The Mediatrix BPS

15/09/2025

Ipinagdiwang ng Bicutan Parochial School ang Buwan ng Wikang Pambansa 2025 noong ika-11 ng Setyembre 2025 sa TCU-Auditorium.

Nagbukas ang programa sa pambungad na pananalita ni Gng. Jenilou Casareno, na sinundan ng pagtatanghal na sayaw ng piling mag-aaral ng BPS, mga g**o, at empleyado. Sinimulan na rin ang enggrandeng pagpapakilala sa mga kandidato ng Lakan at Lakambini. Kitang-kita ang kanilang pagmamahal sa ating sariling wika at kultura. Sinundan naman ito ng pagpapakita ng mga estudyante ng kanilang mga makukulay na kasuotan na sumasalamin sa iba't ibang kultura sa Pilipinas. Ang Senior High Students ay hindi rin nagpahuli at nagbigay-buhay sa pamamagitan ng sabayang pagbigkas na talaga namang nagpamangha sa mga manonood. Matapos ang mga pagtatanghal, syempre hindi mawawala ang kasiyahan sa raffle at ang paggawad ng parangal sa sabayang pagbigkas at sa mga nagwaging Lakan at Lakambini. Isang araw na puno ng wika, pagmamahal, at kasiyahan.

11/09/2025

BUWAN NG WIKANG PAMBANSA 2025

08/09/2025

Today, we celebrate the Nativity of the 𝗕𝗹𝗲𝘀𝘀𝗲𝗱 𝗩𝗶𝗿𝗴𝗶𝗻 𝗠𝗮𝗿𝘆

Happy Birthday, dearest Mother Mary 💙
May your life of faith, humility, and obedience inspire us to grow closer to Christ each day.

🎨: 𝐊𝐮𝐫𝐬𝐭𝐞𝐧 𝐂𝐡𝐞𝐥𝐬𝐞𝐚 𝐋𝐞𝐛𝐢𝐢

05/09/2025

𝗜𝗦𝗣𝗢𝗥𝗧𝗦 | 𝗣𝗨𝗦𝗢, 𝗟𝗔𝗞𝗔𝗦, 𝗗𝗔𝗡𝗚𝗔𝗟

𝐏𝐚𝐠𝐤𝐚𝐤𝐚𝐩𝐚𝐭𝐢𝐝 𝐬𝐚 𝐥𝐚𝐛𝐚𝐧, 𝐫𝐞𝐬𝐩𝐞𝐭𝐨 𝐬𝐚 𝐠𝐢𝐭𝐧𝐚 𝐧𝐠 𝐢𝐧𝐢𝐭 𝐧𝐠 𝐩𝐚𝐥𝐚𝐫𝐨. 🤝🔥

Sa pagbubukas ng 𝑨𝑷𝑺𝑨 𝑻𝑨𝑷𝑨𝑻 𝑺𝒑𝒐𝒓𝒕𝒔 2025, tumindig ang dalawang magkapatid na paaralan—BPS Ravens at SNCS El Cabo Bearers—sa isang mainit na sagupaan sa volleyball court. Isang laban na hindi lang lakas ang sukatan, kundi puso at respeto.

Bagamat bigong masungkit ng BPS Ravens ang sulo ng tagumpay, ipinaglaban nila ito hanggang sa huli. Sa iskor na 25–16 at 25–21 pabor sa SNCS, nanaig ang galing ng kapatid, ngunit hindi kailanman nawala ang dangal ng mga Raven.

Sa bawat palo, sa bawat sigaw, at sa bawat pagbagsak ng bola—isang paalala: Sa APSA, hindi lang laban ang dala, kundi pagkakapatiran na hindi matitinag.

