAGKAHIWALAY NA OPERASYON KONTRA ILEGAL NA DROGA SA LEMERY, BATANGAS

Dalawang hinihinalang sangkot sa ilegal na droga ang nasakote ng mga operatiba ng Lemery Municipal Police Station sa ilalim ng pamumuno ni PLTCOL Merlin C. Pineda, Acting Chief of Police, sa magkahiwalay ngunit matagumpay na operasyon kontra droga na isinagawa sa bayan ng Lemery, Batangas.

Unang naaresto ang suspek na si alyas “Taba,” 28 taong gulang, walang asawa, at isang construction worker, dakong alas-8:10 ng gabi noong Oktubre 8, 2025 sa Barangay Nonong Casto. Nasamsam mula sa kanya ang dalawang (2) heat-sealed transparent plastic sachet na naglalaman ng hinihinalang shabu na may kabuuang timbang na 0.20 gramo, at buy-bust money na nagkakahalaga ng ₱500.00.

Samantala, bandang alas-12:57 ng tanghali ngayong Oktubre 9, 2025, sa Barangay Ayao-Iyao, Lemery, ay nadakip naman ang ikalawang suspek na si alyas “Titit,” 42 taong gulang, may asawa, tricycle driver, at residente rin ng Barangay Nonong Casto. Nakuha mula sa kanya ang isang (1) heat-sealed plastic sachet ng hinihinalang shabu na may bigat na 0.10 gramo, at buy-bust money na ₱500.00.

Kasalukuyang nasa kustodiya ng Lemery Municipal Police Station ang dalawang suspek habang inihahanda ang kaukulang kasong kriminal laban sa kanila sa paglabag sa Republic Act No. 9165 o ang Comprehensive Dangerous Drugs Act of 2002.

Ayon kay PLTCOL Pineda, patuloy ang pinaigting na kampanya ng Lemery PNP laban sa ilegal na droga upang mapanatili ang kapayapaan at kaligtasan ng buong komunidad. Dagdag pa niya, magiging tuloy-tuloy ang operasyon at masusing pagmamanman sa mga lugar na posibleng pinagmumulan ng ilegal na aktibidad sa bayan.

GOV. VILMA SANTOS-RECTO, PINAIIMBESTIGAHAN SI DPWH REGIONAL DIRECTOR JOVEL MENDOZA DAHIL SA MGA OVERPRICED NA PROYEKTOPa...
10/10/2025

GOV. VILMA SANTOS-RECTO, PINAIIMBESTIGAHAN SI DPWH REGIONAL DIRECTOR JOVEL MENDOZA DAHIL SA MGA OVERPRICED NA PROYEKTO

Patuloy na pinaiimbestigahan ngayon ni Batangas Governor Vilma Santos-Recto ang mga proyekto ng Department of Public Works and Highways (DPWH) Regional Office sa pangunguna ni Regional Director Jovel G. Mendoza, matapos umanong matuklasan na may mga proyektong ipinatupad sa lalawigan nang hindi dumaan sa koordinasyon ng mga lokal na opisyal tulad ng mga Mayor, Congressman at sa Kapitolyo na sinasabing posibleng labis ang presyo kumpara sa aktwal na halaga sa merkado.

Ayon sa ulat na ipinaabot sa tanggapan ng Gobernadora, ilang proyekto ng DPWH sa Batangas ang nakapagtala ng hindi pangkaraniwang mataas na presyo, kabilang ang mga Cat’s Eye road markers na umabot umano sa ₱24,000 kada piraso sa District 1 ng Batangas, solar streetlights na nagkakahalaga ng ₱233,000 bawat isa, at slope protection projects na aabot sa ₱45,000 bawat square meter.

Batay sa pagsusuri ng provincial government, doble hanggang limang beses ang taas ng halaga ng mga proyektong ito kumpara sa karaniwang presyo sa merkado. Dahil dito, agad na iniutos ni Governor Vilma Santos-Recto ang pagsasagawa ng malalimang beripikasyon at audit upang matukoy kung may naganap na iregularidad sa implementasyon ng mga proyekto.

Sa pahayag ng Gobernadora, sinabi niyang ikinagulat ng Kapitolyo ang pagkakaroon ng mga proyektong hindi man lamang dumaan sa koordinasyon ng mga lokal na opisyal — kabilang ang mga alkalde, kongresista, at maging ang kanyang tanggapan.

