12/03/2026
UPDATE SA NATIONAL ID CARAVAN
Ipinapaalam po sa lahat na ang naunang inanunsyong Tuesday schedule ng National ID Caravan ay hindi na po matutuloy.
Ayon sa PhilSys Batangas, nagkaroon ng scheduling adjustment mula sa kanilang head office, kaya ibinalik muna sa dating schedule ang caravan sa Lian.
Sa ngayon, ang National ID Caravan sa Lian ay tuwing LUNES lamang hanggang katapusan ng Marso, tulad ng orihinal na schedule na ipinatutupad simula pa noong Pebrero.
Ang Pamahalaang Bayan ng Lian ay patuloy lamang na nakikipag-ugnayan sa PhilSys upang maihatid ang serbisyong ito sa ating mga kababayan, at agad naming ibinabahagi sa inyo ang anumang update na kanilang ipinapaabot sa amin.
Maraming salamat po sa inyong pag-unawa.
_________________________
Original post:
GOOD NEWS, LIANEÑOS!
Mas marami na ang pagkakataon para makapagpagawa o magpaayos ng inyong National ID.
-----------------
Muli po naming pinapaalala na ang serbisyong ibinibigay sa National ID Caravan sa RHU ay ang mga sumusunod lamang:
• Registration ng mga bagong aplikante
• Pagbibigay ng National ID sa paper form
❗ Hindi po kasama sa caravan ang updating ng impormasyon.
Kung kailangan mag-update ng detalye sa inyong National ID, maaari po itong gawin sa PhilSys centers sa Batangas City o Lipa City.
❗ Hindi rin po sakop ng caravan ang follow-up ng mga National ID na matagal nang na-apply ngunit hindi pa naidedeliver.
Para sa ganitong concern, maaari po kayong tumawag sa PhilSys Hotline: 1388 upang makapag-follow up o magtanong tungkol sa status ng inyong National ID.
----------------
Simula next week hanggang matapos ang buwan ng Marso, hindi na lamang tuwing Lunes gaganapin ang National ID Caravan sa RHU. Ito ay tuwing Lunes at Martes na upang mas marami pang mamamayan ang makapagparehistro.
Kailan: Tuwing Lunes at Martes ngayong buwan ng Marso
Oras: 9:00 AM - 4:00 PM
Saan: RHU Lobby (Health Center)
Mga Kailangang Dalhin:
Primary Document (kahit isa lamang):
• Valid Philippine Passport o e-Passport
• Valid UMID Card (SSS o GSIS)
• Valid Driver’s License (Student Permit, Non-Professional, o Professional)
• PSA-issued Certificate of Live Birth at isa pang government ID na may buong pangalan, litrato, at pirma o thumbmark
• Voter’s ID
Kung walang Primary Document, maaaring magdala ng Secondary Document tulad ng:
• PSA Report of Birth
• Certificate of Live Birth mula sa Local Civil Registry
• Certificate of Foundling
• Iba pang valid ID tulad ng Senior Citizen ID, PWD ID, Solo Parent ID, 4Ps ID, Employee ID, School ID, o Barangay ID
(Dapat may litrato, buong pangalan, petsa ng kapanganakan, pirma o thumbmark, at address.)
Paalala:
Maaaring magsama ng tutulong kung ikaw ay senior citizen, menor de edad, buntis, o may kapansanan.
Huwag na itong palampasin. Ayusin o magpagawa na ng inyong National ID habang may caravan sa ating bayan!