✒️: 𝐉𝐞𝐟𝐚𝐧𝐢𝐞 𝐉𝐨𝐲 𝐏𝐞𝐝𝐫𝐨
📷: 𝐂𝐥𝐲𝐝𝐞 𝐀𝐝𝐫𝐢𝐚𝐧 𝐎𝐥𝐚𝐳𝐨 and 𝐌𝐚𝐱𝐢𝐧𝐞 𝐏𝐚𝐦𝐩𝐥𝐨𝐧𝐚

05/09/2025

𝗜𝗦𝗣𝗢𝗥𝗧𝗦 | 𝗕𝗔𝗚𝗦𝗜𝗞 𝗦𝗔 𝗨𝗡𝗔𝗡𝗚 𝗦𝗔𝗟𝗩𝗢

𝐍𝐚𝐢𝐠𝐮𝐩𝐨, 𝐧𝐚𝐩𝐚𝐛𝐚𝐠𝐬𝐚𝐤, 𝐚𝐭 𝐡𝐢𝐧𝐝𝐢 𝐧𝐚 𝐧𝐚𝐤𝐚𝐛𝐚𝐧𝐠𝐨𝐧 𝐬𝐚 𝐥𝐚𝐛𝐚𝐧! 🦅🔥

Walang takas ang Noah’s Academy sa bagsik ng BPS Ravens sa pagbubukas ng APSA TAPAT Sports 2025! Sa larong Basketball 3x3, winalis ng Ravens—na kinabibilangan nina Ponce De Leon, Oida, Bilaro, at Molano—ang kanilang kalaban sa matinding iskor na 16–2.

Mula sa unang minuto hanggang sa huling puntos, kitang-kita ang dominasyon ng BPS. Hindi lang sila lumaban—nanindak sila, umatake, at tuluyang pinabagsak ang depensa ng Noah’s Academy.

Isang mapag-asang simula para sa Ravens—at mukhang marami pang babagsak sa kanilang paglipad.

✒️: 𝐉𝐞𝐟𝐚𝐧𝐢𝐞 𝐉𝐨𝐲 𝐏𝐞𝐝𝐫𝐨
📷: 𝐂𝐥𝐲𝐝𝐞 𝐀𝐝𝐫𝐢𝐚𝐧 𝐎𝐥𝐚𝐳𝐨 and 𝐌𝐚𝐱𝐢𝐧𝐞 𝐏𝐚𝐦𝐩𝐥𝐨𝐧𝐚

05/09/2025

𝐒𝐎𝐀𝐑 𝐇𝐈𝐆𝐇 𝐋𝐈𝐊𝐄 𝐑𝐀𝐕𝐄𝐍𝐒! 🦅💙🤍

With unwavering pride and unshakable spirit, Bicutan Parochial School takes flight once again as our student-athletes march into the grand opening of the 𝑨𝑷𝑺𝑨-𝑻𝑨𝑷𝑨𝑻 𝑺𝒑𝒐𝒓𝒕𝒔 2025, held at Marikina Sports Complex.

Representing the school with courage, discipline, and determination, our athletes stood tall among other participating schools, ready to showcase their talents and embrace the values of sportsmanship and camaraderie.

As the drums rolled and banners waved, the Ravens soared—not just in strength and skill, but in heart and unity. This marks another milestone in our journey, proving that true champions are not just made on the court or the field, but in the way they carry their school’s name with honor and pride.

Let’s continue to cheer on our BPS athletes as they give their best in every game, every match, and every challenge ahead.
Together, we rise. Together, we soar. 🦅🏅

✒️: 𝐉𝐞𝐟𝐚𝐧𝐢𝐞 𝐉𝐨𝐲 𝐏𝐞𝐝𝐫𝐨
📷: 𝐂𝐥𝐲𝐝𝐞 𝐀𝐝𝐫𝐢𝐚𝐧 𝐎𝐥𝐚𝐳𝐨 and 𝐌𝐚𝐱𝐢𝐧𝐞 𝐏𝐚𝐦𝐩𝐥𝐨𝐧𝐚

04/09/2025

01/09/2025

Sa pagtatapos ng 𝓑𝓾𝔀𝓪𝓷 𝓷𝓰 𝓦𝓲𝓴𝓪, nawa’y hindi matapos ang ating pagpapahalaga at paggamit ng sariling wika. Patuloy natin itong isabuhay, sapagkat ito ang ating pagkakakilanlan at tulay tungo sa mas malalim na pagkakaunawaan at pagkakaisa bilang mga Pilipino.