“Nagulat na lang kami na may mga proyektong ipinatutupad sa Batangas na hindi man lang ipinapaalam o kinokonsulta sa amin. Dapat malinaw ang proseso, lalo na’t pera ng taumbayan ang ginagamit,” ani ni Gov. Recto.

Kaugnay nito, pinag-aaralan na ng Provincial Legal Office ang paghahain ng pormal na reklamo laban sa mga opisyal ng DPWH Regional Office upang masuri ng Ombudsman at ng DPWH Central Office ang naturang mga proyekto.

Dagdag pa ni Governor Recto, hindi siya tutol sa mga proyektong pambansa, subalit mahalagang tiyakin na transparent, maayos, at kapaki-pakinabang ang mga ito para sa mga mamamayan.

“Ang bawat proyekto ay dapat dumaan sa tamang proseso at may pananagutan ang sinumang opisyal na mapatunayang lumabag. Responsibilidad nating tiyakin na ang buwis ng mamamayan ay nagagamit sa tama,” diin ni Gov. Recto.

Sa ngayon, patuloy ang pagkalap ng ebidensya at mga dokumento upang malaman ang lawak ng posibleng anomalya sa mga proyektong pinondohan ng DPWH sa Batangas. Ang hakbang na ito, ayon sa Gobernadora, ay bahagi ng kanyang paninindigang ituloy ang laban para sa tapat at makataong pamamahala sa lalawigan.

PAMAHALAANG BAYAN NG LEMERY, NAMAHAGI NG MGA WHEELCHAIR SA MGA PWDSBilang bahagi ng programang pangkalinga sa mga kababa...
07/10/2025

PAMAHALAANG BAYAN NG LEMERY, NAMAHAGI NG MGA WHEELCHAIR SA MGA PWDS

Bilang bahagi ng programang pangkalinga sa mga kababayan na may kapansanan, nagsagawa ng pamamahagi ng mga wheelchair ang Pamahalaang Bayan ng Lemery upang makatulong sa kanilang pang-araw-araw na paggalaw at kabuhayan.

Layunin ng inisyatibang ito na maibsan ang hirap sa paggalaw ng mga Persons with Disability (PWDs) at maitaguyod ang mas maayos na kalidad ng buhay para sa kanila sa kabila ng kanilang mga limitasyon.

Tiniyak ng lokal na pamahalaan na magpapatuloy ang pamamahagi ng mga assistive devices tulad ng wheelchair, crutches, at iba pang kagamitan upang mas marami pang Lemereño ang makinabang.

Ayon sa opisyal ng bayan, ito ay patunay ng patuloy na malasakit at pagkalinga ng LGU sa lahat ng sektor ng lipunan, lalo na sa mga nangangailangan ng espesyal na atensyon at tulong.

2 DRUG SUSPECTS, ARESTADO SA BUY-BUST OPERATIONDalawang hinihinalang drug personality ang naaresto sa matagumpay na buy-...
07/10/2025

2 DRUG SUSPECTS, ARESTADO SA BUY-BUST OPERATION

Dalawang hinihinalang drug personality ang naaresto sa matagumpay na buy-bust operation ng mga operatiba ng Lemery Municipal Police Station sa ilalim ng pamumuno ni PLTCOL Merlin C. Pineda, Acting Chief of Police, dakong alas-1:45 ng madaling araw ng Oktubre 3, 2025 sa Barangay Bukal, Lemery, Batangas.

Kinilala ang mga suspek bilang sina alyas “Jerry”, 59-anyos, may asawa, walang hanapbuhay, at alyas “Choi”, 42-anyos, ahente ng baboy; kapwa residente ng Barangay Dita, Lemery.

Nasamsam mula sa mga suspek ang dalawang heat-sealed sachet ng hinihinalang shabu na may kabuuang timbang na humigit-kumulang 1.0 gramo at may standard drug price na ₱6,800, kasama ang ₱1,000 marked money na ginamit sa operasyon.

Kasalukuyang nakaditine ang mga suspek sa Lemery MPS habang inihahanda ang mga dokumento para sa kasong paglabag sa Republic Act No. 9165 o Comprehensive Dangerous Drugs Act of 2002.

