14/09/2026
Sa SUNUAN, hindi lang tayo magsusulat.
Magtatanong tayo. Makikinig. Magdududa.
Maghahanap ng kuwento sa pagitan ng mga bagay na madalas hindi napapansin.
At para simulan ang palihang ito, isang tinig ang magsisilbing paanyaya at gabay upang tumingin tayo nang mas malalim sa panitikan at sa mundong ating sinusulat.
✨ Kilalanin ang ating Keynote Speaker! ✨
Tubong Aritao, Nueva Vizcaya, hindi na mabilang ang nakamit na karangalan at kinikilalang iskolar, manunulat, at edukador sa larangan ng Agham Panlipunan at Panitikan ng Pilipinas. Nagawaran ng tatlong Honoris Causa sa larangan ng literatura, kasaysayan, at sining mula Theophany University sa Haiti. Nagtapos siya ng batsilyer sa Politeknikong Unibersidad ng Pilipinas at masterado sa Unibersidad ng Pilipinas Diliman, kung saan ginawaran ng Pinakamahusay na Tesis (Antas Gradwado) para sa Gawad Antonio M. Abad ang MA tesis. Kasalukuyang Direktor ng mga sumusunod na opisina sa Manuel V. Gallego Foundation Colleges: Office of the Community Extension and Outreach Program, Manuel V. Gallego Center for Heritage Studies, at Internationalization Committee. Part-time na propesor din sa Paaralang Gradwado at College of Arts ang Science ng Wesleyan University-Philippines. May-akda siya ng 26 aklat na sumasaklaw sa tula, maikling kuwento, dagli, at nobela, na nailathala sa mga prestihiyosong institusyon tulad ng University of the Philippines Press, National Commission for Culture and the Arts, at Cultural Center of the Philippines. Aktibong kasapi ng LIRA, PEN International, Unyon ng mga Manunulat ng Pilipinas (UMPIL), Pambansang Samahan sa Linggwistika at Literaturang Filipino, at National Research Council of the Philippines (NRCP). Kasalukuyang miyembro ng Executive Committee ng National Committee on Language and Translation ng NCCA para sa taong 2026-2028. Sa ngayon ay tinatapos niya ang kanyang disertasyon sa UP-Diliman na nakatuon sa creative historiography (sa anyo ng modernong epiko) ng tribung Isinai sa Nueva Vizcaya mula 1591 hanggang 2025.
—————————————————————————————————
Abangan ang kanyang mensahe para sa mga batang manunulat ng SUNUAN: Palihan para sa mga Mag-aaral ng Senior High School—isang espasyo kung saan ang mga kuwento ay hindi lamang isinusulat, kundi hinahayaang huminga, magtanong, at maging bahagi ng mas malaking salaysay.
Sama-sama nating isiwalat ang kuwento at karanasan sang-ayon sa kultura at pamana ng Kalilayan.