𝗢𝗣𝗜𝗡𝗬𝗢𝗡 | 𝗜𝗸𝗮𝘄 𝗮𝗻𝗴 𝗪𝗶𝗸𝗮, 𝗜𝗸𝗮𝘄 𝗮𝗻𝗴 𝗗𝗶𝘄𝗮

Sa bawat salitang binibigkas, sa bawat pangungusap na iniuukit ng ating dila—naroroon ang ating diwa. Sa wika, nasasalamin ang ating puso. Sa wika, nabubuhay ang ating kaluluwa. Ngunit sa gitna ng mabilis na pag-ikot ng mundo, sa pagitan ng banyagang impluwensiya at makabagong teknolohiya, minsan ay nakakalimutan nating tanungin ang ating sarili: Kumusta na ang ating wika?

Tila ba nagiging banyaga na tayo sa sarili nating tahanan. Dumarami ang mga kabataang mas bihasa sa ibang wika kaysa sa sariling atin. Umaagos ang mga salitang dayuhan sa kanilang bibig, at ang Filipino ay naiisantabi, tila isa na lamang opsyonal na anyo ng pag-uusap. Ngunit paanong mangyayari ito kung ang wika ay hindi lamang basta salita, kundi pagkakakilanlan?

Ang wikang Filipino ay hindi likha ng iisang tao o panahon—ito’y bunga ng dugo, pawis, at pakikibaka ng ating mga ninuno. Isa itong pamana, isang kayamanang hinubog ng kasaysayan at pinanday ng kultura. At ngayon, ito’y ipinagkakaloob sa atin. Ngunit hindi para lang gamitin—kundi para ingatan, pagyamanin, at isabuhay.

Ikaw ang wika. Sa bawat salitang pinipili mong bigkasin, ikaw ay nagiging tagapag-alaga nito. Sa tuwing ginagamit mo ang Filipino upang magpahayag ng damdamin, ikaw ay nagbubukas ng puso—hindi lamang sa sarili mo, kundi sa iba. Sa tuwing pinipili mong magsalita, magsulat, at mag-isip sa ating wika, ikaw ay bahagi ng panibagong kabanata ng ating kultura. Hindi ito maliit na bagay. Sapagkat sa bawat “kumusta,” “salamat,” o “mahal kita,” may dalang saysay—may buhay.

Hindi natin kailangang maging makata para magmahal ng wika. Sapat na ang tapat na pagbigkas, ang wagas na paggamit, at ang pusong handang magtaguyod sa kung ano ang atin.

Sa dulo, 𝒂𝒏𝒈 𝒘𝒊𝒌𝒂 𝒂𝒚 𝒊𝒌𝒂𝒘. At kung ikaw ang wika, nawa’y maging daluyan ka rin ng 𝒑𝒂𝒈-𝒂𝒔𝒂, ng 𝒑𝒂𝒈𝒎𝒂𝒎𝒂𝒉𝒂𝒍, at ng 𝒑𝒂𝒈𝒌𝒂𝒌𝒂𝒊𝒔𝒂. Sapagkat sa bawat salitang may damdamin, muling nabubuhay ang bayan.

✒: 𝐉𝐞𝐟𝐚𝐧𝐢𝐞 𝐉𝐨𝐲 𝐏𝐞𝐝𝐫𝐨
🎨: 𝐀𝐳𝐡𝐥𝐞𝐚 𝐑𝐨𝐬𝐚𝐥𝐚𝐝𝐚

31/08/2025

Sa ika-4 na pagdiriwang ng National Press Freedom Day, Agosto 30 bilang Pambansang Araw ng Malayang Pamamahayag. muli nating pinapaalalahanan ang lahat: ang malayang pamamahayag ay hindi kailanman kayang patahimikin ng takot, impluwensya, o panlilinlang. Habang may mga kwentong isinasalaysay, mananatiling matatag at malaya ang pamamahayag.