Ayon kay PLTCOL Pineda, ang operasyon ay patunay ng patuloy na pagpapaigting ng kampanya kontra droga sa Lemery. “Hindi titigil ang Lemery Police sa pagsugpo sa iligal na droga. Sa tulong ng mamamayan, mapapanatili natin ang kapayapaan at kaayusan sa ating bayan,” aniya.

CLEARING OPERATIONS, TULOY-TULOY SA HARAP NG XENTRO MALL, BRGY. MALINISWalang tigil ang Clearing Operations Team ng Pama...
07/10/2025

CLEARING OPERATIONS, TULOY-TULOY SA HARAP NG XENTRO MALL, BRGY. MALINIS

Walang tigil ang Clearing Operations Team ng Pamahalaang Bayan ng Lemery sa pagtatanggal ng mga nakabarang putik at naipong tubig-ulan sa mga daan at kanal sa kahabaan ng Xentro Mall, Barangay Malinis.

Layunin ng operasyon na mapanatiling maayos ang daloy ng tubig at maiwasan ang pagbaha sa lugar, lalo na sa patuloy na nararanasang pag-ulan dulot ng masamang panahon.

Kasabay nito, nanawagan ang lokal na pamahalaan sa mga residente at negosyante na panatilihing malinis ang paligid at iwasang magtapon ng basura sa mga kanal upang hindi maantala ang ginagawang clearing at drainage maintenance.

05/10/2025

PANOORIN: RUMARAGASANG TUBIG-BAHA

Rumaragasang tubig-baha ang nararanasan sa diversion road sa Barangay Malinis, Lemery, Batangas ngayong Oktubre 3 dahil sa walang-humpay na pag-ulan na dala ng Typhoon

Dahil dito, isinara muna ang daan para sa mga motorista at pansamantalang sinuspinde ang pasok sa lugar para sa kaligtasan ng lahat.

TINGNAN: Tumugon ang Philippine Coast Guard sa panawagan ng tulong matapos bahain ang ilang bahagi ng Lemery, Batangas d...
05/10/2025

TINGNAN: Tumugon ang Philippine Coast Guard sa panawagan ng tulong matapos bahain ang ilang bahagi ng Lemery, Batangas dahil sa Bagyong Paolo.

Kaagad na nagresponde ang Coast Guard Sub-Station Lemery katuwang ang MDRRMO, upang alalayan ang mga na-stranded na motorista sa Brgy. Palanas kung saan umabot hanggang tuhod ang tubig.

Kasabay nito, nagsagawa rin sila ng clearing operations at pagsipsip ng tubig sa mga kanal, habang nagpadala ng dagdag na rescue team ang Coast Guard Station Batangas bilang suporta.

INILIKAS NA ANG MGA RESIDENTEInilikas na mga awtoridad ang mga residente sa Poblacion area sa Lemery, Batangas na lubog ...
05/10/2025

INILIKAS NA ANG MGA RESIDENTE

Inilikas na mga awtoridad ang mga residente sa Poblacion area sa Lemery, Batangas na lubog sa baha dahil sa walang humpay na pag-ulan dulot ni Typhoon Paolo ngayong Biyernes, Oct. 03.

Ayon sa LGU ng Lemery, nakaantabay din sa kahabaan ng Palanas ang kanilang truck para tumulong sa pagtawid ng mga stranded na kababayan.

RUMARAGASANG BAHA SA DIVERSION ROADTINGNAN: Kasalukuyang 'not passable' sa lahat ng uri ng sasakyan ang bahagi ng kalsad...
04/10/2025

RUMARAGASANG BAHA SA DIVERSION ROAD

TINGNAN: Kasalukuyang 'not passable' sa lahat ng uri ng sasakyan ang bahagi ng kalsada sa Diversion Road, Brgy. Malinis, Lemery, Batangas dahil matinding pagbaha ngayong Biyernes, Oktubre 3.

"Sobrang laki ho ng baha dine sa Diversion Road Malinis Lemery, Batangas🙏🥺," ayon sa uploader.

Address

Illustre Avenue
Lemery
4209

Website

Alerts

Be the first to know and let us send you an email when Lemery News Express posts news and promotions. Your email address will not be used for any other purpose, and you can unsubscribe at any time.

Shortcuts

Share

Category