✒: 𝐉𝐞𝐟𝐫𝐞𝐢 𝐊𝐨𝐛𝐞 𝐂𝐚𝐭𝐮𝐜𝐨𝐝
🎨: 𝐂𝐥𝐚𝐫𝐡𝐢𝐜𝐞 𝐀𝐧𝐢 𝐌𝐞𝐧𝐝𝐨𝐳𝐚

31/08/2025

𝗢𝗣𝗜𝗡𝗬𝗢𝗡 | 𝗬𝗔𝗠𝗔𝗡 𝗔𝗧 𝗣𝗔𝗚𝗞𝗔𝗞𝗔𝗞𝗜𝗟𝗔𝗡𝗟𝗔𝗡

Wikang Filipino: Yaman at Pagkakakilanlan

Ang wika ay hindi lamang kasangkapan para sa komunikasyon; ito rin ay bahagi ng ating identidad bilang isang Pilipino. Ang tinig ng ating mga ninuno ang siyang nagsilbing semento para sa matibay na pundasyon ng ating kultura. Nakalulungkot isipin na sa kasalukuyan, tila ating nalilimutan ang sariling wika at mas binibigyang-halaga ang impluwensiya ng kulturang banyaga.

Ang wikang 𝗙𝗶𝗹𝗶𝗽𝗶𝗻𝗼 ay binubuo ng kultura at mayamang kasaysayan ng Pilipinas. Sa pamamagitan nito, naipasa ng ating mga ninuno ang iba't ibang kuwento at alamat ng ating nakaraan. Ang mga ito ay naglalaman ng tradisyon at sining na humubog sa ating pagkakakilanlan. Sa ngayon, ang mga kuwentong ito rin ay patuloy na nagbibigay inspirasyon at naging daan upang mapalalim ang ating pagkaunawa sa kasaysayan ng Pilipinas.

Bukod pa rito, sa paggamit ng wikang ipinamana sa atin, maipapakita natin ang ating pagkakaisa sa kabila ng pagkakaiba. Sa paggamit ng wikang Filipino, hindi lamang tayo nagsasalita, tayo rin ay nagpapahayag ng ating kasaysayan dahil bawat bigkas ng salita ay bakas ng ating pinagmulan. Bilang Pilipino, tungkulin natin na ito ay pangalagaan at pagyamanin.

Mabuti na pag-aralan ang ibang wika tulad ng ingles ngunit hindi dapat natin talikuran o ikahiya ang ating sariling wika sapagkat ang pagiging intelihente ay hindi nasusukat kung gaano kalawak ang bokabularyo sa ingles. Ang pagkahiya sa sariling wika ay pagsasawalang bahala sa ating mayamang kultura at kasaysayan. Ito ay pagkalimot sa pinagdaanan ng ating mga bayani at kapwa Pilipino.

Sa kabuuan, ating ipagmalaki ang wika ng ating mga ninuno dahil ito ay sumasalamin sa ating pagka-Pilipino. Ito ang nag-uugnay sa bawat isa at ito ang nagtala sa ating kasaysayan. Atin itong pagyamanin at ipasa sa susunod na henerasyon dahil tayo ay 𝗣𝗶𝗹𝗶𝗽𝗶𝗻𝗼 at hindi dayuhan sa sariling bayan..

✒: 𝐊𝐫𝐢𝐬𝐭𝐢𝐧𝐞 𝐍𝐢𝐜𝐡𝐨𝐥𝐞 𝐏𝐚𝐜𝐮𝐥𝐛𝐚
🎨: 𝐒𝐡𝐚𝐰𝐧 𝐏𝐢𝐨𝐪𝐮𝐢𝐧𝐭𝐨

29/08/2025

📖 Ang wika ang sining ng pagkakaisa, pero alam n’yo ba kung sino ang unang naglatag ng tulay para dito?
Siya ay si 𝑴𝒂𝒏𝒖𝒆𝒍 𝑳𝒖𝒊𝒔 𝑸𝒖𝒆𝒛𝒐𝒏 𝒐 𝑴.𝑳.𝑸.— kilala bilang “𝗔𝗺𝗮 𝗻𝗴 𝗪𝗶𝗸𝗮𝗻𝗴 𝗣𝗮𝗺𝗯𝗮𝗻𝘀𝗮” at iginagalang din bilang “Ama ng Republika ng Pilipinas”.

Bilang unang Pangulo ng Commonwealth ng Pilipinas, hindi lang siya basta naging lider. Siya ang nagbigay sa atin ng isang napakahalagang pamana — ang Wikang Filipino. Sa kanyang pamumuno, ipinagtibay ang wikang nakabatay sa Tagalog bilang opisyal na pambansang wika.

Dahil dito, nagkaroon tayo ng iisang wikang nag-uugnay sa lahat ng Pilipino mula Luzon, Visayas, hanggang Mindanao. Para kay Manuel Quezon, ang wika ay hindi lamang salita kundi susi ng pagkakaintindihan at pagkakaisa ng bawat isa.

Kaya naman hanggang ngayon, kinikilala natin si Manuel L. Quezon bilang Ama ng Wikang Pambansa, isang pinunong nagbigay-daan para tayo’y magkaisa sa pamamagitan ng ating wika.

Ngayong Buwan ng Wika, nawa’y magsilbi siyang inspirasyon upang lalo nating mahalin, pahalagahan, at ipagmalaki ang ating sariling wika — ang Wikang Filipino!✨

✒️ 𝖱𝗂𝖼𝗁𝖾𝗅𝗅𝖾 𝖱𝖺𝗒𝗆𝗎𝗇𝖽𝗈
🎨 𝖠𝗅𝗅𝗂𝖺 𝖡𝗈𝗅𝖺𝗇𝗂𝗈

26/08/2025

Ang balarila ay tumutukoy sa mga tuntunin ng wika. Ito ang nagsisilbing gabay sa tamang pagbabaybay, sa wastong pagkakabuo ng salita, at sa maayos na pagkakasunod-sunod ng mga pangungusap.

Ngunit kilala niyo ba kung sino ang 𝐀𝐦𝐚 𝐧𝐠 𝐁𝐚𝐥𝐚𝐫𝐢𝐥𝐚 𝐧𝐠 𝐖𝐢𝐤𝐚𝐧𝐠 𝐅𝐢𝐥𝐢𝐩𝐢𝐧𝐨?🤔

Walang iba kung hindi si 𝐋𝐨𝐩𝐞 𝐊. 𝐒𝐚𝐧𝐭𝐨𝐬.

Hindi isang pangkaraniwang tao, ❌
hindi rin isang siyentipiko, 🙅‍♀️
kung hindi isang dakilang tagapagtaguyod ng ating wika at kinikilalang Ama ng Balarilang Filipino. ✅

Si Mang Openg o mas kilala sa tawag na Lope K. Santos—ay isang manunulat, makata, nobelista, lingguwista, at naging Senador din ng Pilipinas. Bago pa man siya makilala bilang Ama ng Balarila, una muna siyang naging mamamahayag — itinatag niya ang sariling pahayagang "Ang Kaliwanagan" at naging editor ng "Muling Pagsilang", kung saan inilathala ang kaniyang tanyag na nobelang "𝑩𝒂𝒏𝒂𝒂𝒈 𝒂𝒕 𝑺𝒊𝒌𝒂𝒕".

Alam niyo rin ba na ang kanyang buong pangalan ay Lope Canseco Santos? Ngunit dahil sa kanyang matinding pagmamahal at pagpapahalaga sa sariling wika, pinalitan niya ang letrang C sa Canseco at ginawang K — bilang simbolo ng kanyang pagsusulong sa paggamit ng titik na angkop sa wikang Filipino.

Kaya BPSians, ngayong buwan ng Wikang Pambansa ay magsilbi sana itong inspirasyon upang mahalin at pahalagahan din natin ang ating sariling wika! 🇵🇭

🎨 𝘒𝘺𝘭𝘦 𝘔𝘪𝘤𝘩𝘢𝘦𝘭 𝘖𝘪𝘥𝘢
✒️ 𝘔𝘢𝘳𝘪𝘢𝘯 𝘑𝘩𝘰𝘺 𝘑𝘶𝘭𝘪𝘢𝘯